خالد الحاج تاني ما تنهرني طيب

[imported_ود الشيخ]

عشان ما ازعل منك واحاربك
والله ما فاضي من الحجيز والنبز عبر الاثير
اقرأ واستغفر لي ولهم قالوا يا الطالع من بيتك حزين
تلقى الفرح من فين مع إني ود الفرح ذات نفسو
اها آخر أخبار سودانيات شنو
وعندي ليك كلام الناس دي كلها شابكانا شهدائنا في بيت الضيافة
ولن ننساهم وسننتقم لهم ماهو داك ابعاج لافي في الخرتوم
الناس دي دايرة منو بالضبط كده يعني
مش كتلوهم لمن عرفوا الانقلاب حق هاشم العطا فشل
وهو ناس هاشم العطا الاستعجال عليهم شنو يعلقوا العلم الاحمر
والناس في شارع القصر لسع ما مشو
غايتو دي كانت دقسة شيوعيين ساي
اسمع تعال لينا في الاوف طلنا عشان يققولوا معبرنا
قنب عافية

[imported_ود الشيخ]

شنو يا اخي ما تعبرنا من امبارح نكورك ليك
وانت لسع ما كايسنا
ده على وزن مايو والمنافق محمد وردي
امس شفت ليهو صورة بغني مع البشير
زمان والله يا خالد كان بغني لعبود ولمن قام الانقلاب في نادي المريخ غيير الاغنية
ولمن غنى لنميري يا فارسنا ويا حارسنا
كان في حفلة وغيير الاغنية
لمن جو ناس الانخاس عمل معارض لمن مرض رجع يغني للبشير
الزول ده اوتماتيك شديد خلاس
بالله يا خالد الحاج تعال عبرنا يا أخي
يا اخي داير الامان ما كفاية إهي إهي دي حكاية
يا خالد ما جاي ابوظبي بالله تعال عازمك تذكرة ومبيت وفيزا
ولا انت مسموح ليك الدخول من غير فيزا
يعني تحسبا وكده يعني
طبعا يا خالد هسع الشمشرجية البقرو الكلام ده يقولوا مالو ود الشيخ
مع خالد الحاج يا ربي بقى شيوعي كمان
اكلمك حاجه يا خالد وبالله شوف التاريخ سنة 58 والشيوعية
حاجة جديدة على السودانية وارد مصر التي لم نرى
منها خير قط
وهنا قالوا واحد سوداني زي كده احمق
قال ليهم حرام عليكم يا المصريين كلو شئ وكل ازى جاينا منكم
الآخوان المسلمين والناصرين والقمويون العرب
والشيوعية كلها جاي من فوق عليكم الله يوم واحد انحنا جيناكم من تحت

اها ارجع ليك للمناسبة
مشيت بيت جيرانا امي مرسالني اشحد ملح وده كان بيت عامر بتاع المسلة
في صينية ام درمان القدام مستشفى الارسالية
وركن مواصلات العاصمة قرب الظابطية
في الشارع البوديك البوستة
قبل ما يكسروا برمبل انت دخلت برمبل يا خالد الحاج
ولا طوالي بقيتوا ثوريين وبتخدموا أمة
هوي يا وليد عمك عندو مزاج خلني اتمزمج وارتع في
رياض حوشك العامر واوعك تنهرني كفاني نهير وامسكو مني تاج السر
ايوا
نرجع لبيت عامر عندهم واحد ميكانيكي عامل فيها
محترف شيوعي وطبعا غالبية السودانية فكرتهم عن الشيوعية
خروج عن ملة الاسلام وبس وزمان كان السودانية فسوقهم يوم الخميس وبالدس
الشينة منكورة لكن الشيوعية ادتهم المجال انو يفسقوا على الملأ
يعني الزول ده ما بعرف الله ( وده كضب ومحض افتراء ) عبد الخالق
كان بصلي لأنو اخد الشيوعية فكر لكن ناس قريعتي راحت ديل
نسوي فيهم شنو
بالمناسبة في موضة جديدة في السودان خلاص نسينا الشيوعية
ما بتخارج بقت هسع دي في التشيع آآآي والله يا خالد
في ناس بقت شيعة وتعرف ياريت شيعة آل البيت لا والله اثني عشرية
عشان يكملوا الفسوق حدو والدايرنو يعملوه على اساس المبدأ
يعني يشتموا ليك أم المؤمنين وصحابة رسول الله
ابوبكر وعمر وعثمان ويألهو ليك علي بن أبي طالب
ويكفروا ليك جبريل الأمين الذي خان
الأمانة واختلط عليه الحابل بالنابل ولم يفرق بين الرسول
صلوات الله عليه وسلم وبين على بن أبي طالب الذي رباه الرسول
فأنعم جبريل بشرف الرسالة على محمد بدلا من علي
وكأن الله غافل عن كل ذلك فلو كانت هذه مشيئة الله
فلما تقاضى عن ما فعله الوحي الأمين
تاني نرجع لي زولنا داك في بيت ناس عامر
اتذكر الواطة كانت عصر وانحنا في موسم الخريف
يا زول اخونا متفرشخ في عنقريب نص الحوش
المطرة نقطة نقط من النوع ابو كديس يعني مطرة حدود النخرة
اخونا المتشويع ببلاهة رفع راسو للسماء
وقال ده شنو هسع احنا قلنا ليك دايرين مطرة
عليك الله يا خالد ده موش متشويع
في تشكوسلوفاكيا ومن غير ذكر اسماء وفي بداية
عصر الشيوعية اخونا انقبض بمقص في بطنو والله يا خالد
كان بكورك ويقول يا الله فكني من دي وطول عمري ما ارفع راسي من عبادتكك
هسع يا خالد ده نقول فيهو شنو
خالد
كان جيت ترد علي بالله بشويش لكن بمشي واجيك سمح

[imported_خالد الحاج]

إزيك يا ود الشيخ
جيتك والله تفرح
يا أخي نحن أخوان وأصحاب هم واحد الله لا جاب زعل بينا
أحكي ليك قصة
لما كتبت المداخلة بتاعة أخونا تاج السر بإسمك كان الموضوع
خرق للميثاق.
عادة مفروض الأمين العام هو البيتصرف معاك حسب القانون بتاع
سودانيات وما قاعد أتدخل " والزول يدو ناشفة لما الحكاية تتعلق بالقانون".
المرة دي قلت ليه الزول صاحبي خليني أنا بنهره ليك
وكنت قايل نفسي بكرمك يا ود الشيخ.
يا أخي ما تزعل مننا نحن أحباب وبنحاول بس نعيش هنا ونقضي أشياءنا
بالمحنة وصاحبك تاج شتم زول عزيز علينا يا أخي في زول يشتم فضيلي جماع؟
يديك العافية يا ود الشيخ بجيك بي غادي وأقول سلام في الأوف لاين
أما حكاية الشيوعيين فأنصحك تقرأ بوست أخونا شقليني مذبحة قصر الضيافة
ستجد فيه إجابة للكثير من الأسئلة.
ولما أرجع من الشغل بعدين برجع لي قصتك عن برمبل ونضال الشيوعيين.
لك الود المقيم

خالد

[imported_ود الشيخ]

والله يا خالد ردك ده فرحني شديد وكيتا للفاكر انك ما معبرني
يا اخي انا والله لو متابع الاحداث ما بحشر نفسي في ركن
اصلو روحي دي عزيزة عليّ واناني فيها
طيب انا برضو بجيك والبوست ده حقنا برانا للونسة
وطبعا لم ارى بوست شقليني
وما عارف الاسم ده بذكرني بي زول كان
معانا في الجيش في المساحة العسكرية
يا ربي في رابط بينهم
طيب يا خالد انا زول كسلان بالله
جيب لي رابط شقليني عشان اتنور ممكن
تعرف كان معانا في الكتاب ولد معروف عنو الكسل
مرة قلت ليهو زح عشان اقعد جنبو في الكنبة
قال لي يا اخي لزني واقعد
بس من اليوم داك وبقيت اهوى واعشق الكسل
خالد والله الونسة معاك الذ شئ بس اوعك تقنعي ابقى شيوعي
لانو انا انصاري وحزب امة مع وقف التنفيذ

[imported_TARIQ]

السلام على ودالشيخ وخالد ،،

هاك الرابط يا ود الشيخ والله يقدرك تقراه . .

مذبحة بيت الضيافة بين الأسطورة
وأحلام العسكر ومكر السياسة


http://sudaniyat.net/vb/showthread.php?t=2941[/url]

[elmhasi]

ده على وزن مايو والمنافق محمد وردي
امس شفت ليهو صورة بغني مع البشير
زمان والله يا خالد كان بغني لعبود ولمن قام الانقلاب في نادي المريخ غيير الاغنية
ولمن غنى لنميري يا فارسنا ويا حارسنا
كان في حفلة وغيير الاغنية
لمن جو ناس الانخاس عمل معارض لمن مرض رجع يغني للبشير
الزول ده اوتماتيك شديد خلاس

ود الشيخ

اولاً هلاً وغلاً ومرحب بيك ألف

والبيت سوداني

لكن يا الاستاذ

كده قول لي وردي قال شنو لي نميري ؟؟؟

وقال شنو للإنقاذ ؟؟؟؟

يا أستاذي العزيز

أعتقد إنو النفاق في هذا الزمن اصبح مدح وليس ذم ...

كما كان في عهد الشعراء

وتقبل ودي وإحترامي

علي فكرة وردي ما محسي

[imported_خالد الحاج]

المشاركة الأصلية كتبت بواسطة ود الشيخ

طيب يا خالد انا زول كسلان بالله
جيب لي رابط شقليني عشان اتنور ممكن
تعرف كان معانا في الكتاب ولد معروف عنو الكسل
مرة قلت ليهو زح عشان اقعد جنبو في الكنبة
قال لي يا اخي لزني واقعد

لا حولة ولا قوة إلا بالله يا ود الشيخ يا أخي ده كسلان خلاص
غايتو كان بقيت زيو ما أظنك تقدر تكمل البوست ...فيه أكتر من 250 صفحة
http://sudaniyat.net/vb/showthread.php?t=19
أقراه وبعد داك كان داير تبقي شيوعي تجيب شهادة حسن سير وسلوك من إتنين أنصار "ما يكون فيهم ود العمدة" وتجيب جواب مختوم من سيدك الإمام
ونشوف بعد كده ممكن نعمل معاك شنو.
إنت يا ود الشيخ أظن في حقيقة غايبة عليك فأحسن أوقع ليك الفلم ياني أخوك
ومجبور عليك.
(1) الإنتماء للحزب الشيوعي ليس نزهة ... بمعني.
مفلسين
ما عندنا واسطات
تقدم وتقدم وتقدم ... ولما تتعب تاني تقدم وما عندنا في قاموسنا كلمة جيب.
حا تكون متهم علي الدوام بأنك
ملحد . "وإن صليت الصبح حاضر في جامع أنصار السنة وحفظت عمة وتبارك "
لن تصير وزير ولا حتى وزارة السياحة والفنادق.
ستقضي في المعتقلات أكثر من بيتك .

بعدين قبال أكمل ليك يا ود الشيخ يا أخي شيوعية شنو العليك يا أخي أسه
إنت من زمن (برمبل) ما بقيت شيوعي داير تبقي أسه ؟
خليك أنصاري وحزب أمة أسمع كلامي
باكر الزمن ما معروف يبقوق وزير تجارة ده كان مبارك الفاضل خلاها ليك
نقوم نجيك تدينا رخصة مغتربين لإستيراد عربية وعفش بدون تعقيد وإجراءات ودمغات والذي منه
بجيك راجع

[imported_ود الشيخ]

المشاركة الأصلية كتبت بواسطة elmhasi

ود الشيخ

اولاً هلاً وغلاً ومرحب بيك ألف

والبيت سوداني

لكن يا الاستاذ

كده قول لي وردي قال شنو لي نميري ؟؟؟

وقال شنو للإنقاذ ؟؟؟؟

يا أستاذي العزيز

أعتقد إنو النفاق في هذا الزمن اصبح مدح وليس ذم ...

كما كان في عهد الشعراء

وتقبل ودي وإحترامي

علي فكرة وردي ما محسي

elmhasi
انت وراي وراي
شنو هناك زغبرته مننا راجينك
صاح وردي ما محسي لكن والله وخشمي مليان حلفاوي عنصري
وقليل أدب
وغنى للنميري يا فارسنا ويا حارسنا وده كلام بتنسي

بث صوتو حلو
خسوسا لمن يغني الرقبة قزازة عصير والقمر بوبة

[imported_ود الشيخ]

انت يا طارق النصيحة ليك شنو
انا قلت لي خالد يجيب لي الرابط تجي انت ناطي مالك وخالد حيديك شنو
حرّم يحظرنا نسافر ليهو في هولندا هو لعب ولا شنو
طيب بالله لخص لي الكلام نأنو أنا كسلان
عشان اتوضأ واناخش خالد
عامل شنبو الكبير ده

[imported_ود الشيخ]

إنت من زمن (برمبل) ما بقيت شيوعي داير تبقي أسه ؟
خليك أنصاري وحزب أمة أسمع كلامي

ده كلام بدور خلفة رجل
وشكعة يا خالد ، وشنيق طاقية وونسة دقاقة بجيك بمزاج
افتش سجيمان يشوف لينا بنج حصين
الكلام معاك بحتاج للحاجات دي
والله يا خالد بكتب ليك وبضحك اقشقش في دموعي
قلت لي من زمن برمبل
يعني ما مني فايدة

[imported_ود الشيخ]

[align=center]خالد أبو شنب جاييك كويس[/align]

[imported_ود الشيخ]

يبقوق وزير تجارة ده كان مبارك الفاضل خلاها ليك

خالد
انا داير منصب الوزارة مفصلة على اسمو
أبو الجاز هيع
ود عمي ده انساهو كويس

[بابكر مخير]

السفر طويل قدام السودان
والختو أهلنا زمان
ما قادرين نصينو بأمان
الشهيد عبد الخالق محجوب كان لمن يجي يزور واحد من السيديين ويجي يدخل عليهم بيملص نعلاتو،،،، وكان السيديين بيرحبو بيهوا ذي ولدهم.
كانو الشيوخ هم الأباء والشباب هم الأبناء ناهيك عن لونهم السياسي أو الفكري.
الماتو شهداء، إن كانو شيوعيين ولا دبابين ولا غيرهم مساكيين.
كدي إستغفر ربك وربنا يهدي الجميع.
وردي مهما غنى ياهو فنان السودان الأول.
والحقيقة كلنا إتغشينا في حياتنا المرة.... أكان ما الف أقلو مرة......
وكدي شوف إنتا إتغشيت متين ووين وكيفن؟؟؟؟؟؟؟
يديك العافية

[imported_ود الشيخ]

بابكر مخير
انزيك يا اخي انت الجابك للونسة الدقاقة دي منو نعم الله يرحم عبد الخالق محجوب
لكن والله بقردن في ود اخوي خالد ده ريده كده في الله والرهيفة تنقد
ويا يا وود المخير زايغ من بيتي بدور اتفشى مع خالد
عليك الله ومحمد رسول الله اختاني وخلني انشكع بمزاج
اها شوف الكلام البنقط عسل ده بتقدر تقول

ونشوف بعد كده ممكن نعمل معاك شنو

ده كلام شيوعية شنبم يكتف جمل لكن برضو انا ما شيوعي
وزعلان منهم خلونا نجري بوراهم ونسقط حكومة عبود
الضيعناهو وضعنا معاهو



والله يا عبود الناس دي يوم القيامة انا بشهد ليك ضدهم
هم وناس الترابي مع انو الزول خال اولادنا ومعرس بت عمنا لكن الحق حق

[بابكر مخير]

[frame="8 80"]بي عافيتك يا الحبيب
وخلودا كفو ،،، بس إت أتحزم وكاتل[/frame]سلامي وحبي