بيني ما بينكم

[محمد عبد الرحمن]

عم بابكر
السلام عليكم
لا بعرفك
لا بتعرفي
انا جاي جديد لنج حابق مخلايتي
و الناس الحلوين ديل يترجو فيك
وناس يتوعدو
اكيد لو ما كنت بذات الجمال ما كان عملو كده
اسمو بجمالك و تقلنا حبة
ولا داير تطلعني انا الكج



مودتي

[هيفاء عبدالستار]

المشاركة الأصلية كتبت بواسطة بابكر مخير

بكتب ودمعة وداع نازلة سيل
وبكتب بعد دراسة قرار حقيقي وكته جآ
شعرتا أني لمن جيت هنانا كان بي أجندة محورها المحبة والوئام
جيت عشان آدي تجارب شيخ هرم لي وليداتهو وبنياتهو
وقايل روحي بقدر أعيش في طرف الحيطآ لا أهش ولا أنش
لكني في الفترة الأخيرة
حقيقي لقيت روحي أزحت غطاء الوقار
كشفت عن مخزون يبدو أنه داخلي من سؤ تصرف وعدم للباقة في القول والتعامل.

بيني ما بينكم
إلا الذكرى الجميلة لكل جميل وجميلة
وشتلة محبة زرعتها داخلي سماحة أفرعها كل زول سمح وأوراقها كل زولة سمحة
ستكونو دوما الأصدقاء والأحباء والعزيزات مزروعين جوآيا
بيناتنا
هواتف
ولقاءات ما تيسر ذلك
وتواصل في الحياة..
قبل ما أمشي
عايز أقول لخالد الحاج
بحبك وإتا سيد البيت
ولي توحة وروفي على الوجه الخصوص
أمانة خليتها ليك
وليداتي وبنياتي
العفو والعافية

بدر الدين
ليك مودة
ويابا الوصآ بالمهلة؛
خليك سوداني

ملحوظة
قطعن مقدر ظرفكم ولطفكم وربما محبة سكبتوها هبآ في من لم يعش بهدوء وسطكم
أعلم أنكم وكما هي عادتكم الكريمة ستحاولو الإتصال.
لكني أستحلفكم بالغالي العزيز
بالله، أعفوني من الإتصال في هذا الأمر
مع أنه إتصالاتكم العادية، أمنية أحملها وأعيشها دوما

الحبيب خالد
بالله عليك، أستحلفك (باسوردي، ما تردها ليا)
وعليك أن تبلغ سلامي وإعتذاري لفتحي الضو لما عرضت في حديث له غير لبق

الاخ بابكر ..
مخييييييييير الله:

[motr]كأن الكلام إنتهي
كان المفاتيح ضوءغشيم
واقفالها السود ليست لها
كان الذي لم يقل قد قيل من قبل
حتي تجئ السوابق من كل قول
وخيل ..وليل
فتلقي سواها من القول والخيل والليل
قد وصلت قبلها..

عزيزي بابكر..قول كلام غير دا...[/motr]

[nagwa]

[align=center]بيني ما بينك مسافات الغياب [/align]

http://www.youtube.com/watch?v=G3zLi0uTODw

[نبراس السيد الدمرداش]

جدو بابكر
يا جدو بابكر
الله يرضى عليك
ماشي وين
معقول يا جدو نهون عليك

[خالد الحاج]

حبيبنا دكتور مخير
عساك بخير يا زول يا جميل
يا أخي يشهد الله أخوك الفيه مكفيه ويكفي كمان الجيران والأهل وأصدر منو
جننتوني جن .. أي زول يسخن معاكم تاخدوا الموضوع عادي .. إلا خالد السجم والرماد ده ما يفتح خشمو إلا تسمع (مع السلامة خلينا الحوش) ؟؟؟
يا بابكر يا أخي هو شنو ؟ حوش البقر ؟
الله يرضي عليك إنت عندك هنا أكتر مني...
عندك محبة الناس يا أخي ...
أي زول "بيجلط" من وكت لي آخر ... عادي..
أها النقول ليك سر ( إنت يا بابكر بشر) .. شفت كيف !!
يعني كونك مرة تغلط عاااااادي..
يكفي أنك تملك شجاعة الاعتذار ودي والله ما هينة

سيب (....) الكبر دي وأرجع عليك الله . أنا باص ويرديك يعميني ما مشيت عليها وكمان ده ما شغلي ذاتو . شغل الأمين العام
الله يديك العافية التخصك في المصارين ...
ومحبة من هنا لي عندك

[معتصم الطاهر]

[frame="7 50"]مــاك مخيّر
و ما على كيفك تجى و تمشى
و تقول للناس
كلاما ( تب ) مغيّر

ماها إيدك
التسن فى اللوحة سكّين
تجرح الناس التريدك

وين بنــيتك
وين ولـــيدك
وين أخيـّك وين نديدك
وين حمامات السلام
الكان ترفرف فى بريدك

وين قديمك
وين جديدك

ياها ( سودانياتك )
الممزوجة بالدم فى وريدك

ما بزيدك
ما بزيدك .[/frame]

بكو

لو قالوا لى الكلام دا

طوالى بجر واطى

ياخى انت قايلنا داير شيوخ يدونا نصايح

ديل كتاااار

دايرنا شيوخ يورونا لون سنونا ..

وديل قلة ..

توحة و بكو .. وروفى ..

[مجدي مسعد حنفي]

يابابكر ياخوي
لو انت ولا كان فتحي اخوي التاني
بتسووا الحركات دي عشان تعرفوا غلاتكم عندنا
فياخي والله غلاتكم عندنا مابتتقدر بالكلام ولا الدهب عشان الدهب غالي شديد
غايتو يابابكر اجمل حاجه طلعنا بيها من البوست دا
انك خليت استاذنا جعفر بدري يسخن ويطلع لينا شوية ابداع وجمال من ابداعاتو

[خالد الصائغ]

الحبيب د/ بابكر

لك الود كله

و فائق الإحترام و التقدير أيها الغالي


داير ليك هجعة و لا إستجمامة يا دكتور

بنديك السماح


لكن رجاءا


الفراق و الغياب ديل ما تجيب طاريهم هنا يا دكتور


وجودكم في سودانيات بخلينا نكون في مأمن


فما تحرمنا المأمن يا الحبيب


خالص الود و التقدير

[جانيت]

ليه كده


















عايز تشيل روحنا وتروح

[سمراء]

اصلو مابقول ليك ماتمشى
ولا بحنسك كلوكلو .....

بس عاوزة اقول ليك كلمه وااااحده بس ...
انت ماشى وين ؟
لو ماشى الجنه ....معليش بقول ليك عفينا ليك لانو بندور ليك السمح ..
بس لو مكان خارج الجنه ....اخير ليك نارنا دى المابيها .
لانك جنتنا يامجننا ( بالهـ )بقينا لو ماشفناهو مخدرة كدى قدامنا مابنقدر نخرمج كويس

هوووى يامخير بطل حركات الديش دى !! هى جاية معاك
بس ماحلوة ياخ

لاتسرع ...ابنائك فى انتظارك