*****أين الطارقين؟؟؟!!!!!******

[imported_ريما نوفل]

العزيزة الغالية حنينة

لا أعرف كيف يتوقف الذهن عن العمل احياناً. دخلت البوست وانا لم افهم المقصود بـ "الطارقين" وقرأت لأفهم ان المقصود طارق × 2
فعلاً اين هما؟ نفتقدهما.

[imported_طارق مصطفى]

سلامات يا أحلى ناس ..

والله انا عاجز عن الشكر ..

وانشاءالله بجيكم فرداً فرداً (وفردةً فردةً)

بس والله الكونكشن هنا كعب شديد ..

وحسي ما عارف البكتب فيه ده حينزل ولا لأ ..

ده طبعاً إضافة لانو برنامج الورشة مضغوط شديد ..



انشالله يا يابا لا تفوتوا لا تموتوا ..

والله يجيب التاني ..

[imported_الجيلى أحمد]

والله فيك الخير ياحنينه

وعينا بارده على تيمان عطبره


أهو نداءك جاب واحد,
ومنتظرنك ياود عمنا محمد الحسن

[imported_haneena]

أحبتي آسفة لتأخير الرد

ريما نوفل
حمد الله على سلامتك أنت أولآ
و فعلآ الطارقين ما بيقصروا و الله
تسلمي

طارق مصطفي؟؟
إنت جيت؟؟!!!
ياخ ما كنت قايلة في بلد إتصالها أكعب من حقنا
طمنتنا و الله
و خلص بسرعة و تعال صادي

الجابك يجب سمِيَّكْ


الجيلي
تحياتي يا صديق

أها جانا واحد
إنت عليك تجيب التاني
لكن بالله إختفاءهم مع بعض نفس الوقت مش مبالغة؟

[imported_طارق مصطفى]

حنينة الحنينة ..
والله قد تأثرت بهذا البوست لاقصى درجة ..
وعلمت مدى انتمائي لسودانيات ..
وحبي لها ..
وقد زاد يقيني بأنكم أجدر من يُحَب على هذه البسيطة ..



أخيراً عدت الى السودان ..
وحقيقة كانت رحلة جميلة .. ومليئة بالعمل ..
وانشاءالله موعودون ببوست كامل عن تونس ..

ألف شكر ..
ودمتي ياعزيزة

[imported_طارق مصطفى]

عزيزي قارسيا ..

لك الشكر ..

وياخوي مسألة أسامينا المتشابهة دي ما بتنفي فارق السن البيناتنا أنا وهو ..

وبذلك تسقط قضية الاتفاق الطارقي تلك ..

دمت أخي العزيز

[imported_طارق مصطفى]

المشاركة الأصلية كتبت بواسطة سارة

غايتو طارق البلا نضارات سمع اضانى الشقية دى شغال كسير تلج

الاكارلوس داك يطرشنى ويعمى جيرانى

اختفاء فى ظروف غامضة

سروووووورة ..

يعني الواحد ما يغيب ليه يومين علا يجي يلقاك صايطة الواطة ؟؟

يكلموك الكلام بالمسنجر وتجي تحتيه هني


أما عن كارلوس لاقيته بالتلفون لما كنت في القاهرة وقال كويس ..
وقال مزرود بالشغل برة المكتب ..

تحياتي يا جميلة

[imported_طارق مصطفى]

المشاركة الأصلية كتبت بواسطة بنت النيل

خايفاهو يكون راقد بي ( أزمة ) عشان كدا عاوزين نعرف اخبارو بي سرررررررررررعة

أما الود طروقي العسل
أييييييييييييييييي ياسارة نظام كسير تلج وكدا

فكان قريب في ( تونس )
عندو دورة تدريبية حا تأخذ إسبوعين
وغالباً ما حيطل اول ما يستقر

بنت النيل .. ست الناس

كسريه يا بنت أمي المصنع مصنعنا ..
والما عاجبو يحلق حواجبو ..

وحات الله تونس دي بلد عجيييييييييبة ..
ووحات الله أكان كنتو معاي في السفرة دي ..
كان إكتملت الحلاوة والجمال ..

لامن أجيك برواقة ..




يخليك لينا يا عسل

[imported_طارق مصطفى]

المشاركة الأصلية كتبت بواسطة الطيب بشير

أما طارق الفنان..فأنا افتكرتو بيرسم صورتي..هو أتاريهو بيرسم على بعييييد
هاااا..مسكين أنا على قول بنت النيل
تسلموا..

الطيب الراجل الامير ..

برااااك سويتا في نفسك ..

كان كنت قريت الفنون زي ما كنت بتقرا باقي المواد ما كان حصل الحصل ..


ورسمتك جايينها برواااقة ..

بس ما تبقى زي صاحبنا الخرخار داك وتشكيني لي الله

يديك العافية

[imported_طارق مصطفى]

المشاركة الأصلية كتبت بواسطة رأفت ميلاد

تعرفى يا حنينة أنا دخلت البوست دا قبيل وقايل نفسى بصمت

ياخى والله الإتنين بنسأل عليهم بشدة

أهو أحد الطوارق طمنونا عليه فى تونس قالت بت النيل إمكن للزيارة السنوية لطارق بن زياد



مودتى

أستاذنا رأفت ..

تسأل منك العافية انشالله ..

ويسمع من خشمك رب العالمين .. انو تبقي الزيارة سنوية ..

وكمان كان بقت نصف سنوية أو شهرية يكونوا ما قصروا معانا ..

تحياتي

[imported_طارق مصطفى]

المشاركة الأصلية كتبت بواسطة ندى

[align=justify]صحي والله الكاشف أخوكي
وكت واحد دايرة تنزلي ليهو أغنية وواحد بتكسري ليهو في التلج عيييييينك يا تاجر أنا الدخلني شنو غايتو إلا أبقى على طارق إبن زياد [/align]

لووووووووووول ..

والله الشوق أكتر من الكتاحة الجات السودان وانا ما في ديك ..
..

بالله يا ندوية إنتي وبنت النيل تدونا تفاصيل الشمارات جميعاً ..

عشان نواكب شوية ..

لامن أجيك بروااااقة

تسلمي انشالله من كل شر

[imported_طارق مصطفى]

المشاركة الأصلية كتبت بواسطة Nabeil Abdelrahim

وأشكرك حنينة على هذة الملاحظة
وأنا بدورى أسأل أين الطارقين ؟؟

العزيز نبيل ..

أسعدنا سؤالك عنا ..

أنا جيت وربنا يجيب طارق الآخر إنشاءالله ..

ودمت بخير

[imported_طارق مصطفى]

بندرشاه الحبيب ..

ألف شكر على الأغنية الجميلة ..

ودمت بالف خير

[imported_طارق مصطفى]

المشاركة الأصلية كتبت بواسطة ريما نوفل

العزيزة الغالية حنينة

لا أعرف كيف يتوقف الذهن عن العمل احياناً. دخلت البوست وانا لم افهم المقصود بـ "الطارقين" وقرأت لأفهم ان المقصود طارق × 2
فعلاً اين هما؟ نفتقدهما.

العزيزة ريما ..

لك الشكر الجزيل ..

تحياتي ..

[imported_شهاب الرماش]

والله نحن قلنا نتحمدل السلامه للناس الكانت رايحه وربنا يجمع( ببنظاره)
علي وزن ابو (قنايه )

يفزعنا ويلحقنا .

مودتي .....