القائد ياسر عرمان مرشح الحركة الشعبية لرئاسة الجمهورية٠٠٠٠

[AMAL]

المشاركة الأصلية كتبت بواسطة بابكر عباس

كيف تكوني منظمة و حا تصوتي لمرشح غير مرشح الحزب؟

منظمة يعني شنو







دردقة ما معانا بالله

[فتحي مسعد حنفي]

المشاركة الأصلية كتبت بواسطة AMAL

منظمة يعني شنو

دردقة ما معانا بالله

هو قصدو منظمة الخارجين علي القانون

هاكي الهدية دي يانور سودانيات

البدر المنير
_____
البدر المنير اعياني الهزل
هجرك لم يزل هل جد ام هزل
،،،،،،،،،،،،،،،،،،،،،،،،،

يام ديساً غزير للأرداف نزل
شخصك في الفؤاد مرسوم للأزل
ريدك في القليب موجود لم يزل
اهواك ماعلي في اللام والعزل
،،،،،،،،،،،،،،،،،،،،،،،،،

ياسعده البحوز من قلبك قبل
تتمنى الزهور من خدّك قبل
نديان الجبين والشلاخ نبل
والشاف العيون لا ريب انخبل
،،،،،،،،،،،،،،،،،،،،،،،،

الموت والهلاك في الداعجه النجل
والخد اللطيف الصابغه الخجل
الشافن يجن في الحال بي عجل
مكتوب للعشوق تقصير الأجل
،،،،،،،،،،،،،،،،،،،،،،،،

السيف يام سماح قد سبق العزل
طلقت المنام جافيت الجزل
لا يحلو الغرام إلاّ بالغزل
بس دايماً جفاك يتلف ماإنغزل
،،،،،،،،،،،،،،،،،،،،،،،،

ياست البنات يام شعراً سدل
فقتي الحور جمال لا قول لا جدل
لكن فيك صدود لازال لا انبدل
والحال العلي إزداد ما إنعدل
،،،،،،،،،،،،،،،،،،،،،،،،

شوقك بيّ طال يالظبي الجفل
يام خصراً نحيل من عالي الكفل
غاب النوم شهور عن عيني غفل
وطرفي الباكي حول بالطيف ما إحتفل
،،،،،،،،،،،،،،،،،،،،،،،،

لو يرضيك أذآي يازينة الحفل
أسعد بي نعيم إرضاك يام نفل
البدر اختفى والكوكب أفل
إجلال لي جمالك والكون احتفل

مسعد حنفي

[Hassan Farah]

المشاركة الأصلية كتبت بواسطة فتحي مسعد حنفي

أنا قبل كدا قلت ليكي ياسر دا أنا بعرفو وبعرف أهلو شخصيا ورايي فيهو ما محتاج تغيير لكن يكون رئيس جمهورية...لا ثم لا والا كنت أنا ذاتي اترشحت ....مش الحكاية بقت مولد وصاحبو غايب..يبقي الزول يمشي يشتري ليهو اتنين كيلو سمسمية من حقت ناس حمدتو والنفراوي ويجي يقزقز.وانتو اقعدو أنكشو واتنكشو زي ما عايزين

-----------------------------------------------------------------
هوى يا فتحى مسعد-- العب بى قيدك-- حمدتو دا عرفتى بيهو قليلة-- زمان فى الاحفاد كان عندنا استاذ اسمو حمدتو -- لكن القاليك تجيب سيرة النفراوى دا منو-- النفراوى رباطابى نميابى لا يمكن يكون بتاع سمسمية-- حسع بناديلك شوقى يجى يخنقك

[عادل عسوم]

المشاركة الأصلية كتبت بواسطة بابكر عباس

يمكن تكون كابه الزوقه
و تكون بتاوك للمنتدى من غير ما تسجل و مستنية البوست يمشي الصفحة التانية و الناس ينسوهو..
لكن و حاتك (دي زي الحليفه يسيدي الحسن عليك الله فوتها) عشان جابت لي خبر رفض د. عبد الله ،
البوست دا كلو ما يزوق أنكشو* ليك

* الملكيه لرافت

غايتو ناس الحزب الشيوعي ديل البقت عليهم يابابكر أخوي بس زيييي البقت علي مروحة الطربيزة
(قبلي جاي وقبلي جاي)
بي جاي نقد ...وبي جاي ياسر عرمان

أما (حلايفك دي)
ذكرتني بي قصة (جوطة) حاصلة الايام دي في تركيا...
واحد من حزب العدالة والتنمية بتاع رجب طيب أردوقان اتكلم خلال جلسة في البرلمان وقال متحدثا عن زوجة رئيس الوزراء رجب (موجها حديثه الى أعضاء المعارضة):
لن نسمح لكم بأن تقولوا كلمة سالبة واحدة في حق زوجة (نبينا) الثاني رجب!
هنا غضب رجب وعنّف زميله في الحزب أمام الحضور قائلا له (أما علمت بأنه لانبي من بعد النبي محمد صلى الله عليه وسلم؟) ثم خرج من الجلسة!
وبعد الجلسة لم ينتهي الأمر الاّ بعد أن قدم العضو استقالته
غايتو تاني لو حلفت بي يابابكر الاّ أسوي فيك سوات رجب دة
بس المشكلة انتا مامعاي في الحزب حق(نا)

[فتحي مسعد حنفي]

المشاركة الأصلية كتبت بواسطة Hassan Farah

-----------------------------------------------------------------
هوى يا فتحى مسعد-- العب بى قيدك-- حمدتو دا عرفتى بيهو قليلة-- زمان فى الاحفاد كان عندنا استاذ اسمو حمدتو -- لكن القاليك تجيب سيرة النفراوى دا منو-- النفراوى رباطابى نميابى لا يمكن يكون بتاع سمسمية-- حسع بناديلك شوقى يجى يخنقك

يعني الكان ببيعو النفراوي كان حلاوة لكوم ويعني الرباطاب كلهم ملايكة البضاعة بتاعت النفراوي كانت خمسة نجوم واسأل قريبك شوقي وبالعدم أضرب تلفون لي جيمس(كوارع) بيديك تاريخو وعلاقتو بالفوخ..طبعا الواو دي من عندي بدل الضمة..

[مُهيَّد]

سلام AMAL ،،

مع إحترامي الكامل لوجهة نظرك الكريمة وقناعتك - لكني أعتقد أن ياسر عرمان ليس إختياراً مناسباً ليكون مُرشحاً رئاسياً. الكُل تفاجأ بتعاطي الحركة الشعبية وخيارها لإنتخابات الرئاسة - ولدي قناعة تامة (شخصة علي الأقل) أن الرجُل نفسه تفاجأ بالإختيار. ياسر عرمان ليس رجل المرحلة ولا يمتلك صفات القيادة التي يجب أن تتوفر فيه ليقنع الشعب بالإنحياز له والتصويت لصالحه.

لك الله يا وطن ...

[AMAL]

المشاركة الأصلية كتبت بواسطة فتحي مسعد حنفي

هو قصدو منظمة الخارجين علي القانون

هاكي الهدية دي يانور سودانيات

البدر المنير
_____
البدر المنير اعياني الهزل
هجرك لم يزل هل جد ام هزل
،،،،،،،،،،،،،،،،،،،،،،،،،

يام ديساً غزير للأرداف نزل
شخصك في الفؤاد مرسوم للأزل
ريدك في القليب موجود لم يزل
اهواك ماعلي في اللام والعزل
،،،،،،،،،،،،،،،،،،،،،،،،،

ياسعده البحوز من قلبك قبل
تتمنى الزهور من خدّك قبل
نديان الجبين والشلاخ نبل
والشاف العيون لا ريب انخبل
،،،،،،،،،،،،،،،،،،،،،،،،

الموت والهلاك في الداعجه النجل
والخد اللطيف الصابغه الخجل
الشافن يجن في الحال بي عجل
مكتوب للعشوق تقصير الأجل
،،،،،،،،،،،،،،،،،،،،،،،،

السيف يام سماح قد سبق العزل
طلقت المنام جافيت الجزل
لا يحلو الغرام إلاّ بالغزل
بس دايماً جفاك يتلف ماإنغزل
،،،،،،،،،،،،،،،،،،،،،،،،

ياست البنات يام شعراً سدل
فقتي الحور جمال لا قول لا جدل
لكن فيك صدود لازال لا انبدل
والحال العلي إزداد ما إنعدل
،،،،،،،،،،،،،،،،،،،،،،،،

شوقك بيّ طال يالظبي الجفل
يام خصراً نحيل من عالي الكفل
غاب النوم شهور عن عيني غفل
وطرفي الباكي حول بالطيف ما إحتفل
،،،،،،،،،،،،،،،،،،،،،،،،

لو يرضيك أذآي يازينة الحفل
أسعد بي نعيم إرضاك يام نفل
البدر اختفى والكوكب أفل
إجلال لي جمالك والكون احتفل

مسعد حنفي

اللهم ارحم مسعد حنفي
وشعراء بلادي
بقدر ماثرو وجداننا وبقدر ماقدمو وبذلو
من مشاعرهم ورحيق وجدانهم
هدية لطيفة وواحة جميلة في هذا الهجير

شكرا فتحي

ممنونة جدا