الجنيه الكلب .. إبن الكلب

عمر عبدالكريم · 28-01-2013, 10:18 AM

عندك لمّاع ياحبيبنا
آي في .. اللماع بي كلبين يامعلم
أدركت مباشرةً أن الكلبين هنا تعني (جنيهين) .. فالكلمة سبق لها وأن طقشت أضاني كتير جداً ... ويبدو أن الشاب تعارك مسبقاً مع عدد مقدر من الزبائن لأن سعر اللماع يختلف عن سعر الورنيش العادي لإرتفاع ثمن علبته .. ماعلينا .. المهم وأثناء ماكان الشاب يلمع لي الجزمة ولامؤاخذه وجدت نفسي قد سرحت في السبب الذي دعى فئة كبيرة من المجتمع تلقّب الجنيه بال(كلب) .. وطفقت أبحث عن وجه الشبه .. إبتداءً فكرت بالوفاء .. فوجدت الجنيه وفياً بالفعل .. أي يفعل لصاحبه مايتمناه (وفق إمكانياته) .. فلو أراد به علكة لإشتراها له .. وإن أراد سجارة لفعل .. وإن أراد أن يرتقي له أحد الحافلات العامه لما توانى .. ثانياً الحقاره والوضاعة .. وهنا أيضاً وجدت الجنيه حقيراً ذليلاً بين كل عملات العالم .. وأذكر أنني ذات يوم بإحدى الطائرات أردت أبتياع شيء من السوق الحره وسألت المضيفه أن كان بالأمكان أن أنقدها الثمن بالجنيه السوداني .. فرفضت بأسلوب جميل وقالت أن بإمكاني الدفع بأي عملة أخرى غير الجنيه ، وأعتقد أنها طنطنت بما معناه (الجنيه ده تقرطسو وتختو وين كده ماعارف) .. ثالثاً التذلل لسيده وهنا أيضاً نجد الجنيه ذليلاً أمام سيده الدولار وبقية العملات المحترمة .. يركض خلفها مدلدلاً لسانه للحاق بها ولكن هيهات .. أثناء سرحاني باغتني عامل الورنيش قائلاً (خلاص يامعلم إنتهينا .. جيب الكلبين زي ما إتفقنا) .. نقدته الكلبين وقلت له : فعلاً كلبين وجربانين كمان فما أعطيته له كان ورقتي بنكنوت تكاد لاتميز ماطبع فوقهما .. (مسحوكات وروحهم مارقه) حتى يظن الرائي أنهما طبعتا على ورق تواليت ولامؤاخذه تاني .
اليوم أصبح الجنيه يصدر كعمله معدنيه مما يشير لإنحطاطه أكثر وأكثر .. ولاندري ، فربما غداً يصدر بنك السودان العشرة جنيهات كعملة معدنية أيضاً .. عندها أعتقد أن الشباب سيغيرون لقب الجنيه ليصبح فأراً ...
مجهودات ضخمة يقوم بها الأمن الإقتصادي هذه الأيام لمحاصرة تجار العملة وذلك بغرض إنزال سعر الدولار أمام الكلب ... لهؤلاء نقول .. ليس الأمر بيدكم .. الإنتاج ثم الإنتاج ثم الإنتاج .. ماتفرفرو ساي ...

واحة · 28-01-2013, 11:15 AM

الاخ / عمر

بالرغم انو كلامك دا حاصل ، رغم ذلك بتحفظ على اللفظ صعب والله

لكن عارف التذبذب في سعر الصرف ، دخل تجار السجون ، ومن واقع

العمل بضاعة اشترها تاجر بسعر .... بتعادل حينها 75000 جنيه

وكان الاعتماد مدته 6 اشهر لما جاء وقت السداد لم يستطيع توفير

المبلغ باليرو ولا بنكه ودخل التعثر عارف الان مديونيته

اصبحت كم 350 الف جنيه ،بجد احنا امام كارثة كبيرة ,

وفعلا الانتاج احد الحلول لكن انت تنتج كيف مع الضرائب

و... و... لازم حزمة قرارات ,

تسلم

واحة

قرقاش · 28-01-2013, 12:14 PM

عمر ...والله قطعت مصارينى من البكاء
اه.......... عزيز قوم ذل ...
وحات الله ورسول مكه ...بدلت الدولار بى ربع جنيه .. 25 قرش فى بنك النيلين الحاضر ده ...؟ ولا ياربى هو كمان باعوه
ووحات الله بى تلتاشر ريال سعودى
وبالمناسبه البنوك لاتقبل ولا تتعامل مع العمله الحديديه
يعنى جنيهك الحديد ده الاتسوى ليه جراب من التيل ...مذكر جراب بنك السودان ..
يبقى لاصدرنا زيت سمسم ولازيت فول ولا صدرنا لحمه ضانى ولا عجالى ولا حتى ماصدرنا لاجداده ضكر ولا جداده انتايه
ولاصدرنا ...ولاصدرنا جوافه الكدرو ولا برتقان الباوقه
ولا ولا عييييييييييييييك ماكثر الذى لم نصدره ويحتاجه العالم

عمر عبدالكريم · 28-01-2013, 12:21 PM

اقتباس:

اقتباس:
المشاركة الأصلية كتبت بواسطة واحة

الاخ / عمر

بالرغم انو كلامك دا حاصل ، رغم ذلك بتحفظ على اللفظ صعب والله

لكن عارف التذبذب في سعر الصرف ، دخل تجار السجون ، ومن واقع

العمل بضاعة اشترها تاجر بسعر .... بتعادل حينها 75000 جنيه

وكان الاعتماد مدته 6 اشهر لما جاء وقت السداد لم يستطيع توفير

المبلغ باليرو ولا بنكه ودخل التعثر عارف الان مديونيته

اصبحت كم 350 الف جنيه ،بجد احنا امام كارثة كبيرة ,

وفعلا الانتاج احد الحلول لكن انت تنتج كيف مع الضرائب

و... و... لازم حزمة قرارات ,

تسلم

واحة

تحياتي ياواحه
من يفتتح مشروعاً في السودان في زمنا ده كمن يلعب القمار في كازينوهات امريكا
نسبة الربح يخيل لي 1 في المليار
الموضوع داير عصر شديد وقرارات حاسمه أهمها محاسبة الناس الكرشت جديد دي

عمر عبدالكريم · 28-01-2013, 12:23 PM

اقتباس:

اقتباس:
المشاركة الأصلية كتبت بواسطة قرقاش

عمر ...والله قطعت مصارينى من البكاء
اه.......... عزيز قوم ذل ...
وحات الله ورسول مكه ...بدلت الدولار بى ربع جنيه .. 25 قرش فى بنك النيلين الحاضر ده ...؟ ولا ياربى هو كمان باعوه
ووحات الله بى تلتاشر ريال سعودى
وبالمناسبه البنوك لاتقبل ولا تتعامل مع العمله الحديديه
يعنى جنيهك الحديد ده الاتسوى ليه جراب من التيل ...مذكر جراب بنك السودان ..
يبقى لاصدرنا زيت سمسم ولازيت فول ولا صدرنا لحمه ضانى ولا عجالى ولا حتى ماصدرنا لاجداده ضكر ولا جداده انتايه
ولاصدرنا ...ولاصدرنا جوافه الكدرو ولا برتقان الباوقه
ولا ولا عييييييييييييييك ماكثر الذى لم نصدره ويحتاجه العالم

الحبيب قرقاش
داك كان زمن جميل ياخي
نحنا حضرنا عقابو بس
المشكله أنو الناظر للمستقبل يراه شديد السواد
مافي بشريات خالص والله المستعان

عبدالحكيم · 28-01-2013, 01:18 PM

يبدو أن العلة في التسمية فالكلب لا قيمة له :ـ
( عن أبي هريرة أن رسول الله صلى الله عليه وسلم قال : " لا يحل ثمن الكلب ، ولا حلوان الكاهن ، ولا مهر البغي " . ) .

يحي عثمان عيسي · 28-01-2013, 01:51 PM

وأن كان ليك عند الكلب حاجه قولوا ياسيدي

تحياتي عمر موضوع في غايى من الجمال
لكن مرمي الله ما بترفع

عمر صديق · 28-01-2013, 06:42 PM

الاخ عمر موضوع جميل
انت عارف انو فئة الخمسين جنيه بطلق عليها بقرة
والعشرة جنية ورقة او زرقاء والخمسة جنية حمراء رغمى انو لونو بقى ازرق فاتح
والجنيه كلب
وممكن يعمل حاجات كتيرة
يجيب جريدة
وممكن تشترى بيهو فول من الدكان
وممكن يقعدك فى محل نت
وممكن يشربك كباية عصير
وممكن وممكن حاجات كتيرة
عشان كده يستحق عن جدارة لفظ كلب
ده من غير لهث وراء الدولار

عمر عبدالكريم · 28-01-2013, 09:51 PM

اخ عبد الحكم
أغلب الظن ان الامر هو ماذهبت اليه gap

منور والله

عمر عبدالكريم · 28-01-2013, 09:52 PM

تسلم يايحيى

الكلب كلب ولو ترك النباح

ربنا يصلح الحال ياصديق

عمر عبدالكريم · 28-01-2013, 09:54 PM

الحبيب عمر صديق
الجريده والعصير حسي مرقوا من الموضوع فكلاهما بجنيه ونص
ومحل النت كذلك
والله انا ود اخوي لمن ادي كلب بقى يرميو لي في وشي
بقول داير حمرا بس gap

فيصل سعد · 28-01-2013, 10:30 PM

اقتباس:

المشاركة الأصلية كتبت بواسطة عمر عبدالكريم

الحبيب عمر صديق
الجريده والعصير حسي مرقوا من الموضوع فكلاهما بجنيه ونص
ومحل النت كذلك
والله انا ود اخوي لمن ادي كلب بقى يرميو لي في وشي
بقول داير حمرا بس gap

سلام لعمر و ضيوفه جميعا
و تحيات زاكيات ..

غايتو نحن في زمنا كان اسمه اللحلوح
و بعداك الاهيف و اهلك ناس بيت المال
يطلقوا على النقود عموما اسم الاوولة و الواوين
واحدة تعطشها و واحدة تضمها و كدا

عمر عبدالكريم · 28-01-2013, 11:02 PM

الحبيب فيصل
الاووله دي خالتي بتقولها ربنا يديها العافيه
البعض بسمووهو (جرحرحه)
لكن أجمل وأصدق تسميه للقروش عموماً في السودان هي (الضحاكات)
بالجد الواحد لمن يستلم لي ربطه متينه كده تلقاهو بدون مايحس يقعد يتبسم ويتكشم التقول عريس يوم رقيص عروسو

لنا جعفر · 28-01-2013, 11:06 PM

مساك سعيد عمر....والف مرحب بيك
حبوبة قالت انه جدي كان بيصرف ماهية سبعة جنيه ونص
وكان مدير البوستة ...يعني ماهية مدير..
كان جدي شغال في حلفا وحبوبة لمن تجي الخرطوم لي اهلها
بتجي شايلة زي المغتربين...
بالسبعة جنيه دي زااااااتا
يبقى المشكلة ما مشكلة الجنيه بالمطلق...المشكلة مشكلة العباية
واللحية اللي لابسهم الجنيه ....يبقو العباية واللحية
لصوص وهم النهبو هيبة العملة الوطنية...
وفي أحسن الأحوال بنقدر نقول انهم ماعندهم (أي العباية واللحية)
مايضيفوهو لفقه الأقتصاد ودوراته المدورنها الكفار..
يبقى خليهم كمسليمن يثبتو قول القمني بسلوكهم
انه الاسلام سبب تأخر المسلمين...
لأنهم بيقولو انهم اسلمو الأقتصاد ودي شكلها فرية
المهم....
----------
ياخ نحن بنخجل لمن نمشي الصرافات عشان تحويل القروش للسودان
بالجد بحس بضيق وحرج عظيمين
عارف المشكلة وين؟؟؟
في صفات جميلة في الكلاب ....ح تضيع الكلاب ياراجل
سعيدين بيك واللهي ياعمر

همس الشوق · 29-01-2013, 06:45 AM

أي نوع من أنواع الكلاب
فالكلام مقامات ياخ
ما تضيع حق الكلب ساكت

28-01-2013, 10:18 AM	#[1]
عمر عبدالكريم :: كــاتب نشــط::	الجنيه الكلب .. إبن الكلب عندك لمّاع ياحبيبنا آي في .. اللماع بي كلبين يامعلم أدركت مباشرةً أن الكلبين هنا تعني (جنيهين) .. فالكلمة سبق لها وأن طقشت أضاني كتير جداً ... ويبدو أن الشاب تعارك مسبقاً مع عدد مقدر من الزبائن لأن سعر اللماع يختلف عن سعر الورنيش العادي لإرتفاع ثمن علبته .. ماعلينا .. المهم وأثناء ماكان الشاب يلمع لي الجزمة ولامؤاخذه وجدت نفسي قد سرحت في السبب الذي دعى فئة كبيرة من المجتمع تلقّب الجنيه بال(كلب) .. وطفقت أبحث عن وجه الشبه .. إبتداءً فكرت بالوفاء .. فوجدت الجنيه وفياً بالفعل .. أي يفعل لصاحبه مايتمناه (وفق إمكانياته) .. فلو أراد به علكة لإشتراها له .. وإن أراد سجارة لفعل .. وإن أراد أن يرتقي له أحد الحافلات العامه لما توانى .. ثانياً الحقاره والوضاعة .. وهنا أيضاً وجدت الجنيه حقيراً ذليلاً بين كل عملات العالم .. وأذكر أنني ذات يوم بإحدى الطائرات أردت أبتياع شيء من السوق الحره وسألت المضيفه أن كان بالأمكان أن أنقدها الثمن بالجنيه السوداني .. فرفضت بأسلوب جميل وقالت أن بإمكاني الدفع بأي عملة أخرى غير الجنيه ، وأعتقد أنها طنطنت بما معناه (الجنيه ده تقرطسو وتختو وين كده ماعارف) .. ثالثاً التذلل لسيده وهنا أيضاً نجد الجنيه ذليلاً أمام سيده الدولار وبقية العملات المحترمة .. يركض خلفها مدلدلاً لسانه للحاق بها ولكن هيهات .. أثناء سرحاني باغتني عامل الورنيش قائلاً (خلاص يامعلم إنتهينا .. جيب الكلبين زي ما إتفقنا) .. نقدته الكلبين وقلت له : فعلاً كلبين وجربانين كمان فما أعطيته له كان ورقتي بنكنوت تكاد لاتميز ماطبع فوقهما .. (مسحوكات وروحهم مارقه) حتى يظن الرائي أنهما طبعتا على ورق تواليت ولامؤاخذه تاني . اليوم أصبح الجنيه يصدر كعمله معدنيه مما يشير لإنحطاطه أكثر وأكثر .. ولاندري ، فربما غداً يصدر بنك السودان العشرة جنيهات كعملة معدنية أيضاً .. عندها أعتقد أن الشباب سيغيرون لقب الجنيه ليصبح فأراً ... مجهودات ضخمة يقوم بها الأمن الإقتصادي هذه الأيام لمحاصرة تجار العملة وذلك بغرض إنزال سعر الدولار أمام الكلب ... لهؤلاء نقول .. ليس الأمر بيدكم .. الإنتاج ثم الإنتاج ثم الإنتاج .. ماتفرفرو ساي ...
عمر عبدالكريم :: كــاتب نشــط::

28-01-2013, 11:15 AM	#[2]
واحة :: كــاتب نشــط::	الاخ / عمر بالرغم انو كلامك دا حاصل ، رغم ذلك بتحفظ على اللفظ صعب والله لكن عارف التذبذب في سعر الصرف ، دخل تجار السجون ، ومن واقع العمل بضاعة اشترها تاجر بسعر .... بتعادل حينها 75000 جنيه وكان الاعتماد مدته 6 اشهر لما جاء وقت السداد لم يستطيع توفير المبلغ باليرو ولا بنكه ودخل التعثر عارف الان مديونيته اصبحت كم 350 الف جنيه ،بجد احنا امام كارثة كبيرة , وفعلا الانتاج احد الحلول لكن انت تنتج كيف مع الضرائب و... و... لازم حزمة قرارات , تسلم واحة
واحة :: كــاتب نشــط::	التوقيع: حال الدنيا تسرق منيه فى لحظة عشم

28-01-2013, 12:14 PM	#[3]
قرقاش :: كــاتب نشــط::	عمر ...والله قطعت مصارينى من البكاء اه.......... عزيز قوم ذل ... وحات الله ورسول مكه ...بدلت الدولار بى ربع جنيه .. 25 قرش فى بنك النيلين الحاضر ده ...؟ ولا ياربى هو كمان باعوه ووحات الله بى تلتاشر ريال سعودى وبالمناسبه البنوك لاتقبل ولا تتعامل مع العمله الحديديه يعنى جنيهك الحديد ده الاتسوى ليه جراب من التيل ...مذكر جراب بنك السودان .. يبقى لاصدرنا زيت سمسم ولازيت فول ولا صدرنا لحمه ضانى ولا عجالى ولا حتى ماصدرنا لاجداده ضكر ولا جداده انتايه ولاصدرنا ...ولاصدرنا جوافه الكدرو ولا برتقان الباوقه ولا ولا عييييييييييييييك ماكثر الذى لم نصدره ويحتاجه العالم
قرقاش :: كــاتب نشــط::	التوقيع: انته رايك شنو ...؟؟ قرقاش *(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).*

28-01-2013, 01:18 PM	#[6]
عبدالحكيم :: كــاتب نشــط::	يبدو أن العلة في التسمية فالكلب لا قيمة له :ـ ( عن أبي هريرة أن رسول الله صلى الله عليه وسلم قال : " لا يحل ثمن الكلب ، ولا حلوان الكاهن ، ولا مهر البغي " . ) .
عبدالحكيم :: كــاتب نشــط::

28-01-2013, 01:51 PM	#[7]
يحي عثمان عيسي :: كــاتب نشــط::	وأن كان ليك عند الكلب حاجه قولوا ياسيدي تحياتي عمر موضوع في غايى من الجمال لكن مرمي الله ما بترفع
يحي عثمان عيسي :: كــاتب نشــط::	التوقيع: أكان ما جور زمان وناسا فهمها قليل شرك أم قيردون كيفن بقبض الفيل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ ياحليل زولا دفقلي رحو

28-01-2013, 06:42 PM	#[8]
عمر صديق :: كــاتب نشــط::	الاخ عمر موضوع جميل انت عارف انو فئة الخمسين جنيه بطلق عليها بقرة والعشرة جنية ورقة او زرقاء والخمسة جنية حمراء رغمى انو لونو بقى ازرق فاتح والجنيه كلب وممكن يعمل حاجات كتيرة يجيب جريدة وممكن تشترى بيهو فول من الدكان وممكن يقعدك فى محل نت وممكن يشربك كباية عصير وممكن وممكن حاجات كتيرة عشان كده يستحق عن جدارة لفظ كلب ده من غير لهث وراء الدولار
عمر صديق :: كــاتب نشــط::	التوقيع: الله لى ...للخمر نكهة الابد ولبشرة الحبيب ملمس الظلام محجوب كبلو

28-01-2013, 09:51 PM	#[9]
عمر عبدالكريم :: كــاتب نشــط::	اخ عبد الحكم أغلب الظن ان الامر هو ماذهبت اليه gap منور والله
عمر عبدالكريم :: كــاتب نشــط::

28-01-2013, 09:52 PM	#[10]
عمر عبدالكريم :: كــاتب نشــط::	تسلم يايحيى الكلب كلب ولو ترك النباح ربنا يصلح الحال ياصديق
عمر عبدالكريم :: كــاتب نشــط::

28-01-2013, 09:54 PM	#[11]
عمر عبدالكريم :: كــاتب نشــط::	الحبيب عمر صديق الجريده والعصير حسي مرقوا من الموضوع فكلاهما بجنيه ونص ومحل النت كذلك والله انا ود اخوي لمن ادي كلب بقى يرميو لي في وشي بقول داير حمرا بس gap
عمر عبدالكريم :: كــاتب نشــط::

28-01-2013, 11:02 PM	#[13]
عمر عبدالكريم :: كــاتب نشــط::	الحبيب فيصل الاووله دي خالتي بتقولها ربنا يديها العافيه البعض بسمووهو (جرحرحه) لكن أجمل وأصدق تسميه للقروش عموماً في السودان هي (الضحاكات) بالجد الواحد لمن يستلم لي ربطه متينه كده تلقاهو بدون مايحس يقعد يتبسم ويتكشم التقول عريس يوم رقيص عروسو
عمر عبدالكريم :: كــاتب نشــط::

28-01-2013, 11:06 PM	#[14]
لنا جعفر :: كــاتب نشــط::	مساك سعيد عمر....والف مرحب بيك حبوبة قالت انه جدي كان بيصرف ماهية سبعة جنيه ونص وكان مدير البوستة ...يعني ماهية مدير.. كان جدي شغال في حلفا وحبوبة لمن تجي الخرطوم لي اهلها بتجي شايلة زي المغتربين... بالسبعة جنيه دي زااااااتا يبقى المشكلة ما مشكلة الجنيه بالمطلق...المشكلة مشكلة العباية واللحية اللي لابسهم الجنيه ....يبقو العباية واللحية لصوص وهم النهبو هيبة العملة الوطنية... وفي أحسن الأحوال بنقدر نقول انهم ماعندهم (أي العباية واللحية) مايضيفوهو لفقه الأقتصاد ودوراته المدورنها الكفار.. يبقى خليهم كمسليمن يثبتو قول القمني بسلوكهم انه الاسلام سبب تأخر المسلمين... لأنهم بيقولو انهم اسلمو الأقتصاد ودي شكلها فرية المهم.... ---------- ياخ نحن بنخجل لمن نمشي الصرافات عشان تحويل القروش للسودان بالجد بحس بضيق وحرج عظيمين عارف المشكلة وين؟؟؟ في صفات جميلة في الكلاب ....ح تضيع الكلاب ياراجل سعيدين بيك واللهي ياعمر
لنا جعفر :: كــاتب نشــط::	التوقيع: نَحْنُ ننتظرُ الضياء ..لكننا نرى الظلام . (أشعياء 9:59)

29-01-2013, 06:45 AM	#[15]
همس الشوق :: كــاتب نشــط::	أي نوع من أنواع الكلاب فالكلام مقامات ياخ ما تضيع حق الكلب ساكت
همس الشوق :: كــاتب نشــط::	التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري