اسئلة تعسفية ......النعام والظلاميين يمتنعون

[زول الله]

اباح الدين الاسلامي للزوج أربعة زوجات
فهل يستطيع الرجل أن يحب أربعة ؟؟
وحرم على المرأة تعدد الأزواج
لكن هل حرم عليها الحب ؟؟؟
بالجد الحتة دي بقت هاجس من كثرة حدوثها
بقدر اقتناعي بصعوبتها اجدها واقعاً معاشاً
هل يمكن ان يعيش الزوج أو الزوجة حباً حقيقياً مع طرف آخر؟؟
طرف آخر دي بتعني زول أو زولة تانية
والأسوأ إذا كان الزواج من البداية قام على علاقة حب
طيب وين مشى الحب ؟؟؟
وإذا لم تكن هنالك نية للإرتباط بالطرف الجديد ... الحل شنو ؟
وشكل العلاقة زاتو حيكون كيف ومسماها شنو غير الخيانة ؟؟؟













اقول قولي هذا واستغفر الله لي ..............

[سمراء]

زول الله كل سنة وانت طيب
عندى فتوة عجيبة فى الحتة دى ودايرة اول شى الامان !!

ثم اول شى ياريت نعرف الحب ده زااااتو شنو ؟
والفرق شنو بين الحب ؟
والاعجاب ؟

[Hassan Farah]

المشاركة الأصلية كتبت بواسطة زول الله

اباح الدين الاسلامي للزوج أربعة زوجات
فهل يستطيع الرجل أن يحب أربعة ؟؟
وحرم على المرأة تعدد الأزواج
لكن هل حرم عليها الحب ؟؟؟
بالجد الحتة دي بقت هاجس من كثرة حدوثها
بقدر اقتناعي بصعوبتها اجدها واقعاً معاشاً
هل يمكن ان يعيش الزوج أو الزوجة حباً حقيقياً مع طرف آخر؟؟
طرف آخر دي بتعني زول أو زولة تانية
والأسوأ إذا كان الزواج من البداية قام على علاقة حب
طيب وين مشى الحب ؟؟؟
وإذا لم تكن هنالك نية للإرتباط بالطرف الجديد ... الحل شنو ؟
وشكل العلاقة زاتو حيكون كيف ومسماها شنو غير الخيانة ؟؟؟
----------------------------------------------------------













اقول قولي هذا واستغفر الله لي ..............

----------------------------------------------------------

نت يا ولد عايز تقوم تلخبط؟؟ عايز تسلك طريق الشيخ وتسوى ليك حواريات؟؟ حسع اقوم اتصل بالحاجة نعيمة؟؟؟

[الرشيد اسماعيل محمود]

زول الله عام سعيد..
انا في تصنيفاتي الخاصة..بعتبر الحب ده حالة خاصة
من حالات الوجود البشري علي الأرض..
لا علاقة له بالزواج لا من قريب او بعيد..من حيث كونه حالة خام
او من حيث هو جوهر وقيمة فطرية.
وده موضوع كبير وواسع.
المهم ياسيدي انا شايف لو فصلت الحب من حكاية الزواج
بتسهل الفكرة كتير..
الحب ماهو الزواج.

[ام التيمان]

سلامات زول الله
تستطيع المراة ان تحب اكثر من رجل اذا ارادت
كما الرجل يحب اكثر من امراة واحدة
لذلك تحدث علاقات عاطفية خارج نطاق الحياة الزوجية
و قد تتطور و تصبح جنسية
اذا بقى خارج عن سيطرتها

[جيجي]

[youtube]http://www.youtube.com/watch?v=PXzbDwxqnlQ[/youtube]

بقلبي مخبأ اسرا ركتير
وانت بقلبي سر كبير
دا ياهو الحب
واستخلص الباقي

[نبراس السيد الدمرداش]

المشاركة الأصلية كتبت بواسطة الرشيد اسماعيل محمود

زول الله عام سعيد..
انا في تصنيفاتي الخاصة..بعتبر الحب ده حالة خاصة
من حالات الوجود البشري علي الأرض..
لا علاقة له بالزواج لا من قريب او بعيد..من حيث كونه حالة خام
او من حيث هو جوهر وقيمة فطرية.
وده موضوع كبير وواسع.
المهم ياسيدي انا شايف لو فصلت الحب من حكاية الزواج
بتسهل الفكرة كتير..
الحب ماهو الزواج.

دا كلام فاهم جدا
لاتوجد علاقه بين الحب و الزواج
بمعنى ما بالضروره اتزوج الرجل البحبو لاسباب
خاصه انو الزواج دا شيء مسطر منذ الاذل ما عنو علاقه بانك بتحب منو

اما سؤالك يا ود الشيخ بعد كل سنه و انت طيب
فعادي ممكن تحب زوله غير زوجتك
و عادي ممكن مره تحب غير زوجها
لانو الرسول عليه الصلاة و السلام قال: اللهم لا تلمني فيما لا املك و يعني الميل القلبي
بعد داك بيجي التحكم في شعورنا و احساسنا دا نوجهو كيف و نصل بيهو لوين
يعني كل الاشياء رهينه بوعينا و فهمنا لانو قد تصل العلاقات زي ما قالت امهم لعلاقات جنسيه غير شرعيه بالتاكيد و هنا الخطر الحقيقي ونبقى في الخيانات و الانتقام و خراب البيوت

[عباس الشريف]

انت يا ود الشيخ كل ما تمر مناسبة عيد وتعمل ليك حفلات وتشوف الجكس جنك بقوم عليك تاني

[قرقاش]

الحب ...
رابعه العدويه ..قالت ...ان لم تكن هناك جنه ونار ...اما كان يعبد الله ..اى انها تعبد الله حبا فيه
والحلاج عندما ذاب من الحب قال ..مافى الجبه غير الله ...قطعوا رقبتعه مسكين
وتقولى برضه الواحد يقدر يحب مرتين ..او مرتان ..
الحب جد ..مره واحده وبس ...

[زول الله]

المشاركة الأصلية كتبت بواسطة سمراء

زول الله كل سنة وانت طيب
عندى فتوة عجيبة فى الحتة دى ودايرة اول شى الامان !!
ثم اول شى ياريت نعرف الحب ده زااااتو شنو ؟
والفرق شنو بين الحب ؟
والاعجاب ؟

ياسلام سمرمر ياخ ... كل سنة وانتِ احلى دواخل واجمل زولة
طبعا ماحتكون اعجب من الفتوى العندي لكن مابقولا هنا عشان حيطلعوني كافر
هسه خليني من الاعجاب وعاين لي وعاينت ليهو
انا قاصد الحب عديييل الببكي بالليل داك ويساهر بي زولو للصباح
قلتي شنو وليك الأمان











اقول قولي هذا واستغفر الله لي ..............

[زول الله]

المشاركة الأصلية كتبت بواسطة Hassan Farah

-- --------------------------------------------------------
نت يا ولد عايز تقوم تلخبط؟؟ عايز تسلك طريق الشيخ وتسوى ليك حواريات؟؟ حسع اقوم اتصل بالحاجة نعيمة؟؟؟

اووووو ياخال كيفنك ياخ وعساك فاين وكل سنة وانت والمعاك طيبين وفاينين
ياخال الشيخ سواهن 16 ودا شعراً ماعندي ليهو رقبة وكدا
نحن يادوب حاجة كدا للتجديد وكان الله يحب المحسنين
بس عايز شيخ كارب يفتي لي في الحتة دي











اقول قولي هذا واستغفر الله لي ...............

[فتحي مسعد حنفي]

غايتو أنا قريت كل الفتاوي والردود وما عجبني غير كلام سمراء ونبراس..عشان دا كلام من القلب والتجربة وبالذات تساؤل سمراء عن الحب والاعجاب..
أوعي ياسمراء تكتبي حتي لو أدوكي الأمان..

[زول الله]

المشاركة الأصلية كتبت بواسطة الرشيد اسماعيل محمود

زول الله عام سعيد..
انا في تصنيفاتي الخاصة..بعتبر الحب ده حالة خاصة
من حالات الوجود البشري علي الأرض..
لا علاقة له بالزواج لا من قريب او بعيد..من حيث كونه حالة خام
او من حيث هو جوهر وقيمة فطرية.
وده موضوع كبير وواسع.
المهم ياسيدي انا شايف لو فصلت الحب من حكاية الزواج
بتسهل الفكرة كتير..
الحب ماهو الزواج.

الرشيد كل سنة وانت طيب
اجدني معك على اتفاق تام في رؤيتك للحب كحالة خاصة وخاصة جداً
وهي حالة لايُلام عليها المرء كونها لا إرداية وتأتي كالقضاء والقدر
ونظرتي هي أحبك ولكن ليس فرضياً أن اتزوجك .. هكذا

لكن الفكرة هي عندما يأتي هذا الحب بعد الزواج فجأة
هل نندم على تسرعنا بزواجنا أم نضم إلى عشنا شريك ثاني أم نعيشه بمفهوم آخر ؟
وفي حال الزوجة -وهي لاتستطيع ضمه كزوج ثان- كيف تعيشه ؟؟











اقول قولي هذا واستغفر الله لي ..............

[زول الله]

المشاركة الأصلية كتبت بواسطة جيجي

بقلبي مخبأ اسرا ركتير
وانت بقلبي سر كبير
دا ياهو الحب
واستخلص الباقي

جيجي يابتنا كيفنك وكل سنة وانتِ اسعد واجمل
نستخلص شنو ونخلي شنو هسه
ماهو نحن عايزين نستخلص كم حاجة كدا من موضوعنا دا عشان نستعدل
ايدك معانا ياخ وطلعي المستخبي بالله










اقول قولي هذا واستغفر الله لي ...............

[خالد الصائغ]

كل الود و أطيب المني

حالة الحب مع طرف تالت دي يا زول الله حالة معقدة جدا و ممكن تكون مدمرة لو ما تم التعامل معاها بشجاعة و مسئولية

و أنا هنا أتحدث عن الرجل و المرأة علي قدم المساواة لأنو الحالة دي ممكن تتلبس أي واحد فيهم


كتير من الناس بعتبرو الحالة دي شكل من أشكال الأنانية أو الخيانة


لكن و بكل واقعية مجرد الشعور بالحالة دي ما بيعتبر خيانة في حد ذاتو لأنو مسألة تقلب القلوب دي واردة و مشهودة

لكن الاستمرار فيها دون الحسم هو البيمثل قمة الخيانة

لأنو الحب في المقام الأول و قبل كل شئ إلتزام

يبقي لا بد من الحسم و المفاضلة في إتجاه الإلتزام فقط ... إما بالخيار القديم أو الجديد

مع الإستعداد الكامل لتحمل نتائج الإختيار و تبعاتو


أما تعليق المسألة و التسويف و ممارسة التدحرج بين الخيارين دون الحسم في إتجاه الإلتزام بي خيار واحد فقط فده ضعف و سقوط إنساني و خيانة لكل الأطراف.