طالقانى فيك عكس الهوى ..و سابقانى ببسراع و امش...!!!

[wadosman]

[align=center]يا مبيتانى الليل قوى راجانى اجيب ليك الشمس..
طالقانى فيك عكس الهوى و سابقانى بفسراع و امش..
الكلمات للشاعر محمد الحسن سالم (حمّيد)
و الغناء للمبدع محمد النصرى...
[/align]

[align=center][media]http://www.indymedia.no/usermedia/audio/9/hoosh_al_rabi3.wma[/media][/align]

[align=center]لينك الحفظ[/align]

[عكــود]

ود عثمان،
ود النصري صوت يردم فرقة الغنا الوِسعت

نوبة المجاديب إترخت
درويشي ينقز مندرش

في لياليك المحضورة،

[التوم]

ود عثمان ..

انت حكايتك شنو
كل ماتغطس تطلع ليك بقرش . .
مصّر تجهحهنا . . . .

تحيه للنشف حلق الكلام / حميد

[خالد الحاج]

ود عثمان
أخوك فتراااان
وداخل والله بس أقول...
شكرآ يا زول يا جميل...

خالد

[wadosman]

المشاركة الأصلية كتبت بواسطة عكــود

ود عثمان،
ود النصري صوت يردم فرقة الغنا الوِسعت

نوبة المجاديب إترخت
درويشي ينقز مندرش

في لياليك المحضورة،

[align=right]تسلم يا اخ عكود...على المرور الراقى
و معليش على الرد المتأخر
تحياااتى.....[/align]

[wadosman]

المشاركة الأصلية كتبت بواسطة التوم

ود عثمان ..

انت حكايتك شنو
كل ماتغطس تطلع ليك بقرش . .
مصّر تجهحهنا . . . .

تحيه للنشف حلق الكلام / حميد

[align=right]الاخ الراقى جدا التوم...

تسلم يا عزيزى من القروش
و شكرا على الحضور الجميل...[/align]

[wadosman]

المشاركة الأصلية كتبت بواسطة خالد الحاج

ود عثمان
أخوك فتراااان
وداخل والله بس أقول...
شكرآ يا زول يا جميل...

خالد

[align=right]الاخ خااالد...

شايف المشغوليااات شديدة مع الضيوف..
تسلم يا رائع على الحضور الانيق...
تحياااتى....[/align]

[التوم]

المشاركة الأصلية كتبت بواسطة عكــود

ود عثمان،
ود النصري صوت يردم فرقة الغنا الوِسعت

نوبة المجاديب إترخت
درويشي ينقز مندرش

في لياليك المحضورة،

عليك الله كان لقيت ليك وقت اكتبها كلها ..
انا غلبتنى .. كلما احاول الاقى روحى واقف مندهش ..
دا غير انو انتو شايقيه وبتعرفو كلام بعض ..

[رهف]

[align=center]بقبقتى بى ريح السرااااب

فانوس رؤاى والشوف عطش ..

و صاقعة لى يا دااك السحاب

بارى البروق..

اوعك تطش ..

لهسه يا بنية الغمام

الرشى واديك مندهش ..

ليش.. لا قبض شتل الغراااام

لا طيرو فيك سوالو عش !!!!

نوبة المجااذيب اترخت

و درويشى ينقز مندرش ..

و انا روحى ..دقابة بخت

ليها الله.. لى رب العرش ..

يا مبيتانى الليل قوى

راجانى اجيب ليك الشمس..

طالقانى فيك عكس الهوى

و سابقانى بفسراع و امش..

نقرشتى قلبى عشان يكون ..

يوم مهرجان سعفك برش

و انا ما نقدت حب العيون

لامن يحاااااحينى الرمش ..

ساع لى ناموس الشجون

و حاامنى بغنواتى اهش

و ما بين مرايات الظنون ..

فيك كل مرة بلاقى وش

يا مبيتانى الليل قوى

راجانى اجيب ليك الشمس..

طالقانى فيك عكس الهوى

و سابقانى بفسراع و امش..

فى الظلمة لسة بنات نعش

يا بنية بارى العنقريب

ضارب العريجة حجر دغش

فى سكة الشوق الخبيب

اندهدهت راجية الهوا

و عود التباشير يملا طيب

ينفخ مزامير الهوى

و على نقرة العشق الرهيب

تصدح معانينا سوا

و تسكت زنازين الوجيد

و انا بيك بملا الكون ندى

كل المواسم همبريب

لا ريدة تتحترب صدا

لا ظن حبيب فى حبيب يخيب

العمر بالبسمة ابتدأ ..

و الصرخة.. ما صرخة نحيب

صرخة أريحية و رضا

و أنا راضى بى ذكراك نصيب

يا مبيتانى الليل قوى

راجانى اجيب ليك الشمس..

طالقانى فيك عكس الهوى

و سابقانى بفسراع و امش..

يا بنية ماكتر من بشر

فى خير و شر يخطا و يصيب

يسعدنى اكونك من مطر

ما شرط طينك يستجيب

المهدى وين المنتظر

عز الكدر غير فى الحبيب

دى الكتمة لو كشر المطر

حوش الربيع الهمبريب


يا مبيتانى الليل قوى

راجانى اجيب ليك الشمش..

طالقانى فيك عكس الهوى

و سابقانى بفسراع و امش.. [/align]






ود عثمااااان..



و ما بين مرايات ..الروعة ..

فيك كل مرة بلاقى وش ..




من عصب الوتر المشدود..و رنين الصوت الآااااسر..ايقظت مجارى الاحساس..

و نثرت النغم الممدود..فى نمة كلمة و دنة طمبور..

يفردنا حينا.. يطوينا..دون نهاية..دون حدود..


النصرى..و الصوت الحى..

و نغمة وتر.. و قصيدة..


يا ود عثمااااان..

نترنح طربا..فامهلنا الآن..


و لنا عودة..لنجول مجددا فى بوست النصرى..الذى ينتظر الاضافات..

[عبد الوهاب هنداوى]

ود عثمان ليك مليون تحية
بعد 7 سنين وبعاد عن الوطن اول
شريط سمعتو وانا راكب من المطار الى
الحصاحيصا كان شريط المبدع النصرى
أنه غناء دافئ وكان تعليقى بأن الشريط ده
زى العملوهوا مخصوص عشان يرحب بى
قدومنا الى الوطن فشكرا حميد وتسلم ايها
المبدع النصرى ولك التحايا يا وليد (عتمان )
ومحبتى الى الجميع ....................هنداوى

[التوم]

شكرا جميلا يارهف ..

انشاء الله تكون مواسمنا كلها همبريب ..

انتى منهم ولاشنو

[الوليد عمر]

الرائع دوما ( ود عثمان ) :





والله ياود عثمان بايتين لينا جنس قوى كان شفتو تحن فى حالتنا .. الواحد فينا بقى فاقد حنان مرة واحدة .. والله لمن بقينا ما قادرين ندسو عديل كدا .. وغنت ياحنين لابد لينا بالمرصاد .. كل ما نفتر شوية تدينا من حوضك كأس ...


يا سلاااااااااااام
ياسلاااااااااااام
ياسلااااااااااام




الله يديك العافية
ويخليك لينا

[wadosman]

المشاركة الأصلية كتبت بواسطة التوم

عليك الله كان لقيت ليك وقت اكتبها كلها ..
انا غلبتنى .. كلما احاول الاقى روحى واقف مندهش ..
دا غير انو انتو شايقيه وبتعرفو كلام بعض ..

[align=right]التوم الجميل...

و عود التباشير يملا طيب
ينفخ مزامير الهوى
و على نقرة العشق الرهيب
تصدح معانينا سوا

الرااائعة رهف ما قصرت نزلت كلمااات الاغنية
لها التحية و الشكر الجزيل....
و انشاء الله يكون الاندهاااش زال...
لك التحية...[/align]

[wadosman]

المشاركة الأصلية كتبت بواسطة رهف

[align=center]

من عصب الوتر المشدود..و رنين الصوت الآااااسر..ايقظت مجارى الاحساس..

و نثرت النغم الممدود..فى نمة كلمة و دنة طمبور..

يفردنا حينا.. يطوينا..دون نهاية..دون حدود..


النصرى..و الصوت الحى..

و نغمة وتر.. و قصيدة..


يا ود عثمااااان..

نترنح طربا..فامهلنا الآن..


و لنا عودة..لنجول مجددا فى بوست النصرى..الذى ينتظر الاضافات..

الراااائعة رهف...

و على نقرة العشق الرهيب
تصدح معانينا سوا
و تسكت زنازين الوجيد

سلك مشدود و صوت طمبور يسرح بنا بعيدا مع الكلمااات
الانيقة من الشااعر الفلتة حميد...و الصوت اللحن الجميل
من المبدع الفنااان ود النصرى.....
و ما بين مرااياات الكلمات البديعة و صوت الطنبور
يكون الطرب...
لى عودة مع اغنيااات ود النصرى الاخرى...

كل مودتى..و شكرا لاضافة كلمااات الاغنية...[/align]

[wadosman]

المشاركة الأصلية كتبت بواسطة عبد الوهاب هنداوى

ود عثمان ليك مليون تحية
بعد 7 سنين وبعاد عن الوطن اول
شريط سمعتو وانا راكب من المطار الى
الحصاحيصا كان شريط المبدع النصرى
أنه غناء دافئ وكان تعليقى بأن الشريط ده
زى العملوهوا مخصوص عشان يرحب بى
قدومنا الى الوطن فشكرا حميد وتسلم ايها
المبدع النصرى ولك التحايا يا وليد (عتمان )
ومحبتى الى الجميع ....................هنداوى

[align=right]تسلم اخ هنداااوى...على الحضوور الراااقى الانيق
كل مودتى و تقديرى...[/align]