السلام عليكم يا صعايده
مرحبا بالاخ مزمل وهو يحكي عننا ما يضحك كباشي ويقرر بي البروف.......
لكن يا شقيقي ود الفزع دي:
اقتباس:
|
أما شقيقنا مكى فكان من أولاد المغتربين فى ذلك الزمان ، من الذين عاصروا الطفرة فى السعودية، فكان يجهل عادات الريف وأهل الريف
|
شوية اديتها كوز مويه من عندك ( ما كوز زي صفة ناس منير العوض ) ..صحيح اتيت الي اسيوط طالبا في الجامعة ولكن حصيلة دراستي في المملكة العربية السعودية فقط عامان ( ثانية وثالثة ثانوي ) السنة الدراسية ( الاولي ثانوية ) كانت بمدرسة القديمة الثانوية العليا بنين اما المتوسطة فقد كانت بالخرطوم الثانوية بنين ( بجوار داخلية حسيب لطلاب كلية الطب بجامعة الخرطوم وادارة الجمارك السودانية انذاك ...الدراسة الجامعية وبالذات في الغربة ( بعيدا عن الوطن والاهل ) قد صقلت تجربة معرفية ثرة هي بعض من شخصيتي الحالية ( والا ما استطعنا العيش في هذا الغرب الموحش اجتماعياً..ولكنني اقر بان معرفتي بالسودان مدنه وقراه قد ازدادت بمعرفتي بكل الاسايطة منابعهم ومشاربهم المعرفية والتي اتوا منها ...كانت معرفتي بالسودان واهله لا تخرج من محيط ( العاصمة المثلثة مضافا اليها مدينة ودمدني ) ولذلك زادت معرفتي بالسودان بمعرفتي للاسايطة وتجولي في بعض ربوع الوطن زائراً وسائحاً في ربوعة فكانت زيارتي لك في ( شندي - مويس ) ولعصام جاويش في ( كسلا مرورا بالقضارف ) ولود الطيب في ( الدويم ولم أجده ) ولحضور زواج الاخ عبد الرحيم السبكي في ( الفاو قرية 13 ثم السيرة الي الجزيرة ابا) بصحبتك والاخ محمد الحافظ احمد فضل الله ... سوف اذكر تلك القصة ولكن اجد في ذاكرتك استرجاع للتفاصيل ...ما شاء الله صلعتك زحفت فوق راسك لكن ما زالت تذكر الكثير... اتذكر عندما غادرنا السوق الشعبي وجلس بجواري ذلك الفنان الذي امتعني بالغناء ونحن في الطريق الي السبكي ؟؟؟ عليك الله اذكرها هنا ...لماذا اطلب منك راجياً ذلك .. لانها تقودني الي حيث مداخلتي القادمة ( كما طلبت ) عن الراحل الاستاذ مصطفي سيد أحمد المقبول ذلك الفنان الذي اطربنا ومازالت اغانيه الحالده تداعب الوجدان ولو تذكر بانني قد احضرت لكم ولاسرة بخت الرضا لاحياء حفل التخرج ذلك الفنان ( خالد بنها الشهير الان بخالد الصحافة ) والذي يغني لمصطفي بعض اغانية كما اهداه المرحوم بعض اغانيه والحانه ..
اما عن الزميل الاخ الشازلي الذي ذكرته .. ده عنده اشتراك هنا ( في موقع سودانيات ) وان شاء الله يجينا صادي ما يبقي ( كادر سري ) يقرأ المداخلات ويضحك...
د.عصام كمتور قلت لي :
اقتباس:
|
ود الطيب محمد (ومن لف لفه من المريخاب) تحياتي وأشواقي0
|
ما افتكر بعد الون الازرق الهادي للنفوس ده الكتبت بيهو كلامك يكون عندوا كلام ..( بعدين دي مباريات تجريبية أو استعدادية ) الكلام الجد لما يبدأ الدوري وما زلنا في اسيوط وتاريخها ..
الاخ الشيخ ( ...... ) ينادوك بي شيخ منو؟؟ ما قلت لينا لحدي اسع المهم قام الاخ كباشي قاليك:
اقتباس:
|
كيشو شرفك على العين والرأس لكن ما طاوع مكي
|
وده ليه لانو قال :
اقتباس:
|
د.كمال الحمد لله على السلامة قبل ما تختفي ثانية منير وقال في إنجمينا أنت بترويح وين مخلينا ليمكي وكيشو قلبولينا البوست مسيد .
|
شفت كيف يا ( شيخنا ) كباشي قال ( قلبنا البوست مسيد ) ده ليه لانوا ما داير بس يعترف بي ( شريفتك ) القلتها ليهو مباشرة:
اقتباس:
|
أنا شريفي يا مكي أعمل حسابك وأظهر الاحترام، وطبعا يهمني اعتراف كباشي
|
والظاهر عليهو لسع ما اعترف بيك ؟؟؟
الاخ كباشي الحاج من صورك الكثيرة دي نزل لينا صورة ان شاء الله قديمة لي شيخنا (عصام كيشو ده ..!!) ده لو عندك ليهو صورة اصلاً...
د. الجيلي ود الفزع قنطر ليك ود الازرق ...( عمال تلف وتدور وعملنا ليك المديدة حرقتني مع د.الزوول ) اها اشيل مديتي الجديدة دي ولا حا تقتلها ( هبوت ساكت ) زي مديتي معاك ود الازرق؟؟
يا اخوانا لنا عودة فترت من النقير في الكي بورد...
