صدور كتابي الأول، نصوص إسفيرية

[حسين عبدالجليل]

المشاركة الأصلية كتبت بواسطة بابكر عباس

مقتطف تاني:
النبيذ الأحمر في حضرة شيوعي برجوازي
بابكر عباس
النص:
أجمل عشا يعزموك ليهو يكون صاحب الدعوة شيوعي مقندل وراقي ويكون متزوج من أم درمان .................................................. .................................................. .................................................
العشا أخد ليهو زي تلاتة *ساعات ونص، الضيف وسيد البيت بتكلموا عن لوحة تشكيلية معلقة في الصالون بالنسبة لي اللوحة عبارة عن دغمسة ألوان!
أنا مشاركتي كانت بس كلمة ثانكس (شكرا) للسريلانكية لمان تتم لي كاس النبيذ الاحمر!
يا أخي الناس ديل لمان الواحد يقطع ليهو قطعة لحم ويلحقها بسلطة وشرفة نبيذ ويواصل الكلام عن اللوحة بفم مليات بالخليط الأحمر، والله، يكسر ليك كل الإرث الإكتسبتو عن سوء الكلام أثناء الأكل!

* مرة في العيلفون عزموني عرس جابو لينا صينية مليانة وكان معاي حيران،
خمسة دقائق، نشّفوا الصينية وفكّوا لي أصبعي لمان مديتو للضلعة!
شفتو النبيذ بهذب الناس كيف؟

أنا من زمان يابابكر متوقع لك مستقبل باهر . و لمن أكبر عايز أكون زيك بالضبط .

إنت الآن أصبحت مصطفي البطل بتاع الكتابة الإسفيرية .

[عبدالمنعم الطيب حسن]

غايتو يا بابكر لم اجد افرغ منك ؛ سواك ..
انا سعيد بالرش الجاك من طرف واحد صاحبنا كدة لان هذه طبيعة الاشياء
هذا الامر الطبيعي ، انت كذلك سعيد عشان تاخد راحتك كمان ...
شفت انا فاهمك ازاي ....
من الاخر باختصار شديد
انت لا كاتب ولا حاجة ...
فلا تملانا فقُر ارجوك ...
...........
لو مُصِر اعرفك واحد ممكن يهندسلك الصفحة الاولي الرئيسية ، والاخيرة لو حبيت ،
وممكن يتحفك بقصيدة عصماء ، يازول ممكن يشاركك عديل كدا ،
صفحة صفحة والبادي اصمم ...
خاصة ان للرجل خبرة ، وبطوِل بالو على الغلاف ...

[أبوبكر عباس]

المشاركة الأصلية كتبت بواسطة عبدالمنعم الطيب حسن

غايتو يا بابكر لم اجد افرغ منك ؛ سواك ..
انا سعيد بالرش الجاك من طرف واحد صاحبنا كدة لان هذه طبيعة الاشياء
هذا الامر الطبيعي ، انت كذلك سعيد عشان تاخد راحتك كمان ...
شفت انا فاهمك ازاي ....
من الاخر باختصار شديد
انت لا كاتب ولا حاجة ...
فلا تملانا فقُر ارجوك ...
...........
لو مُصِر اعرفك واحد ممكن يهندسلك الصفحة الاولي الرئيسية ، والاخيرة لو حبيت ،
وممكن يتحفك بقصيدة عصماء ، يازول ممكن يشاركك عديل كدا ،
صفحة صفحة والبادي اصمم ...
خاصة ان للرجل خبرة ، وبطوِل بالو على الغلاف ...

عليك الله، يا نعوم، أعد صياغة كلامك دا، يمكن أقدر أفهم منو جزو.

مبروك نشرك لبوست: على الدرب إناس.... بسودانيز أون لاين.
بختك يا عم، بقيت كاتب مٌنتشر
إستعمالك الجديد للشولة والفاصلة المنقوطة جيد، بس لا تترك مسافة قبلهن.

[عبدالمنعم الطيب حسن]

المشاركة الأصلية كتبت بواسطة بابكر عباس

عليك الله، يا نعوم، أعد صياغة كلامك دا، يمكن أقدر أفهم منو جزو.

كلام زي انت لا كاتب ولا حاجة، لا اعتقد انه غير مفهوم، ولا عبارات زي لا تملانا فقر، وزي كونك فارغ،
الباقي دايرلو شوية اجتهاد، لا اعتقد انه يغلبك ،
اجتهد شوية اخ ....
اقدم ليك مساعدات من صديق
هما اتنين، واحد ارتحت منو وجاء براهو للميس رشو لا تبالي عارفك متمنيها من زمان ، امكن من الف دولار مما يعدون ....
والمصمم دا كمان ما تبالغ، وتقول لي ما عرفتو ...

المشاركة الأصلية كتبت بواسطة بابكر عباس

إستعمالك الجديد للشولة والفاصلة المنقوطة جيد، بس لا تترك مسافة قبلهن.

وهذا ما استفدته من الاسافير، هذا مهم، حتى لا يتداخل الكلام، وكمان تاخدلك نفس،
شكرا تاني، وها انذا افعل؛

[ابوبكر حسن]

المشاركة الأصلية كتبت بواسطة بابكر عباس

الكتاب من 213 صفحة متوسطة الحجم، واجهة الغلاف بها لوحة لإمراة فاردة توبها أثناء تلقيطها للقطن ويسقط فيه قمرا من السماء، لون الغلاف خاطف لونين. اللوحة من أعمال الفنان موسى حسن

بخلفية الكتاب صورة للكاتب بقميصة الأصفر المعروف زايد نبذة عن أعمال الكاتب

ايعنى هذا ان للكاتب الفطحل ياقول مبر رضى الله عنه اعمال ادبية اخرى ؟

وعلى صعيد اخر نسختنا جاهزة ولا نتوكل على اكسبو

[كيشو]

المشاركة الأصلية كتبت بواسطة عبدالمنعم الطيب حسن

غايتو يا بابكر لم اجد افرغ منك ؛ سواك ..
انا سعيد بالرش الجاك ..

طمنتنا على العلبة

[أمين محمد سليمان]

المشاركة الأصلية كتبت بواسطة حسين عبدالجليل

أنا من زمان يابابكر متوقع لك مستقبل باهر ..

هو فضل فيها مستقبل يا حسين ؟!
بكة لاعب في الوقت الضايع ، لكن الشهادة لله الرجل آية من آيات الاسافير، ما عارف الكلام ده بقع ليكم بتين ؟!!

[أبوبكر عباس]

بالرغم من انو جدي إسمو عباس، لكن وحات سيدي الحسن، إطلاق إسم عباس على الزول الساكت، قاعد يكيفني.
- تجي تحتج بعد إحتجاج زول مهم، يقولوا ليك: أها كمان يا عباس، إتّا ما لك؟
- إتا فلان دا، منو؟ يردوا ليك: دا، عباس ساكت.

يقال انو في مورتانيا في واحد إسمو عباس، مشهور شهرة شديدة، الناس جننتوا جن شديد وحمتوا يستمتع براحة عدم الشهرة
قرر يهاجر لأمريكا عشان يرتاح من الجماهير، مشى زار أوباما في البيت الأبيض، بعد الزيارة، أوباما طلع قدمو لحدي حديقة البيت الأبيض، في اللحظة دي، سمع خواجة وخواجية بالشارع بقولوا لبعض: المع عباس دا، منو؟

[أبوبكر عباس]

الواحد في الدنيا دي، إلتقى بعبابيس غير عابسين كثيرين وهم من أهل الله لا يكترثون للدنيا وهمومها ح أكتب عن أربعة منهم:

[عبدالعزيز خطاب]

وفي هولندا وجدنا من سبقونا يطلقون على البوليس عباس..

نشاطك اليومين دول يا عباس في الكتابة يغري بأشياء كثيرة

الأولاد سافروا إجازة

سلام وامنيات يا بابكر.
عبدالعزيز خطاب.

[أبوبكر عباس]

المشاركة الأصلية كتبت بواسطة عبدالعزيز خطاب

وفي هولندا وجدنا من سبقونا يطلقون على البوليس عباس..

نشاطك اليومين دول يا عباس في الكتابة يغري بأشياء كثيرة

الأولاد سافروا إجازة

اتا قايلني زيك! أوعد الناس قبل الإنتخابات بفجر جديد، وبعد داك أقلل نشاطي؟!
نحن شعب كل حكومة
ككاتب شامل، لا بد من تنويع مواضيعي ومشاركاتي لكل الفئات

في فلوريدا برضو لقيت السودانيين بقولوا للبوليس عباس!

[الجيلى أحمد]

شايفك خليت كتابك, ومسكتا فى أبناء عباس..

عباس برضو ياكبير

[الجيلى أحمد]

زمان ياعمك قالو, قلة الشغة بتخلى الكديس يلولى الفيران ..

بما انو مهامك الثقافية بقت ممنوعةفى سودان فى أول فخلينا نتفسح فيك...
أهل مكة أولى بشعابها
شعورك شنو ياباكر لم سمعتا الأغنية بتاعت:
الوليد الضيف
غرقتنو كيف
جيبو لى هدومو الراقدا فوق القيف...

وكمثقف ملفوظ من سودان فور اول ماهى نظرتك لهذه الماسأة؟
عليك الله أسهب , (وطبعآ هذا استلحاق مسبق لعدم رغبتك فى الاستسهاب)

[رأفت ميلاد]

أنت سمعت بى قصة عباس النحس

عباس النحس زول ما عندو حظ كلو كلو مقفلة فى وشو محل ما يقبل .. سافر السعودية يجرب حظو .. الشركة المشى معاها يوم وصولو سيدا مات وقفلت .. بقى حايم يفتش شعل وكل الجو بعدو ركبوها عربيات.

يوم واقف فى الشارع وقفت جمبو عربية فارهة والسواق فتح ليهو الباب .. ركب لقى جوة العربية زول شبهو الخالق الناطق على مرفه شديد .. ساقوا بيتو لقاهو فيلا خمج ..

الراجل قال لى عباس ياخ محتاجك فى خدمة كبيرة .. دايرك تدينى باسبورتك وأخلى ليك الفلا دى والعربية بى سواقا وشغلى وفوقا مليون ريال .. الناس الأنا معاهم بحبونى شديد ورافضين رجوعى البلد وماسكين جوازى .. باخد راتب 50ألف فى الشهر حلال عليك

عباس وافق وقال فى سرو (البلد تطير) وسألو عن طبيعة الشغل

يتبع

[Hassan Farah]

قال أبو نوّاس :
عباس عباس اذا احتدم الوغى والفضل فضل والربيع ربيع ...