خريجو جامعة أسيوط لمزيد من التواصل

[الجيلي عبد الله الريح]

الشكر لكم جميعا بمباركة البنية ... ؟؟
ويظهر أن إبن هارون فات أخوي العوض زمان ... ؟؟
وأنا أرشحه عن جدارة لنيل درجة الخرف المبكر ؟؟؟
كل مافي الامر أن إبن هارون شبكته كانت طاشه ... وآخر حاجة كانت في ذاكرته عن البوست أن الجيلي جابو ليه بنية وقرّط على كده ؟؟ يعني رجع بينا ١٤ شهر هي عمر البنية ؟؟
ودالبيك هو الشخص الوحيد الذي إكتشف ( Ibn Haroun's hard driver error)
وأكتفى بعلامات الاستفهام ؟؟؟
الشكر لكم جميعا فقد سبق أن باركتوا لنا إيثار وأخونا الزول بالمرة جاب لينا قصة مرصد بن أبي مرصد .. عفوا مرثد بن أبي مرثد ؟؟؟
ندعو الله أن يرزقكم جميعا الذرية الصالحة ...
وأدعو أخونا الزول يحل لينا مشكلة إبن هارون لو محتاج
memory card, dual proccessor, new hard drive,

[الجيلي عبد الله الريح]

اقتباس:
المشاركة الأصلية كتبت بواسطة ودالفكي
الاخوه الحباب جميعا لكم كل حب وتقدير
الف مبروك للذين زادو امة محمد ببنت او ولد ربنا يحفظهم لهم وان شاء زاد ايجابي للوطن الحبيب
الاخ سر الختم الف شكر علي التكبير والتصغير غير الممكن

الخبر الهام هو في الاسبوع الفات وانا واقف منتر رقشه قرب نفق السوق المركزي متجه ال منزل اختي في جبره جنوب فاذا بشخص مكرمش وفي رقو داك نزل من عربيتو وداخل علي بيته مسرعا بنفس مشيته التي كانت وعندما سلمت عليه وهو يقفل باب العربه مسرعا رد علي ولم ينظر لي طبعا انا عرفتو بنسبه 70 % لكن خليتو مشي وقبل يدخل البيت قلت ليه شنو يا استاذ ما ترد علينا السلام بنفس شويه كدا تعال قام جا راجع وعندما قرب لي قلت ليه يا انت استاذ قمر ودرست في اسيوط قال لي اييييييي وانت منو وعندما قلت له انا حامد تجارة اسيوط كاد ان يبلعني وسلم بحراره الزكري الجميله والسنين الطويله التي لم نلتقي فيها
طبعا ما عرفني لاني لابس عراقي وسروال وشايل لي اكياس كتيره وواقف في ظل الشجره عموما اصر ان ادخل معه للبيت ولكن اعتزرت له باني احمل الفطور معي وضربو لي هسي بسالو مني
مشكور حملني في سيارته الفارهه بالنسبه لي واوصلني الي البيت وسلم علي ابنائي وتواعدنا ان نلتقي
هو الاسناذ فتح الرحمن حسن مكي -القضارف
طبعا هو مدير عام شركه نظافه في الخرطوم
وهو في ظرافته ديك قال لي انا شغال في شكره وساخه
0912384009-0123666313



ودالفكي كيف حالك ياأخي ...
نشكرك كثيرا .... قمر ده لميت فيه وين ...؟؟؟
في ميدان المبرة بأسيوط إستطاع قمر حارس المرمى أن ينقذنا من هدف محقق من فريق إسكندرية في دوري الاتحاد العام ومن يومها أصبح هذا الهدف موضوع الساعة ... بالله لو لاقيتو تاني قول ليه ..ياقمر تذكر مباراة أسيوط/إسكندرية .. حيوقف العربية ويخلي الشركة ويبدأ يحكي ليك الحكاية ؟؟؟؟ تحياتنا للحبيب قمر ....

[الجيلي عبد الله الريح]

اقتباس:
المشاركة الأصلية كتبت بواسطة عمر محمد عود
الأسايطة سلام و لينا زمن ما دشينا الموقع .....
اجمل التهاني لأخونا د. الجيلي بقدوم البنية وربنا يجعله من البارات بوالديها.
آخبر خبر سمعتو من جارنا يعمل بالتصنيع الحربي انو أخونا مأمون شريف (علوم) و الذي يعمل بنفس المكان قد توكل علي ربه و تزوج المرأة الثانية و مامعروف ليه يمكن دقنو كبرت؟؟؟؟؟ و ايضا أخونا عبدالعاطي محمد أحمد تجارة 85 تزوج للمرة الثالثة غايتو ربنا يكون في عونهم والله شنو يا جماعة حاجة تحير في الزمن الصعب ده !!!!!!!!!!!!!!!!!! وانا بره والعهدة علي الراوي ..الزووول قول حاجة



الاخ عمر العود ... تحياتنا وأشواقنا لكل الاحباب في السودان ..
بعدين مآخد راحتك مثنى وثلاث ورباع ؟؟؟ عشان لقيت البوست ده كله عزابه بس ؟؟؟ ده ترغيب ولا ترهيب ؟؟؟ ألف مبروك لكل من ثنى وثلث وربع ... وكما قال أخونا العوض يساعدو بعض .

[الجيلي عبد الله الريح]

مناسبه طيبه جدا أن تتجدد الدماء ويتجدد اللقاء ...
ونسعد بطله شبارقة ... وعودة ود الكاشف ...
وحضور النحاس وود الفكي
وأخونا الزول ... ونأمل رؤية ود البيك وعودة القلم الرائع أبو اللمين
و مزيد من الالق يا هاشم .. فقد تركتنا بلا رحيق .. .ونحن في إنتظار مناكفات كيشو .. وآخر إنتاج شيخي شيخ كندا ميكي ؟؟؟
لن نفقد الامل في عودة الجميع .. عصام عليش ..ودالطيب .. منتصر يوسف .. برعي محمد دفع الله ..ود أبوكنه .. محمد عبدالله جباره ..
الطيب موسى وين إنت ؟؟؟ للقصة بقية ...؟؟
وكل الاخوة الاعزاء نأمل طلتكم وإنتو طيبين

[Mohamed Ahmed Haroun]

اقتباس:
المشاركة الأصلية كتبت بواسطة الجيلي عبد الله الريح
الشكر لكم جميعا بمباركة البنية ... ؟؟
ويظهر أن إبن هارون فات أخوي العوض زمان ... ؟؟
وأنا أرشحه عن جدارة لنيل درجة الخرف المبكر ؟؟؟
كل مافي الامر أن إبن هارون شبكته كانت طاشه ... وآخر حاجة كانت في ذاكرته عن البوست أن الجيلي جابو ليه بنية وقرّط على كده ؟؟ يعني رجع بينا ١٤ شهر هي عمر البنية ؟؟
ودالبيك هو الشخص الوحيد الذي إكتشف ( Ibn Haroun's hard driver error)
وأكتفى بعلامات الاستفهام ؟؟؟
الشكر لكم جميعا فقد سبق أن باركتوا لنا إيثار وأخونا الزول بالمرة جاب لينا قصة مرصد بن أبي مرصد .. عفوا مرثد بن أبي مرثد ؟؟؟
ندعو الله أن يرزقكم جميعا الذرية الصالحة ...
وأدعو أخونا الزول يحل لينا مشكلة إبن هارون لو محتاج
memory card, dual proccessor, new hard drive,



العزيز الجيلى سلامى وتحياتى والسلام موصول عبرك لكل الاسايطه...
يا اخى نهيتنى عديل كده ..انت عارف حكايه البنيه دى غريبه ...قبل فتره دخلت البوست ووجدت الخبر لاكن انشغلتا واتذكرتا بعد فتره لاكن قلت برضو ده ابو الجيل مافى طريقه ...اهو توصل متاخر خير من ان لا توصل
بعدين الزول ده مولود مخرف داير تلحقنى ليهو؟؟؟
الناس دى طشت وووووين؟؟؟؟؟؟؟؟؟
بعدين حكايه مثنى وثلاث دى بقت عادى من باب ان غلبك سدها وسع خشمها هاهاهاهاهاهاها لا مواخذه!!!!
تجى تسد معانا يا الجيلى ؟؟؟
اتخيل قمر ده يا هو زاتو قمر !!!!
والله الواحد شايلو شوق شديد لمحمد الامين يكون مشى ساحل العاج؟؟؟؟

[برعى محمد دفع الله]

اقتباس:
المشاركة الأصلية كتبت بواسطة الجيلي عبد الله الريح
مناسبه طيبه جدا أن تتجدد الدماء ويتجدد اللقاء ...
ونسعد بطله شبارقة ... وعودة ود الكاشف ...
وحضور النحاس وود الفكي
وأخونا الزول ... ونأمل رؤية ود البيك وعودة القلم الرائع أبو اللمين
و مزيد من الالق يا هاشم .. فقد تركتنا بلا رحيق .. .ونحن في إنتظار مناكفات كيشو .. وآخر إنتاج شيخي شيخ كندا ميكي ؟؟؟
لن نفقد الامل في عودة الجميع .. عصام عليش ..ودالطيب .. منتصر يوسف .. برعي محمد دفع الله ..ود أبوكنه .. محمد عبدالله جباره ..
الطيب موسى وين إنت ؟؟؟ للقصة بقية ...؟؟
وكل الاخوة الاعزاء نأمل طلتكم وإنتو طيبين



فيك الخير يادكتور الجيلى على السؤال
المشاغل مسكت الناس, اختبارات المدارس للعيال, الاجازات الصيفيه والسفر على الابواب, اخر مره تقابلنا فيها كان بالصدفه فى اغسطس 2009 بودمدنى, اتمنى ان تتكرر,
التحيه لكل الاحبه الاسايطه

[صلاح الدين هجو النحاس]

السلام عليكم يااسايطه جملة بدون فرز اخوكم مجتبى كامل زراعة 1985 طبعا متلومين لوم شديد جدااااا لعدم التواصل لكم العتبى ...
بالله نتواصل .
اليكم رقم الجوال 0127166711
الاميلى [email protected]
اخوكم مجتبى كامل
طبعا لقيتو ليكم فى شارع الحوادث وهو بطرفكم

[الزوول]

لم يكن مقامهم يطول بيننا كثيراً
ولكنهم كانوا جزءاً أصيلاً من اللوحة الجميلة للطالب السوداني في جامعة أسيوط لا تكتمل الا بوجودهم.
أين هم الآن
...



...

[الزوول]

أكيد جماعة الزهايمر وناس ابن هارون مبسوطين مني
عشان عفيت ذاكرتهم الخربة من محاولة تذكر الأسماء
وجبتها ليهم جاهزة
والحقيقة ده كان الإعلان عن حفل التخرج لأسرة التاكا (المعهد التجاري وبعض خريجي المعهد الصحي)
سنة كم؟؟؟
....


....

[Mohamed Ahmed Haroun]

اقتباس:
المشاركة الأصلية كتبت بواسطة الزوول
أكيد جماعة الزهايمر وناس ابن هارون مبسوطين مني
عشان عفيت ذاكرتهم الخربة من محاولة تذكر الأسماء
وجبتها ليهم جاهزة
والحقيقة ده كان الإعلان عن حفل التخرج لأسرة التاكا (المعهد التجاري وبعض خريجي المعهد الصحي)
سنة كم؟؟؟
....


....



الزول المطوفش يا اخوى سلام ....انت لميت اى ورقه معاك من اسيوط وجبتها ولا شنو؟؟؟غايتو انا ما عرفتا ولا زول نحن واخوى صديق الفلاتى تبع الجيل الجديد ...حتى شوف الجيلى ومنتصر وودالبيك وناس الجيل القديم

[صلاح الدين هجو النحاس]

اقتباس:
المشاركة الأصلية كتبت بواسطة الزوول
أكيد جماعة الزهايمر وناس ابن هارون مبسوطين مني
عشان عفيت ذاكرتهم الخربة من محاولة تذكر الأسماء
وجبتها ليهم جاهزة
والحقيقة ده كان الإعلان عن حفل التخرج لأسرة التاكا (المعهد التجاري وبعض خريجي المعهد الصحي)
سنة كم؟؟؟
....


....



ياسلام على الزمن الجميل
طبعا فى بعض الشخصيات غير موجوده لان عاشه معها عماد اشعه وهم الان متزوجون يعملان معا بالخرطوم شارع البلديه مركز طب السنان
ام شاع الدين موجود بين الجزيره والابيض عندو بص
عادل محمد الحسن بالابيض
وهذا جزء من قليل لانهم دفعه بعد تخرجنا انقسامات التاكا رى وصرف وتجارى وصحى والقصه تطول

[زاهر الطيب حمد]

سلام وشوق شديد لكل الأسايطه ..... ومبروك للأخ د/ الجيلي المولوده ونسأل الله أن يجعلها من المستورات ....
@ بمناسية المولودة .. قابلت الأخ علي حسن المحامي(شنكته) وسألني وينك يا راجل لا حس لا خبر ... قلت ليهو والله يا علي أخوك بقي محمول ... ضحك شنكته وقال لي ياهي البت الواحده دي ولا غيرا .... جيبا نسعاها ليك مع أخواتا .......( طبعاً شنكته عنده سبعة من البنين والبنات .. الله يحفظهم جميعاً )
@ وفي نفس اللقاء أخونا شنكته قال لي ... يا زاهر أنا ما عارف اليومين دي الحاصل لي شنو ؟ قلت ليهو خير , قال لي بمجرد ما أنوم أسمع ليك أصوات (طبعاً حلم) أرحل يا علي , أرحل يا علي .. الليل كله ... أعمل شنو ؟ قلت ليهو بسيطه يا علي ... مش أمبده دي سيبك منها , ياخ أرحل معانا في بانت أو مع ناس مردس في المناره .والأهم من كده شوف إنت عملت شنو لي ناس أمبده.
@ أخونا عمر عود مرزوق ... كفاك بتنا الحاليه ... أي محاولة تسجيل للاعب جديد صدقني حتلقط الورق والأكياس من الشارع (بكره ما تشاكلني يا عمر ده هزار ساكت).

[الزوول]

المشاركة الأصلية كتبت بواسطة زاهر الطيب حمد

@ وفي نفس اللقاء أخونا شنكته قال لي ... يا زاهر أنا ما عارف اليومين دي الحاصل لي شنو ؟ قلت ليهو خير , قال لي بمجرد ما أنوم أسمع ليك أصوات (طبعاً حلم) أرحل يا علي , أرحل يا علي .. الليل كله ... أعمل شنو ؟ قلت ليهو بسيطه يا علي ... مش أمبده دي سيبك منها , ياخ أرحل معانا في بانت أو مع ناس مردس في المناره .والأهم من كده شوف إنت عملت شنو لي ناس أمبده.

...
الراجل قالو كل ينوم .. يحلم بنفس الحلم : أرحل يا علي ... رزقك يا علي في كوكا المحس .. أرحل يا علي وما تقعد ...رزقك راجيك في كوكا ...الليل كله
علي يصحى مهجوم ...
ينوم تاني ..يجيهو الزول في الحلم ...أرحل يا علي .. امشي كوكا المحس...الخ
بعد زمن كدي قام كلم المرة ..
المرة قالتلو : يا علي ..يمكن فعلاً رزقنا في كوكا المحس دي ... يمكن تلقى ليك دهب ولّا حاجة .. يا راجل نحن فقرانين ..قوم امشي كوكا المحس يمكن تصلح معانا
نقت فوقو ليل نهار
أخيراً قرر يمشي كوكا المحس
باع القدامو والوراهو ... يركب بص وينزل من لوري .. يركب مركب وينزل من كارو
لما وصل بعد كم يوم تعبان ... رقد نام تحت تمرة (نخلة، بكلام الحناكيش)
وقعت فوقو تمرة (بلحة ، بكلام الحناكيش)
صحا مهجوم اكلا ونام تاني
جاهو زول الحلم تاني : يا علي .. وصلت كوكا المحس .. رزقك أكلتو خلاص ..قوم أرجع يا علي
...
شنكتة : الزول قالك أرحل وين؟؟؟
...
يا أخوانا ود البيك وين؟؟ ... فاقدنو

..

[ودالفكي]

التحيه ليكم كل الاحباب الاسايطه خاصهد.م ا هرون والزول السمح الوناس-لكن بالجد مطوفيش الصوره دي لي هسي محتفظ بيها؟؟؟؟؟والعريس عمر(اتفسح يا حبيب اعمل الرابعه لو عاوز)هاك القصه ادنها واتمحن في الدنيا بكوستيامبارح راكب لي في تكس في كوستي ماشي علي السوق وجدت زميل السواق معاه راكب قدام والراجل ببارك ليه ساي في العرسه الثانيه وانا بسمع ساي للقصه قام قال ليه عقبال الرابعه وواصال السواق في تطمين صاحبه ....والله يا عيسي مشيت لي لبيت واحد فلاتي لقيت في حوشو 25 امرأه وفي حباله طبعا اربعه وكل واحده من المطلقات مع اولادها ومن حقها ان تكون في رعايه اطفالها وعامل ليه حوش الفين مترضحكنا كلنا في العربه وقلنا ليه ديل لو اي واحده عندها طفل واحد يعني عندو 25 طفل ماشاء الله واحد قال ليه غنم هن اصلو...؟؟؟؟بعد داك انا خشيت علي العريس قلت ليه شنو يا عيسي لقيت ليك قرض من بنك الاسره لعربه جديده ولاشنو يعني احتمال نعرس قريب الثانيه...قام اتلفت لي السواق طوالي وقال لي انت قاصدنا ولاشنو يا حبيب وضحك نحن والله الحسانيه دي ما مديانه اي فرصه(طبعا انا كحلت صاحبنا مره وشفت زوجته في البنك ودار بيننا حوار عشان كدا حاولت ان اطعنو بس نزل بشويش من الموضوع)شوف في ناس الواحده متلتلاهم....الزول يا حبيب ياخي في ناس منسيين اصلو مهما عملنا 100% لكن انا في زول مستحيل انساه سيد علي عثمان -عبري شوف لينا ليه تلفون باي طريقهوعبدالحي ود الدويم معهد تجاري خريجي85 سوف افاجئكم بصوره لزول خريج تربيه اسيوط من القضارف ايضا اسمه يحي استاذ ثانوي حاليا بكوستي لاندلس اخونا صديق ادم حامد-تجاره-من ربك- قالوا في القاهرهيا ناس الداخل والجايين في رمضان من الخارج احرصوا وباسركم واهلكم الجمعه الثالثه من رمضان والبره الشبكه كلموا بالتلفون او بي زياره والحضور يكون بدري حتي يتمكن الناس من معرفت بعض قبل الفطور قبل الترخيم بتاع المكيفات وكدا وما تخافوا رمضان بكون بارد هذا العام باذن الله وما تنسوا الكميرات الدجيتال حتي نتمكن من انعاش زاكره الكثير من الاحباب خاج الوطن ودخال الوطن وحتي نعمل علي مزيد من التعارف والمحبهصلح هجو اين المكان المناسب يا حبيب حتي نتمكن من توجيه من نستطيع ابلاغه

[الطيب موسى الطيب]

السلام عليكم بعد ان غادرت لارض الوطن في اجازة قصيرة وانقطع التواصل معكم عبر المنتدى لم ينقطع الروح عن اوصالها ولا الشوق فات بعيد مني لحظة فلكم مني الحب مشاعل تتقد لتنير الطريق وزهرا يحف الطريق واصوات وانامل تمشي بنا في درب المحبة الما بعرف الزيف والخداع وان شاء الله اشوفكم يوم 9 يوليو