ظاهرة الظلامية دكتورة بيان والمزعج ملاسي

فتحي مسعد حنفي · 05-12-2007, 04:33 PM

يعني يابابكر انت اطلقت ساقيك الي الريح0انا سمعت بي دق الكبابيش (دي كنية كنا بنطلقها علي الطلاب العرب)لكن جريتك دي ما سمعت بيها الظاهر كنت داسيها مني0وبعدين حسب علمي انو الجماعة اشتكو شوقي ووقف قدام القاضي وكل ما يسأل واحد اضرب منو يقول شوقي فالقاضي قال ليهم يعني كلكم ضربكم شوقي قالوا ليهو ايوة فقام قال ليهو جدع أمشي0

omrashid · 05-12-2007, 06:14 PM

شوقي العزيز
سعدت بصحبتكم في تلك الاجازه القصيره --قرات عنوان البوست -- قلت لنفسي --لاول مرة سوف اختلف مع الاخ شوقي
والحمدلله جات سلامه
صحيح بيان تهاجم الشيوعيين وصحيح تكون في كثير من الاحيان حاده وتقول للاعور --انت اعور

الا انني احترم شجاعتها وقوة قلمها مهما كانت درجة الاختلاف وفوق هذا وذاك احبها وافنقدها اذا غابت

لها مني التيه ولك يا شوقي يا ود امدرمان (عشان نغيظ الحلب )اضعافه ولاسرتك الكريمه

omar · 05-12-2007, 06:33 PM

الاخ الاستاذ شوقي تحية طيبة
لقدانصفت الدكتورة والاخ حسين ملاسي ورغم اني لا اعلم عن دكتورة بيان الا ماتكتبه ويكتب عنها في المنابر الاان سيرتها العطرة ومشاركاتها الفاعلة في قضايا الوطن ومساعدتها للكثير من الاسر الراغبة في تعليم ابنائها في ماليزيا يدل علي سودانيتها الحقة وانا اؤيدك في الاشادة باسرتها الصغيرة التي تنتصر لها وتساعدها ضد شذاذ الافاق واعداء النجاح الذين يحاولون اسكات صوتها لا مقارعتها الحجة بالحجة
اما الاخ حسين ملاسي فهو زميل دراسة فقد درسنا في نفس القسم والكلية وان كان يسبقنا بعدة سنوات وقد وجدنا منه كل عون وهو انسان خلوق وحلو المعشر وفيه ميزة اضافية انه يتعامل برقي شديد مع الكل وهذا مايخبرك به كل من له علاقة بالاخ ملاسي
الاخت تراجي ايضا ورغم الاثارة وكثير الغبار الذي تثيره في المنابر الا انها سيدة محترمة وغيورة علي بني وطنها وقد كانت فاعلة جدا في الفترة التي تزاملنا فيها ولذلك اري ان نركزدائما علي افكار الناس وارائهم وليس الانتقاص من شخصياتهم
مودتي
عمر

فيصل سعد · 05-12-2007, 07:04 PM

و الله ماشا معاك ملبن يا دكتورة يا مستلامية؟ الاداك بالكوريك ادينا بالمعلقة

الحاجات التي لا تعجبني في ظلاميتك هي:-

تتعرضي للاستفزاز بسهولة و يسر.
تتعاملي كثيرا بردة الفعل و تعممي احيانا في العداوة.
و عند الغضب احيانا بتهدي المعبد على رؤوس الكل.
و في زعلات كدا فش غبائن و بتكاوي البعض و ترشي دون تحديد اتجاهات.
عندك قلق البرجوازية الصغيرة و يظهر جليا عند احتداد النقاش و الاستعجال بالنصر.
في بعض المعارك الكيبوردية مرات بتطير منك حروف حارقة.
في بعض المعارك بتخسري ناس دون سبب.
صاحب عدوك عدوك و عدو صاحبك بتحيديه احيانا.
اثناء المعارك بتلقي مرات دعم من ناس ما بشبهوك.
مرات بتشيلي وش القباحة لمجرد انظروا نحن هنا لكم بالمرصاد.

طبعا دي ملاحظات تحتمل الخطأ و الصواب و افتكر دا المكان الانسب لسردها، و دي قناعتي في النصح و المناصحة و المؤمن مرآة اخيه و انا اسجلها لك من ارضية طول العشرة و الزمالة بهذا المنبر و ارجو ان تتقبليها بصدر رحب.

و بعد دا كلوا، انت معنا هنا في "سودانيات" اخت عزيزة و زميلة محترمة و صديقة تواصل و خير و محبة و ظلامية لا يشق لها غبار

و اختلاف وجهات النظر لا يفسد للود قضية.

اطيب الود و اصدق التحايا..

صلاح نعمان · 05-12-2007, 10:38 PM

أستاذنا شوقى
افتقدنا كثيرا هذا الصدق والشفافيه التى عطرت بها المنتدى
لملاسى وبيان كثير التقدير... ولك عظيم الامتنان

bayan · 06-12-2007, 01:59 AM

يا سلام ايها العزيز
تعرف انا دائما في انتظار الصباح الجميل الفيهو البلاد تكون حرة
لكن ابدا لا احلم بصباح جميل لي..
الا اليوم احسست ان الصباح الجميل الشخصي قد اتى..
وعلى يدك انت كبيرنا وتاج راسنا..
ان تكتب عني انت فهذا الشرف الما بعدو شرف
وان تكتب كلام ايجابي عادل فهذا امر يشق القلب فرحا..
الان قد وصلت بيان الميس...
واسعدني انك قد فهمت ما اكتبه على حقيقته..
يشيع هؤلاء انا كوزة ومستفيدة من الانقاذ
ولم يحضر اي شخص دليل لذلك حتى الان...
لم يوضح اي شخص كيف استفادت بيان من الانقاذ او اي شخص من اسرتي..
زارني عدد كبير ن الناس في بيت الوالد في بحري
حتى ان احدهم شتمني وعيرني بفقرنا وبيتنا الذي لم يكتمل
عندما وصلني الى منزلنا بعد احد التجمعات البوردية.
(اختلف معي دون سبب)
نحن اسرة متعلمة شريفة لم نفعل لهذا الوطن غير الخير..
لم نشارك في طعنه او سرقته او نهبه..ولا نتوقف عن الحلم بالصباح الجديد
لا نمتلك سيارة واتوصل بالمواصلات العامة
طيلة بقائي في الخرطوم,, ويشهد على ذلك
كل اصدقاء البورد الذين عادة نلتقي ثم نتفرق
ومنهم من يوصلني الى موقف بحري..
عندما شن الهجوم علي ووصفت اني اتقلب في نعمة قروش السودان
المنهوبة..لم يكتب اي شخص من الذين
زاروا بيتنا المتواضع نافيا ذلك.
ولم يكتب اي ممن مشى معي كداري الى موقف بحري
صمت الكل خشية ان يوصفوا بالظلامية او الموالاة لي.
هؤلاء بورداب الخرطوم الذين يعرفون ان هذه اكاذيب وصمتوا
كما صمتوا عندما علقت صورة تجمعني والابن العزيز جمعة في احتفال
سودانيزاونلاين كدليل على انني في الامن.
لم ياتي ولا واحد ليقل ان هذه الصورة في احتفال عام..
كل هذه الاكاذيب مررت هنا في البوردات هذه
بحضور من رأى الحقيقة العارية..

ان بيان غبشة من غمار الشعب لا تملك بيتا ولا سيارة
وقطعا لا تتنعم باموال الشعب المنهوبة..
حيث يعمل زوجها استاذ في جامعة ماليزية بالتعاقد الشخصي.
مثله ومثل ملاين المغتربين. الذين لا يفوت مرتبهم
حلحلة مشاكل الاسرة الصغيرة والكبيرة..
شهادتك هذه يا كبيرنا شوقي اتت في الزمن المناسب.
لتعيد لي الثقة في ان اخيرا هناك من يعرف الحقيقة
ولديه الشجاعة الكافية ان يصرح بها..
لان هناك عدد كبير يعرف الحقيقة ولكن قلة هي التي لا تسكت
عندما لا يحسن السكوت..
اشكرك جدا واشكر كل من اتى الى هذا البوست
وأمن على ما قلته,,, لان شهادة هؤلاء شهادة
اعتز بها.. بعضهم اختلف معه فكريا
ولكن اعرف تماما ان الهدف واحد والطرق مختلفة..
مثل ام راشد التي هي نموذجي لشخص يعرف الاختلاف وشرفه..
واشكرك يا فيصل على النصائح..
ولكن فقط او لو تراجع الاختلافات وتنظر
انني اصمت واتجاوز عن الشخصي واثبت موقف
كما حدث في غزوة المينبوس
لم يكن المقصود هو فاروق حامد بقدر ما مقصودة
عقليته ( علما انه انزل ذلك البوست دون سبب)
انا لم اقتص لنفسي بل لكل النساء في الدنيا من عمر شهر
الى عمر 100..
رغم تقاعص الجندريات العندهم الجدنر بيطلع ساعة القشرات
والبوبار..

وكذلك ينسحب ذلك على مؤدب الزوجات عاطف مكاوي
لم يكن المقصود شخصه بل عقليته..
التى تدعي التحرر وهي ابعد مسافة مليون ميل منه
شخصية متناقضة ومنفصمة.. تنادي بحرية المرأة
ولكن تقمع امرأة اخرى وتطالب الزوج بتأديبها
طبعا برضو الجندريات الدعيات سجلو تقاعص كبير في هذا.
ولذلك لا تفسر ردودي الحادة انها غضب مسيطر علي ابدا
انا لا اغضب ابدا
انا احفر واوضح عقليات تضر بمسيرة المرأة
حتى ينتبه الناس لها..
يعني الموضوع عمرو بالنسبة لي لم يكن شخصي
دائما هو حفر عقليات للاجيال القادمة من النساء..وتنبيههم وتحذيرهم
من ذئاب تلبس لبوس النعاج وتنظر عن المرأة وحقوقها
وهم اكثر الناس خرقا لهذه الحقوق..
فقط تمليك تجارب للاجيال القادمة لا غير..
رسالة شايف كيف؟

الاخ فتحي انا متشرفة بك وبان الله يسر لنا
هذا المكان حتى نلتقي باناس امثالكم
انا ما حادة ولا غاضبة انا فقط اكتب ارائي بكل وضوح
وكثيرا ما لا تعجب البعض ونختلف من يحتد معي
اللبس له كبك بشلاخات في الدافوري السايبري
وكلو في قضايا عامة لا تمسني الا بعامة..
مثل الموضوع الدائر الان حول ما كتبه حيمورة
لجمعة وما كتبه لي فيما بعد.. لا شئ شخصي.
العزيز عمر
شكرا ليك لدعمك الدائم لي وكلامك الطيب في حقي...
وذي ما بقولو الخواجات
الحاجة البتشوفها ههي الحقيقة انا لا اتلون ولا اتناقض
شكرا ليك مليون واتمنى اكون عند حسن ظنك طوالي

الاخ دكتور مخير شكرا ليك وانت دائما في قلبي رجل لطيف وطيب
اختلف معك بمحبة..

العزيز نوفل ابو بيان
شهادتكم مجروحة وتنزف دما.. انت ابن عزيز لي
واتمنى اكون عند حسن الظن دائما..
الاخ النعمان شكرا لك وانت ترى ما كتبه العزيز شوقي
حديث صادق.. ساحضر الى الخرطوم قريبا
سلامي لمجذوب ومحمد مصطفى..

فيصل سعد · 06-12-2007, 10:06 AM

اقتباس:

المشاركة الأصلية كتبت بواسطة bayan

واشكرك يا فيصل على النصائح..
ولكن فقط او لو تراجع الاختلافات وتنظر
انني اصمت واتجاوز عن الشخصي

و انا اشكرك كذلك على تقبلك لملاحظاتي لبعض من كتاباتك(و ليست نصائح)
حاشا و كلا

و دا كان العشم فيك برضو بتفهمك لها.
و الصباح الجميل ادانا طلة هنا برضو في عز الجليد.
تدوم المودة .. و يدوم التواصل ...

abu qusai · 07-01-2008, 07:17 AM

اقتباس:

المشاركة الأصلية كتبت بواسطة bayan

نحن اسرة متعلمة شريفة لم نفعل لهذا الوطن غير الخير..
لم نشارك في طعنه او سرقته او نهبه..ولا نتوقف عن الحلم بالصباح الجديد
لا نمتلك سيارة واتوصل بالمواصلات العامة

ان بيان غبشة من غمار الشعب لا تملك بيتا ولا سيارة
وقطعا لا تتنعم باموال الشعب المنهوبة..
..

ببساطة لأنه أبوك خريج مدارس الحزب الشيوعي السوداني عشان كدا أحسن تربيتكم وسقاكم الشرف والأمانة ...

ههههههههههههههههههههه أها لقيتيني كيف يا بنت عمي .....

دكتورة بيان أشهد الله أني أحترمك جدا واحترم شجاعتك ... بس لسانك مرات لاذع أكتر من اللازم وكما مشكلتك التعميم وأنا قبل كدا قلت ليك كدا ... يعني يجرحك واحد من الشيوعيين أو أدعياء الشيوعية في المواقع السودانية تقومي تلعني أبو خاش الحزب الشيوعي كله مما أوجدوه ودا كلام ما صاح ...

هسع مثل مداخلتك دي الجندريات ذنبهن شنو تصفيهن بالبوبار ...

راجعي الخاص ودام الود بيننا ..

عم شوقي أحي فيك جنوحك دائما لقول الحق ... بس الأخ ملاسي عنده ردود تفقع المرارة ...

أبو قصي

bayan · 23-01-2008, 05:16 AM

اقتباس:

هسع مثل مداخلتك دي الجندريات ذنبهن شنو تصفيهن بالبوبار ...

والله عاد يا ود العم هن جندرتهن بوبار بس
ودي رأي فيهن عاد اسوي شنو
الجندرة الذي طقم عشاء ست النفر قاعدة في الفضية
معروضة للفرجة.. وما للاستخدام..
كم من قضية فاتت وماتت بسبب تفريطهن ولفهن حول رضاء الرجال عليهم
والخوف من قطع الشخيط العاملنو ذكور البورد ليهن..
تعرف جوة جوة جوة كدا نحنا ما بنقدر ننفلت من وحدة قياسكم
موش

لسع انتو المانحين والمفرحين والمحبين..
يابختكم بجندريات السودان العلى خفيف..

بابكر مخير · 06-12-2007, 02:59 PM

اقتباس:

المشاركة الأصلية كتبت بواسطة فتحي مسعد حنفي

يعني يابابكر انت اطلقت ساقيك الي الريح0انا سمعت بي دق الكبابيش (دي كنية كنا بنطلقها علي الطلاب العرب)لكن جريتك دي ما سمعت بيها الظاهر كنت داسيها مني0وبعدين حسب علمي انو الجماعة اشتكو شوقي ووقف قدام القاضي وكل ما يسأل واحد اضرب منو يقول شوقي فالقاضي قال ليهم يعني كلكم ضربكم شوقي قالوا ليهو ايوة فقام قال ليهو جدع أمشي0

هو يا فتحي أمانة عليك حاجة ذي دي بتتدسا
يا أخي ال cnn جابتا
طبعن قال ليك: لبس طرطور وشيلو ساطور
ما حصلت محكمة لكن فعلن مشو الكبابيش (على قولك) مشو البوليس ولمن جا كنا إحنا كمية من السودانيين، فالبوليس سأل الكبابيش ديل هم الضربوكم، كان الرد: لا دا؛ مؤشرين على شوقي
وأتذكر البوليس قال: to ya ale chlab بلعربي؛ دا والله جدع أو ذي ما بنقول راجل

فتحي مسعد حنفي · 06-12-2007, 03:17 PM

اقتباس:

المشاركة الأصلية كتبت بواسطة Babiker Mukhayer

هو يا فتحي أمانة عليك حاجة ذي دي بتتدسا
يا أخي ال cnn جابتا
طبعن قال ليك: لبس طرطور وشيلو ساطور
ما حصلت محكمة لكن فعلن مشو الكبابيش (على قولك) مشو البوليس ولمن جا كنا إحنا كمية من السودانيين، فالبوليس سأل الكبابيش ديل هم الضربوكم، كان الرد: لا دا؛ مؤشرين على شوقي
وأتذكر البوليس قال: to ya ale chlab بلعربي؛ دا والله جدع أو ذي ما بنقول راجل

يعني يابابكر ياخوي تفتكر سعد الحياة(جبريل) ممكن يوصل الحقيقة زي ما هي 0ما لازم العسكري يبقي قاضي

الله يرحمو ودا كان ما أخد دور بطولة وادعي انو جندل اتنين من الأعداء

شوقي بدري · 06-12-2007, 04:55 PM

الأعزاء
نوفل
فتحي مسعد
بابكر مخير
أم راشد
عمر
فيصل سعد
صلاح النعمان
بيان
فنار
شكرا علي المداخلات
نرجوا أن نعطي الأخت بيان حقها والحدة في الكلام أنا سيدها وهي ليست عيب في باب الحقيقة . وشكرا لكم جزيلا وشكري الخاص للابنة فنار.
والتوضيح أن ابن عمتنا لا يذكر أمامه أي إنسان بخير إلا وجد فيه منقصة فإذا قلت له مثلا أن خالد الحاج رجل مجتهد ومتفان ويضيع وقته وجهده وماله في سودانيات وهو حاذق في الإنترنت ويجيد الأرشفة يقول لك أيوة لكن طوالي كرفتته معوجة .
ذهبوا لزيارة دبلوماسي في بارلين الشرقية وأكرمهم الرجل وعندما سألته عنه قال لي : زول كويس لكن بس لازم تجيب قناية عشان تنط فوق الوساخة في بيته . يقصد القفز بالزانة والرجل كانت زوجته مسافرة عندما أكرمهم بدون معرفة ودون توقع
وإذا ذكر أن هنالك شخص سوداني تحصل علي دكتوراة في علم الفضاء يقول أي لكن جزمته وسخانة

التحية للجميع وآسف لعدم وجود الطابع

شوقي

فتحي مسعد حنفي · 06-12-2007, 05:14 PM

التحية للجميع وآسف لعدم وجود الطابع

شوقي
=====

يازول عوجة مافي وأخونا حسين ملاسي ذاتو ما أظنو عندو طابع عشان كدا شغال تلغرافات0المهم
طلتك كفاية علينا واحنا عارفين ردودك بدون طباعة والقلوب عند بعضها0وحسين دا أكيد عندو عرق
رباطابي بي مساختو ولآمتو دي0
تتذكر زمان في صيف 1968 المشهود أنا كنت شغال مع الجماعة أصحابنا العندهم الكفتيريا الصيفية قدام الاستاد وانت جيت تشتري حاجة باردة وكان عندي شوكلاتة في ايدي قدمت ليك منها فقمت عاينت لي وقلت لي ياخوي أنا مرتك تقدم لي شوكلاتة0 عليك الله في مساخة أكتر من كدا

انشالله المدام ما ترضي تكتب ليك الرد لاني عارفو ممكن يكون شنو0

خالد الحاج · 06-12-2007, 05:17 PM

سلامات يا شوقي
كثيرا ما أستدل بحديثك (السودانيين ما بدوروا الحقيقة) ..
بيان وملاسي بيقولوا "البغلة في الإبريق" وهذا يضايق الكثيرين..
بيان إضافة كبيرة للنت السوداني أقولها دون مجاملة فهي تتعامل ببساطة رغم تأهيلها العلمي
والذي يغيظ البعض وغيرها منجض الناس "نجاض" ولا يرضي إلا بفرش البساط الأحمر
إذا ذكر إسمه وهو صفر كبير .
أحاور بيان ولا أجاملها إن إختلفت معها في الفكرة ويحدث هذا بود واحترام هي تستحقه تماما
ولم يأت هذا وليد إنطباع سريع بل بعد صراع طويل أظنك تعرفه كان حادي الركب فيه سوء الفهم
ومجموعة من ناس (أي لكن...) .
الحمد لله اليوم صار لي أسرة صديقة ممثلة في البروف إبراهيم والأخت دكتورة نجاة والأسرة الحبيبة
وامتدت العلاقة لتضم "حيكومتنا الموقرة" .
أقرأ لها بمتعة فهي قاص ممتاز وناقد بوعي...
أختلف معها في بعض أفكارها (الظلامية) فأنا رجل مستنير

أما ملاسي يا شوقي فهذا إنسان مبدع.
يرسل كلمتين فيجعل غيره يجعجع لأزمان ولا طحين .
إنسان نظيف أقبل نقده بصدر رحب لأني أثق في أنه لا يتبعه الغرض المريض.
من يتحدثون عن ملاسي ويحيكون القصص عن تأريخه لا يعرفونه ولا يريدون معرفته.
ملاسي شخص يسبق عصره بأسلوب متفرد له وحده وكل ذلك بصدق مع النفس ودون افتعال أو تكلف
وهذه موهبة وابداع..
لهما التحية والود المقيم ولك يا شوقي يا صاحب "البغلة" ..

همسة لدكتور مخير..
تجري يا راجل

أنا كنت قايل نفسي براي الجراي.. لكن أحمد الله جريتي كانت في باب توقير "الفلاتي الجهامة" وتوقيرا واحتراما لمهنة العتالة والعتالين .

bayan · 07-12-2007, 01:58 AM

ود العم خالد

لقد اختلفنا بصورة حادة... وهدانا الله تسامحنا
ولا اذكر ابدا انك تحدثت عن عرضي او اسرتي
ولذلك كان هناك طريق للرجعة ولنكن خير مما كنا
ونحنا سعداء انا لنا اصدقاء مثلك ومثل اماني
وربنا يجمعنا في ساعة خير..

05-12-2007, 04:33 PM	#[1]
فتحي مسعد حنفي :: كــاتب نشــط::	يعني يابابكر انت اطلقت ساقيك الي الريح0انا سمعت بي دق الكبابيش (دي كنية كنا بنطلقها علي الطلاب العرب)لكن جريتك دي ما سمعت بيها الظاهر كنت داسيها مني0وبعدين حسب علمي انو الجماعة اشتكو شوقي ووقف قدام القاضي وكل ما يسأل واحد اضرب منو يقول شوقي فالقاضي قال ليهم يعني كلكم ضربكم شوقي قالوا ليهو ايوة فقام قال ليهو جدع أمشي0
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

05-12-2007, 06:14 PM	#[2]
omrashid :: كــاتب نشــط::	شوقي العزيز سعدت بصحبتكم في تلك الاجازه القصيره --قرات عنوان البوست -- قلت لنفسي --لاول مرة سوف اختلف مع الاخ شوقي والحمدلله جات سلامه صحيح بيان تهاجم الشيوعيين وصحيح تكون في كثير من الاحيان حاده وتقول للاعور --انت اعور الا انني احترم شجاعتها وقوة قلمها مهما كانت درجة الاختلاف وفوق هذا وذاك احبها وافنقدها اذا غابت لها مني التيه ولك يا شوقي يا ود امدرمان (عشان نغيظ الحلب )اضعافه ولاسرتك الكريمه
omrashid :: كــاتب نشــط::

05-12-2007, 06:33 PM	#[3]
omar :: كــاتب جديـــد ::	الاخ الاستاذ شوقي تحية طيبة لقدانصفت الدكتورة والاخ حسين ملاسي ورغم اني لا اعلم عن دكتورة بيان الا ماتكتبه ويكتب عنها في المنابر الاان سيرتها العطرة ومشاركاتها الفاعلة في قضايا الوطن ومساعدتها للكثير من الاسر الراغبة في تعليم ابنائها في ماليزيا يدل علي سودانيتها الحقة وانا اؤيدك في الاشادة باسرتها الصغيرة التي تنتصر لها وتساعدها ضد شذاذ الافاق واعداء النجاح الذين يحاولون اسكات صوتها لا مقارعتها الحجة بالحجة اما الاخ حسين ملاسي فهو زميل دراسة فقد درسنا في نفس القسم والكلية وان كان يسبقنا بعدة سنوات وقد وجدنا منه كل عون وهو انسان خلوق وحلو المعشر وفيه ميزة اضافية انه يتعامل برقي شديد مع الكل وهذا مايخبرك به كل من له علاقة بالاخ ملاسي الاخت تراجي ايضا ورغم الاثارة وكثير الغبار الذي تثيره في المنابر الا انها سيدة محترمة وغيورة علي بني وطنها وقد كانت فاعلة جدا في الفترة التي تزاملنا فيها ولذلك اري ان نركزدائما علي افكار الناس وارائهم وليس الانتقاص من شخصياتهم مودتي عمر
omar :: كــاتب جديـــد ::

05-12-2007, 07:04 PM	#[4]
فيصل سعد :: كــاتب نشــط::	و الله ماشا معاك ملبن يا دكتورة يا مستلامية؟ الاداك بالكوريك ادينا بالمعلقة الحاجات التي لا تعجبني في ظلاميتك هي:- تتعرضي للاستفزاز بسهولة و يسر. تتعاملي كثيرا بردة الفعل و تعممي احيانا في العداوة. و عند الغضب احيانا بتهدي المعبد على رؤوس الكل. و في زعلات كدا فش غبائن و بتكاوي البعض و ترشي دون تحديد اتجاهات. عندك قلق البرجوازية الصغيرة و يظهر جليا عند احتداد النقاش و الاستعجال بالنصر. في بعض المعارك الكيبوردية مرات بتطير منك حروف حارقة. في بعض المعارك بتخسري ناس دون سبب. صاحب عدوك عدوك و عدو صاحبك بتحيديه احيانا. اثناء المعارك بتلقي مرات دعم من ناس ما بشبهوك. مرات بتشيلي وش القباحة لمجرد انظروا نحن هنا لكم بالمرصاد. طبعا دي ملاحظات تحتمل الخطأ و الصواب و افتكر دا المكان الانسب لسردها، و دي قناعتي في النصح و المناصحة و المؤمن مرآة اخيه و انا اسجلها لك من ارضية طول العشرة و الزمالة بهذا المنبر و ارجو ان تتقبليها بصدر رحب. و بعد دا كلوا، انت معنا هنا في "سودانيات" اخت عزيزة و زميلة محترمة و صديقة تواصل و خير و محبة و ظلامية لا يشق لها غبار و اختلاف وجهات النظر لا يفسد للود قضية. اطيب الود و اصدق التحايا..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

05-12-2007, 10:38 PM	#[5]
صلاح نعمان :: كــاتب نشــط::	أستاذنا شوقى افتقدنا كثيرا هذا الصدق والشفافيه التى عطرت بها المنتدى لملاسى وبيان كثير التقدير... ولك عظيم الامتنان
صلاح نعمان :: كــاتب نشــط::

06-12-2007, 01:59 AM	#[6]
bayan :: كــاتب نشــط::	يا سلام ايها العزيز تعرف انا دائما في انتظار الصباح الجميل الفيهو البلاد تكون حرة لكن ابدا لا احلم بصباح جميل لي.. الا اليوم احسست ان الصباح الجميل الشخصي قد اتى.. وعلى يدك انت كبيرنا وتاج راسنا.. ان تكتب عني انت فهذا الشرف الما بعدو شرف وان تكتب كلام ايجابي عادل فهذا امر يشق القلب فرحا.. الان قد وصلت بيان الميس... واسعدني انك قد فهمت ما اكتبه على حقيقته.. يشيع هؤلاء انا كوزة ومستفيدة من الانقاذ ولم يحضر اي شخص دليل لذلك حتى الان... لم يوضح اي شخص كيف استفادت بيان من الانقاذ او اي شخص من اسرتي.. زارني عدد كبير ن الناس في بيت الوالد في بحري حتى ان احدهم شتمني وعيرني بفقرنا وبيتنا الذي لم يكتمل عندما وصلني الى منزلنا بعد احد التجمعات البوردية. (اختلف معي دون سبب) نحن اسرة متعلمة شريفة لم نفعل لهذا الوطن غير الخير.. لم نشارك في طعنه او سرقته او نهبه..ولا نتوقف عن الحلم بالصباح الجديد لا نمتلك سيارة واتوصل بالمواصلات العامة طيلة بقائي في الخرطوم,, ويشهد على ذلك كل اصدقاء البورد الذين عادة نلتقي ثم نتفرق ومنهم من يوصلني الى موقف بحري.. عندما شن الهجوم علي ووصفت اني اتقلب في نعمة قروش السودان المنهوبة..لم يكتب اي شخص من الذين زاروا بيتنا المتواضع نافيا ذلك. ولم يكتب اي ممن مشى معي كداري الى موقف بحري صمت الكل خشية ان يوصفوا بالظلامية او الموالاة لي. هؤلاء بورداب الخرطوم الذين يعرفون ان هذه اكاذيب وصمتوا كما صمتوا عندما علقت صورة تجمعني والابن العزيز جمعة في احتفال سودانيزاونلاين كدليل على انني في الامن. لم ياتي ولا واحد ليقل ان هذه الصورة في احتفال عام.. كل هذه الاكاذيب مررت هنا في البوردات هذه بحضور من رأى الحقيقة العارية.. ان بيان غبشة من غمار الشعب لا تملك بيتا ولا سيارة وقطعا لا تتنعم باموال الشعب المنهوبة.. حيث يعمل زوجها استاذ في جامعة ماليزية بالتعاقد الشخصي. مثله ومثل ملاين المغتربين. الذين لا يفوت مرتبهم حلحلة مشاكل الاسرة الصغيرة والكبيرة.. شهادتك هذه يا كبيرنا شوقي اتت في الزمن المناسب. لتعيد لي الثقة في ان اخيرا هناك من يعرف الحقيقة ولديه الشجاعة الكافية ان يصرح بها.. لان هناك عدد كبير يعرف الحقيقة ولكن قلة هي التي لا تسكت عندما لا يحسن السكوت.. اشكرك جدا واشكر كل من اتى الى هذا البوست وأمن على ما قلته,,, لان شهادة هؤلاء شهادة اعتز بها.. بعضهم اختلف معه فكريا ولكن اعرف تماما ان الهدف واحد والطرق مختلفة.. مثل ام راشد التي هي نموذجي لشخص يعرف الاختلاف وشرفه.. واشكرك يا فيصل على النصائح.. ولكن فقط او لو تراجع الاختلافات وتنظر انني اصمت واتجاوز عن الشخصي واثبت موقف كما حدث في غزوة المينبوس لم يكن المقصود هو فاروق حامد بقدر ما مقصودة عقليته ( علما انه انزل ذلك البوست دون سبب) انا لم اقتص لنفسي بل لكل النساء في الدنيا من عمر شهر الى عمر 100.. رغم تقاعص الجندريات العندهم الجدنر بيطلع ساعة القشرات والبوبار.. وكذلك ينسحب ذلك على مؤدب الزوجات عاطف مكاوي لم يكن المقصود شخصه بل عقليته.. التى تدعي التحرر وهي ابعد مسافة مليون ميل منه شخصية متناقضة ومنفصمة.. تنادي بحرية المرأة ولكن تقمع امرأة اخرى وتطالب الزوج بتأديبها طبعا برضو الجندريات الدعيات سجلو تقاعص كبير في هذا. ولذلك لا تفسر ردودي الحادة انها غضب مسيطر علي ابدا انا لا اغضب ابدا انا احفر واوضح عقليات تضر بمسيرة المرأة حتى ينتبه الناس لها.. يعني الموضوع عمرو بالنسبة لي لم يكن شخصي دائما هو حفر عقليات للاجيال القادمة من النساء..وتنبيههم وتحذيرهم من ذئاب تلبس لبوس النعاج وتنظر عن المرأة وحقوقها وهم اكثر الناس خرقا لهذه الحقوق.. فقط تمليك تجارب للاجيال القادمة لا غير.. رسالة شايف كيف؟ الاخ فتحي انا متشرفة بك وبان الله يسر لنا هذا المكان حتى نلتقي باناس امثالكم انا ما حادة ولا غاضبة انا فقط اكتب ارائي بكل وضوح وكثيرا ما لا تعجب البعض ونختلف من يحتد معي اللبس له كبك بشلاخات في الدافوري السايبري وكلو في قضايا عامة لا تمسني الا بعامة.. مثل الموضوع الدائر الان حول ما كتبه حيمورة لجمعة وما كتبه لي فيما بعد.. لا شئ شخصي. العزيز عمر شكرا ليك لدعمك الدائم لي وكلامك الطيب في حقي... وذي ما بقولو الخواجات الحاجة البتشوفها ههي الحقيقة انا لا اتلون ولا اتناقض شكرا ليك مليون واتمنى اكون عند حسن ظنك طوالي الاخ دكتور مخير شكرا ليك وانت دائما في قلبي رجل لطيف وطيب اختلف معك بمحبة.. العزيز نوفل ابو بيان شهادتكم مجروحة وتنزف دما.. انت ابن عزيز لي واتمنى اكون عند حسن الظن دائما.. الاخ النعمان شكرا لك وانت ترى ما كتبه العزيز شوقي حديث صادق.. ساحضر الى الخرطوم قريبا سلامي لمجذوب ومحمد مصطفى..
bayan :: كــاتب نشــط::	التوقيع: http://bayannagat.blogspot.com/2013/...post_4173.html شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء من شهوات مريد

06-12-2007, 04:55 PM	#[12]
شوقي بدري :: كــاتب نشــط::	الأعزاء نوفل فتحي مسعد بابكر مخير أم راشد عمر فيصل سعد صلاح النعمان بيان فنار شكرا علي المداخلات نرجوا أن نعطي الأخت بيان حقها والحدة في الكلام أنا سيدها وهي ليست عيب في باب الحقيقة . وشكرا لكم جزيلا وشكري الخاص للابنة فنار. والتوضيح أن ابن عمتنا لا يذكر أمامه أي إنسان بخير إلا وجد فيه منقصة فإذا قلت له مثلا أن خالد الحاج رجل مجتهد ومتفان ويضيع وقته وجهده وماله في سودانيات وهو حاذق في الإنترنت ويجيد الأرشفة يقول لك أيوة لكن طوالي كرفتته معوجة . ذهبوا لزيارة دبلوماسي في بارلين الشرقية وأكرمهم الرجل وعندما سألته عنه قال لي : زول كويس لكن بس لازم تجيب قناية عشان تنط فوق الوساخة في بيته . يقصد القفز بالزانة والرجل كانت زوجته مسافرة عندما أكرمهم بدون معرفة ودون توقع وإذا ذكر أن هنالك شخص سوداني تحصل علي دكتوراة في علم الفضاء يقول أي لكن جزمته وسخانة التحية للجميع وآسف لعدم وجود الطابع شوقي
شوقي بدري :: كــاتب نشــط::	التوقيع: [frame="6 80"] العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله [/frame] http://sudanyat.org/maktabat/shwgi.htm رابط مكتبة شوقي بدري في سودانيات

06-12-2007, 05:14 PM	#[13]
فتحي مسعد حنفي :: كــاتب نشــط::	التحية للجميع وآسف لعدم وجود الطابع شوقي ===== يازول عوجة مافي وأخونا حسين ملاسي ذاتو ما أظنو عندو طابع عشان كدا شغال تلغرافات0المهم طلتك كفاية علينا واحنا عارفين ردودك بدون طباعة والقلوب عند بعضها0وحسين دا أكيد عندو عرق رباطابي بي مساختو ولآمتو دي0 تتذكر زمان في صيف 1968 المشهود أنا كنت شغال مع الجماعة أصحابنا العندهم الكفتيريا الصيفية قدام الاستاد وانت جيت تشتري حاجة باردة وكان عندي شوكلاتة في ايدي قدمت ليك منها فقمت عاينت لي وقلت لي ياخوي أنا مرتك تقدم لي شوكلاتة0 عليك الله في مساخة أكتر من كدا انشالله المدام ما ترضي تكتب ليك الرد لاني عارفو ممكن يكون شنو0
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

06-12-2007, 05:17 PM	#[14]
خالد الحاج :: كــاتب نشــط::	سلامات يا شوقي كثيرا ما أستدل بحديثك (السودانيين ما بدوروا الحقيقة) .. بيان وملاسي بيقولوا "البغلة في الإبريق" وهذا يضايق الكثيرين.. بيان إضافة كبيرة للنت السوداني أقولها دون مجاملة فهي تتعامل ببساطة رغم تأهيلها العلمي والذي يغيظ البعض وغيرها منجض الناس "نجاض" ولا يرضي إلا بفرش البساط الأحمر إذا ذكر إسمه وهو صفر كبير . أحاور بيان ولا أجاملها إن إختلفت معها في الفكرة ويحدث هذا بود واحترام هي تستحقه تماما ولم يأت هذا وليد إنطباع سريع بل بعد صراع طويل أظنك تعرفه كان حادي الركب فيه سوء الفهم ومجموعة من ناس (أي لكن...) . الحمد لله اليوم صار لي أسرة صديقة ممثلة في البروف إبراهيم والأخت دكتورة نجاة والأسرة الحبيبة وامتدت العلاقة لتضم "حيكومتنا الموقرة" . أقرأ لها بمتعة فهي قاص ممتاز وناقد بوعي... أختلف معها في بعض أفكارها (الظلامية) فأنا رجل مستنير أما ملاسي يا شوقي فهذا إنسان مبدع. يرسل كلمتين فيجعل غيره يجعجع لأزمان ولا طحين . إنسان نظيف أقبل نقده بصدر رحب لأني أثق في أنه لا يتبعه الغرض المريض. من يتحدثون عن ملاسي ويحيكون القصص عن تأريخه لا يعرفونه ولا يريدون معرفته. ملاسي شخص يسبق عصره بأسلوب متفرد له وحده وكل ذلك بصدق مع النفس ودون افتعال أو تكلف وهذه موهبة وابداع.. لهما التحية والود المقيم ولك يا شوقي يا صاحب "البغلة" .. همسة لدكتور مخير.. تجري يا راجل أنا كنت قايل نفسي براي الجراي.. لكن أحمد الله جريتي كانت في باب توقير "الفلاتي الجهامة" وتوقيرا واحتراما لمهنة العتالة والعتالين .
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

07-12-2007, 01:58 AM	#[15]
bayan :: كــاتب نشــط::	ود العم خالد لقد اختلفنا بصورة حادة... وهدانا الله تسامحنا ولا اذكر ابدا انك تحدثت عن عرضي او اسرتي ولذلك كان هناك طريق للرجعة ولنكن خير مما كنا ونحنا سعداء انا لنا اصدقاء مثلك ومثل اماني وربنا يجمعنا في ساعة خير..
bayan :: كــاتب نشــط::	التوقيع: http://bayannagat.blogspot.com/2013/...post_4173.html شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء من شهوات مريد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري