المنحطون ....قوم يساكنونا هذه الارض !!

[Hassan Farah]

اقتباس:
المشاركة الأصلية كتبت بواسطة سارة
يا عمو امين
الله يخلى ليك اولادك ويخليك ليهم.. مافى انسان بشر سوى يقبل ما حصل
لكن محاربة النظام وافراده ومن ينتمون له ومن يؤيدونه كما اسلفت انت
سابقا وكما فعل الاخ العزيز خالد غالى كل له طريقته لكن ما لا يعجبنى
هو كل من لم يتخذ موقفا كموقفك او مشابها له وصم بالعار..
انا ما دايرة اقول ليك اتأذيت من النظام دا قدر شنو على المستوى الشخصى
ودى قصة يطول شرحها
لكن دا كوم وقتل عيال فى سن عيالى كوم تانى بس هل لا توجد طريقة لمحاربة
النظام غير طريقتك دى ؟؟؟ مثلا ؟؟ .وبعدين من ليس معنا فهو ضدنا دى انا بشوفها كتيرة يا صاحب ولا رايك؟؟؟؟؟؟

عليك الله ما تطلعنى ماسورة زى الشيوعى العواليق دا اقله شوف لى
لقب جديد
---------------------------------------------------------------

(عليك الله ما تطلعنى ماسورة زى الشيوعى العواليق دا اقله شوف لى
لقب جدي)د
...

[أمين محمد سليمان]

لا ... لا .. لا يا دكتور ... الكلام ده مقصود بيه الجيلي ... و ده هظار بينهم ... رجاء ياخي احذف الكلام المسئي ده ... ما عندو أي علاقة بيك !!!

[Hassan Farah]

اقتباس:
المشاركة الأصلية كتبت بواسطة أمين محمد سليمان
لا ... لا .. لا يا دكتور ... الكلام ده مقصود بيه الجيلي ... و ده هظار بينهم ... رجاء ياخي احذف الكلام المسئي ده ... ما عندو أي علاقة بيك !!!
---------------------------------------------------------------
ا هو حذفناها يا بروف بناء على طلبك لكن ارجو ان تتفق معى ان هذا التعبير الذى اتت به السيدة سارة يسئ ليس فقط للجيلى بل لاناس آ خرين

[سارة]

حسبنا الله ونعم الوكيل

[سر الختم إبراهيم نقد]

[QUOTE=سارة;562215]حسبنا الله ونعم الوكيل[/QUOTE]
الأخت سارة
ربنا يكملك بعقلك
والله سعادتي بك لا توصف.
فعلاً حسبنا الله ونعم الوكيل.

[هشام ديدي]

[QUOTE=عادل عسوم;562116]سلام ياصديق
لم أكن يوما عضوا لا في المؤتمر الوطني ولا المؤتمر الشعبي وان كنت قد شاركت خلال مرحلة البكالوريوس في انشاء الجبهة الاسلامية القومية في الوسط الطالبي بجامعة أم القرى بمكة المكرمة وظللت عضوا في الحركة الاسلامية السودانية الى أن حدجث الانشقاق فنايت بنفسي عنها الى يومي هذا...وأقول ايضا بأني لست عضوا في جماعة الاخوان المسلمين السودانية ولا في جماعة أنصار السنة المحمدية ولا حزب البعث العربي الاشتراكي وبحمدالله ليست لي ايما علاقة بايما طريقة صوفية في السودان وأحمده أكثر لأني لست عضوا في الحزب الشيوعي السوداني
ولعلي من خلالك ومن تخاطب أقول لكل الأحباب:
لم أعلن يوما على صفحات هذا المنتدى-ولم أكتب كتابة تشي- بأني أنتمي الى حزب سياسي سوداني بعينه انما أحسب نفسي أسلاميا تجمعني أواصره بكل من ينادي به دينا (وسطا) يسع الدنيا بكل مافيها من حراك ويصوب الى الآخرة التي اؤمن بكل مسلماتها التي وردت في الكتاب والسنة ولان كان لديّ تواصل مع جهة (ما) في السودان فهي مجموعة من الأحباب أسموا قد أنفسهم بأهل الوسطية (يؤمِّرون) عليهم الشيخ الدكتور عصام أحمد البشير وقد كتبت عن ذلك (قبل سنوات) في هذا المنبر...ولكن مافتئ البعض (الاّ) تعاميا اذ لا يودون للناس أن يروا الاّ مايرون*
ــــــــ
*بالطبع لا اقصدك أنت بذلك ياصديق
[/QUOT منهم لؤي صلاح جامعه ام القري

[سارة]

[QUOTE=سر الختم إبراهيم نقد;562234]

المشاركة الأصلية كتبت بواسطة سارة

حسبنا الله ونعم الوكيل[/QUOTE]
الأخت سارة
ربنا يكملك بعقلك
والله سعادتي بك لا توصف.
فعلاً حسبنا الله ونعم الوكيل.

الله يجبر خاطرك يا ملك

[أمين محمد سليمان]

السلام عليكم يا سيد علي و مرحبا بثرواتنا القومية

المشاركة الأصلية كتبت بواسطة عادل عسوم

سلام ياصديق
لم أكن يوما عضوا لا في المؤتمر الوطني ولا المؤتمر الشعبي وان كنت قد شاركت خلال مرحلة البكالوريوس في انشاء الجبهة الاسلامية القومية في الوسط الطالبي بجامعة أم القرى بمكة المكرمة وظللت عضوا في الحركة الاسلامية السودانية الى أن حدجث الانشقاق فنايت بنفسي عنها الى يومي هذا...وأقول ايضا بأني لست عضوا في جماعة الاخوان المسلمين السودانية ولا في جماعة أنصار السنة المحمدية ولا حزب البعث العربي الاشتراكي وبحمدالله ليست لي ايما علاقة بايما طريقة صوفية في السودان وأحمده أكثر لأني لست عضوا في الحزب الشيوعي السوداني
ولعلي من خلالك ومن تخاطب أقول لكل الأحباب:
لم أعلن يوما على صفحات هذا المنتدى-ولم أكتب كتابة تشي- بأني أنتمي الى حزب سياسي سوداني بعينه انما أحسب نفسي أسلاميا تجمعني أواصره بكل من ينادي به دينا (وسطا) يسع الدنيا بكل مافيها من حراك ويصوب الى الآخرة التي اؤمن بكل مسلماتها التي وردت في الكتاب والسنة ولان كان لديّ تواصل مع جهة (ما) في السودان فهي مجموعة من الأحباب أسموا قد أنفسهم بأهل الوسطية (يؤمِّرون) عليهم الشيخ الدكتور عصام أحمد البشير وقد كتبت عن ذلك (قبل سنوات) في هذا المنبر...ولكن مافتئ البعض (الاّ) تعاميا اذ لا يودون للناس أن يروا الاّ مايرون*
ــــــــ
*بالطبع لا اقصدك أنت بذلك ياصديق

لمن نقول مؤيدي و موالي هذه الحكومة ... ما بنقصد أعضاء المؤتمر الوطني العندهم بطاقات و بمشو الاجتماعات و بس ... بنقصد - فيما نقصد - الموالين الببررو ... البفتحو البوستات عن عدم جواز الخروج على الحاكم و دماء من قتلو لم تجف من الأسفلت بعد ... عن الشايفين إنو الاشكالية فيما يحدث إنو الحزب الشيوعي عايز يتاجر بدماء من قتلو ... بنتكلم عن الناس البتفتح البوستات تمجد في من عذبو الناس في بيوت الأشباح و ادخلو في أدبارهم المواد الصلبة في المعتقلات ... في من والو من توضئو بدماء الناس و تقربو لله بقتل معارضيهم ...بنقصد أصحاب التدين الزائف ... البفتحو البوستات عن وجوب حسن الظن بأخيك المسلم ... بينما يوادون ... بل يتصورون و يتباهون بعلاقتهم الشخصية مع القتلة .... بنتكلم عمن يكذبون كما يتنفسون ... و يؤلفون القصص الوهمية و هم يعلمون أنها كذب ... و يعلمون أن الناس يعلمون أنهم يعلمون أنها كذب .... ديل المنحطين الذين (يسكنوننا ) هذه الارض و هذا المنتدى يا سيد علي !!
--------------------





بالجمبة كده ... أنا بعد تهديدك لي بتاع بره المنتدى ده ... مسكتني خوفة بقيت انضم براي ... كتبت وصيتي ... و كلمت زوجتي إنو كان حصل لي حاجة ... في واحد اسمو سيد علي قاعد في السعودية مسؤل مسؤلية تامة إذا حصل لي أي مكروه ... و كمان عملت Security system للبيت ... يعني لو جيتني ثاو في سقف الغرفة .... البتاع ده بضرب و يصحي العباس طوالي !!
غايتو لو ما كنت ثروة قومية ... كان زعلت منك بالجد !!

[عادل عسوم]

المشاركة الأصلية كتبت بواسطة أمين محمد سليمان

السلام عليكم يا سيد علي و مرحبا بثرواتنا القومية لمن نقول مؤيدي و موالي هذه الحكومة ... ما بنقصد أعضاء المؤتمر الوطني العندهم بطاقات و بمشو الاجتماعات و بس ... بنقصد - فيما نقصد - الموالين الببررو ... البفتحو البوستات عن عدم جواز الخروج على الحاكم و دماء من قتلو لم تجف من الأسفلت بعد ... عن الشايفين إنو الاشكالية فيما يحدث إنو الحزب الشيوعي عايز يتاجر بدماء من قتلو ... بنتكلم عن الناس البتفتح البوستات تمجد في من عذبو الناس في بيوت الأشباح و ادخلو في أدبارهم المواد الصلبة في المعتقلات ... في من والو من توضئو بدماء الناس و تقربو لله بقتل معارضيهم ...بنقصد أصحاب التدين الزائف ... البفتحو البوستات عن وجوب حسن الظن بأخيك المسلم ... بينما يوادون ... بل يتصورون و يتباهون بعلاقتهم الشخصية مع القتلة .... بنتكلم عمن يكذبون كما يتنفسون ... و يؤلفون القصص الوهمية و هم يعلمون أنها كذب ... و يعلمون أن الناس يعلمون أنهم يعلمون أنها كذب .... ديل المنحطين الذين (يسكنوننا ) هذه الارض و هذا المنتدى يا سيد علي !!
--------------------





بالجمبة كده ... أنا بعد تهديدك لي بتاع بره المنتدى ده ... مسكتني خوفة بقيت انضم براي ... كتبت وصيتي ... و كلمت زوجتي إنو كان حصل لي حاجة ... في واحد اسمو سيد علي قاعد في السعودية مسؤل مسؤلية تامة إذا حصل لي أي مكروه ... و كمان عملت Security system للبيت ... يعني لو جيتني ثاو في سقف الغرفة .... البتاع ده بضرب و يصحي العباس طوالي !!
غايتو لو ما كنت ثروة قومية ... كان زعلت منك بالجد !!

اصبحنا واصبح الملك لله...
...
اعلاه يعني ان (امين محمد سليمان) يقول بان (عادل عسوم) منحط...
هذا للتوثيق فقط!
...

[صديق عيدروس]

المشاركة الأصلية كتبت بواسطة عادل عسوم

اصبحنا واصبح الملك لله...
...
اعلاه يعني ان (امين محمد سليمان) يقول بان (عادل عسوم) منحط...
هذا للتوثيق فقط!
...

عادل ماتلوي الكلام بدون سبب ، الراجل بتكلم عن مواصفات وشروط معينة ممكن تنطبق عليك او على غيرك او ايّ احد بالمنتدى اوخارجه وهي على طريقة (مابال اقوام ) ، فهو باختصار يريد يقول ان من قتل وشارك في القتل او اعان عليه او حاول تبريره او تمريره والتغطية عليه باي وسيلة او طريقة ، حتى لو كانت بمحاولة صرف انظار الناس او انتباههم
فحتى لو افترضنا اننا ومن خلال القراءة مابين السطور عرفنا انه يقصد فلان او فلان بناء على فرضية انتمائهم للتنظيم الحاكم او دفاعهم المعلن عنه ومحاولة تبرير افعاله ، فلايمكن ان نقول له انت كنت تقصد فلان او فلان ، او انك قصدتني انا لان بعض القرائن او بعض الشواهد التي ذكرتها تنطبق عليّ
فالاولى ان نقوم بتنفيد القرائن المذكورة وتصحيح ما علق باذهان البعض عنا خاصة في هذا الظرف (وخاصة في هذا الظرف )*
فليس هناك خصومة شخصية بينكما او خلاف على مال او تجارة تستدعي كل ذلك ، حتى نقوم باستدعاء كل كلمة او تلميح وتحميلها اكثر مما تحتمل
___________________

* عن صفية بنت حيي رضي الله عنها قالت { كان النبي صلى الله عليه وسلم معتكفا . فأتيته أزوره ليلا . فحدثته ، ثم قمت لأنقلب ، فقام معي ليقلبني - وكان مسكنها في دار أسامة بن زيد - فمر رجلان من الأنصار فلما رأيا رسول الله صلى الله عليه وسلم أسرعا . فقال النبي صلى الله عليه وسلم : على رسلكما . إنها صفية بنت حيي . فقالا : سبحان الله يا رسول الله . فقال : إن الشيطان يجري من ابن آدم مجرى الدم . وإني خشيت أن يقذف في قلوبكما شرا - أو قال شيئا }

[عادل عسوم]

المشاركة الأصلية كتبت بواسطة صديق عيدروس

عادل ماتلوي الكلام بدون سبب ، الراجل بتكلم عن مواصفات وشروط معينة ممكن تنطبق عليك او على غيرك او ايّ احد بالمنتدى اوخارجه وهي على طريقة (مابال اقوام ) ، فهو باختصار يريد يقول ان من قتل وشارك في القتل او اعان عليه او حاول تبريره او تمريره والتغطية عليه باي وسيلة او طريقة ، حتى لو كانت بمحاولة صرف انظار الناس او انتباههم
فحتى لو افترضنا اننا ومن خلال القراءة مابين السطور عرفنا انه يقصد فلان او فلان بناء على فرضية انتمائهم للتنظيم الحاكم او دفاعهم المعلن عنه ومحاولة تبرير افعاله ، فلايمكن ان نقول له انت كنت تقصد فلان او فلان ، او انك قصدتني انا لان بعض القرائن او بعض الشواهد التي ذكرتها تنطبق عليّ
فالاولى ان نقوم بتنفيد القرائن المذكورة وتصحيح ما علق باذهان البعض عنا خاصة في هذا الظرف (وخاصة في هذا الظرف )*
فليس هناك خصومة شخصية بينكما او خلاف على مال او تجارة تستدعي كل ذلك لاستدعاء كل كلمة او تلميح وتحميلها اكثر مما تحتمل
___________________

* عن صفية بنت حيي رضي الله عنها قالت { كان النبي صلى الله عليه وسلم معتكفا . فأتيته أزوره ليلا . فحدثته ، ثم قمت لأنقلب ، فقام معي ليقلبني - وكان مسكنها في دار أسامة بن زيد - فمر رجلان من الأنصار فلما رأيا رسول الله صلى الله عليه وسلم أسرعا . فقال النبي صلى الله عليه وسلم : على رسلكما . إنها صفية بنت حيي . فقالا : سبحان الله يا رسول الله . فقال : إن الشيطان يجري من ابن آدم مجرى الدم . وإني خشيت أن يقذف في قلوبكما شرا - أو قال شيئا }

عُلِم ياصِدِّيق

[مها عبدالمنعم]

المشاركة الأصلية كتبت بواسطة عادل عسوم

عُلِم ياصِدِّيق

يا عادل بتعمد للاستفزاز ياخ

[أمين محمد سليمان]

أختنا في الله و الوطن ... سارة القاعدة ...

المشاركة الأصلية كتبت بواسطة سارة

يا عمو امين
الله يخلى ليك اولادك ويخليك ليهم.. مافى انسان بشر سوى يقبل ما حصل
لكن محاربة النظام وافراده ومن ينتمون له ومن يؤيدونه كما اسلفت انت
سابقا وكما فعل الاخ العزيز خالد غالى كل له طريقته لكن ما لا يعجبنى
هو كل من لم يتخذ موقفا كموقفك او مشابها له وصم بالعار..
انا ما دايرة اقول ليك اتأذيت من النظام دا قدر شنو على المستوى الشخصى
ودى قصة يطول شرحها
لكن دا كوم وقتل عيال فى سن عيالى كوم تانى بس هل لا توجد طريقة لمحاربة
النظام غير طريقتك دى ؟؟؟ مثلا ؟؟ .وبعدين من ليس معنا فهو ضدنا دى انا بشوفها كتيرة يا صاحب ولا رايك؟؟؟؟؟؟

تقولي يا ستهم ( مافى انسان بشر سوى يقبل ما حصل) ؟!!

الكلام ده صاح و ما صاح
ما صاح بفهمك انتي الكتبتي بيه الكلام ... إنو الناس كلها ما قبلانه !!

يااااهم ديك ... مش قبلانين و بس ... قبلانين ... و مجرمين الناس الاتكتلت بدعوى عدم جواز خروجهم على الحاكم ... زعلانين على طرمبات البنزين ( الحرقها النظام ) أكتر من دم الشباب الملأ الشوارع حتى ارتوت منه الارض ... زعلانين على دور الحزب الشيوعي في إختطاف الثورة ... و على مذبحة بيت الضيافة الحصلت قبل كم و أربعين سنة في نفس الأسبوع الماتو فيه ميتين و شوية من الشباب !!

و كلامك صاح من حيث لم تقصدي :
لانو فعلا ..بعد الذي حدث ... أي مؤيد أو موالي أو حتى مبرر لهذا النظام (فهو بشر غير سوي ) ...أها (غير سوي ) حقتك دي ... ده بالظبط الانحطاط البنتكلم عنو !!!

قصة (من ليس معنا فهو ضدنا) دي ما عارفك جبتيها من وين ... لو بتتكلمي عني ... فانا أكتر زول عندو علاقات طيبة مع من اختلف معهم في الرأي ... و لحدي قبل الأحداث الاخيرة كنت أنظر لما يحدث في إطار الخلاف السياسي مع موالي الحكومة ... و ده غلط كبير جدا ... لانو الخلاف من يومو ... خلاف أخلاقي !!
العوار الأخلاقي لهذه الحكومة بائن و واضح من أول يوم ... لكن ما تجلى لنا ( أو لي شخصيا عشان أبقى specific ) إلا لمن شفت بعيوني كيف ارتوت الأرض بدماء شبابنا !!

بالنسبة ليك ... أنا متأكد و عارف يقينا انك ما فيك ذرة كوزنة واحدة ... و ما أنا البوصم الناس بالكوزنة حال إختلاف الرؤى ... لكن صوتك لم يعلو إلا حزنا على كلمة (منحطين ) اللي قلناها لمجموعة من الناس ...إنت ذاتك وصفتيم بانهم بشر غير أسوياء !!
لم نر الدمع يملأ عيونك السمحات ديل ..إلا عند وصف مستحق لمن يوالون الظلمة و القتلة سرا و علانية !!
عني شخصيا ... أعرف كيف أحاور و أناقش ... لكن تعالي قولي لي كيف تحاور زول يؤيد هذا النظام ... و يبحث له عن مبررات قتل الناس ... يشتت الصورة و يتباهى بصوره مع القتلة ... ثم ينكر تائيدو لهذا النظام ... كل هذا و انتي ال ( ما دايرة تقول لي اتأذيتي من النظام دا قدر شنو) لم يفتح الله عليك بي ولا كلمة غير إنو يا اخوانا كلمة منحطين دي ما حلوة !!!
ال(البشر الغير أسوياء ديل ) يقتاتون على مواقفكم دي يا سارة ... لو لم يعلمو إنو في ناس هنا رايح ليها الدرب... و احاسيسهم بتنجرح لمن يسمعو كلمة منحطين فتعلو اصواتهم التي لم يسمعها أحد تقاتل من يؤيد هذه الحكومة ... لو لم يعلمو ذلك ... لما تجرأو على مد السنتهم للناس !!!

بالنسبة لسؤالك : هل لا توجد طريقة لمحاربة النظام غير طريقتك دى ؟؟؟

حقيقية ما فهمت قصدك ب (طريقتي لمحاربة النظام ) ... و طالما عندك عليها إعتراض ... جيبي لي specifics عشان ما نتكلم كلام عايم ساي ..
و كوني بخير

[أمين محمد سليمان]

سلام يا دوك و لعلك بخير ياخي

المشاركة الأصلية كتبت بواسطة Hassan Farah

والله كما قلت يا بروف تعرية وفضح هذه الفئة المأفونة لهو بالفعل اضعف الايمان
النبي صلى الله عليه وسلم قال: من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان. ومعنى أضعف الإيمان -كما سألت- أي أقله ثمرة؛ كما قال النووي.
اهلنا فى الداخل الكثير منهم يكبتون حسرتهم وكرههم لهذا النظام الظالم فى قلوبهم وهم فى ذلك معذورون...اما نحن فى الخارج فأضعف ايماننا ان نحارب النظام بألسنتنا والساكت عن الحق شيطان أخرس.....
شكرا يا بروف على كلماتك الشحمانة يا قول المرحوم خالدالحاج
[/I]

دم الناس في الشوارع ... و الوحشية الاتعاملت بيها الحكومة مع المتظاهرين... مفروض تكون رفعت القناع عن أي زول كان عندو ذرة شك في إنو هؤلاء الفجرة لا علاقة لهم بالله و رسوله و المؤمنين ... ما حدث في الشهر الماضي دفن كل ذرة من حسن الظن ممكن تختو في زول متعاطف ساي مع هؤلاء الناس ...خليه المبررين و المؤيدين .
تعرية و فضح كل موالي لهذه الحكومة واجب على ( كل من كان له قلب أو ألقى السمع وهو شهيد ) !!

[رأفت ميلاد]

المشاركة الأصلية كتبت بواسطة أمين محمد سليمان

و لحدي قبل الأحداث الاخيرة كنت أنظر لما يحدث في إطار الخلاف السياسي مع موالي الحكومة ... و ده غلط كبير جدا ... لانو الخلاف من يومو ... خلاف أخلاقي !!

الكلام ده قلناهو لامن صوتنا بح .. الآخر البنّادى بأحترام رأيه ماهو العدو ومافى زول أتلفت لينا .. الموت دور فى الجنوب قام حصد دارفور وزحف لى كردفان والنيل الأزرق وطال باجبار والكيزان بيناتنا يتكشموا .. تفتح خشمك يجوك ناطين أولاد الحلال يكوركوا الرأى الآخر الرأى اللآخر

أها أنت وقع ليك لامن الموت وصل الخرطوم .. أها ناس سارة ديل باقى لىّ إلا يخش بيوتم

بقت زى قصة الراجل القال بعيد من حلتنا .. قالوا ليهو جوة حلتكم .. قال ليهم بعيد من بيتى .. قالوا ليهو جوة بيتكم .. قليهم بعيد من ....

الخواجات قالوا (everyone for himself doesn't work)