الحب في زمن الصواميل

[مهند الخطيب]

سلام ياتاج السر ،، وكالعادة كتابتك التي تحول موقفاً صغيرا أو فسحة زمنية محدودة الى بحر من التفاصيل تزداد بهاءً ...

غايتو عجبتني الرجعة بغنيمة (اللاكف) اياه

بالجمبة كده:

والله ياهشام انا ماعارف انت فهمت من الصواميل دي شنو؟! لكن الاحترام مابكون باللغة الأستاذية الحايم بيها دي ، ولغة افعل ولا تفعل الكسيحة دي ، مخاطبتك لتاج السر بالطريقة دي في شأن قطعة أدبية - تختلف الناس في أمر جودتها أو تتفق- بألفاظ على شاكلة (يامحترم) و (الاحترام أولاً) في ظني هو الفعل الغير محترم ومتعالي وأستاذي ... أمر عجيب ياخي..!!

[تاج السر الملك]

سلام يا هشام
والله مافهمت قصدك، هل هناك خطأ نحوي أو إملائي؟؟

[تاج السر الملك]

مهند الخطيب

تحياتي
لقيتك حريف ومتابع غنيمة الاكف ههه

شكرا لك على مداخلتك القيمة
بعدين الحاصل شنو بجاي؟؟

[تاج السر الملك]

بقدر المستطاع بحاول اكون كول
لمن افهم.

[مهند الخطيب]

المشاركة الأصلية كتبت بواسطة تاج السر الملك

مهند الخطيب

تحياتي
لقيتك حريف ومتابع غنيمة الاكف ههه

شكرا لك على مداخلتك القيمة
بعدين الحاصل شنو بجاي؟؟

سلام ياتاج السر ، والله لا اخفيك سرا انا زاتي رجيت الكف ، كان ح يدي الاقصوصة دي زخم ويكسبا صوت مفرقع ، بعد داك تقوم تتذكرو وتعتذر ليهو زي بعضو .... أعجبتني ياتاج واعجبني تكنيك الكتابة المكثِّف للأحداث في زمن محدود ، يعني الحكاية دي كان اتحكت في لستك الحلة بتتحكي كالتالي:"ياخي فلان مالاقى حنتوشة بت ساوث كاونتي ، البت دي بقت شديدة شدة!! والمحظوظ ود المحظوظ اتذكرتو بوشو الشين ده ودق معاها الحنك لكن طلع فارة ماشبك أمورو معاها ياخ تلفونا ماشالو!!!"
سطرين يعني ياتاج ... اها الجميل انك مليت السطرين ديل بحيث انو الحدثوية زاتا بقت مامهمة وتابعنا التفاصيل الذكية والاشارات المحركة ... تمام ياتاج...

بالجمبة كده:

ده الحاصل في سوق الله اكبر زي مابتقول حبيبتنا سارة الشهيرة بسونيا الساحرة ، بتلقى البدفرك ، وبتلقى البعفص كراعك بلا سوري ، وبتلقى البسلم عليك ، وبتلقى كمان البت الشديدة البتبتسم ليك فتوقف حركة التنفس والأشجار زاتوgap

فحقو ياصديق تخليك كول ع الآخر ...وأبقى طيب..

[تاج السر الملك]

حاضر يا محمد ولو انو القيام سداري
احتراما ووفاء للمرحوم خالد الحاج ولكل من جمعتني بهم دروب سودانيت.

[طارق صديق كانديك]

المشاركة الأصلية كتبت بواسطة هشام ديدي

ارجو ان تراجع كلمه الصواميل يا محترم..لو انت كاتب محترف

الاحترام اولآ.

مساء الخير هشام

أرجو أن تشرح لينا عدم الاحترام في كلمة الصواميل.

[عكــود]

المشاركة الأصلية كتبت بواسطة مهند الخطيب

أعجبتني ياتاج واعجبني تكنيك الكتابة المكثِّف للأحداث في زمن محدود ، يعني الحكاية دي كان اتحكت في لستك الحلة بتتحكي كالتالي:"ياخي فلان مالاقى حنتوشة بت ساوث كاونتي ، البت دي بقت شديدة شدة!! والمحظوظ ود المحظوظ اتذكرتو بوشو الشين ده ودق معاها الحنك لكن طلع فارة ماشبك أمورو معاها ياخ تلفونا ماشالو!!!"
سطرين يعني ياتاج ... اها الجميل انك مليت السطرين ديل بحيث انو الحدثوية زاتا بقت مامهمة وتابعنا التفاصيل الذكية والاشارات المحركة ... تمام ياتاج...

والله يا مهند ده نفس الخطر لي ساعة قريت النص.
ياخي دي مقدرة عجيبة!

سلام يا تاج،

كالعادة، تجعل للتفاصيل العادية طعم مختلف وتصنع منها لوحة أخّاذة،
رغم إنّك خليت الصواميل مرخرخة وما أخدت - على الأقل - رقم تلفونها.

شكراً يا تاج لمواظبتك على إشراكنا هذا الجمال وإغراقنا فيه؛
فكُن قريباً دائماً.

[وهاد ابراهيم محمد]

يااااا تاج السر..
ياكا زاتك, والدهشة الحلوة صنوان, تصنعها وتحملها وتُسقيها..
الحلو في كتابتك يا تاج السر انها بتتسمع..
فيها ضجيج يلفك ويلفتك لكل حركة ولو ساكنة.
خاصية إستنباط حركية الحدث البسيط, على تعقيدها الا انها في حكاويك جد سهلة وهينة ولا يمكن التشاغل عنها ولو برشفة من فنجان قهوة.
الله لا شفاك من كاريزما هذا الجمال, فهي تمام عافية.
_______


بالجمبة:
عايزة أشكرك شكر مجهبذ وفادح جداً
انت زاتك ما بتكون عارف لشنو.. بس والله في يوم كريهةٍ, انت عملت فيني جميل ما بنساهو ليك أبداً أبداً (طبعاً بعلنا وصديقك الجيلي يموت ويعرف انا عايزة اشكرك لشنو.. انت الا أقابلك وأكلمك, وجيلي الا يدفع بالإسترليني

[سارة]

المشاركة الأصلية كتبت بواسطة تاج السر الملك

حاضر يا محمد ولو انو القيام سداري
احتراما ووفاء للمرحوم خالد الحاج ولكل من جمعتني بهم دروب سودانيت.

اسمع كلام اخيتك وما تقيف فى المحطات العشوائية دى كلو كلو
والسدارى دى خلها لينا انت بس متعنا بمشوايرك وتصاويرك
الله يمتعك دنيا واخرى

لو قلت لى وهاد بتشكرك لى شنو بقول ليك سر دسيتو منك
من زمااااااان

[وهاد ابراهيم محمد]

المشاركة الأصلية كتبت بواسطة سارة

لو قلت لى وهاد بتشكرك لى شنو بقول ليك سر دسيتو منك
من زمااااااان

اها وسارة دي الا أشوفا بتلعب حجلة
_____

انتي ما شكرناك لامن الشكر زاتو زهج مننا في زول سألك بنشكرك لشنو

[AMAL]

ومابين الحب في زمن الكوليرا
والحب في زمن الصواميل
مسافة قدر مسارب الريدة
نفس للعب علي مفاتيح الزمن
بديع ياتاج ياملك


الظاهر كل الصواميل حلجت

[حافظ حسن مختار]

يا سلام على السرد الجميل...الله يكتر من الصواميل

[تاج السر الملك]

كانديك الصديق


مودتي العظيمة
وانسى ياخي، زول رايحة لي مداخلة.

[تاج السر الملك]

عكود اخي غي الملمات

رخيان الصامولة (الشايقي راقدلو فوق راي)، تستدعيها
الاستراتيجية هههههه
سنحافظ على مقاعدنا في سودانيات برغم الجو الماطر والإعصار
لك تحياتي