خلاص ارجعي البيت لمان تحسي انك كويسة تعالي هسى في داعي للدموع دي
........
معقول السبب الدمعتين ديل هن الخلن اامحاضرة الطويلة الاديتني ليهاتروح شمار في مرقة
ياخ والله دي فضيحة
في واحدة تبكي قدام مديرها
لو سموني البكاية ماخاتين علي
لانه انا فعلا بكاية
بتذكر مرة بكيت في صف لانه في واحد جاء دخل قدامي في الصف
الدموع دي هي طبعا ارق تعبير عن الظلم والالم والحزن ...وانا عارفة روحي رقيقة قدر شنو عشان كدا بكاية
ويا يتها المراة عموما
اوعى الجماعة يغشوك ويصفوا دموعك بدموع التماسيح وغيره
ابدا الدموع دي اصدق مشاعر
اصلا هي مابتجي بالساهل
والدايل انه انا لو مشيت بيت بكى زول ما بعرفو وما اتواصلت معاه بطريقة من الطرق مهما حاولت دمعتي مابتنزل
لكن لوزول عرفتو لمدة دقيقة الا امي ولا اختي تقرصني_بمعنى خلاص استغفري ناس البيت غفروا
ويايتها المرأة ما يغشوك ويفقدوك اجمل واصدق تعبير بتملكيه
هي ابدا ما سلاح
هي راية سلام بيضاء بترفعيها ضد الظلم والقهر امام الناس البتحبيهم وبتخجلي انك تمسيهم باي سوء
او مابتقدري تالميهم بتعبير جارح
اوناس بتعجز عن التعبير امامهم تقديرا لهم
اواختلاط مشاعر كلها نبيلة
او ساي كدا امام زول جميل كدابس عاوز توريه انه انت بتخاطبو باحر المشاعر
وانه اقرب ليك من اي كلمة او تعبير اوحرف
وانه دا حبل المشاعر الاقرب والاصدق
ويايها الرجال
ماتحاولو تشوهو الدمع الحنين
وخليكم زي مديري دا
وافهموا الدمعات صاح
اخر حاجة
انا اكتر رجل كنت حريصة على علاقتي معاه رجل بكينا انا وهو معا
لانه اعتبرتها دي اصدق لحظة عنده
