خريجو جامعة أسيوط لمزيد من التواصل

[حليمة]

المشاركة الأصلية كتبت بواسطة مكي محمد الحسن

السلام عليكم يا صعايده
وعشان دي:
ان شاء الله في طريقي للسودان هذا العام (اذا ربنا سهل )...فالتوقف سيكون ( بالدوحة )
لإحياء حفلة بمناسبة ( الصورة ) وفي منزل ( شيخي كيشو ...) اذا رضي أم أبي؟؟؟
شفت حا أمغسوا ليك كيفن!!!
السلام عليكم ورحمة الله وبركاته
مرحب بيك فى الرياض عندنا جماعة برعوا المواهب المتاخرة . ما سمعت بيهو ؟ دوحة شنو أحسن ليك عندنا محل الدبايب الكتار مالك مال النزول غصباً على الناس . فاردين كراسينا ومايكنا واهم حاجة الجمهور وسدادات الاضنين جاهزة يعنى بالعربى كده رمى طماطم وتفاح وبوش مافى بترجع صاغ سليم ونضيف . اها قلت شنو ؟
ومليون تحية للأخت حليمة
مليار تحية ليك .
الفاتك كثير ..لكن ما سمعنا رأيك في مسالة إكتشاف ( موهبتنا ) في الغناء...!!
إن شاء الله أخونا أسامة عثمان أبوشيبة وصل ليكم ( السي دي الجديد ) !!

يطرشنى ما سمعت . الظاهر مدير أعمالك ده عاوز ليهو طرد شكله ما شايف شغله ، حملتك تعبانة . المية بتكدب الغطاس انت بس تعال عندنا . وإبراهيم جاهز بالعود .وكمان زيادة خير منى ولزوم التشجيع وكده ودعماً لمظاهر جن الرجال فى السن دى ح ابقى ليك مزغراتية . قصرت معاك ؟. هسة مطرب ياربى بعد سنة شنو؟ . أكسر لإبراهيم عودو وألا أعمل ليهو حصار إقتصادى ؟

[حليمة]

المشاركة الأصلية كتبت بواسطة حافظ محمد بخيت

[]الاخوة الاعزاء الاسايطة جيل الديناصورات والموديلات الجديدة التحية لكم والاشواق ممتدة من حدائق الفردوس والحقوقين الى الجامعة الجديدة مرورا بتجارة وشبابها الجميل انا اسيوطي من الموديلات الجديدة فهل من مرحب والتحية عبركم للاخوان كباشي وابوشعر ومكي والاخت حليمة وبقية الاسايطة الرائعين دوما
عبدالحافظ -صحي اسيوط سابقا -holy family university حاليا ]

وعليكم السلام ورحمة الله تعالى وبركاته
شرفتنا بسؤالك وتلفوناتك وربنا يديم الاخوة والمحبة ويجمعنا جميع الأسايطة فى فردوسه ، آمين .
مرحب بيك واكيد بيتك ومطرحك يالّا أفرد شراعات التواصل الدائم .
كيشو انت بتاع مشاكل . دائماً مدعى عام . خليك مرة مرة كده محامى دفاع . لك التحية .

[كيشو]

يا جماعة بتنا نسايم دي أديناها العضوية الفخرية لكن بقت عاملة كدة ذي الضرّاب الطاشي عايز ترجّ لينا لعبتنا دي
رايكم شنو فيها؟
ووين أسامة الكاشف من الهجوم الذي يتعرض له الأسايطة في عقر دارهم
بعدين عجايز وديناصورات دي نقولا نحن، لكن غير الأعضاء ما عندهم الحقوق دي، نحن عشنا حياتنا المقسومة لينا، وكانت جميلة وكاملة المواصفات حسب الزمن المتاح، يعني لازم نطور الزمن كلو عشان نضمن الروعة
يا حليل أيامنا السافرنا فيها ووقرينا فيها ونجحنا وفشلنا فيها، واختلفنا واتفقنا فيها، لم تؤثر فينا خلافاتنا السياسية إلا قليلا وبالقدر اللازم فقط لتثبيت المواقف (بالله ما أحسن من هسه؟)
حبينا ورجفنا وانتظرنا متين ربنا يجمعنا بأهلنا وحبايبنا
يا بت هوووي اعملي حسابك

[كيشو]

المشاركة الأصلية كتبت بواسطة مكي محمد الحسن

السلام عليك يا نسايم
من الاقتباس لكلامك في أعلاه:
الخط الأحمر ده عشان نحنا كبرنا وكبرت أحزانا ...وانتو ( بتصغروا في روحكم ) وزتو حلاه..
وعليه لايمكن بعد العمر ده كله ( للمعلوميه انا في العقد الخامس من العمر ) نجي نغني أغاني زي القلتيها دي ..
صاحبي وصديقي العازف الماهر ( حسن بومباي ) هكذا اللقبه ...دائماً ما يقول لي يا أخينا كدي خليك من أغاني ناس كابلي والشفيع دي ...

ميكي
يا زول إنت مصدق ؟
الشفيع والكابلي مرة وااحدة كدا؟
ياخي أنا من أمس أحاول ابلع دي، مشيت لأغاني الشفيع والكابلي وابراهيم عوض وااحدة واحدة، وأقول في كل مرة: يا جماعة مكي دا يكون جن صحي صحي؟
يا زول ها حنجرتك بتنفجر

[كيشو]

المشاركة الأصلية كتبت بواسطة حليمة

السلام عليكم ورحمة الله
أنت متأكد الصورة دى ما كانت فى حفلة تنكرية ؟ لو قلت لا ، نقول إنا لله وإنا إليه راجعون . الدوام لله . ياربى يكون شيخوه لكن مسك فى محل منو ؟ أفتونا .
لك تحيات إبراهيم ومشكور على السؤال . وسلامنا للعيال وامهم .

يا حليمة مالك راجعة دافوري كدي؟
وبعدين أمسّك شنو لي منو؟
إنتي شايفاني زايد ما ناقص، والبزيد بزيدوهو ما بنقصوهو، ولا شنو؟

[كيشو]

صادق العزاء للأخ أمين فريجون وإنا لله وإنا إليه راجعون

[زاهر الطيب حمد]

عفواً يا أسايطه , دحن الزول الواقف شمال دكتور منتصر في الصورة ده ما أخونا عادل جعفر بتاع السدود؟؟؟؟؟

[كباشي]

المشاركة الأصلية كتبت بواسطة الزوول

السلام عليكم

...
متابعكم
أفراحاً وأحزاناً
أقرأ كل مشاركاتكم بمتعة وتمعن
كل هذا النشاط المتدفق الذي يقوم به " نوارات البوست"
ود البك ، المطرب ميكي ، زاهر، كيشو ، شبارقة ، الجيلي ، منتصر ، الزعيم د.عليش، عمر عود ، أبو ريم ، صلاح هجو وكل العقد الفريد الذين قاموا بالمحافظة على حيوية هذا التواصل
ولن أنسى "النسايم" التي تهب علينا بين الحين والآخر
أقول أنني كنت أود العودة عودة مفرحة
ولكن حزن أخونا أمين فريجون (كيكي) أحزنني
فوددت مشاركتكم له علكم تخففوا قليلاً من أحزان هذا الرجل الصابر الجميل
فقد تكاثرت عليه المصائب في السنوات القليلة الفائتة
فتلاقاها بجلد وصبر وأيمان ليس غريباً عليه
آخرها كان فقده لشقيقته بالأمس
رحمها الله رحمة واسعة وجعل مثواها الجنة
سيغادر الأخ أمين للسودان يوم الاثنين القادم
رقم جواله لمن أراد منكم التواصل معه
00966506937327

.....

[align=justify]للفقيدة الرحمة والمغفرة ومنزلة الشهداء والصدقيين وللاخ أمين فريجون احر التعازي
وإنالله وإنا إليه راجعون [/align]

[محمد عبدالله جباره]

المشاركة الأصلية كتبت بواسطة كيشو

صادق العزاء للأخ أمين فريجون وإنا لله وإنا إليه راجعون

السلام عليكم احبتى..
باسمكم جميعا بلغنا تعازيكم الحاره لاخونا امين فريجون"انا لله وانا اليه راجعون" وربنا يجعلها من اصحاب اليمين .ان شاء الله
وهو يقول ليكم يجزيكم الله خيرا وبارك الله فيكم جميعا "
وانا كنت اقراء عليه اسماءكم من على البوست"ود البيك اتصل تلفونيا"زاهر"كيشو"ارباب"عمر"والجميع...
تصوروا كم كان سعيدا بسماعه اسماءكم..

[مكي محمد الحسن]

السلام عليكم يا صعايده

اولا شكراً لدكتور الزوول علي رقم تلفون الاخ د.امين فريجون
وأحسن الله العزاء ..انا لله وانا اليه راجعون ...

ثانياً: الظاهر انو ( الزهايمر المبكر ) ده أصاب الجميع ..
ألو: أكلم د.امين فريجون لو سمحت ...
إجابة : أيوه معاك ..المعاي منو؟
المتصل: معاك مكي محمد الحسن - خريج كلية التربية أسيوط
إجابة: مكي أهلاً وسهلاً ..سلامات
المتصل: عرفتني ولا لسع ..عموما ..البركة فيكم ,احسن الله العزاء ..ربنا يصبرك في فقدك ..وانا لله وانا اليه راجعون ..
إجابة: شكراً جزيلاً ..الحمد لله علي كل مصاب ..مكي ؟؟ منو ؟؟
المتصل : مكي ( الشين ) .. ضحك ثم قال
إجابة: أنا بتذكر مكي واحد أصفراني كان في أسيوط ..
المتصل: أنا مكي الاخضر ( الشين ) مكي التاني كان في زراعة وبعض الناس أطلقوا عليه ( مكي الوجيه ) عشان يفرقوا بيناتنا ... لكنني بعد حضوري الي أسيوط وهو كان قدامي ( شهرته ) لانه كان حتي تخرجة زول من الكلية للمدينة الجامعية وبالعكس ..
--------------------------------------
هكذا بدأ الحوار بيني وبين الاخ د.امين فريجون المقيم بالمدينة المنورة بالمملكة العربية السعودية .. والذي أرسل أسرته الي السودان للمدارس ويدعوا الله ان يقابل ( الصعايده ) جميعاً بالسودان ..ذكر لي دعوة الاخ محمد الحافظ ( له للقاء الذي كان بحديقة الرفيرا بالمردة أم درمان ) ..الدكتور أمين فريجون ذكرني وذكرته بعض من ذكريات وشخوص ...منها ود البيك ( وهو علي اتصال به ) د.العوض عبد الله ( وهو علي اتصال به ) وآخرون ..
ولقد ذكرت له الموقع الاسفيري ومداخلات الصعايده فأجابني بأنه والنترنت علي خصام ..
قال لي قول نيابة عني للاخ عادل جعفر شفتك تطل من علي شاشة تلفزيون السودان ..لكن كضاب في كلامك عن مرورك ( وانت مدافع ) عبري في مباريات كرة القدم بأسيوط ..ناس عثمان طه ما كانوا بقدروا يمروا بالكورة مني .. وطالما بقيت تقول في كلام زي ده علي الانترنت فانقل عني يا ( مكي ) انت بقيت مسؤل كبير في السدود مع الأخ عمر الأزرق ..يبقي مفروض ناس تانين كتار يكونوا بقوا ( سفراء ) عديل كده ...
وعندما ذكرنا سيرة شيخي ( كيشو ) طوالي قام قال لي بتذكروا ( أبو شعر سبيبي داك في حقوق ) ..
الكلام كان كثير وشمل من الاسماء الكثيرون ..د.كمال محجوب ..مزمل فزع ..محمد الحافظ ..عمر الازرق ..ود البيك ..عصام محمود - كيشو ..عمر الأزرق ..عاصم - شبارقة ..صابر أحمد الزبير - جوهر آدم الطاهر ...الخ
يا صعايده دي كلها كانت في ( 30 ) دقيقة مدة سماح كرت المكالمة ..
للاتصال بالأخ د.امين فريجون نعيد رقم التلفون والذي أتانا به د.الزوول :
00966596937327

[محمد عبدالله جباره]

[QUOTE=مكي محمد الحسن;146358][color=#0000FF]السلام عليكم يا صعايده

فعلا يااخي مكى كل صغيره وكبيره ذكرتها فى المحاثه قالها لى وكله فرحه وسرور ..
(المتصل : مكي ( الشين ) .. ضحك ) قالها بالضبط
لك الف تحيه.. واظهر يا كاشف؟

[ابوريم]

حليمة حلوم
مشتاقين يافردة....(تحت تحت يادفعه)...طولتي الغيبة شديد...ومازلنا في انتظار زيارتكم للشرقية...
ابراهومة كيف...اشواقي ليو...من الاورجن قلب للعود؟

[ابوريم]

نسايم

انا جبت لعبتى علشان اقعد بي راحتى تلعبو معاااي

حجلة يانسايم! معقولة وفي شارع ظلط...والمصيبة البفوز يقع في بلاعة...
حنجمد عضويتك الشرفية ونشتكيك لي عمك كيشو

[محمد ابراهيم قرض]

[overline]صدقوني جاني شعور كده إنه جامعة
أسيوط قفلوها بمجرد تخرجنا منها ...
يعني من تخريج دفعتنا ديك والجامعة
مقفولة بالطبلة !!!

أتاريها لسع شغالة !!!

ياربي الشعورد ده من شنو ؟؟!!![/overline]

[muntasir hassan]

المشاركة الأصلية كتبت بواسطة الزوول

السلام عليكم

...
متابعكم
أفراحاً وأحزاناً
أقرأ كل مشاركاتكم بمتعة وتمعن
كل هذا النشاط المتدفق الذي يقوم به " نوارات البوست"
ود البك ، المطرب ميكي ، زاهر، كيشو ، شبارقة ، الجيلي ، منتصر ، الزعيم د.عليش، عمر عود ، أبو ريم ، صلاح هجو وكل العقد الفريد الذين قاموا بالمحافظة على حيوية هذا التواصل
ولن أنسى "النسايم" التي تهب علينا بين الحين والآخر
أقول أنني كنت أود العودة عودة مفرحة
ولكن حزن أخونا أمين فريجون (كيكي) أحزنني
فوددت مشاركتكم له علكم تخففوا قليلاً من أحزان هذا الرجل الصابر الجميل
فقد تكاثرت عليه المصائب في السنوات القليلة الفائتة
فتلاقاها بجلد وصبر وأيمان ليس غريباً عليه
آخرها كان فقده لشقيقته بالأمس
رحمها الله رحمة واسعة وجعل مثواها الجنة
سيغادر الأخ أمين للسودان يوم الاثنين القادم
رقم جواله لمن أراد منكم التواصل معه
00966506937327

.....

توفت الى رحمة مولاها شقيقة الاخ على حسب الرسول للفقيده الرحمه ولهم الصبر الجميل