غايتو ضيعنا زمنا في القراية زمان.. هل الشهادة الجامعية معيار للنجاح؟!!

[imported_Amin Bushari]

المشاركة الأصلية كتبت بواسطة رأفت ميلاد

تعرف يا حافظ أنت ماشى تعوقنى .. مفاخرة الأمهات دى ذكرتنى نكتة بت كلب .. كان فى عباس .. عباس حقنا ما بتاع اللمين ده .. كان لزيتو ليك بيها هنا أخد بيها شهر لى عملية الزايدة

ههههههههههه
رافت رش النكته يااااخ اهو عباس ماف وطريح الفراش

[imported_Amin Bushari]

المشاركة الأصلية كتبت بواسطة عابد عقيد

الرجل الفاضل امين

المال ضُل ضَحَي ........
وتبقي السيرة الشريفة
عباسك باع اغلي ما يملكه البني ادم (الذمة) وقبض المال السايل من عرق الغلابة في جيوبو الناضحة .....
جنة عباس السجم اخير منها جحيم المتعبين .

تسلم

عــابد عقيد

وعليكم الســـلام .. جبت الكلام دا من؟
اكيد لو فتشنا بتطلع حبوبتي وحبوتك أخوات
بقولوا السلطان ضل ضحى بمعنى أنه لا يستقر وسوف يرحل
نعم الحكاية قناعات بس مرات كدا المغسه بتشق الزول
عارف عندي صاحبي من النيل الابيض أول دفعتو ومن المميزين
تخرج من مهندس بترول من جامعة الســـودان قدم اوراقه لناس النيل للبترول
ما شالوه ووظفوا الناس الاقل منو واولاد دفعتو حاجات زي دي هي البتجيب الغبن

تحاياي

[imported_Amin Bushari]

المشاركة الأصلية كتبت بواسطة همس الشوق

اللمين اخوي
هي فعلا حاره شديد

تعرف انا عندي قصه زي حقتك دي لكن كلا يغني على ليلاه

عندي صاحبتي قرينا الثانوي سواء هي زوله بتحب الحياة شديد جنها جكس وحب ما عندها شواغر ابدها تجكس اتنين تلات وانا عامله ليك ليها الناصح الأمين يا بت ما صاح ما كدا البت سمعه وعشان مستقبلك والكلام الخايب داك وهي تضحك علي تقول لي يا بت خليك تفتيحه ربنا لو كاتب لي عرس بنعرس خلينا نعيش حياتنا
وحاة الله يا اللمين البت امتحنا للجامعه لسه الشهادة ما ظهرت البت جاها ليك عريس مغندل وعرسها ليك داك يا العرس
اها ما قعدت معاهو ثلاته سنين حصل خلاف اطلقت ونحن شبكناها ليك برضو مواعظ ويا بت قرايتك بتنفعك وكلام عوير
اها جيت الامارات وخليتها مطلقه وفترة طويله انقطعته منها هسه مشيت السنه الفاتت سألته منها صديقتنا قالت لي اريتو حالك عررست تاني جاتني ليك ليك شايله في بطها وعندها اتنين
وبادرتني ليك بسؤال اها يا ست الفضيله ناويه تعرسي متين وادتني ليك درس في الاخلاق قالو ليك عاد قدرته اقول كلمه سكته سااااااااكت
كل القدرته عليهو قلته ليها كان الزمن رجع بي والله اتشرشح شرشحه
قالت لي قومي لفي ههههههههههههه
بقينا نحاحي في الحبش
قلته لي عجبتك هههههههههههه الفها ليك وتقوم تلف براك

هههههههههههههه
همس الطشمة حقت امبارح فكت مني وقلبنا ضحك الليلة
قلت لي لو ان الزمان يعود بك يوما للوراء كان عملتي العجب
عارفه يا اختي احترام الانسان لنفسو دا أهم حاجة واكيد أنت صاح
وهي غلط وانا كذلك لأنو طريقهم دا ساهل يا بت
فاتورته هي أن تبيع نفسك ومبادئك وضميرك وتعمل الدايرو
ربنا يديك لامن يرضيك قولي آميييييييييييييييييين
وأوع من الشــرشحة في الامارات
تسلمي على المــرور الجميل دا يا همس

[imported_Amin Bushari]

المشاركة الأصلية كتبت بواسطة الأغبش

أمين تحية واحترام ..
سأرد علي مل ظللته بالأحمر أولاً وسآتي للبقية لاحقاً ..
بما أن (راس السوط لحقني هنا) فقد درست بإحدي الجامعات الأقليمية التي تحدثت عنها بإزدراء هنا ..ولو كنت مصراً علي دخول جامعة الخرطوم كعقدة كما يفعل كثيرون لأعدت الامتحان مرة ثانية لكني آثرت المواصلة وتسجيل (اسكور وقتها)بأن أكون أول من يدخل من السنة الأولي مممن أعرف ..ورغم رفض خالي خريج جامعة الخرطوم واصلت .. وتخرجت بتفوق والحمد لله ..
حضرت لمواصلة الماجستير بجامعة الخرطوم وقتها متأخراً بعد التقديم وأذكر أن رئيس القسم قال لنا (أها قبلناكم ان شاء الله تنجحو) ..ولأن نظام دراستنا بكلاريوس عام أربعة سنوات كان لزاما ان ندرس سنة تمهيدية وفيها يدمج طلاب التمهيدي مع طلاب السنة الخامسة ..وبكل الفخر (لأن الموضع كذلك) كنت وزميلتي من نفس الجامعة نشرح لطلاب الخرطوم وغيرها من الجامعات مقررات كاملة لم يسمعوا بها فقد درسنا 66 مقرراً بينما درسوا هم 24 مقرر ..كنا 35 طالاب وعند الامتحان أصبحنا 15 فقط والبقية انسحبت ..وعند النتيجة نجحنا 4 فقط والخامس نجحه المجلس ..وكنت الأول وزميلتي الثانية ..
وفي الماجستير كان نفس السيناريو من نحجوا بدون ملاحق كانوا 8 فقط أنا وزميلتي منهم والبقية منهم من فُصل ومنهم من نجح في الملحق.. وفي البحوث التكميلية كنت أول من ناقش البحث ..وفي مناقشة بحث زميلتي سألها الممتحن الخارجي سؤالاً واحداً فقط (منو استاذك ؟؟)وعندما أجابت بأنه الدكتور المشرف عليها قال له (أقصد أستاذك في البكلاريوس ) ..
رئيس القسم الذي قال مقولته تلك عند بداية تقديمنا كان الممتحن الداخلي لي في الماجستير ..ثم مشرفي في الدكتوراة التي سجلتها بتلك الجامعة (الإقليمية) ..

في ماجستير علوم الحسوب بالنيلين ولأكثر من خمس دفعات متتالية كان الخمسة الأوائل من خريجي كليتنا ..
خريجو الهندسة أيضا تفوقوا علي طلاب الخرطوم في الماجستير في جامعة الخرطوم .أعرف أحدهم وهو الآن في ماليزيا يحضر للدكتوراة ..

خلاصة القول أنني درست بالخرطوم أكثر من دراستي بالجامعة الاقليمية ورغم إعترافي بها كأم للجامعات السودانية لكن تستفزني عنجهية خرييجيها أحياناً ..
كتبت بوست هنا من قبل عن الجامعات السودانية وكنت أتوقع أن يُثار فيه مثل هذا الحديث عن مستويات الجامعات السودانية لكن للأسف لم ترد فيه ولا مشاركة واحدة وتراجع للصفحات الخلفية ..

سأعود لبقية الموضوع لاحقاً...

حبيبنا الأغبش

وعليكم الســـلام يا حبيب..
الاغبش يا جميل أعــوذ بالله من شـــر نفسي أولا ومن الشيطان أن اكون قد قصدت ما ذهبت إليه، حكاية العقدة دي صنعها المجتمع وترسخت في اذهانه ولا سبيل لي أو لك بتغيير ذلك في الوقت الراهن على الاقل..لأنها بقت من المسلمات.
جامعة الخرطوم جامعة رائــدة وتضم صفوة الطلاب والمبرزين وذلك حسب معايير الامتحانات فلا يلتحق بها إلا من يستحق ذلك وتلك حقيقة لا تقبل المزايـــدة لعبت الجامعة دورا كبيرا في تاريخنا بنضالها وبخريجيها الذي اسهموا في بناء الســودان، اما حكاية النفخة دي والله بصــراحة موجودة وشـــديد كمان يعني لو كان قلت لي كلامك دا زمان ما كان رديت ليك شــفته كيف!!
العقدة دي موجودة يا الاغبش عندنا كلنا كسودانيين والدليل هو انفعالك هنا وردك على هذه الجزئية بالذات دون غيرها وحتى لما جيت تحضر ما مشيت لغيرها عشان تغلف شهادتك باسم جامعة الخرطوم وعشان كدا الموضوع طبيعي وموجــود في كل الدول في مصر الما بخش جامعة القاهرة أو طب الزقازيق ما قرا .. نهايتو مصير الايام تغير هذه القناعات..
يلا بعد دا تعال شــوف لي موضوع عباس دا عايز ليهو كامري ب 70 ألف ريال وجماركها زيها ولابتوب أصلي .... الخ الخ
ولو فكرته شـــوية بتلاقي كلامي صاح يعني القراية والشهادة الجامعية ليست هي سبب النجاح يا الاغبش أيام الجامعة والله كنت بحســد ناس آداب واقتصاد كانوا متشــرشحين آخــر شرشحة ونحن معصورين للآخــر الواحد كان فاكر إنو لما يخش الجامعة برتاح أنا بالعكس دخلنا أول سنة قالوا في اعــدادي علوم رياضيات وعصرة أول سنة عشان تضمن تتوزع في الكلية الانت عايزها.

تحاياي يا صاحب

[imported_الأغبش]

المشاركة الأصلية كتبت بواسطة Amin Bushari

حبيبنا الأغبش

وعليكم الســـلام يا حبيب..
الاغبش يا جميل أعــوذ بالله من شـــر نفسي أولا ومن الشيطان أن اكون قد قصدت ما ذهبت إليه، حكاية العقدة دي صنعها المجتمع وترسخت في اذهانه ولا سبيل لي أو لك بتغيير ذلك في الوقت الراهن على الاقل..لأنها بقت من المسلمات.
جامعة الخرطوم جامعة رائــدة وتضم صفوة الطلاب والمبرزين وذلك حسب معايير الامتحانات فلا يلتحق بها إلا من يستحق ذلك وتلك حقيقة لا تقبل المزايـــدة لعبت الجامعة دورا كبيرا في تاريخنا بنضالها وبخريجيها الذي اسهموا في بناء الســودان، اما حكاية النفخة دي والله بصــراحة موجودة وشـــديد كمان يعني لو كان قلت لي كلامك دا زمان ما كان رديت ليك شــفته كيف!!
العقدة دي موجودة يا الاغبش عندنا كلنا كسودانيين والدليل هو انفعالك هنا وردك على هذه الجزئية بالذات دون غيرها وحتى لما جيت تحضر ما مشيت لغيرها عشان تغلف شهادتك باسم جامعة الخرطوم وعشان كدا الموضوع طبيعي وموجــود في كل الدول في مصر الما بخش جامعة القاهرة أو طب الزقازيق ما قرا .. نهايتو مصير الايام تغير هذه القناعات..
يلا بعد دا تعال شــوف لي موضوع عباس دا عايز ليهو كامري ب 70 ألف ريال وجماركها زيها ولابتوب أصلي .... الخ الخ
ولو فكرته شـــوية بتلاقي كلامي صاح يعني القراية والشهادة الجامعية ليست هي سبب النجاح يا الاغبش أيام الجامعة والله كنت بحســد ناس آداب واقتصاد كانوا متشــرشحين آخــر شرشحة ونحن معصورين للآخــر الواحد كان فاكر إنو لما يخش الجامعة برتاح أنا بالعكس دخلنا أول سنة قالوا في اعــدادي علوم رياضيات وعصرة أول سنة عشان تضمن تتوزع في الكلية الانت عايزها.

تحاياي يا صاحب

امين الأمين ..تحية وود
الموضوع متشعب بالطريقة التي ذكرته بها كما اسلفت لهمس الشوق.. وما تحدثت عنه لا يخرج عن إطاره ..
تصدق يا أمين انو ما اخترتها نا ..العقدة كانت عند مدير جامعتنا لأنو خريج الخرطوم ..رغم انو تخصصي الدقيق موجود في جامعة السودان وكان الماجستير متاح إلا انو رض وأصر انو أنتظر الخرطوم وأخرني سنتين ..
كمان حكاية عنجهية ناس الهندسة دي براها كوم .. مرة عندنا واحد في اجتماع مجلس الاساتذة من كلية العلوم الاسلامية انتقد ليك ناس الهندسة قام بروف منهم قال ليهو (انتو أي واحد جري عمل ليهو دكتوراه في فرائض الوضوء عايز يجي يتفلسف لينا هنا )

نرجع للموضوع ... الشهادة الجامعية ليست مقياس لنجاح في أغلب الأحيان ..خاصة في مجال العلوم الانسانية وبالأخص في العلوم الإدارية ..حيث يمثل الفن جوهر العملية ..ويدخل في الفن هذا كل ما يرتبط بالشخصية .. لذا تجد المثل الشعبي القائل (القلم ما بزيل بلم) متجسداً في كثير من الناس .. تجد بروف في الادارة يعجز عن إدارة أصغر مؤسسة بينما عامل بسيط قد يديرها أفضل منه ..فلو توافر العلم مع الفن بلا شك يكون أفضل من الفن بلا علم ..لكن لو توافر العلم فقط فهو غير كافي لبلوغ النجاح ..

حالة صاحبك هذا لا أسميها نجاحاً ..قد تكون انتهازية أو صدفة هي التي صنعته ..والإنتهازية هنا يلعب فيها الفن دور يغطي علي العلم .. أعرف أحد كبار قرية مجاورة وصل مرحلة أن يكون رئيس اتحاد المزارعين بالمحافظة أو الولاية لا أدري وأصبح من أغني اغنياء المنطقة بإستفادته من موقعه هذا .وهو أمي تماماً .. مرة في لقاء جماهيري وهو يعتلي المنصة ويتحدث أراد أحد الحضور إحراجه امام المسؤولين فقدم له سؤااً مكتوباً في ورقة أمام الجميع ..فما كان منه إلا أن نظر في الورقة وكأنه يقرأ ثموضعها جانباً وقال له ( طلبك ده ان شاء الله بنشوفو ليك بعدين) ...

أها ده مش احسن منو صاحبك ده ؟؟

[imported_سماء الادريسي]

مساك الله بالخير

بعيد عن عباس الفتوة يرى الكثير من الناس أن التفوق الدراسي دليلاً أكيدًا على النجاح في الحياة خصوًصا من ناحية الثراء أو الوجاهة أو المناصب، ولذلك يحرصون على نيل أعلى التقديرات في الدراسة وحصد أكبر قدر ممكن من الشهادات سواءً لهم أنفسهم أو لأولادهم أو لمن يهمهم أمره 00ولو أنك سألت أحدهم أو إحداهن، على أي أساس وصل إلى هذه القناعة؟، فقد تسمع منهم إجابات مختلفة تدور في الغالب على أن هذا ما يؤكده الواقع 00إن المثير حقًا أن الواقع لا يسلم بذلك على إطلاقه؛ فكم من متسرب من التعليم ترك المدرسة في المرحلة الثانوي أو أقل، نجح في تأسيس تجارة رائجة أو صناعة عظيمة وأصبح يعمل عنده عشرات من أصحاب المؤهلات العليا 00وكم من حامل شهادة عليا غرق في الديون ولا يكاد يجد قوت يومه 00وحتى فيما يخص النجاح في تحقيق الشهرة أو المكانة أنظر أين مكانة نجوم كرة القدم وما مدى شهرتهم حتى أن البعض منهم دخل الإعلام أو السياسة من أوسع أبوابها بسب نجوميته الرياضية على الرغم من أنه ليس صاحب شهادة عليا 00إن هذا الاعتقاد الذي يربط النجاح في الحياة بالتفوق الدراسي على شهرته بين الناس ليس بالقوي إذا تم اختباره على الواقع وقد يكون ضرره أكبر من نفعه 00 إن السعادة الحقيقة في الحياة أن يجد الإنسان نفسه في المكان المناسب وأن يعمل الأشياء التي يميل إليها ويستمتع بالقيام بها 000

اجمل التحايا

[imported_Amin Bushari]

المشاركة الأصلية كتبت بواسطة همس الشوق

دقيقه يا اخوي شيل نفسك عشان السكري وكدا يا دكتور
اللمين اخوي دا زعلان عشان عباس السايق الكامري
وهو يا حبه عيني متغرب في السعوديه
ولي حسه ما عرس
ههههههههههههه

ياخ جامعة الخرطوم دي بالمناسبه مستواها ما أصبح زي زمان بس اللهم برستيج

تعرف يا الاغبش عندي بت اختي دخلت اداب ...
البت كان قلته ليها زحي من الدرب تقول ليك
انتي قايلاني انا بقرا وين
في جامعة الخرطوم
اتخيل

آآآآآي باللاي كلميهو
قلت لي بت اختي فاكاها في روحها
تستاهلي انتي القال تكلميها منو
جد يا همسة الحكاية دي موجــودة وبكثرة عند أي زول قرأ في الخرطوم
وراثية كدا أول ما تجي خاشي الجامعة تنفخ روحك

[imported_Amin Bushari]

المشاركة الأصلية كتبت بواسطة الأغبش

امين الأمين ..تحية وود
الموضوع متشعب بالطريقة التي ذكرته بها كما اسلفت لهمس الشوق.. وما تحدثت عنه لا يخرج عن إطاره ..
تصدق يا أمين انو ما اخترتها نا ..العقدة كانت عند مدير جامعتنا لأنو خريج الخرطوم ..رغم انو تخصصي الدقيق موجود في جامعة السودان وكان الماجستير متاح إلا انو رض وأصر انو أنتظر الخرطوم وأخرني سنتين ..
كمان حكاية عنجهية ناس الهندسة دي براها كوم .. مرة عندنا واحد في اجتماع مجلس الاساتذة من كلية العلوم الاسلامية انتقد ليك ناس الهندسة قام بروف منهم قال ليهو (انتو أي واحد جري عمل ليهو دكتوراه في فرائض الوضوء عايز يجي يتفلسف لينا هنا )

نرجع للموضوع ... الشهادة الجامعية ليست مقياس لنجاح في أغلب الأحيان ..خاصة في مجال العلوم الانسانية وبالأخص في العلوم الإدارية ..حيث يمثل الفن جوهر العملية ..ويدخل في الفن هذا كل ما يرتبط بالشخصية .. لذا تجد المثل الشعبي القائل (القلم ما بزيل بلم) متجسداً في كثير من الناس .. تجد بروف في الادارة يعجز عن إدارة أصغر مؤسسة بينما عامل بسيط قد يديرها أفضل منه ..فلو توافر العلم مع الفن بلا شك يكون أفضل من الفن بلا علم ..لكن لو توافر العلم فقط فهو غير كافي لبلوغ النجاح ..

حالة صاحبك هذا لا أسميها نجاحاً ..قد تكون انتهازية أو صدفة هي التي صنعته ..والإنتهازية هنا يلعب فيها الفن دور يغطي علي العلم .. أعرف أحد كبار قرية مجاورة وصل مرحلة أن يكون رئيس اتحاد المزارعين بالمحافظة أو الولاية لا أدري وأصبح من أغني اغنياء المنطقة بإستفادته من موقعه هذا .وهو أمي تماماً .. مرة في لقاء جماهيري وهو يعتلي المنصة ويتحدث أراد أحد الحضور إحراجه امام المسؤولين فقدم له سؤااً مكتوباً في ورقة أمام الجميع ..فما كان منه إلا أن نظر في الورقة وكأنه يقرأ ثموضعها جانباً وقال له ( طلبك ده ان شاء الله بنشوفو ليك بعدين) ...

أها ده مش احسن منو صاحبك ده ؟؟

ههههههههههه
عجييييييييييب يا الأغبش
عارف اقص ليك الحكاية دي
مره برضو واحدة ولدها دخل جامعة الخرطوم هندسة كهربائية
كلمت الحلة والجيران والبلد وعييييييييييييك
اها حبوبتو أم امو جات الخرطوم وعندها راديو بتسمع بيهو
والراديو عطل ويلا شبكت ليك الولد: يا المهندز عليك الله تعال
صلح لي الرادي حقي دا
وهو يطنش الزول لسه برلوم وما ناقش حنانو هههههههههههه
ااها الحبوبة ألحت في طلبها ولما خلاص زهج من النقة
قام قال ليها: يا حاجة عليك الله ما تجنينا في راسنا
كان عندك مســـألة هاتي احلها ليك
وكبير القرية طلع تفتيحه شـــديد لكن

[imported_Amin Bushari]

المشاركة الأصلية كتبت بواسطة سماء الادريسي

مساك الله بالخير

بعيد عن عباس الفتوة يرى الكثير من الناس أن التفوق الدراسي دليلاً أكيدًا على النجاح في الحياة خصوًصا من ناحية الثراء أو الوجاهة أو المناصب، ولذلك يحرصون على نيل أعلى التقديرات في الدراسة وحصد أكبر قدر ممكن من الشهادات سواءً لهم أنفسهم أو لأولادهم أو لمن يهمهم أمره 00ولو أنك سألت أحدهم أو إحداهن، على أي أساس وصل إلى هذه القناعة؟، فقد تسمع منهم إجابات مختلفة تدور في الغالب على أن هذا ما يؤكده الواقع 00إن المثير حقًا أن الواقع لا يسلم بذلك على إطلاقه؛ فكم من متسرب من التعليم ترك المدرسة في المرحلة الثانوي أو أقل، نجح في تأسيس تجارة رائجة أو صناعة عظيمة وأصبح يعمل عنده عشرات من أصحاب المؤهلات العليا 00وكم من حامل شهادة عليا غرق في الديون ولا يكاد يجد قوت يومه 00وحتى فيما يخص النجاح في تحقيق الشهرة أو المكانة أنظر أين مكانة نجوم كرة القدم وما مدى شهرتهم حتى أن البعض منهم دخل الإعلام أو السياسة من أوسع أبوابها بسب نجوميته الرياضية على الرغم من أنه ليس صاحب شهادة عليا 00إن هذا الاعتقاد الذي يربط النجاح في الحياة بالتفوق الدراسي على شهرته بين الناس ليس بالقوي إذا تم اختباره على الواقع وقد يكون ضرره أكبر من نفعه 00 إن السعادة الحقيقة في الحياة أن يجد الإنسان نفسه في المكان المناسب وأن يعمل الأشياء التي يميل إليها ويستمتع بالقيام بها 000

اجمل التحايا

سماء الادريســـي

متفقين معاك تب في كل ما قيل
الشهادة ليست دائما هي سبب النجاح

[imported_كيشو]

[justify]أخي أمين
موضوع جميل
رغم أني لم اقرأ المداخلات ولكنني سأقول كلاماً وأنا متأكد بأن أحد الإخوة سبقني إليه
الشهادة الجامعية ليست معياراً للنجاح، وأرى أن ميول الإنسان ومهاراته يجب أن تجد التشجيع، كما يجب الاستفادة منها، وكثير من الأذكياء لم يكملوا دراستهم لأسباب متعددة منها الاجتماعي ومنها الاقتصادي
ومع ذلك أرى أن نعلي من شأن التعليم والمتعلمين ونستمع إليهم، ونحترم تخصصاتهم (خاصة من الذين لم يدرسوا ولم يتخصصوا)، إن عدم الاستفادة من أهل الخبرة والتخصص من سمات المجتمعات المتخلفة
كما يجب الاحتراس من المدعين وأنصاف المتعلمين[/justify]