اقتباس:
المشاركة الأصلية كتبت بواسطة مها عبدالمنعم
سلامات ....
تحيه خاصه ليك ولعمنا حسن احمد الشيخ
من اول الناس السكنوها الرباطاب والمحس تلقي اغلب ناس الداخله عندهم علاقه بالشريق(كتبتها صح)بس عطبره ما فيها اهميه كبيره للحكاية بتاعة رباطابي محسي شايقي دي
كمان للان البميز الناس فيها عدم اهمية الانتماء الا ليها
شكرا ليك ولرحيق الامكنه
ياريت الصديق عبدالله عيدروس يجي يكتب عنها شويه(عارفه ما بجي)
-------------------------------------------------------------
مها عبدالمنعم يومك سعيد..
شنو يا اختى ....بخلتى على عمك بالسلام.....
الشريق كتبتيها صاح وهى تصغير للشرق ويطلقون عليها شريق دبكة ودبكة هذه تقع غرب النيل....... بعد تشييد خط السكة حديد اصبحت الشريق من المحطات الرئيسة حتى ان الانجليز ركبوا فيها صهريج و(دونكى) لرفع المياه من النهر لامداد القاطرات البخارية.. ولما كان حرف القاف يصعب نطقه على الخواجات قلبوا القاف الى كاف وصارت الشريك
