أم رحيق ـــ كم إنت زولة عظيمة ــ للمرة التانية رحيق هي الأولي

[ناصر يوسف]

شكراً ليك بالجد ،،،
يا زولة يا عظيمة
شكراً ليك يا زولة يا مُدبِرَه
شكراً ليك يا زولة يا راقية
شكراً علي كل شئ ،،، وإنتي من تستحقين التكريم قبل رحيق
للمرة التانية بتنا الحلوة الأمورة رحيق ناصر يوسف ( ماشاء الله تبارك الله عليها وعليكي)
تحرز المرتبة الأولي في الإمتحانات النهائية وتحرز الدرجة الكااااااااملة

يا ربي ليك الحمد والشكر يا الله

أللهم أحمدك وأشكرك لأنك أهديتني زوجةً مثل أم رحيق

مهما فعلت يا حبيبة فإني سوف لن أوفيكي حقك كاملاً ،، مهممممما فعلت ،،، فسأظلُ صفراً كبيراً أمامك

مبروك علينا وجودك بيناتنا ،، ست بيتنا وتاج راسنا
ومبروك نجاح بتنا الحلوة الغالية رحيق
ولآ قِدَام ،،، والسنوات القادمات لرحيق فيهن المحك الأساسي
شكراً ليكي بالجد يا أم رحيق

[أسعد]

ام رحيق بتاع الساعة كم
المهم المصدر ياخ
رحيق شطارتها جابتها من مصدرها اللي هو ابوها



لو كان الرك علي ام رحيق
كان رحيق راحت شمار في مرقة

ردو الحق لاصحابه ياخ
مالكم كيف تحكمون؟

[احمد سيداحمد]

الف مبروووك يا ناصر وإن شاء الله رحيق دائماً في المركز الأول
وربنا يديك ويدي ام رحيق العافية

[اشرف السر]

المشاركة الأصلية كتبت بواسطة ناصر يوسف

( ماشاء الله تبارك الله عليها وعليكي)

وعليك يا ابو رحيق..

مبروك نجاح رحيق وديمه لقدام...



طبعا ما داير اشتر البوست وافتلو ليك بالتحليل السايكو-كسيرتلجي الفيهو..
نأجل التحليل شوية بكون احلى..

[ناصر يوسف]

المشاركة الأصلية كتبت بواسطة وجدي الأسعد الأسعد

ام رحيق بتاع الساعة كم
المهم المصدر ياخ
رحيق شطارتها جابتها من مصدرها اللي هو ابوها



لو كان الرك علي ام رحيق
كان رحيق راحت شمار في مرقة

ردو الحق لاصحابه ياخ
مالكم كيف تحكمون؟

ياخي والله ضحكتني شديد يا وجدي
الزول ده الما عارفينو ما يشتغلوا بكلامو ده كتير


تِحِت تِحِت كِده ،،


















أصلو وجدي الأسعد ده ،،



























قالوا ليكم هو أصلو ،،،










































عندو عُقدة مَرَة ،،، بالعربي المُشربح كدي يعني عندو عقدة نون النِسوة


لوووووووووووووووووول

هههههههههههههههههه

[ناصر يوسف]

المشاركة الأصلية كتبت بواسطة اسمر

الف مبروووك يا ناصر وإن شاء الله رحيق دائماً في المركز الأول
وربنا يديك ويدي ام رحيق العافية

شكراً يا أسمر وحالتو باقي كلامي في رفيقة الدرب أم رحيق لسه ما أنتهي

[ناصر يوسف]

المشاركة الأصلية كتبت بواسطة اشرف السر

وعليك يا ابو رحيق..

مبروك نجاح رحيق وديمه لقدام...



طبعا ما داير اشتر البوست وافتلو ليك بالتحليل السايكو-كسيرتلجي الفيهو..
نأجل التحليل شوية بكون احلى..

وأنا برضو كِسير تلجي في أم رحيق لسه ما أنتهي
شكراً يا جميل ياخ

[زول الله]

المشاركة الأصلية كتبت بواسطة ناصر يوسف

للمرة التانية بتنا الحلوة الأمورة رحيق ناصر يوسف ( ماشاء الله تبارك الله عليها وعليكي)
تحرز المرتبة الأولي في الإمتحانات النهائية وتحرز الدرجة الكااااااااملة
يا ربي ليك الحمد والشكر يا الله

الحمدلله الذي جعل ذلك واقعاً
مليوووووووون مبروك النابغة العسل رحيق
ربنا يحفظك ويبارك فيك وعليك ويجعلك غرة لأعين والديك وفخراً لهم
نجاح الأبناء هو نجاح باهر لأهلهم
الف مبروك ناصر على تفوقكم أنت وأم رحيق

المشاركة الأصلية كتبت بواسطة وجدي الأسعد الأسعد

ام رحيق بتاع الساعة كم
المهم المصدر ياخ
رحيق شطارتها جابتها من مصدرها اللي هو ابوها
لو كان الرك علي ام رحيق
كان رحيق راحت شمار في مرقة
ردو الحق لاصحابه ياخ
مالكم كيف تحكمون؟

لو على الشطارة فالأشطر ام رحيق لأنها قلعت ناصر قلع
وهاهي تهديه كل حين إبتسامة
ولمثل هذا تُرفع القبعات

انت اطلع منها بس





اقول قولي هذا واستغفر الله لي..........

[ناصر يوسف]

المشاركة الأصلية كتبت بواسطة زول الله

الحمدلله الذي جعل ذلك واقعاً
مليوووووووون مبروك النابغة العسل رحيق
ربنا يحفظك ويبارك فيك وعليك ويجعلك غرة لأعين والديك وفخراً لهم
نجاح الأبناء هو نجاح باهر لأهلهم
الف مبروك ناصر على تفوقكم أنت وأم رحيق



لو على الشطارة فالأشطر ام رحيق لأنها قلعت ناصر قلع
وهاهي تهديه كل حين إبتسامة
ولمثل هذا تُرفع القبعات

انت اطلع منها بس





اقول قولي هذا واستغفر الله لي..........

بالله وجدي ده ،،،،

وري يااااا إنتَ بالله وريه
الزول الغاتس في بحر عذاب عذابات العزابه الفي بلاد آل سعود ديل
وسوي فيه معروف يا زول الله ،،
يا تنقلوه جده ولا كمان الرياض قالوا فيها بعض الحِسان الجميلات

لوووووووووول



شكراً يا ود الشيخ وبارك الله فيك

[الجيلى أحمد]

مبروك علينا وجودك بيناتنا ،، ست بيتنا وتاج راسنا
ومبروك نجاح بتنا الحلوة الغالية رحيق
ولآ قِدَام

دا الكلام

ياأخى والله حلوين..

رحيق صديقة قديمة
يرجع سر تعارفى بها الى بيتكم فى أمدرمان ,
ومن ثم توطدت علاقتنا بعد زيارتها لنا بمعيتكم فى ضاحية الكلاكلة
التى يسميها بعض الناس مزدلفة* أو (الدخينات فى أحسن الفروض )
وكانت نغم حينها طفلة رضيعة
وكنَا عاملين سيراميك جديد فى الصالة
ولسَه يادوب البنات فى البيت متحيرات فى مسألة معالجة كنسه بالمقشاشة..
رحيق ساحرة صغيرة
تحافظ على مخزونها من الكلام بالصمت
وتستعيض بابتسامة خليط من الشوطنة والبراءة ..
وناصر وست ريده يضجون بالالفة والرغبة فى الحياة ..

فمرحى والله
مرحى

______
* مزدلفة شديد والله

[المليجي]

الف مبروك لبتنا رحيق ومزيد من النجاح في الحياة وربنا يحضركم فرحتها الكبيرة
ناصر يا عزيزي ربنا يبارك ليك في اسرتك ويخلي ليك حب حياتك ام رحيق وان شاء الله دايما لامينا بالاخبار الحلوة
مودتي ..

[سارة]

الف الف مبروك يا سمية والف الف مبروك يا ناصر
ربنا يحفظكم ويحفظ عيالكم
من نعم الله على عباده نجابة الابناء ربنا يغطى عليها وعليكم

والله سمية المستحملاك دى العظمة ليها شوية

بلا وجدى الاسعد لا بتيخ

[أسعد]

واللاي يا ناصر يا فردة اظنك خايف من غسيل العدة ساااااي

لكن بالجد بالجد لو رحيق كان مصدرها ما تمام
كان زماااان بتلقى ام رحيق قال ليك هووووي انا بتك دي زهجتني
دي بت بليدة وانا فترت منها , تاني ما بشتغل بيها

لكن ولله الحمد رحيق مصدرها كان مية المية
لدرجة انو ام رحيق زاتو لقت متعة في متابعة رحيق والتعلم منها ^ــ^



مافي مرةّ بتفلح في شىء الا اذا كان الشيء اصلن فالح من قولة تيت ^ــ^





*تنبيه
رحيق لا تدخل ضمن تنصيف النسوان
لانو اصلن رحيق مصدرها سليم عشان كدة طلعت من التصنيف دا ودخلت تصنيف الملائكة

[ناصر يوسف]

المشاركة الأصلية كتبت بواسطة الجيلى أحمد

دا الكلام

ياأخى والله حلوين..

رحيق صديقة قديمة
يرجع سر تعارفى بها الى بيتكم فى أمدرمان ,
ومن ثم توطدت علاقتنا بعد زيارتها لنا بمعيتكم فى ضاحية الكلاكلة
التى يسميها بعض الناس مزدلفة* أو (الدخينات فى أحسن الفروض )
وكانت نغم حينها طفلة رضيعة
وكنَا عاملين سيراميك جديد فى الصالة
ولسَه يادوب البنات فى البيت متحيرات فى مسألة معالجة كنسه بالمقشاشة..
رحيق ساحرة صغيرة
تحافظ على مخزونها من الكلام بالصمت
وتستعيض بابتسامة خليط من الشوطنة والبراءة ..
وناصر وست ريده يضجون بالالفة والرغبة فى الحياة ..

فمرحى والله
مرحى

______
* مزدلفة شديد والله

الجيلي يا رفيق الجمال البهي
إبنتك وصديقتك رحيق ( ماشاء الله عليها) تختزنُ من الذكاء ما أعجب كل من عرفها ( أهلها ،، أصدقائها ،،، معلماتها ومعلميها)
نغم الصغيرة ،،، كبيرةٌ في عقلها هي الأخري ،،، كثيراً ما تجدني أتناقش معها وكأنني أتناقش مع فتاة بالغة ،،، من رجاحة عقلها ،،، بيد أنها هذه الأيام وقد تحولت إلي ( زعيمة عصابة ) وإتشهورت جِنِس شُهرة في المدينة السكنية ،،، بقت مَشهوَرَة أكتر من أبوها وأمها وخيتها رحيق ( ربنا يحفظهن لي ويقدرني أكون رب أسرة مثالي يا رب)
وأما أختك الحبيبة أم رحيق ،،، فكلامي عنها زي ما ذكرت فوق ،،، لسه ما انتهي
شكراً ليك يا صاحبي

وبالله لا تغفل مشلعيبك فقد أنزلناه وأخذنا من جوفه كل ما فيه من ملذات التذكُر ،،، فعُد إليه وأملأه من جديد

[ناصر يوسف]

المشاركة الأصلية كتبت بواسطة المليجي

الف مبروك لبتنا رحيق ومزيد من النجاح في الحياة وربنا يحضركم فرحتها الكبيرة
ناصر يا عزيزي ربنا يبارك ليك في اسرتك ويخلي ليك حب حياتك ام رحيق وان شاء الله دايما لامينا بالاخبار الحلوة
مودتي ..

بارك الله فيك يا مليجي ياخ ،،، شكراً ليك

أها ما لقيت فرصة عمل للطالب المجتهد داك لسسسسه ؟؟؟
هههههههههههههههههه