راكوبة المجادعات.. النمة والدوباي

[أبو أماني]

اقتباس:
المشاركة الأصلية كتبت بواسطة سجمان
الطلب دا ..
هل فيهو مشكلة بي طريقتو دي ولّ شنو
إذا فيهو أي مشكلة ورونا الإجراءات
المتبعة في مثل هكذا حالات..

شكراً

أولا نرحب بألذ زولة :-

مرحبتين حباب موجا .. هدر لفانا ..
فرحانيين بقمر الليلة.. ضوا سماءنا..
الموج يلطم فينا .. وإحنا ما .. همانا
مادام ست الأدب والذوق والكياسة معانا
**********

ثانيا عتاب لزول بريدة :-

سجمان أخوي مالك على إتاخــرتا..؟
ودربا بوصّلك لي ما بدورلو خرتة..
دايما مطنشني وببراعتك .. إتفاخرتا
إعتذارك لكانديك .. أنا منو بغــرتا..

ثالثا كلمة حق بحقكم :-

عاد شــن بقول لكم .. إنتوا يا رائعين؟
بمعسول كلامكم بحركم بقالنا.. طحين!
ياريت البوستين يكونوا مدموجين
واحدين مع موجة وسجمان معاه تانيين

لكم كل الحب ياأجدع ناس ... تشششااااوووو

[سجمان]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة سجمان
الطلب دا ..
هل فيهو مشكلة بي طريقتو دي ولّ شنو
إذا فيهو أي مشكلة ورونا الإجراءات
المتبعة في مثل هكذا حالات..

شكراً

أولا نرحب بألذ زولة :-

مرحبتين حباب موجا .. هدر لفانا ..
فرحانيين بقمر الليلة.. ضوا سماءنا..
الموج يلطم فينا .. وإحنا ما .. همانا
مادام ست الأدب والذوق والكياسة معانا
**********

ثانيا عتاب لزول بريدة :-

سجمان أخوي مالك على إتاخــرتا..؟
ودربا بوصّلك لي ما بدورلو خرتة..
دايما مطنشني وببراعتك .. إتفاخرتا
إعتذارك لكانديك .. أنا منو بغــرتا..

ثالثا كلمة حق بحقكم :-

عاد شــن بقول لكم .. إنتوا يا رائعين؟
بمعسول كلامكم بحركم بقالنا.. طحين!
ياريت البوستين يكونوا مدموجين
واحدين مع موجة وسجمان معاه تانيين

لكم كل الحب ياأجدع ناس ... تشششااااوووو

مرسولين عذر رغم اني فيو وخرت
لي زولا عزيز في حقو جد قصرت
العفو والرضا كوم الغناوي دفرت
داير من صباح ردك يجيني ،،غفرت،،

لي اسبوع تمام من العدم كوفرتا
انده في المشارفة لا زعلت لا اتنفرت
في شان الدمج كم من قوافي دفرت
من اليوم خلاص مشرفنا بيهو كفرت

الروراي اخوي الزول اقرب اصنجو
لي اسبوع تمام انا بوستي كايس دمجو
مشرف حوارنا لو ما يفيق من بنجو
باكر من صباح قايم برايا اخمجو

[علاءالدين عبدالله الاحمر]

ضلمت بالحيل وانفكة رسن الوجعة
سقدت عيني لنعاسة كايسة الرجعة
طيفك يأامضمير ناصص ليالي الهجعة
وقيدا طلق في حشاي السجعة
والدرب انفرج دراج لناس البقعة
حادي البانات القوامن صرعة
دلن في أبوروف نجمات ليهن لمعة
ماجادبات شعور بنوت بلل ابقطعة
نابتات سدورن فوت بيهن ركعة

[سجمان]

إندمج النضم مشكور عليو مشرفنا
واقف ديدبان في عملو جد شرّفنا
يا اميرنا العذر في قولنا ما أنصفنا
أعفيلنا الرسول من سوء كيال وحشفنا

[أمير الأمين]

ببركة الاله من الشينة مرقنا
سترة و محبة و خوة كسبنا

[سجمان]

المشاركة الأصلية كتبت بواسطة علاءالدين عبدالله الاحمر

ضلمت بالحيل وانفكة رسن الوجعة
سقدت عيني لنعاسة كايسة الرجعة
طيفك يأامضمير ناصص ليالي الهجعة
وقيدا طلق في حشاي السجعة
والدرب انفرج دراج لناس البقعة
حادي البانات القوامن صرعة
دلن في أبوروف نجمات ليهن لمعة
ماجادبات شعور بنوت بلل ابقطعة
نابتات سدورن فوت بيهن ركعة

القِطنو الفلل ناعمات جلودهن صرفة
والشبه البلالي كتلوجو داير عرفة
من زولي المكندك مناي قلدة وكرفة
معجون من خُمر ونداهو روح القرفة

الزول الكشم قاصد أزاي بي حرفة
رضيان بي صدودو يزيد جراحي ويرفا
من غابت طيوفو دماعي حاكى الطرفة
دا الغاضب تساب وشتيمتو زي الطرفة

[سجمان]

المشاركة الأصلية كتبت بواسطة أمير الأمين

ببركة الاله من الشينة مرقنا
سترة و محبة و خوة كسبنا

فرحانين يمين ننكع نهز بي سيفنا
فوق ود اللمين الليلة خرّف صيفنا
يا ود زين أخوي للنمة زاد قرييفنا
ألكع تُر تعال رحّب معاي بي ضيفنا

[علاءالدين عبدالله الاحمر]

المشاركة الأصلية كتبت بواسطة سجمان

القِطنو الفلل ناعمات جلودهن صرفة
والشبه البلالي كتلوجو داير عرفة
من زولي المكندك مناي قلدة وكرفة
معجون من خُمر ونداهو روح القرفة

الزول الكشم قاصد أزاي بي حرفة
رضيان بي صدودو يزيد جراحي ويرفا
من غابت طيوفو دماعي حاكى الطرفة
دا الغاضب تساب وشتيمتو زي الطرفة

شكيتك اجت لقتنا فوق قهوتنا
اتداولنا أمرك وجرحك الماجفا
قلنالك مظلوم من الغبن فيك عرفة
ناصرنك ياحبيب من امدر للفة
أبات سماحن زين الليك طرفهن مارفة
باكر نادمات عليك نرجوك عليهن رأفة
أصلو الدلال واجب عليهن وعلينا نحنة الزفة
نرميلهن نم صبابة مافيه قول الصدفة
ياغريب في ديارا ماليك بيها العرفة
لابد من تعود ومن نيلنا تاخد غرفة

[سجمان]

المشاركة الأصلية كتبت بواسطة علاءالدين عبدالله الاحمر

شكيتك اجت لقتنا فوق قهوتنا
اتداولنا أمرك وجرحك الماجفا
قلنالك مظلوم من الغبن فيك عرفة
ناصرنك ياحبيب من امدر للفة
أبات سماحن زين الليك طرفهن مارفة
باكر نادمات عليك نرجوك عليهن رأفة
أصلو الدلال واجب علينا الزفة
نرميلن من مافيه قول الصدفة
ياغريب في ديارا ماليك بيها العرفة
لابد من تعود ومن نيلنا تاخذ غرفة

البي يا خلي ناااااادر غالبني جد في لكو
ماب تقضاو وحاتك لمة قهاوي تفكو
الزول الوحيد حاكمني حكم أب تكو
نسّام ريدو بس قرّبت أمشي امفكو

نتفارق نهار بالليل خيالي يسكو
شايفو من الجنان وشايفني زي الككو
زاهد فيني ضمة برضك غلبني أدكو
الجاهل بي حويلي شكيتو لليونسيكو

[علاءالدين عبدالله الاحمر]

المشاركة الأصلية كتبت بواسطة سجمان

البي يا خلي ناااااادر غالبني جد في لكو
ماب تقضاو وحاتك لمة قهاوي تفكو
الزول الوحيد حاكمني حكم أب تكو
نسّام ريدو بس قرّبت أمشي امفكو

نتفارق نهار بالليل خيالي يسكو
شايفو من الجنان وشايفني زي الككو
زاهد فيني ضمة برضك غلبني أدكو
الجاهل بي حويلي شكيتو لليونسيكو

شكيت محنك الريد مطلع عينو
تاريك الجمر شوشو حشاك وتديلو

[سجمان]

المشاركة الأصلية كتبت بواسطة علاءالدين عبدالله الاحمر

شكيت محنك الريد مطلع عينو
تاريك الجمر شوشو حشاك وتديلو

الهارد الحشا يا خلي بصعب سردو
إسمو مع الذكر مرات أقرّب أجردو
ذكراو بالنهار بالليل أكملو وِردو
كلما يزيد صدود جواتي زايد زردو

[علاءالدين عبدالله الاحمر]

المشاركة الأصلية كتبت بواسطة سجمان

الهارد الحشا يا خلي بصعب سردو
إسمو مع الذكر مرات أقرّب أجردو
ذكراو بالنهار بالليل أكملو وِردو
كلما يزيد صدود جواتي زايد زردو

راجعنا اعلاه في قعدتنا بحزافيرو
وقررنا ريدك حالي ماليك عشم في غيرو
والمجلس رفع ليك في الختام دعواتو
يتلم ليك الشمل تبرد مع نظرأتو

[سجمان]

المشاركة الأصلية كتبت بواسطة علاءالدين عبدالله الاحمر

راجعنا اعلاه في قعدتنا بحزافيرو
وقررنا ريدك حالي ماليك عشم في غيرو
والمجلس رفع ليك في الختام دعواتو
يتلم ليك الشمل تبرد مع نظرأتو

مجلسكم واحتك حل المكرّب ربطو
والحكم الصدر جزمت تب ما انطو
لكن الأمر يا خلي واجب ضبطو
وخران الحبيب زاد القلب في نبطو

[علاءالدين عبدالله الاحمر]

المشاركة الأصلية كتبت بواسطة سجمان

مجلسكم واحتك حل المكرّب ربطو
والحكم الصدر جزمت تب ما انطو
لكن الأمر يا خلي واجب ضبطو
وخران الحبيب زاد القلب في نبطو

وأوقعتك سجمان باقي العمر بربطو
باسم ثغر الحبيبة قلبك اللهوف اضبطو
أمرك بالحيل صعب حارينك فحل ما تنطو
وخر الحبيب رزاز طفي نارك نقطو
يرعاك الاله عزالك في الوحيح يتمطو

[أبو أماني]

اقتباس:
المشاركة الأصلية كتبت بواسطة سجمان
مرسولين عذر رغم اني فيو وخرت
لي زولا عزيز في حقو جد قصرت
العفو والرضا كوم الغناوي دفرت
داير من صباح ردك يجيني ،،غفرت،،

حاشاك التقصير .. سيد الكرم ..والشورة
وجنايتك كان رقبة .. والله ليك مغفـورة!
سيد نظم القوافي القصائده جت مأثـــوره
وأحسرتي على الليمبي* الطلع ماسورة! الليمبي هو فتحي مسعد

لي اسبوع تمام من العدم كوفرتا
انده في المشارفة لا زعلت لا اتنفرت
في شان الدمج كم من قوافي دفرت
من اليوم خلاص مشرفنا بيهو كفرت

مبروك علينا الدمج .. يا سيد القوافـــــي
يا أب قلبا محدثه .. وديمة رائق وصافي
ماتكفر بمشرفنا وما تبقى طبعك جافــــي
ريدنا ليكم والله زي .. زولا .. خرافــــــي

الروراي اخوي الزول اقرب اصنجو
لي اسبوع تمام انا بوستي كايس دمجو
مشرف حوارنا لو ما يفيق من بنجو
باكر من صباح قايم برايا اخمجو

أهو زولنا خاف منك والدمج سواهو ..
تلقاهو قال السجمان أخير .. أختاهو ..
باقي لينا موجة كان تخاف تخشاهو ..
نلقى سيرتنا.. في الفيسبوك والياهو