ماذا سنفعل حين تضع الحرب أوزارها؟ !!! حسيــــن عبد الجليل
دعوة لمشاهدة فلمي ( إبرة و خيط ) !!!
قصص من الدنيا؛ وبعض حكاوي !!! عبد المنعم الطيب
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار بعد وضاحة .. ديوانان شعريان لآزهرى محمد علي اسم العضو حفظ البيانات؟ كلمة المرور التعليمـــات مركز رفع الملفات البحث مشاركات اليوم اجعل كافة الأقسام مقروءة صفحة 1 من 2 1 2 > أدوات الموضوع انواع عرض الموضوع 18-04-2011, 08:43 AM #[1] معتصم الطاهر :: كــاتب نشــط:: بعد وضاحة .. ديوانان شعريان لآزهرى محمد علي سيصدر ديوانان جديدان للشاعر أزهري محمد على .. (طوبى للغرباء .. و أمّا بعد ) هنا .. الموضوع .. الديوان الأول ( طوبى للغرباء ..) أو سلامات يا زول يا رايع .. يحوى ثمانية قصايد طويلة هى بنية الديوان .. وقصائد أخرى .. هي أعمال لأحبابه .. و ملاحظتى عن هذه الأعمال أن مَن كتبت فيهم جميعهم رحلوا مكانا .. وبقوا فيه و فى أعماله (صالحة ).. والتى كتبت لزوجته الراحلة امتثال .. لها الرحمة والمغفرة و ( صابرة) .. لأخته فاطمة.. رحمها الله .. كتبت قبل رحيلها .. و مساء النيل ) الى الجميل الأجمل عفيف إسماعيل و الذى هاجر الى استراليا .. و ( ظلّمت ) قصيدة لمحمد محمد طه .. و( صديق الخطوة) ..لصديقه معتصم ..الذى رحل الى الدوحة .. و( سلامات يا زول يا رايع) .. لمصطفى سيد أحمد وهذه القصيدة كتبها قبل رحيل مصطفى عليه الرحمة بثلاث سنوات .. و قصيدة (ثرثرة المياه والعصافير لامرأة بالغة العذوبة) للدوش .. وسأرجع .. بالتفصيل .. التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 18-04-2011, 09:01 AM #[2] آخـر المواني :: كــاتب نشــط:: هادي تحكرة .. التوقيع: اقتباس: المشاركة الأصلية كتبت بواسطة أبوذر بابكر افسحى لى مكانا فى دمى قرب عينيكعلنى بإحدى الحسنيين أفوزفإما أغنية تضج فى مسام الفرحأو دمعة تنادم الصمتفى فمى آخـر المواني مشاهدة ملفه الشخصي إرسال رسالة خاصة إلى آخـر المواني البحث عن المشاركات التي كتبها آخـر المواني 18-04-2011, 09:02 AM #[3] عكــود Administrator و نحن في الإنتظار يا صديق الخطوة. سلام يا باش. التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو. عكــود مشاهدة ملفه الشخصي إرسال رسالة خاصة إلى عكــود البحث عن المشاركات التي كتبها عكــود 18-04-2011, 09:04 AM #[4] أزهري سيف الدين :: كــاتب نشــط:: متابعة أزهري سيف الدين مشاهدة ملفه الشخصي إرسال رسالة خاصة إلى أزهري سيف الدين البحث عن المشاركات التي كتبها أزهري سيف الدين 18-04-2011, 09:14 AM #[5] بله محمد الفاضل :: كــاتب نشــط:: بشرك الله بالجمال يا أيه وهادي تحكرة التوقيع: [align=center]الراجِلُ في غمامةٍ هارِبةْ[/align] بله محمد الفاضل مشاهدة ملفه الشخصي إرسال رسالة خاصة إلى بله محمد الفاضل البحث عن المشاركات التي كتبها بله محمد الفاضل 18-04-2011, 09:28 AM #[6] معتصم الطاهر :: كــاتب نشــط:: صالحة عبثاً يحاولُ النّصْ أنْ يُوَاري سوءات الرحيل. وحْدُك تُدركينَ أنَّ جَسَدَ الفاجعةُ أوسعُ من جلبابِ القصيدةٍ. دخَلْتي زى خَتـّة نـَفـَس ومرقتي فى لمحة بصر مرقتي لا حِسْ لا خَـبر لا لَوحَتْ ايديك تلويحة وداع .. لا سِبتي جنب الباب أترْ هشّيتي أسراب الحمام و افشيتى فى الأرض السلام وكأنَّـك إنتى المُنتظر.. وكأنَّـك إنتى المنتهى .. وأول تصاريف القدر.. نحن إدّخرناك .. لليالى الحالكات للزمان المـُرْ وساعات الخطر أديني فرضك والنوافل والباقيات الصالحات .. يا طيبة و إنتي على سفر يا الله ..من هذا السفر .... يا الله ..من هذا اللهيب.... من وجهها الطلق الخصيب من كفـّها دعاش المطر من ضحكتا و رِقـَّـة صباحاتنا الحليب من وشّها المليان بطــَر أنا خفتها .. تفتح شبابيك النحيب وتـَشـُر على روحى الفَتـَر و أنا شفتها فى لحظتها الحلم الغريب. تتوالى فى الخاطر صُور كانت حكايات كلها و أضحت مواجع كلها ... أدمَـنـَّا وجع الإجترار و احتجنا لى لحظة مقيل.. فى ضلها إحتجنا نكتب ليك قصيد ونغني ( بنحبك بحر ) و احتجنا لى لحظة زمانا المترعة زمن الأمانى الطيبة .. والريد .. والدِّعة والقلب فاتح ، والخلايا ، أبواب ،كلها مشرعة العاديات.. عدت على تعب الجسد وركضت خيولك مسرعة ليه راقدة فى ضيق اللحد والدنيا بي هذى السعة .. الغيم فى متناول ايديك والقلب بـُور والمطر زى ما تشتهي أرمينى فى أرضِك بذور لِمـَّيني من وجع الغياب تلقيني فى دمك حضور وادينى مفتاح السحاب ترسم مسارات الطيور .. يا مُترعة.. مفتوحة شارات المرور ما بين غيابك و(مشرع الحلم الفسيح) ضاعت محطات الوصول من حيلة الخَطـْو الكسيح قَدَرِك.. تباريك المناحات تعيش سنين العمر من قفص التباريح والذكريات فى كل ليل تفتح حنينك بيت بكا وتعصف رياح الفرقة لى حلم المراجيح قدرك .. تلاقى الدنيا فى باب الخروج وتفتح حنين القلب للراحلين ضريح قَدَرِك.. تدارى الحزن فى القلب الذبيح لا انت فى حلم المسيح ويا صالحة.. وينو ضُـلـِّك..فى الطريق..? وين خطوتك.. فى الرملة صُرِّيها فى منديل علق.. ومِدِّيها فى حُـق السنين والعُـشرة والدم.. العرق.. إيديك فى إيدى سوا سوا.. من الصباح حتى الشفق من الشفق حتى الزوال والقمر إذا اتـّـسق وكما اتفق.. نجلس على ضُل المزاج نتعاطى ضحكات الحبيبة ونحتسى كاسين من الحب الرحيم نقراها بسم الذى خلق ونقراها حرف حرف نسكُب صهيل الروح فى صمت الورق ونلقاها فى الريح العصف خضرة سنينا اليانعة واتحتحتت صَفَـق ونلقاها فى ضهر الخيول البتفزع من حوافرها فى السبق.. وتهرع كلما اشتد الرهان وبانت ملامح اللفة فى آخر النفق نلقاها.. فى جيَّـة الضيوف والفرحة كل ما الباب طرق تلقاها فى خـتـَّة الراس والحلم فى الهجعة وإن طال الأرق نلقاها فى ضل الصباح والونسة..ضحكات الصغار.. وطقطقة الأصابع .. طق .. طرق نلقاها بآخر رمق وقـَفـَت على حَدْ الكفاف رمت السناسِن فى الطبق فجَّـت ضلامات السنين.. قامت على ذات النسق.. ومدت ايديها على الحنين ورَشَت المشاغبين بالنبق يا صالحة لِمِّـينى على ثراك و اعفينى من هذا الرهق وسلميلى على المعاك السابقين .. الطيبين.. الصادقين الجملو العالم هناك طفلة وملامحها من رؤاك موءودة كانت فى حشاك أنا شفتها .. بتضمدى أحزانك براك وانا شفتها.. فى البعث فى هيئة ملاك.. فى جيدها باقات النجوم وفى إيدها أغصان الأراك أنا شفتها.. فى ذلك اليوم العظيم فى نشوة بتردد غُناك بى حِسِّها الرّطِب الرخيم فتحت عليك فى الكَـتْمـَة شباك النسيم.. حضروها كل الأولياء الصالحين فى الطور مع موسى الكليم مرقت بواطن الأرض دون رحم الأليم وفتحت مصابيح الخلاصفى عتمة الليل البهيم وأنا شفتها عبرت معاك.. حبل الصراط المستقيم ومرقتِي أجمل ما يكون إنسان على كف النعش مرقن معاك بنات كتار وغابت وراك بنات نعش.. ركّن على دم الغروب فرّن مع وش الدَّغـَش رَدَحـَنْ علَى حسَب الهبوب و أنا حِسِّـي يبقالن طَرَش غشـَّنِي بى موية الرهاب وشنقنِي بى حبل العطش واعدتهن.. ما تواعِدِن.. واعدتهن ما تواعدن ضحكاتن اللبن الحليب والقمرة مرة مرة بتشبهن.. ما شفتهن .. شافَنـِّي هـِـنْ ما بين طشاش السكة الشوف البصيص ..شبَّهْتـَـهـِنْ .. حِزنن عَلَىْ وحزنت أكتر مِنَّـهِنْ.. وبكينا كلنا من دواعى الخيبة والحظ التعيس.. سرَقَـَن صهيل الجرح من خلف الكواليس وكتبن تراجيديا الصراع الجب و امراة العزيز النسوة والدم.. والقميص.. مديتى إيدك للحريق بَـقـَّنْ اصابعينك شموع والقلْب فى حِنـّة عريس وبكيتى والوش منطرح وضحكنا والايد فى الجرح.. لمعت دياجى الأرض فى ضو الفوانيس ما تلبسى تياب العطش إتلفحى النيل قرمصيص وادخلينى على عجل يا صالحة من باب السلام مفتوحة ابواب الفراديس اتفضلى.. التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 18-04-2011, 09:32 AM #[7] معتصم الطاهر :: كــاتب نشــط:: صــَــــابْـرَة مـــدخل: - يافطوم فطن حميد .. فطمنا غنانا لا طاطينا .. لا سبنا الخيول تاطانا قدمناه إمام ..لاضلّ .. لا ضلانا ما هاب السجون ..ما فزَّ من سيطانا وكت الكُـور حِما .. ثابت رَكـَز لبـُطانا لكن البلاد باعت أيادى بُطانها عالجها بالرحيل .. مدت وراهو لسانا جَرَّبها بالعويل .. قَـلَبَت حديثها رُطانة حنـَّسها بالهديل .. رَخـَت الحبيبة أضانها زى كل الطيور .. دايما تَـحِن لوطانها ماضاق الوطن .. بس كبرت الزنزانة *** و يا دِى البلاد الكل ما طايبتها فتحت على جرحَك جَـرِح الكل ما نَقـَّط لها الكلمات عسل نزلت على خاطرك ملح لا تاكت أبوابها الانيقة .. ورحبت لا ليلها بي جيتك فِرِح يا دِى البلاد وين نحن هسى ؟ فى ياتو ليل ؟ فى يات صباح ؟ كل الشوارع تشتـَـبـِه فيك وتشابِه بعضها كل البيوت الواقفة طولها تستبيح فى عرضها وانا روحي تشتاق لبلاد كان طينى من طين أرضها ديك البلاد اللاّ بتفَوّت فيك وكـِت لا يوم بـِـتترُك فرضها يوماتى واصِلها بالحنين يوماتى هى الفى النوم تجيلك برضها .. إشتقت ليها ..الشوق غلب اشتقتَ أنزع همى فى عتبات بيوتها الواسعة وانزع فى ضل عصاريها التعب غنيتا بأدب المديح سمَّـت غناى قِـلة أدب ومشيت وراها ضريح ضريح فتشت فى كل القُبب دقـَشَت وَرَا الرزق الشحيح ما أغنى مالها و ما كسب شغلوها بالنبى والمسيح واتقاسموها رُتَب رُتَب فى كل حِتَّـة حصار حصار فى كل فِجـَّـة لهب لهب صمدت أمام وابل الرصاص سقطت أمام وابل الخُطب حنيت عليها من الضهب حنيت على زحمة خطاها التايهة بين بين رحمةْ وغضب حنيت على دمى المشتَّـت فيها بين زنجى وعرب حنيت ياخى بلا سبب ما دى البلاد اللاّ جلبتها للمدائن الصاخبة مقطوعة رحِـم ولا تركتها فى الفيافى الشاحبة مجهولة نسب ولا رفعتها فى الرماح ولا مرقتها للمنافى الواسعهة تزروها الرياح انا كنت كل ما الليل يفلل .. بَـنْـدَهَـا يا صابرة حىْ .. ياصابرة حىْ ياصاااابرة حيّ على الفلاح ياصاااابرة حيّ على الفلاح ياصابرة حيّ على الليالى الفاتحة لى وَشْ الصباح ياصابرة حيّ على المدائن الفاضلة والقول المباح لو كنت أقدر أنزعِك من مخالب الخوف وجلجلة السلاح ماكنت تانى رجعت ليك خاوى اليدين دامى الخُطى ومكسور جناح و لا كان نسيتِك فى الزحام تتعاطى مُر الذكريات الفاجعة والخَـدَر الحرام يا دى البلاد الكُل ما طايبتهاطاب ليها فى النفق المقام زوّجتها الحلم الجميل خطبت خفافيش الضلام وغنيتها ما شاء الهديل رطَنَـت بما شاء الإمام راودتنى .. وروضت كل الحواس وهدهدت فى صحوى شهوات المنام يا طفلة أبلغ من غُناى وَاجْلة عن كُل الكلام فرّت ضفايرها ضفتين والرِمش تعريشة غمام والثغر شخبين من حليب والصدرِ بُرجين للحمام جلست فما أبهى الجلوس وقامت فما أسمى القيام دخلت على الناس المسرة ومرقت على الارض السلام وياصابرة مادام الأسف آسف على صبرك معاى آسف على صبرك على آسف على صبر السنين المُرّة عام من بعد عام و آسف إذا طال الشتات فى الغربة أو عزّ المرام و آسف إذا طرف المدنفرّاها أجنحة الخيام ونذرتِ عُمرك للنزوح للجوع وأسلمة الطعام و آسف على هذا الكلام آسف على هذا الكلام آســـــــــــــف التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 18-04-2011, 10:11 AM #[8] آخـر المواني :: كــاتب نشــط:: اقتباس: و آسف على هذا الكلام آسف على هذا الكلام آســـــــــــــف وأنا آســـف لانو قبل استأذنك طبعت الديوان ..! طلباً للاستزادة من هذا الحزن الجميل ..! التوقيع: اقتباس: المشاركة الأصلية كتبت بواسطة أبوذر بابكر افسحى لى مكانا فى دمى قرب عينيكعلنى بإحدى الحسنيين أفوزفإما أغنية تضج فى مسام الفرحأو دمعة تنادم الصمتفى فمى آخـر المواني مشاهدة ملفه الشخصي إرسال رسالة خاصة إلى آخـر المواني البحث عن المشاركات التي كتبها آخـر المواني 18-04-2011, 10:23 AM #[9] معتصم الطاهر :: كــاتب نشــط:: اقتباس: المشاركة الأصلية كتبت بواسطة آخـر المواني اقتباس: وأنا آســـف لانو قبل استأذنك طبعت الديوان ..! طلباً للاستزادة من هذا الحزن الجميل ..! آخرها يا زول أطبع ما شاء لك فأزهرى لم ولن تكن المادة همه الأول .. بل أن يصل منتوجه .. وأنا أكتب هنا أيضا بدون إذنه .. عندما يخرج الديوان أعدك بنسخة موقعة .. التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 18-04-2011, 10:31 AM #[10] آخـر المواني :: كــاتب نشــط:: اقتباس: المشاركة الأصلية كتبت بواسطة معتصم الطاهر آخرها وأنا أكتب هنا أيضا بدون إذنه .. عندما يخرج الديوان أعدك بنسخة موقعة .. غايتو ببقي ليك في العزيزة ووعدك دا قبل يصلني فقد اعتبرته جميل منك طوقني .. وإني منتظر .. العنوان سيصلك كاملاً في الخاص التوقيع: اقتباس: المشاركة الأصلية كتبت بواسطة أبوذر بابكر افسحى لى مكانا فى دمى قرب عينيكعلنى بإحدى الحسنيين أفوزفإما أغنية تضج فى مسام الفرحأو دمعة تنادم الصمتفى فمى آخـر المواني مشاهدة ملفه الشخصي إرسال رسالة خاصة إلى آخـر المواني البحث عن المشاركات التي كتبها آخـر المواني 18-04-2011, 06:18 PM #[11] معتصم الطاهر :: كــاتب نشــط:: مساء النيل الي الجميل الأجمل عفيف اسماعيل مساء النيل على المقرن مساء النيل محل ركِّت عصافيرك وصفـِّق لجناحو فَـنـَن مساء الموية والخضرة والوجه الحسن مساء الخاطر الطيب صفاء النِـيّة .. حُسن الظن سنين الغربة ، والعمر البعدك سُدىً مساء النيل .. إذا ضاقت قلوب الناس فتح راحة ضفافو وطن مساء النيل على المقرن السنوات مضَـن يا مافى والأحزان علاها الشيب تترامى المنافى منافى والأقدار في حكم الغيب يتقطر جرحنا قوافى لو هجرت حبيبة حبيب فيا خلى الخليل الوافى ياحامل المسك والطيب حزين قلب الغناء المغبون يفتش نبعك الدَّفّـاق ونِتشّرف نعاين ليك فتّر خطْوَنا الساساق ولمّا النيل سأل عنك الجواب كِمِل ماحاق ولا حتى الخطاب منك يبلل حُرقة الاشواق بتتدخل فى قلوب الناس مع شمس الصباح رقراق يااخر عشم داخرنو للزمن الحنين تيراب ويا فَجـّة ضلام طَوّل على قمر العشية الغاب وراك لا مطـّـر ارض ماطر ولا عمّ الدميرة تساب وشِن طعم الرحيل يازول إذا خاطر البلد ما طاب بتتعلق شعاب الروح حنين بفكرة اللبلاب مساء النيل التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 18-04-2011, 06:21 PM #[12] بله محمد الفاضل :: كــاتب نشــط:: ممكن طلب (صاحبك أنا لو ما نسيت وبالزعل ارتويت) بالله عليك رسل لي العندك كلو من جراب صاحبك المزهر ممكن وهاك: bala507@hotmail.com مستنيك أوكي التوقيع: [align=center]الراجِلُ في غمامةٍ هارِبةْ[/align] بله محمد الفاضل مشاهدة ملفه الشخصي إرسال رسالة خاصة إلى بله محمد الفاضل البحث عن المشاركات التي كتبها بله محمد الفاضل 18-04-2011, 07:19 PM #[13] سمراء :: كــاتب نشــط:: ما اروعك ازهرى !! وما احلى ان تنسحب الروح لحظات تؤدى قسم الجمال فى محرابك ! مشكور الباشا التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 18-04-2011, 07:41 PM #[14] معتصم الطاهر :: كــاتب نشــط:: اقتباس: المشاركة الأصلية كتبت بواسطة بله محمد الفاضل اقتباس: ممكن طلب (صاحبك أنا لو ما نسيت وبالزعل ارتويت) بالله عليك رسل لي العندك كلو من جراب صاحبك المزهر ممكن وهاك: bala507@hotmail.com مستنيك أوكي خاصة .. الزيك يا اب ذر برسل ليك حتى الذى لا ينشر .. التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 19-04-2011, 08:40 AM #[15] بله محمد الفاضل :: كــاتب نشــط:: اقتباس: المشاركة الأصلية كتبت بواسطة معتصم الطاهر اقتباس: المشاركة الأصلية كتبت بواسطة بله محمد الفاضل خاصة .. الزيك يا اب ذر برسل ليك حتى الذى لا ينشر .. غايتك طوالي بجري على الصحابي الجليل الذي نعته سيد الخلق أجمعين (محمد صلى الله عليه وسلم) بـ: الصدق والوحدة والتفرد لا وكمان بصدق والدليل: حتى الذي لا ينشر عاد بعد دا كان شريتني الشكية لي الله وبالله عَمِرو وزورو الحبيب يا اخي التوقيع: [align=center]الراجِلُ في غمامةٍ هارِبةْ[/align] بله محمد الفاضل مشاهدة ملفه الشخصي إرسال رسالة خاصة إلى بله محمد الفاضل البحث عن المشاركات التي كتبها بله محمد الفاضل صفحة 1 من 2 1 2 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع أرسل هذا الموضوع إلى صديق انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 09:48 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2024, vBulletin Solutions, Inc.
