اقتباس:
المشاركة الأصلية كتبت بواسطة ماجد تاج
ـ
صباح الخير يا ماريل
طيب لازم إبداء أسباب ، واللا ممكن الزول يطلقوا على عواهنه ؟
أنا بسأل عن الاجراء المتبع هنا تحديداً
طلتك تسعد بالمناسبة
ـ |
صباح الخيرات يا سيدى وشكرا لروحك الطيبة
مافى شئ فى لائحة سودانيات بتكلم عن النقطة
الانت اثرتها ببقى العمل بكون حسب المتعارف
عليه عادتا فى العمل العام لانه سودانيات ما ح
تبتكر خط يخصها فى ممارسة العمل العام وكده
العملية الانتخابية بتمشى زى اى عملية انتخابية
حرة وديمقراطية فى اى مكان تانى عليه:
مفترض حسب كلامى الفوق ده مافى داعى لذكر
سبب الطعن الا اذا احتدم صراع حاد جدا بين
اعضاء الجمعية العمومية حول الطعن فى العضو
وهنا بلزمك اثبات ما طرحته بشأن العضو المطعون
فيه والا كلفت نفسك مسائلة قد تصل القانون..
اذن يا سيدى مافى نص لائحى بلزمك بشئ محدد
بقدر ما بلزمك الجو المصاحب للعملية الانتخابية
اذكر مرة تعرضت للموقف ده حيث تم الطعن فى شخص
محدد وانا كنت مصرة على ترشيحه مرات ومرات وانقسمت
الجمعية مناصفة بين الرايين فى الاخر جاء الرئيس الاسبق
للجسم وأثبت لى انو الشخص الانا مصرة عليهو لا يلائم
المنصب المرشح لاجله عندها سحبت ترشيحى ليهو
واسقط من القائمة وذلك دون تناول الاسباب بشكل عام
حتى تحميه من التجريح .......
