اقتباس:
المشاركة الأصلية كتبت بواسطة عبداللطيف النقر
اخونا بابكر عباس رغم تضامنه مع صاحبه لا يستطيع ان يشرح معني الكلمة -- رغم الشغل والعدة والمسرح الجابو -- وهو مثال للبراى -- او متلقى الحجج --
|
تحياتي مجددا ليك يا همس و برضو لأخونا القديم جدا عبد اللطيف النقر
فعلا الكلمة دي يا همس أكتسبت معنى سري في مجتمع الاولاد في السبعينات و التمانينات وهو: ممارسة الجنس
لكن في نفس الوقت كنا بنستعملها علنيا:
مثلا لو الأهلي فاز الإتحاد 6 صفر، عادي تاني يوم بنجي نكاوي الاتحاداوية و نقول ليهم:
كيف الظعط بتاع أمبارح؟ أو تلاقي زول تقول ليهو أمس الأهلي ظعط ليك الاتحاد بنص دستة.
حاليا و رغم اني قديم زي النقر لكن روحي أكثر شبابية منو، شايف الشباب بستعملوها عادي للزول العكليته، الزول المطلبي، الزول الما بفوت حاجة.....
يعني أصبحت أكثر حميمية من زمنّا أنا و النقر دا!
ناصر يوسف أو فيصل سعد لو إستعملوا أي كلمة في المنتدى دا، حتى لو كانت شينة، تعرفي انو دا جواز مرور جديد للكلمة، ديل هم أشفّ من مشى على هذا المنتدى
