خطاب السيد رئيس الجمهورية للأمة السودانية

[ود الخير]

الآن بتلفزيون السودان القومي ...

الله أكبر ولله الحمد..

[ود الخير]

[ناصر يوسف]

أها يا ود الخير

والمفاااااااجعة التعيسة شنو القال عاوز يقولها ؟؟؟

النعمنو كدي انا لا بشوف تلفزيون ولا بسمع راديو ولا بقرأ جرايد ظاتو ياخ

[عبدالعزيز خطاب]

مازال الخطاب إنشائي

والكل يترقب الخلاصة والمفاجأة.

وأحسبها مدوية

يا صديقي

مساء الخير يا الامير

[عبدالعزيز خطاب]

المشاركة الأصلية كتبت بواسطة عبدالعزيز خطاب

مازال الخطاب إنشائي

والكل يترقب الخلاصة والمفاجأة.

وأحسبها مدوية

يا صديقي

مساء الخير يا الامير

لقد خاب ظني يا خالد
ليس هناك جديد
توقعت الإعلان عن حكومة تكنوقراطية لخمس سنوات قادمة بعدها تكون القوى السياسية قد أعدت تنظيمها وبرنامجها لقيادة الدولة.
سندور في ساقية الحوار التي لم تفضي الا لمزيد من معاناة المواطن وهدر مقدرات الوطن نثريات وتبعاتها ولن يتفق الأسياد مع الملاك!!
ولا نملك سوى التفاؤل في غد افضل

[البديري]

للجميع، السلام عليكم ورحمة الله وبركاتة،
يا شباب فى زول فهم حاجة فى خطاب البشير؟
والله إستمعتا للخطاب من: أ إلى ي
ماطلعت بجملة مُفيدة!
الفاهم يفهمنا

[سر الختم إبراهيم نقد]

مفيش فايدة

[حسين عبدالجليل]

سلام ياود الخير :

أول مرة في حياتي أسمع خطاب كامل للبشير . نجاض والله . أنا في الشغل وققلت باب مكتبي للتركيز علي سماع الحطاب و تجاهلت كل المكالمات الا مكالمات زوجتي المتواصلة . كل مرة تسألني "أها قال شنو ؟ ؟ و أنا أقول ليها "ماقال حاجة لسع" لحدي ماالخطاب خلص أنا مستمر أقول ليها "ماقال حاجة لسع ."


علي العموم ياودالخير طالب منك خدمة وهي تزويدي بأسم مقرئ القرآن الذي تلي قبل الخطاب المفاجأة. عجبتني قرايتو جدا و عايز أعرف أسمو (علي الاقل أطلع بحاجة مفيدة من الساعة من عمري الضيعتها)

[سر الختم إبراهيم نقد]

وياريت يعملوا فينا معروف و ما يعيدوه على مسامعنا.

[نبراس السيد الدمرداش]

يا خالد سلام عليك

اول شيء الخطاب الارتجالي الزمان بتاع البشير ابو طلاقات داك مالو عيبو لي
في داعي يتكتب للرئيس خطاب كلو غمط واستعصى وسيرورات كلمات استعصى عليهو ينطقها واستعصى علينا الفهم غايتو بقت علينا نكتة الراجل كلام سيدي بنفهم

تانيا خطاب مخيب لامال كل الشعب
زولك عاوزنا نبدا من الاول ونقعد على طاولة حوار بعد 25 سنه
خطاب خلى من معالجات للوضع الاقتصادي الحالي
خلى من وضع حد للفساد
خلى من الاشاره للتعليم والصحه

خطاب انشائي بالدرجه الاولى

[أحمد طه]

الرئيس دخل بي حمد و مرق بي خوجلي..
استخفاف بي عقول الناس ما بعدو استخفاف ...

وينا المفاجأة ؟ فاجأك بلا ياخدك بركة من صلى و قال يا الله

[ود الخير]

///السلام أولية مطلقة ومن ثم النهضة والتنمية.

//دعوة السودانيين لكلمة سوا..

//دعوة الحركات المسلحة للإنخراط في بناء الوطن ونبذ العنف

//الأحزاب (والنفر القريب)نختلف سياسياً وأن لا يكون إختلافنا

كابحاً لتطلعات الشعب.

//رفع الفقر.. الطاقة النظيفة.. البنية التحتية... كل هذا ممكن ويتطلب عمل وتوافق...

//تحقيق التنمية المستدامة.... والمستهدف هو الشعب السوداني...


//عدم إستثناء أياً من كان لبناء الوطن... حتى الحركات المسلحة ..وان لا تتنازل عن مطالبها....

// حزبنا مستعد لوثبة سودانية كاملة...


// خطاب مبشر للوفاق الوطني.//

[جيجي]

لاحولا انتو دا رئيس معانا على قول عادل امام
غايتو الخطاب دا ياكتبو اللمبي
يا كتبو اخونا ود الخير-دا باعتبار انك مبشر بيه ياود الخير عشان ماتزعل

[Ahmed Basit]

جاي بعد 25 سنة يتكلم عن انعاش الهوية السودانية و التنمية في الاقاليم الاقل نمواً و الحوار السياسي الشمال .. ياخ ده انسان مؤلم و على قول خليل عبدالسلام نجاااااااااض

[نبراس السيد الدمرداش]

المشاركة الأصلية كتبت بواسطة ود الخير

///السلام أولية مطلقة ومن ثم النهضة والتنمية.

//دعوة السودانيين لكلمة سوا..

//دعوة الحركات المسلحة للإنخراط في بناء الوطن ونبذ العنف

//الأحزاب (والنفر القريب)نختلف سياسياً وأن لا يكون إختلافنا

كابحاً لتطلعات الشعب.

//رفع الفقر.. الطاقة النظيفة.. البنية التحتية... كل هذا ممكن ويتطلب عمل وتوافق...

//تحقيق التنمية المستدامة.... والمستهدف هو الشعب السوداني...


//عدم إستثناء أياً من كان لبناء الوطن... حتى الحركات المسلحة ..وان لا تتنازل عن مطالبها....

// حزبنا مستعد لوثبة سودانية كاملة...


// خطاب مبشر للوفاق الوطني.//

والجديد شنو