الشيطان والجنّ...قوم يساكنونا هذه الارض!

[أمين محمد سليمان]

المشاركة الأصلية كتبت بواسطة خالد غالي

يابروف
طالما عسوم قال حرد البوست والمنتدى كلو بي سببك، يبقى اعتقد انو اترتب عليك التزام اخلاقي بانك تحكي لينا قصة البيت المسكون السكنت فيهو، وتكمل لينا بوست الماسونية داك، وتونسنا لغاية مايجي عسوم

ده بدل ما تعزيني في مشية عسوم ؟!
ياخي منتداكم ده بدون الوضئ... لا لون و لا طعم و لا رائحة له ... الله يجازي الكان السبب !!
بالنسبة لتجربتي مع الجن الكلكي ... أخاف أن أحكي و زول يصدقني مافي ... بالنسبة للونسة ... فماتت بذهاب عسوم ... و بالنسبة ل Monsters University فداير ليه حبة مزاج شكلو ما ح يرجع إلا برجعة الوضئ !!

[الرشيد اسماعيل محمود]

المشاركة الأصلية كتبت بواسطة بابكر عباس

في نص الطريق في شجرة لالوب قالوا لينا مسكونة، كنا لمان نجي جنبها بنردد بإسم الله الرحمن الرحيم عدة مرات، أول ما نتقدمها بمسافة بنقول ليها: ما بسم الله الرحمن الرحيم

إنت من زمان كدا يعني؟!
خالي قرا لغاية رابعة ابتدائي ومرق من المدرسة واشتغل مكانيكي، في فترة كدا أصيب بمرض وبقي يتكلم ساي، ودّوهو لشيخ قال ليهم ساكنو جان، كنت حاضر طقوس عملية طرد الجان، اغرب حاجة إنو خالنا دا، اتكلم إنجليزي وفرنسي بطلاقة مافيها أيّ شخشخة!!، طبعاً دا كان أغرب حدث ممكن يمرّ بي! هسع بقي كويس وعايش حياتو في أمان الله. من الزمن داك أنا مؤمن تماماً بوجود الجن، إيمان لا يأتيه الباطل من أيّ اتجاه.


هسع لو ما بروف (البعض) طالب عسوم باعتذار (لا بأسي)، كان أقنعنا بكّة بحاجات كتيرة

[أمين محمد سليمان]

المشاركة الأصلية كتبت بواسطة الرشيد اسماعيل محمود

من الزمن داك أنا مؤمن تماماً بوجود الجن، إيمان لا يأتيه الباطل من أيّ اتجاه.

شهد الله يا رشيد ... أنا مؤمن بوجود الجن أكتر من ايماني بوجود بكة ذاتو !!

[الرشيد اسماعيل محمود]

المشاركة الأصلية كتبت بواسطة بابكر عباس

ترجيح عدم وجود الجن والشياطين في الدنيا أصبحت أكثر سيطرة على تفكيرى من وجودهم، وسندي لهذا الكلام هو تجربتي الشخصية في الحياة.

واحد متشكك في وجود الله قام سأل ليهو حكيم، قال ليهو أرني الله..
الحكيم شال طوبة دقاهو بيها..
المتشكك اشتكاهو، القاضي قال للحكيم ليه عملت كدا؟
ردّ الحكيم: ممكن أخلي يشوف الله، بس الأوّل خليهو يجاوب لي سؤال، وقام وجّه سؤالو للمتشكك: مش أنا دقيتك بطوبة؟
المتشكك قال ليهو أيوة..
الحكيم: خلاص وريني الألم الإتألمتو من دقة الطوبة؟
قال ليهو كيف يعني أوريك ليهو؟
الحكيم: وريني قول لي ياهو دا الألم الإتألمتو!
المتشكك: ما بقدر..
الحكيم: إذن، ليس كل موجود يُري!

[جيجي]

المشاركة الأصلية كتبت بواسطة الرشيد اسماعيل محمود

إنت من زمان كدا يعني؟!
خالي قرا لغاية رابعة ابتدائي ومرق من المدرسة واشتغل مكانيكي، في فترة كدا أصيب بمرض وبقي يتكلم ساي، ودّوهو لشيخ قال ليهم ساكنو جان، كنت حاضر طقوس عملية طرد الجان، اغرب حاجة إنو خالنا دا، اتكلم إنجليزي وفرنسي بطلاقة مافيها أيّ شخشخة!!، طبعاً دا كان أغرب حدث ممكن يمرّ بي! هسع بقي كويس وعايش حياتو في أمان الله. من الزمن داك أنا مؤمن تماماً بوجود الجن، إيمان لا يأتيه الباطل من أيّ اتجاه.


هسع لو ما بروف (البعض) طالب عسوم باعتذار (لا بأسي)، كان أقنعنا بكّة بحاجات كتيرة

انت متاكد الزمن داك كنت بتعرف انجليزي وفرنسي كويس

[تماضر حمزة]

المشاركة الأصلية كتبت بواسطة جيجي

انت متاكد الزمن داك كنت بتعرف انجليزي وفرنسي كويس

حكوا ليهو الكبار.. غايتو، حأسميك: جيجي زنقة زنقة

[الرشيد اسماعيل محمود]

المشاركة الأصلية كتبت بواسطة جيجي

انت متاكد الزمن داك كنت بتعرف انجليزي وفرنسي كويس

الكلام دا ما بعيد يا جيجي، كنت بعرف انجليزي كويس، لكن الفرنسي مش علي قدر كدا، يعني (بونجو وجومابيل ديل كنت بعرفن) درسناهم في الثانوي، عشان نعرف هو داير يقول شنو، قمت ناديت زوجة أخوهو، أستاذة فرنسي في الثانوي، ترجمت لينا الكلام، وطبعاً محتوي الكلام غريب، ما بقولو إلا عمِّك بروف (البعض) دا يقوم يفتح لينا بوست يحكي فيهو تجربتو الخلتو يدفع قروش ايجار في بيت مرق منو


ملحوظة:
رابعة ابتدائي دي مستوي التعليم الوصل ليهو هو، لكن الحادثة دي كانت وهو كبير ومتزوِّج.

[تماضر حمزة]

جنس لفحي.. اسي مداخلتي دي اعدلا كيف؟
اللقب سحبناهو ياجيجي

[الرشيد اسماعيل محمود]

المشاركة الأصلية كتبت بواسطة تماضر حمزة

جنس لفحي.. اسي مداخلتي دي اعدلا كيف؟
اللقب سحبناهو ياجيجي

غايتو أنا حقو أسميك: تماضر شلاقة

[تماضر حمزة]

المشاركة الأصلية كتبت بواسطة الرشيد اسماعيل محمود

غايتو أنا حقو أسميك: تماضر شلاقة

موافقة، وبلا خروف

[أبوبكر عباس]

يا الرشيد، الكلام البرطم بيهو خالك، حفظو من السينما أو الميديا. وهو ما دام ميكانيكي بيكون مدمن إذاعة من راديو العربات القاعد يصلحن وواقفات عندو بالأيام وما بعيد يكون راديو واحدة من العربات ديل يوم إلتقط إذاعة بالفرنسي والكلام إتخزن في الدماغ.
أغلب الظن ما دام هو حلج، إحتمال كبير يكون زول معدل ذكاهو عالي والكلام البرطم بيهو لفحو من حتة سابقا. مقدرات عقل الإنسان عالية جدا

[جيجي]

المشاركة الأصلية كتبت بواسطة بابكر عباس

يا الرشيد، الكلام البرطم بيهو خالك، حفظو من السينما أو الميديا. وهو ما دام ميكانيكي بيكون مدمن إذاعة من راديو العربات القاعد يصلحن وواقفات عندو بالأيام وما بعيد يكون راديو واحدة من العربات ديل يوم إلتقط إذاعة بالفرنسي والكلام إتخزن في الدماغ.
أغلب الظن ما دام هو حلج، إحتمال كبير يكون زول معدل ذكاهو عالي والكلام البرطم بيهو لفحو من حتة سابقا. مقدرات عقل الإنسان عالية جدا

والله نفس الكلام الدائر في مخي لكن الفتر غلبني اكتبه ساي
ياخ يارشيدالتفسير العلمي دا فكيت دربوا مالك
اما البروف دا لو حكى قصته وطلعت زي حقت الرشيد دا بنسحب منو البروفيه عديييل

[أبوبكر عباس]

المشاركة الأصلية كتبت بواسطة جيجي

والله نفس الكلام الدائر في مخي لكن الفتر غلبني اكتبه ساي
ياخ يارشيدالتفسير العلمي دا فكيت دربوا مالك
اما البروف دا لو حكى قصته وطلعت زي حقت الرشيد دا بنسحب منو البروفيه عديييل

إتي يا جيجي، شفتي القصة بتاعة الرشيد منحازة كيف في سردها؟ حمر لينا رابعة إبتدائي عشان يوهمنا بأنو وسائل المعرفة هي المدرسة فقط وما دام لم يتخط رابعة إبتدائي معنانو الإنجليزي والفرنسي ديل ما سمع بيهن!!

[تماضر حمزة]

الزول دا ماتدوهو فرقة يكمل قصتو؟ غايتو الواحد يفتح بوست وتستلموهو بتبالغوا، اسي خالد غالي عاوز يموت ويسمع بقية القصة

[خالد غالي]

المشاركة الأصلية كتبت بواسطة تماضر حمزة

الزول دا ماتدوهو فرقة يكمل قصتو؟ غايتو الواحد يفتح بوست وتستلموهو بتبالغوا، اسي خالد غالي عاوز يموت ويسمع بقية القصة

المشكلة ياتماضر انهم لا عايزين يحكو لا عايزين عسوم يحكي!!

بعدين يابروف ويابكة والرشيد، عسوم ده ماقال ليكم انو الشيطان جاهو زيارة في غرفتو واتونس معاهو عديل كده، مامصدقنو يعني ولا شنو؟!