اقتباس:
المشاركة الأصلية كتبت بواسطة رأفت ميلاد
حافظ وينو
ضرب لى تلفون ثبتنى ما أفتح بوست .. عشان هو داير يفتحو .. وزاغ
ياخ الزول ده زارقين ليه ملحة ما بنقبض زى ود الموية .. غايتو نستناهو شوية ..ونحكى ليلتنا المهببة فى جنيف ..
والله يا أنتيمو طلعنى مشاشقة وسط شدر كدة ما سويتا من سنة 75
|
هههههههههههههههههههه يا رأفت و الله يتنكت ليك جمل أجارك الله منها... يا خي الجملة دي أنا داقينا فيها دبل ..... في الإبتدائي كان معانا بت لفيفة اسمها السايرة (المدرسة مختلطة).... المهم عملت ليها حركة كدا قلت ليها إنتي زارقين ليك ملحة.... البت بكت و مشت إشتكتني للأستاذ .... يا خي إتجلدت عشرة جلدات جيت البيت أشتكي لأمي .... قالت لي إنت عملت شنو ؟
وقت حكيت القصة جلدتني جلد لا يحصي و لا يعد ... قال لي دا كلام شنو التقوله في المدرسة إنت يا ود قليل أدب؟
قلت ليها حبوبة دي ما كل يوم قاعدة تقول كدا؟
فبهت الذي سمع
و الله يا رأفت داير أفتح البوست لكن جيتي كدا لكعوني ليك بأمورية الغرب هسي يداب جيت .... عليك الله أفتح إنت و خلي الشجر الدخلت فيه أنا ... بالله وري الناس ديل الحتات الودتني ليها أنا كإنسان برئي و ليس للبولتاريا ما تخسره ...
يا سمراء و الله مشيت نازل في فندق أنا قايله خمستاشر نجمة .... أها دا جاء طلعوا لي لكوندات السوق العربي ... لكن بيني و بينك الفندق قديم و حتي ناسه قدام .... يا خي النسوان الشغالات كبااااااااااااااااار تشم فيهم رايحة العجائز و الله ... لكن طيبات بالحيل ... يعني تجي خاشي كدا الخواجية تقول ( يا وليدي مالك إتأخرت كدا؟ أمشي إستحمي و تعال أكل ليك لقيمة)
التانية تقول عليك الله يا جني حشاي الضرس مساهر بي من امبارح عليك النبي ما عندك الدواء ... تديها الكيس كدا تضحك داير أقول للضرس الأخير لكن ما في أي ضروس و إنما تضحك لهله
جاي تاني
