أفتحن البيبان والطاقة ..

[منال]

يابت أنا ما قلت ليك تخللي الخباثةأنا أول حاجة كلامي واضح وضوح الشمس ومعناهو ان البنات زمان كانوا مطبولين والحرية عندهم كانت مقيدة ودا الفرق عشان جيلكم انتو بقي منفتح علي الدنيا وما عندو معوقات لادراك الحقايق..يعني هسه جنس نقاشك دا لو كان قبل 30 سنة كانوا أهلك ضبحوك ودا الفرق الأنا قاصدو..يعني في فرق كبير جدا لنظرة الفتاة السوداني أيام ما كان الحب عن طريق الجوابات وبي الدس وبين هسع لما بقي زميلك ممكن يجي يزورك في البيت قدام أهلك ودا طبعا ما انحلال لكن ثقة الأهل في بنتهم..فهمتي يا عسل

بعدين تعالي هنا يوغسلافيا وعطبرة ديل جبتيهم من وين؟أنا درست في التشيك ويوغسلافي كنت بمشيها زيارات أو ترانزيت لامن أكون نزلت في أثينا وماشي براغ بالقطر...وأنا اتولدت وعشت في حلة حمد في بحري يعني ما عندي علاقة بي عطبرة والقاهرة عشت فيها ومازلت عايش فيها مع زوجتي وعيالي يعني مافي سكة لي تجارب جديدة وحتي لو في الحاجات دي دقاقة ما بتتحكي والبيحكي عن حياتو الخاصة في منتدي يبقي أكيد فيهو خلل ومحتاج لي علاج أما الخطوط العريضة فأنا سبق وقلتها ليك في مداخلاتي الفي البدايةأمشي فتشي ليك عن صيدة تانية تنشر غسيلها في البلكونة لغاية ما تجي الكتاحة توسخو ليها[/QUOTE]

سورى جدا للتداخل فى المناطق برة و جوة عطبرة و شندى ... انت مالك لسه مسخن رووووووووووق المنقة شوية ما تتورنفسك و ما تزهج منى بعدين طلبنا منك الخبرة و التجربة بتاعت حياتك الزوجية الحالية الحلوة دى فى مسائل برضو واضحة وضوح الشمس و انت تكرمت و شاركت وو ضحت منها و عشما نين فى المزيد القلت اصلا ما بتشاكل زوجتك الا بتشاكل الاولاد
مسالة الصيدة و لو قاصد الصيد الورد فى حلة حمد اها دى اغنية و الحلة حقتكم و الصيد براك الجبتو و صيد حلت حمد جمال و سماحة جد...

وحتي لو في الحاجات دي دقاقة ما بتتحكي والبيحكي عن حياتو الخاصة في منتدي

تانى و الله بختلف معاك فى مسالة الحكى لو اقتنعنا انو الفهم فى مسالة التجارب دى لنقل الخبرة و المعرفة لاجيال وراء اجيال و المنتديات اصبحت ملاذ للكثيرين من هم بعمرى و الارشفة الالكترونية موجودة اكيد لما اصل لعمرك بحكى بذات الاقتباس لجيل قادم لسه يعنى ما نشر غسيل و لا كتاحة و الله لا جاب الهبوب يا عمنا ... بس خليك معانا و يزيد الاحترام بيننا و مقتنعة باى هترشتك دى و الخروج عن النص:

[فتحي مسعد حنفي]

تانى و الله بختلف معاك فى مسالة الحكى لو اقتنعنا انو الفهم فى مسالة التجارب دى لنقل الخبرة و المعرفة لاجيال وراء اجيال و المنتديات اصبحت ملاذ للكثيرين من هم بعمرى و الارشفة الالكترونية موجودة اكيد لما اصل لعمرك بحكى بذات الاقتباس لجيل قادم لسه يعنى ما نشر غسيل و لا كتاحة و الله لا جاب الهبوب يا عمنا ... بس خليك معانا و يزيد الاحترام بيننا و مقتنعة باى هترشتك دى و الخروج عن النص:





ماشي أنا موافق لكن علي شرط انك تسألي في البريد الخاص وفي صورة أسئلة محددة وكدا نكون دخلنا وادسينا من الكتاحة..أما حكاية المنتديات أصبحت ملاذ لمن هم في عمرك فأمشي شوفي ليك ملاذ بعيد عن عمك فتحي في الجوجل

[معتصم الطاهر]

المشاركة الأصلية كتبت بواسطة فتحي مسعد حنفي

ماشي أنا موافق لكن علي شرط انك تسألي في البريد الخاص وفي صورة أسئلة محددة وكدا نكون دخلنا وادسينا من الكتاحة..

قال فى الخاص قال ..!!!
الاسئلة فى العلن .. و كذا الاجابات .. ..

قال كتاحة .. الكتاحة جاتك ..
وانا بعد لاقيت مجدى .. امانة كتاحتك ما زادت ..

[معتصم الطاهر]

المشاركة الأصلية كتبت بواسطة لنا جعفر

الغالي معتصم
الغالية منال
الغالية بسملة
تحايا وود لامتناهي
أنا مستمتعة بي سؤالاتكم وحواراتكم خالص ودايما معتصم بيتجلى ويجيب من بيت الكلاوي وهنا هو قال حكمة لاتقدر بثمن وهي انه الزواج لايبنى على الحب
دي حقيقة وواقع لكن عموما عشان نكون واقعيين اكتر أنا بقول ليكم اني اقف على بعد حرفين من تصديق مقولة ان الحب كائن اسطوري يلبسه (بضم الياء) من يشاء مايشاء، والجاري وراء العثور على الحب ماواصل نهائي بيفضل يجري والحب جاري منه لانه ببساطة الحب متخيل والحياة واقع

وروميو لو كان تزوج جوليت لاختلفوا بداء من لون الوسادات انتهاء بوجود الاله! وقيس لو تزوج ليلى برضو كان العفار قام وتعال ياخلع واكياس سوداء تحوي بقايا آدمية
القصص التي توحي لنا بالشغف والجنون والهيمان كلها مرتبطة بشواكيش ولو ما الشاكوش كانت تحولت زي ملايين القصص الحولنا............بس
معتصم ..حكاية تعريفك للحب بأنه (زول لو قفلوك معاهو خمسين سنة ماتملي) ده ماتعريف الحب ،ده تعريف التابيدة (المؤبد).......شوف تعريف تاني ياخوي
منال تعالي هنا ياختي انت الجكس بتاعك ده زول خلا ساكت وماعندو كمبيوتر عشان يقرا زهجك ده،
بسملة
عرسي عرسك ساي يابتي وبطلي هيمان
اما حكاية عكود والاربعه واربعين بند دي فهذه تهمة لاننكرها وشرف لاندعيه!!!!!!!!
ههههههههههههه
تحياتي للجميع ومتعكم الله بنعمة الحب!!
ودي لكم متصلا

لنا جعفر
تحياتي

انا قلت انو الزواج لا يبنى على الحب فقط ..
بس بركز على انو الزواج ( يبنى ) يعنى لما نبدأهو بنكون فى المستوى صفر أو أقل ( LEVEL ZERO).وبعد داك بنقعد نبني فيهو على اسس كثيرة و تكون كلها جامدة ولا يقوم ركن واحد يميل بالمبني كلو .. تخيلى لو كان الركن دا ممكن يتغير .. أو يتسلح أو يتصلح ..

تخيلى لو الحب اسطورى او غيرو .. المهم انو لو مافى حب برضو حنصنع حاجة و نتخيلها عشان نعيشها .. نعم هو كائن .. و لكنه كائن فى القلوب ..

قيس وليلى لو تزوجو كانو صنعو لينا حكايات زواج ناجح وكان تغير فكرة العرب عن الحب .. وبقينا أكثر واقعية و أسئلة وحوارات زى دى كان تجاوزناها .. لواقع أكثر عملية


كدى وريني دايرة تعرسى ليك زول ما قادرة تنقفلى معاهو كيف ..!!!
قفلة كدى اسبوع .. بس .. راس .. انت وهو ولاشيء ..
لو ما استحملتيهو يا بت اخير ليك قعاد ساى ..

[الفاتح]

سلام..
شكراً يا هندسه على الكلام الطيب القلتو فيني ، وعفواً للتأخير المقصود بإعتبار إنو ما متعود على إنو واحد يشيد بي في تفصيله بتقتضي إتعامل معاها كما هي وأسميها بإسمها بل وأعيد التفكير في إنو أعيد إنتاج مفرده تتماشى معاها بإعتبار حضورا..
متابع معاك البوست من أولو وسعيد بمستوى النقاش الإدارت فيهو الأسئله ، وسعيد جداً بفلسفتك حول الحب والزواج ، ولو كنت عارف إنو المجاهره علانية بحبي لزوجتي بتفتح منافذ نقاش زي دي كنت زمان - شتً calling-.
إحترامي وتقديري.

[فتحي مسعد حنفي]

المشاركة الأصلية كتبت بواسطة معتصم الطاهر

قال فى الخاص قال ..!!!
الاسئلة فى العلن .. و كذا الاجابات .. ..

قال كتاحة .. الكتاحة جاتك ..
وانا بعد لاقيت مجدى .. امانة كتاحتك ما زادت ..

يا معتصم أنا أستاهل الأصريت علي مجدي يتصل بيك يعني جبتو لي روحي بي ايدي.وللعلم امبارح رسل لي مسج قال انكم اتقابلتو ولما المسج وصلت كنت قاعد مع عكود وطبعا أخدت منو الأخبار تحسبا للبيحصل هسع دا ولقيتك انت عندك أعاصير مش كتاحة فأحسن يازول نقصر الشر
بعدين ياخ ألله امر بالستر انت داير العلن مالكما يمكن الزول يكون عندو حاجات لا تصلح للنشر العلني ومن الأفضل تكون بين كيبوردين دايرنا نمرقا مالك
عكود طيارتو قايمة بعد نص ساعة ولامن يوصل أبو ظبي انشاءالله الساعة 17-40 حيطلع الرويس
طوالي وبرضو أفتكر مجدي راجع بكرة دبي.
للعلم اتكلمنا مع خالد امبارح وأنا طلبت منو يرسل لي نسخة من شريط الفيديو العندو عشان يبقي التايفون بتاعكم صوت وصورة

[بسمله]

لا حولا دا كلو فاتنى |:
ما عاوزه ارجعو تانى وراء

لنا حبابك يا عسل
و الله انا ذاتى كدا لانى زهجت من حبانى حبيتو رغم الظروف ما نسيتو قاعده افكر فى كلام معتصم دا بيشبه كلام خالتى لامن تجى تعمل معاى تحقيق وفى النهايه تطلعنى غلطانه بشان التعامل مع الجنس الخشن
الغريبه قبل كم يوم كدا تصدقى عندى واحد صاحبى عامل ماستر فى الهندسه لامن سالتو عن مفهومو شنو للزواج قال لى الاستمراريه بس ما اكتر

بعا اتصدمت شديد قام لامن لاحظ قال لى يا بسمله اصلها كدا اى زول عاوز يخلى جيناتو و يمشى بس

[فتحي مسعد حنفي]

قيس وليلى لو تزوجو كانو صنعو لينا حكايات زواج ناجح وكان تغير فكرة العرب عن الحب .. وبقينا أكثر واقعية و أسئلة وحوارات زى دى كان تجاوزناها .. لواقع أكثر عملية







حرم وقطع شك كان اتزوجوا ما كنا سمعنا بيهم يا لنا

[معتصم الطاهر]

المشاركة الأصلية كتبت بواسطة بسمله

لا حولا دا كلو فاتنى |:
ما عاوزه ارجعو تانى وراء

ما قلت ليكم الزولة دي ..ما بتعرس قريب
الا تسمع كلامي فى حكاية البناء دي ..

[منال]

المشاركة الأصلية كتبت بواسطة معتصم الطاهر

ما قلت ليكم الزولة دي ..ما بتعرس قريب
الا تسمع كلامي فى حكاية البناء دي ..

سلامات عمنا بعد ما فكو حظرنا
كدى واصل و انا متاكدة انها اى بسملة ح تعرس طوالى و تمسك بناء العش قشة قشة و طوبة طوبة

[منال]

..

أما حكاية المنتديات أصبحت ملاذ لمن هم في عمرك فأمشي شوفي ليك ملاذ بعيد عن عمك فتحي في الجوجل

[/size][/color][/QUOTE]

قيس وليلى لو تزوجو كانو صنعو لينا حكايات زواج ناجح وكان تغير فكرة العرب عن الحب .. وبقينا أكثر واقعية و أسئلة وحوارات زى دى كان تجاوزناها .. لواقع أكثر عملية

يابت أنا ما قلت ليك تخللي الخباثةأنا أول حاجة كلامي واضح وضوح الشمس ومعناهو ان البنات زمان كانوا مطبولين والحرية عندهم كانت مقيدة ودا الفرق عشان جيلكم انتو بقي منفتح علي الدنيا وما عندو معوقات لادراك الحقايق..يعني هسه جنس نقاشك دا لو كان قبل 30 سنة كانوا أهلك ضبحوك ودا الفرق الأنا قاصدو..يعني في فرق كبير جدا لنظرة الفتاة السوداني أيام ما كان الحب عن طريق الجوابات وبي الدس وبين هسع لما بقي زميلك ممكن يجي يزورك في البيت قدام أهلك ودا طبعا ما انحلال لكن ثقة الأهل في بنتهم..فهمتي يا عسل

عمنا الخواجة سلامات
بشوفك لسه مصر على خباثتى العايز تلصقها لى لكن وحاتك يا غالى انا قهمى للموضوع كلو فتح حوار حول اسمى العلاقات الانسانية و اكيد محتاجيييييييييين لنقل الخبرة و هذا متوفر فى مثل هذه المنتدبات و صدقنى لو عايزة ابحث فى جوجل ما كنت طالبت بفتخ توست و قلت عايزة افضفض لانى اعلم الغث من المفيد و فى هذا المنتدى كثيرون هم من ينورو طريقنا .. بعدين الاهم انو جيلنا جايب الانفتاح من وين اصلا اولا كل الشباب الذين بعمرى لهم Parents متعلمين تعليم معقول جامعى و فوق الجامعى و عشان كده التربية لبناتهم ما بتكون بالطبلة و النقاش و مفاتحيو نتاج تفكير عميق للعلاقات الانسانية و لا اخفيك انى ذات النقاش بكون مع والدتى بشكل شبه يومى و لو لخمسة دقائق اصلا الابواب مشرعة فى البيت فى المكتب فى المنتدى فهل ساعدتنا يا عمو

[منال]

عمو معتصم انت وين من الاحداث دى فتشتك ما ظاهر لعل المانع خير و الغزو ما شغال معاك الضرب ده ما حركك

[لنا جعفر]

سلام يامتجادلين

انتو الجدل والورشة ديل لسة مدورين؟
انا متابعة وماكنت دايرة اتورط مع بتاع القرايات ده
قال قال اقراك
ماده الفلم ظاااااااااااااااااااتو ياباش الجنن عبد القادر
ولامابتحب احمد المصطفى؟
المهم زي مابيقول تبارك شيخ الدين
اها قولو لينا ياعم فتحي انت ومعتصم وعكود الكتاحات والاعاصير دي حكايتها شنو
لانه اذا اختلف الصديقان يامنال ظهر الشمار ولا ماكدة ياختي؟
معتصم الطاهر
مصرة انا لو ليلى وقيس كانو اتزوجو كانو تحولو لي قصة عادية جدا وكده اعمل قراية سريعة لكل قصص العشق الولدت ابداع بتلاقي وراها شاكوش ومسامير
يعني فان غوخ (العوير) لما قطع اضانو واهداها لي حبيبته تفتكر كان حايعمل كده لي زوجته؟
انت حسه خلي اضانك ...قاموسك العاطفي ده بتقدر تقطع ليك منو كم ورقة وتديها لي حبيبتك !!! وهي بطبيعة الحال زوجتك ولا ماكدة ياود الطاهر؟ مابقت الامور كلها بالعقل ودو ده وجيبو داك والمصاريف والولاد والجامعة وتامين المستقبل .................وعادية ايامنا .....زي مابقول درويش
عشان كده قلنا اسطوري
واحد يجي يقول لينا لو بعرف ليهو علاقة بين اتنين بدت بالحب واستمرت لي حسة بي نفس الوله والشحتفه والشلهته بتنتهي المسائل دي مع المأذون وخلاص انتهينا والعاقبة لكم في المسرات وتبداء الخستكة
عشان كده انا معاك في حكاية بنيان دي لانه بنيان بي سابق تصور وتصميم للعلاقات
لكن ده افتعال وتواليف للعيش بتكون بس مارست حرية الاختيار ووقفت نمو الكائن الحي جواك لدواعي حفظ النوع والسكينة وسطوة المجتمع وكده
الحب البنحلم بيهو يوماتي حاجة تانيه خالص
حب مطلق ..........ومسئولية مطلقة تجاه العلاقة وبنيانها .......ووجدان شغال على طول وقلق منتج
وحوجة مستمرة لوجود الآخر كونه محتل يصعب الخلاص منه وهاجس لذيذ وتفاصيل
آدم يهرب من التفاصيل مع الزوجة ويحتج بأنا موجود انا اذن احبك!!!!!!
عشان كده انا اعترضت على فكرة المؤبد مع الزوج لانها بتكون تأبيدة
لكن مع الحبيب بتكون شئ تاني ومختلف ياعالم ،وانا ماعارفة اقول شنو اكتر عشان اوضح انه في فرق بين الزوج والحبيب
واحيانا الحبيب بيكون مختار مسار تقليدي لانهاء العلاقة بالطرق السلمية للمجتمع عشان يخلص ويشوف ليهو قهاوي وكور ومنتديات ودومينو وسياسية لزوم اكتمال المظهر الاجتماعي المعتاد!!!!!
في زول فهم حاجة؟؟؟؟؟
انا زاتي مافاهمة
وده كلو من الورشة الصعبة دي
عم فتحي بالله كلم الناس دي
انه الرجل السوداني منفصم ومنقسم واناني ومنحاز لي نفسه
نحن ياعالم محتاجين رومانسية وفهم خاص لانه تركيبتنا الذهنية والعاطفية والبيولوجية مختلفة
افهموناااااااااااااااااااااااااااااااااااااااااااا ااااااااااااا

[منال]

المشاركة الأصلية كتبت بواسطة لنا جعفر

واحد يجي يقول لينا لو بعرف ليهو علاقة بين اتنين بدت بالحب واستمرت لي حسة بي نفس الوله والشحتفه والشلهته بتنتهي المسائل دي مع المأذون وخلاص انتهينا والعاقبة لكم في المسرات وتبداء الخستكة
عشان كده انا معاك في حكاية بنيان دي لانه بنيان بي سابق تصور وتصميم للعلاقات
لكن ده افتعال وتواليف للعيش بتكون بس مارست حرية الاختيار ووقفت نمو الكائن الحي جواك لدواعي حفظ النوع والسكينة وسطوة المجتمع وكده
الحب البنحلم بيهو يوماتي حاجة تانيه خالص
حب مطلق ..........ومسئولية مطلقة تجاه العلاقة وبنيانها .......ووجدان شغال على طول وقلق منتج
وحوجة مستمرة لوجود الآخر كونه محتل يصعب الخلاص منه وهاجس لذيذ وتفاصيل
آدم يهرب من التفاصيل مع الزوجة ويحتج بأنا موجود انا اذن احبك!!!!!!
عشان كده انا اعترضت على فكرة المؤبد مع الزوج لانها بتكون تأبيدة
لكن مع الحبيب بتكون شئ تاني ومختلف ياعالم ،وانا ماعارفة اقول شنو اكتر عشان اوضح انه في فرق بين الزوج والحبيب
واحيانا الحبيب بيكون مختار مسار تقليدي لانهاء العلاقة بالطرق السلمية للمجتمع عشان يخلص ويشوف ليهو قهاوي وكور ومنتديات ودومينو وسياسية لزوم اكتمال المظهر الاجتماعي المعتاد!!!!!
في زول فهم حاجة؟؟؟؟؟
انا زاتي مافاهمة
وده كلو من الورشة الصعبة دي
عم فتحي بالله كلم الناس دي
انه الرجل السوداني منفصم ومنقسم واناني ومنحاز لي نفسه
نحن ياعالم محتاجين رومانسية وفهم خاص لانه تركيبتنا الذهنية والعاطفية والبيولوجية مختلفة
افهموناااااااااااااااااااااااااااااااااااااااااااا ااااااااااااا

الحبيبة لنا كونى نقطة ضوء .... و ادينا دانات و الغام زى دى و الله القلتى ده كلو هو المجننى و مخينى ملاوزة من قصة الحب البتهى بنتهاء مراسم دفن على يد المأذون المفروض يكون كتب ميلاد حياة جديدة لاثنين تحت عرش واحد و فى وسادة واحدة ....
كلام عن الراجل السودانى طلع عينى عديل و خالنى احوص هو برفع عاطفتو و قلبو فى الرف ليه و يخلينة نفسى يقوم قدر ده الله يجازى الكان السبب ..يقال انو فى عقدة ما فى بؤورة الشعور و الاحساس لديه فهل من توضيح
مودتى و خصمتك تجى صادة تانى


على الهامش
اسمعي الاغنية دى من عقد الجلاد كلمات الشاعر محجوب شريف

[معتصم الطاهر]

المشاركة الأصلية كتبت بواسطة منال

عمو معتصم انت وين من الاحداث دى فتشتك ما ظاهر لعل المانع خير و الغزو ما شغال معاك الضرب ده ما حركك

لأن رؤيتي مختلفة ..
أتركها لأتبين ..

ولكن اعطيك بعض هنات النقاش هنا و هناك
هل خليل بهذا الغباء؟
هل تريد بنا الحجكومة خيرا بحربها ؟


البوست دا .. خليهو لغرضو ..