قرار بالتوقف عن المشاركة..

[فتحي مسعد حنفي]

انا فتحي مسعد حنفي قررت عدم المشاركة في أي منتدي وأكتفي بالفيس بوك حتي سقوط الاخوان وتنظيف مصر منهم ومن أتباعهم والله علي ما اقول شهيد ...

[صديق عيدروس]

المشاركة الأصلية كتبت بواسطة فتحي مسعد حنفي

انا فتحي مسعد حنفي قررت عدم المشاركة في أي منتدي وأكتفي بالفيس بوك حتي سقوط الاخوان وتنظيف مصر منهم ومن أتباعهم والله علي ما اقول شهيد ...

تحياتنا لاخونا مسعد
(قررت ) .... القرارات ممكن الواحد يرجع منها بدون كفارة ، ادا لم تنعقد كيمين او نزر ... دي فتوى مني انا

فاحسن تواصل قبل مانعمل استفتاء لاعضاء المنتدى ونلزمك بالمواصلة لان الاخوان حايستمروا في السلطة لنصف قرن بادن الله ، ليس في مصر وحدها وانما في مصر والسودان وكل دول الربيع العربي ، والسبب معروف طبعا

[البديري]

المشاركة الأصلية كتبت بواسطة فتحي مسعد حنفي

انا فتحي مسعد حنفي قررت عدم المشاركة في أي منتدي وأكتفي بالفيس بوك حتي سقوط الاخوان وتنظيف مصر منهم ومن أتباعهم والله علي ما اقول شهيد ...

قُبلة ساااخنة كلهيتر، فى جبين الدكتور/ محمد مرسى .. حفظة الله ورعاه













حبيبنا فتحى سلامات،ان شاءالله بصحة وعافية يجدك، ياخ بالغتة علاقة الحكومة المصرية وبلاويها شنو بمشاركتك مع اخوانك فى المنتديات ،تشاركهم افراحهم واحزانهم.المنتديات مفروض طابعة يكون اجتماعى اكثر من سياسى ياحبيب،عليك الله " ثنك توايز" فى قرارك دا..وتعازى الحارة للمصرين فى الضحايا الجدد فى بورسعيد يرحمهم الله ويحسن اليهم.

[معتصم الطاهر]

ياخ أحلق صلعة زى اخوك شوقى و قاطع ..

أو أحلق أى حاقة ..بأه ..

بعدين صحى انت صوت لمنو ؟

[أميرى]

الوادي أظلم بيك إندريا
درب الحنين جار بيك إندريا
هييييي
يا تركة الصلاح إندريا
الزاوية من صباح إندريا
لو الكلام ده صاح إندريا
اللرقد اللرتاح إندريا
...
دي غنية سمعتها أمس ف الراديو بغنوها بنات مدرسه من مدارس جنوب كردفان ومعلقه معاي من أمس
قلت أكتبها هنا طالما ده بوست سبيل و سيدو ما راجع ليو تاني^-^

...
بس الكلام ده صاح إندريا؟

[أميرى]

أقصد بوست مطلوق ساي^-^

[أميرى]

بالنسبه للإخوان فأسقطوهم بالصندوق إن إستطعتم ولا إكفروا بالديمقراطية سبيلا للحكم وإلجأوا للعسكر
فالمارشات العسكرية تنتظر

[جيجي]

المشاركة الأصلية كتبت بواسطة أميرى

أقصد بوست مطلوق ساي^-^

حلاوة القرطاس
يالفي الخشيم تتماص
[flash=http://www.youtube.com/embed/pG0sonnQSX4?feature=player_detailpage]WIDTH=350 HEIGHT=400[/flash]

الرسول فيك انت كنت وين يا اميري

[أمين محمد سليمان]

بالله ده كلام ده يا عمك ؟!

[أمير الأمين]

اها سر استثناء الفيسى بوكى شنو ؟

[ام التيمان]

ادى القرارات و لا بلاش

التحية مسعد

[طارق صديق كانديك]

المشاركة الأصلية كتبت بواسطة أميرى

بالنسبه للإخوان فأسقطوهم بالصندوق إن إستطعتم ولا إكفروا بالديمقراطية سبيلا للحكم وإلجأوا للعسكر
فالمارشات العسكرية تنتظر

ده نوع الكلام زاااتو البرفع ضغطوا وبزعلوا مننا


ياخ عوداً حبيباً يا أميري

[طارق صديق كانديك]

يا أستاذنا مساء الخير

المنتديات دي برضو فيها نضال زي الفيس بوك وواحد، فما تخليها لأنصار مرسي.

[يحي عثمان عيسي]

فتحي اتهزم يا رجاااااااله

[أميرى]

المشاركة الأصلية كتبت بواسطة جيجي

حلاوة القرطاس
يالفي الخشيم تتماص
[flash=http://www.youtube.com/embed/pG0sonnQSX4?feature=player_detailpage]WIDTH=350 HEIGHT=400[/flash]

الرسول فيك انت كنت وين يا اميري

كنت في كوبر يا جيحي
‏(كوبر دي مفتوحه علي كل الإتجاهات بالمناسبه)
...
إزيك يا حلاوة قطن