فساتين ؟

[AMAL]

ياماجد تحايا وسلام
غايتو اتعوقت في مداخلتي الاتخمت تبع اسس الكتابة
رغم ااني شايفة انو اسس السودانوية اولي
مش نحن في سودانيات برضو
وعافية المكان دا اهم ومستوي الحوار فيه
والمحافظة عليه من ان يتحول لصحيفة صفراء
كلام تماضر يستحق النقاش فعلا
فخلينا نطلع بي شي مفيد من البوست دا
بتهمني جدا قصة العمر وربطو بالجندر والكتابة
واعتقد انو عامل مهم في كتابات ام التيمان
بس بي نظرة مختلفة من طرح تماضر
ركز بلاي علي الحتة دي
وانتبه لمحاولات جرك للهتر
وقعت قبلك في المصيدة دي ولسة ندمانة
متاسفة شديد اقول ليك
كتير من الداعمين في لستتك الفوق دي
عندهم راي مغاير جدا ومختلف عن البكتبوا
هنا شوكينق مش
بس نحن في سودانيات ماتستغرب
تحياتي

[ماجد تاج]

المشاركة الأصلية كتبت بواسطة ام التيمان

اظهر على حقيقتك قول انك افترعت البوستات دى عشان تشتمنى
انا امرق و ادخل على كيفى
مش بوست معمول عشانى

ـ


بالمناسبة ما تحاولي تفتلي البوست بافتعال مشكلة

أنا ما ح أنجر ليها

ح أكمل الكلام العايز أقوله بنفس الهدوء وبلا استعجال

لحدي ما أخلص




ـ

[ام التيمان]

المشاركة الأصلية كتبت بواسطة ماجد تاج

ـ


يبقى تدخلي بأدب وتطلعي بأدب

وما في داعي للغة المنحدرة دي


ـ

هوووووى يا انت
عاوز منى شنو
بالله حل عن سماي

[تماضر حمزة]

مرحبا آمال،
لاحظتي ليّ مرحبة بيك وكأنّما أنا ست البوست
ورح أنا وانتي نفتل البوست..
أو نستعدلو، بعيداً عن الافلاس..
عاوزة اقرا نظرتك المختلفة
عندي احساس قوي، انو حأستفيد من كتابتك هنا وح نطلع بكلام مؤسس ومتفق عليه
ورح

عدّلت اسمك
أنا بصر انو امل واشراقة تقول آمال

[ماجد تاج]

المشاركة الأصلية كتبت بواسطة AMAL

ياماجد تحايا وسلام
غايتو اتعوقت في مداخلتي الاتخمت تبع اسس الكتابة
رغم ااني شايفة انو اسس السودانوية اولي
مش نحن في سودانيات برضو
وعافية المكان دا اهم ومستوي الحوار فيه
والمحافظة عليه من ان يتحول لصحيفة صفراء
كلام تماضر يستحق النقاش فعلا
فخلينا نطلع بي شي مفيد من البوست دا
بتهمني جدا قصة العمر وربطو بالجندر والكتابة
واعتقد انو عامل مهم في كتابات ام التيمان
بس بي نظرة مختلفة من طرح تماضر
ركز بلاي علي الحتة دي
وانتبه لمحاولات جرك للهتر
وقعت قبلك في المصيدة دي ولسة ندمانة
متاسفة شديد اقول ليك
كتير من الداعمين في لستتك الفوق دي
عندهم راي مغاير جدا ومختلف عن البكتبوا
هنا شوكينق مش
بس نحن في سودانيات ماتستغرب
تحياتي

ـ


يا ستي نصيحتك مقدرة وفي محلها

وبالفعل استغربت السلوك الغريب دا



ـ

على كل أنا ما زلت مصر أقول الانا عايز اقوله

بعض الاخوان شايفين أنو أنا ماسك في الزولة دي لكن الحقيقة أنا بديت أقول كلامي وحدث ما حدث

وانتهت الاحداث لحظرها في المرة الاولى قبل ما أكمل

وبقى كلامي مبتور وغير مكتمل ومعلق

وبأدب جم آثرت التوقف لحين عودتها

مش طمعاً في مشاركتها

لكن ع الاقل شان ما يكون الكلام من وراها

حسيت بالتزام اخلاقي قصاد الناس الاتداخلو معاي أنو اكمل ليهم ما بدأته

امتداد الزمن بسبب طول حظرها أنا ما مسئول عنه وهو البيدي الاحساس الخاطئ بأني بلاحقها


ـ


عن اصحاب الراي المعاكس

وبالرغم من أنو المثال الانا اتخذته للتدليل على فهم معين اتضح لي بأنه غير كافي

ومحمل بسوءات وتاريخ من المناكفات أنا ما كنت طرف فيه

لكن ما زلت مستهدفهم

وح أنجح بإذن الله في طرح كلامي ومناقشته معاهم

برغم التعويقات الجانبية دي



تماضر حمزة لولا الخوف من شبهة التملق في الجو العكران دا كنت قلت فيها الكتير

لكن مع الصبر الرؤى بتتضح والمواقف بتبين

ح أرجع لمداخلتا برواقة إن شاء الله




ـ

[AMAL]

المشاركة الأصلية كتبت بواسطة تماضر حمزة

مرحبا آمال،
لاحظتي ليّ مرحبة بيك وكأنّما أنا ست البوست
ورح أنا وانتي نفتل البوست..
أو نستعدلو، بعيداً عن الافلاس..
عاوزة اقرا نظرتك المختلفة
عندي احساس قوي، انو حأستفيد من كتابتك هنا وح نطلع بكلام مؤسس ومتفق عليه
ورح

عدّلت اسمك
أنا بصر انو امل واشراقة تقول آمال

سلام ياطمطم
باختصار ياستي عنوان عريض
مابعرف اقرأ اي مفهوم بتعلق بالجندر بعيد عن السوداناوية
يعني انا بكتب ولا بمارس اي فعل تاني
بالنسبة لي مابطلع من الكونتست دا
حالة كوني امرأة سودانية في نطاق عمري المحدد
قد تكون في حالات تمرد بس بي فهم
وبكون عندها القدرة فعلا علي الدفاع عن تمردا
مافي مشكلة ابدا في انو المراة تعبر عن مشاعرا
والمشاعر فعلا مابتشيخ بس في راي البحصل هنا دا
شي مختلف جدا
اقول ليك حاجة
اصلو مالقيت غير فستان ماجد الرموهو في التراش وصف احسن منو
ياخي عمري مازعلت علي قضية المرأة وتحررا
قدر ماوصفو سطيرات ام التيمان بانها بتعبر عنها
دا تجني شديد وضرر ايما ضرر
عمرها قضيتنا كنساء سودانيات ما كانت الكتابة عن الجنس
بالابتذال دا ولا القشرة باننا ضد الدين وكانها موضة تياب
وفي نفس الوكت ماعندنا قدرة نقول كلمة واحدة
ندافع بيها عن موقفنا دا
وكمان مابنتورع عن اننا نسئ لشريحة من النساء السودانيات ونحط من قدرهن
-ارجعي لارشيف ام التيمان-




لسة بالمناسبة ماوصلت فكرتي عن العمر والجندر والكتابة
بكتب بطريقة مؤلمة
قولي لي اشراقة امال مادايرة معاك

[ماريل]

اذا سمحتوا يا ماجد وآمالى وتماضر
ممكن تستوعبونى معاكم فى الحوار
ده كفصيل اساسى من فصائل التمرد
على كل ما هو مبتذل...
تماضر اوع تجينى بى نمرة خرتمية
بشويش كويس

[تماضر حمزة]

المشاركة الأصلية كتبت بواسطة AMAL

سلام ياطمطم
باختصار ياستي عنوان عريض
مابعرف اقرأ اي مفهوم بتعلق بالجندر بعيد عن السوداناوية
يعني انا بكتب ولا بمارس اي فعل تاني
بالنسبة لي مابطلع من الكونتست دا
حالة كوني امرأة سودانية في نطاق عمري المحدد
قد تكون في حالات تمرد بس بي فهم
وبكون عندها القدرة فعلا علي الدفاع عن تمردا
مافي مشكلة ابدا في انو المراة تعبر عن مشاعرا
والمشاعر فعلا مابتشيخ بس في راي البحصل هنا دا
شي مختلف جدا
اقول ليك حاجة
اصلو مالقيت غير فستان ماجد الرموهو في التراش وصف احسن منو
ياخي عمري مازعلت علي قضية المرأة وتحررا
قدر ماوصفو سطيرات ام التيمان بانها بتعبر عنها
دا تجني شديد وضرر ايما ضرر
عمرها قضيتنا كنساء سودانيات ما كانت الكتابة عن الجنس
بالابتذال دا ولا القشرة باننا ضد الدين وكانها موضة تياب
وفي نفس الوكت ماعندنا قدرة نقول كلمة واحدة
ندافع بيها عن موقفنا دا
وكمان مابنتورع عن اننا نسئ لشريحة من النساء السودانيات ونحط من قدرهن
-ارجعي لارشيف ام التيمان-




لسة بالمناسبة ماوصلت فكرتي عن العمر والجندر والكتابة
بكتب بطريقة مؤلمة
قولي لي اشراقة امال مادايرة معاك

اشراقة مامعاي بالمناسبة..بس حصل مرّة قلت ليها حاسة انو امل دي زولة بت بلد ودوغرية قالت ليّ صحيح بس اسمها آمال ما أمل
المهم،
خلّينا نكبّر الفكرة شويّة ومانحصرها في ام التيمان
في بوست تاج الاوّل انا قلت ليو عنوانك اكبر من المثال.
السوداناويّة دي صحيح ادّتنا، بس ظلمتنا كتير ياآمال، حقو في الأوّل نسلّم بي كدا عشان نعرف نمشي لي قدام سوا..
والتنميط الجنسوي لكتابات المرأة، أنا بختصرو ليك في مقال رسّلتو من يومين قبل الترجمة حأديك منّو جزئية،هاك:

محنة الكاتبة السودانيّة.
تماضر الخنساء حمزة


قرأت للكثيرات من الكاتبات اللاتي لمست فيهن الروح المتمرّدة، والفكر الجديد، وتميزن بحبكة الرواية، ثم ماألبث أن أصدم بعلّات المجتمع تمد لسانها شامتة بوعيهن، كمثال: حين يرمز اللون الأبيض لمحاسن الأفعال والأشكال، والأسود لضدّها في شخوص الكتابة عندهن، يشاركن من وراء وعيهن بالتسويق لهذا الفكر العقيم، وينزلن مراتباً من الوعي دون أن يلحظن ذلك.
الكتابة رسالة، يجب أن نكون حذرين ونحن ننشرها ونبشّر بفحواها.
محنة أخرى، نالت مني رهقاً مجحفاً وهي التنميط.
فمنذ أن يرى القارئ اسمك الذي يدلّل على انوثتك، يبدأ بتنميط الكتابة، فيما يجوز الكتابة عنه ومالايجوز
يضع الحدود، وِفق نظرة المجتمع و وِفق القيم التي تتم تعليتها بناءً على ذكوريّة لاتخلو من اجحاف مغرض.
محنتنا، تكمن في تعليب المشاعر منذ الصغر، وتغليفها، ومصادرتها، تحت وطأة سيف العيب، والذي لايجوز، فكلّما شدت احدانا في الكتابة وغنّت احاسيسها في براح، أتهمت بالوقاحة في كثير من الاحيان، وتمّ تفسير الكتابة على أنّها توجيه لشخص بذاته وحصرها في محيط يضيق حتى على الحروف ذاتها.



التنميط الجنسويّ للنصوص، الذي يضع النص الذي تكتبه المرأة أقلّ قدراً من الرجل أو العكس، معتمداً على صورة المرأة، أكثر ما أضرّ بالكاتبة السودانيّة.
في المهجر، وفي بعض البلاد التي تتمتع بكافة الحريّات، لا تشكّل الرقابة هاجسا،ً ولا التنميط بمختلف أنواعه، لذا تجد الكتابة في محيط كهذا في أوجها، وتأتي الى حد بعيد دون تأثيرات بردود الأفعال المستبقة.
في هذه البلاد، الابداع هو التيرمومتر الحقيقي لتقييم الكتابة وصاحبها.
السودان بلد تخرج من رحمه عشرات النساء المبدعات كل حين، أتمنى أن تتاح لهن المساحة الكافية لترجمة ابداعهن بشكل كتابيّ حر.

وبالمناسبة ياآمال التنميط بتعلية شأن الشكل الخارجي هو من خلق الهلاميات المنفوخة وفكرها خاوي، المالية علينا الجرايد واجهزة االاعلام.

[AMAL]

المشاركة الأصلية كتبت بواسطة تماضر حمزة

المهم،
خلّينا نكبّر الفكرة شويّة ومانحصرها في ام التيمان
في بوست تاج الاوّل انا قلت ليو عنوانك اكبر من المثال.
السوداناويّة دي صحيح ادّتنا، بس ظلمتنا كتير ياآمال، حقو في الأوّل نسلّم بي كدا عشان نعرف نمشي لي قدام سوا..

حبابك ياتماضر
كدا القصة بتبقي مختلفة جدا
وصدقيني بتظلمي الفكرة شديد
لو استعرضتيها في مجال الحديث عن ظاهرة ام التيمان
شن جاب لي جاب او كما قالت -اسالي منها ماريل-
متفقة معاك لحد كبير في مقالك
بس صدقي الادتني ليه السودانوية انا راضية عنو لحد كبير
والظلمتني فيه عافية ليها ياستي
ولقيت انو فعلا صمام امان وعاصم خصوصا في الاسافير دي
ولو تم استغلالو بذكاء بنوصل كل الدايرنو
ونحن مرتاحين جدا
مقالك هبش حتات كتيرة اقول ليك بستحق بوست براه
متمنياك تاخدي تجارب رائدات زي ملكة الدار محمد
كتبن في ظروف غاية في التعقيد والصعوبة
نجحن يوصلن فكرتن في غاية الوسامة والاحترام

قصة الكتابة في المهجر دي ماقادرة أخدا علي اطلاقا
لانها لسة بتعتمد علي انك بتكتبي لي منو والبقراك منو

مرات القيود بتبقي اكبر
لما نجتاز حاجز الجغرافيا لاننا بنجي البلدان دي
ونحن شايلين جوانا نفس العوائق دي




ماريلنا المايك معاك
بس اضبطي الايقاع ياحبة وبردي النفس سمح

[البديري]

المشاركة الأصلية كتبت بواسطة AMAL

حبابك ياتماضر
كدا القصة بتبقي مختلفة جدا
وصدقيني بتظلمي الفكرة شديد
لو استعرضتيها في مجال الحديث عن ظاهرة ام التيمان
شن جاب لي جاب او كما قالت -اسالي منها ماريل-
متفقة معاك لحد كبير في مقالك
بس صدقي الادتني ليه السودانوية انا راضية عنو لحد كبير
والظلمتني فيه عافية ليها ياستي
ولقيت انو فعلا صمام امان وعاصم خصوصا في الاسافير دي
ولو تم استغلالو بذكاء بنوصل كل الدايرنو
ونحن مرتاحين جدا
مقالك هبش حتات كتيرة اقول ليك بستحق بوست براه
متمنياك تاخدي تجارب رائدات زي ملكة الدار محمد
كتبن في ظروف غاية في التعقيد والصعوبة
نجحن يوصلن فكرتن في غاية الوسامة والاحترام

قصة الكتابة في المهجر دي ماقادرة أخدا علي اطلاقا
لانها لسة بتعتمد علي انك بتكتبي لي منو والبقراك منو

مرات القيود بتبقي اكبر
لما نجتاز حاجز الجغرافيا لاننا بنجي البلدان دي
ونحن شايلين جوانا نفس العوائق دي




ماريلنا المايك معاك
بس اضبطي الايقاع ياحبة وبردي النفس سمح

امالنا سلامات
تخلع العمة لكلامك والله ...عارفة يا امال انت وسارة وسمراء وجيجى وماريل، بذكرونى بالجيل الذهبى (جيل الحبوبات)! جيل مُتمسك بعاداتو وتقاليدوا وموروثاتوا واذا لقى (الشباك مفتوح)* بقفلوا احتراماً لذاتة وقناعاتة الشخصية، برغم من ثقافتكم وتعليمكم الجامعى وثقافاتكم المتعددة فى شتئ المجالات..إلا ان (الحيا ) مُفصد على وجوهكن النضرة.

ولقيت انو فعلا صمام امان وعاصم خصوصا في الاسافير دي
ولو تم استغلالو بذكاء بنوصل كل الدايرنو

كدى اهمسى لى فى عضانى ، وقولى دايرة شنو؟!

لكم التحايا ووردة بنفسجية

[سمراء]

اولا التحية لمفترع البوست ماجد
ومن قبله لملهمته شاء ام ابا ام التيمان
ومن ثم الى الحبيبات
امولة وطمطم وماريل
وكل المتداخلين

وبالجد النقاش مع انو بداياتو كانت شوية مكركبة لبعض سوء الفهم ..
الا انه فى النهاية افضى الى حوار انيق نااااعم دسم دسامة البنيات ديل
وكنت واثقة بوثوقى من كاتب الموضوع والانا بعرف مدى جديته ورؤيته فى كتير من المواضيع وتناولة بمختلف المواقع ، بانو موضوع " فكرة " وليس استهداف لشخص بعينه رغم اصطدامة بالعزيزة اميرة ..

خلونا نتابع النقاش الانيق ده بدون حواجز ونستفيد منو ..

ان شخصيتن كدى ختيت لى بمبر وقعدتة ...
ارح

[سمراء]

اقتباس:
المشاركة الأصلية كتبت بواسطة البديري

كدى اهمسى لى فى عضانى ، وقولى دايرة شنو؟!

وسوسوسوسوسو اتخارج من البوست ده قبل ما افنك بالشبشب
خلاص احتليناهو

[تماضر حمزة]

المشاركة الأصلية كتبت بواسطة AMAL

حبابك ياتماضر
كدا القصة بتبقي مختلفة جدا
وصدقيني بتظلمي الفكرة شديد
لو استعرضتيها في مجال الحديث عن ظاهرة ام التيمان
شن جاب لي جاب او كما قالت -اسالي منها ماريل-
متفقة معاك لحد كبير في مقالك
بس صدقي الادتني ليه السودانوية انا راضية عنو لحد كبير
والظلمتني فيه عافية ليها ياستي
ولقيت انو فعلا صمام امان وعاصم خصوصا في الاسافير دي
ولو تم استغلالو بذكاء بنوصل كل الدايرنو
ونحن مرتاحين جدا
مقالك هبش حتات كتيرة اقول ليك بستحق بوست براه
متمنياك تاخدي تجارب رائدات زي ملكة الدار محمد
كتبن في ظروف غاية في التعقيد والصعوبة
نجحن يوصلن فكرتن في غاية الوسامة والاحترام

قصة الكتابة في المهجر دي ماقادرة أخدا علي اطلاقا
لانها لسة بتعتمد علي انك بتكتبي لي منو والبقراك منو

مرات القيود بتبقي اكبر
لما نجتاز حاجز الجغرافيا لاننا بنجي البلدان دي
ونحن شايلين جوانا نفس العوائق دي




ماريلنا المايك معاك
بس اضبطي الايقاع ياحبة وبردي النفس سمح

مساء الورد ياجميل،
ماهو علشان ما أضيّق الفكرة، ماربطتها بي حد.
ماحأقدر أرد عليك بصورة وافية، في حتة الظلمتك فيو السودانوية، عافية ليها فيو
إلا اذا فصّلنا الحاجات
والتعميم عندي سلبي في حتة عافية ليها فيو دي..
أنا بتكلم عن سلبيات في المجتمع، تجاه نظرتهم في حاجات محدّدة بتخص الكاتبة السودانية، وذكرت نماذج فوق وأمثلة، قطع شك السلبية ماممكن تكون صمّام أمان وأيه اليخلينا نستغلها لنصل لاغراضنا..الا اذا كنّا لا نملك الابداع ونريد ان نتسلّق بتمجيد حصرنا في الحتّة دي ونُحمل على الاكتاف كواجهة مابتعبر الا عن الضعف وحاشاك آمال من هكذا استغلال.
القصد، الكاتبات الربنا حباهن بالابداع دولا، هم رسلنا لتغيير المفاهيم بتمريرها من خلال الكتابات.
ملكة الدار، الشخصيّة دي هي المحتاجة لفرد بوست لوحدها، وح يحصل اذا قعدت عاطلة كتير، فلا فكاك لكم من البري

[ماجد تاج]

المشاركة الأصلية كتبت بواسطة تماضر حمزة

طيّب،
سلامات ماجد، وصباحك ورد
المشاعر لاتشيخ ياماجد
والاحساس غير محدّد بعمر معيّن ولولا شويّة حسن ظن لاتهمتك بالتجنّي والعنصرة الواضحة تجاه ال خمسينيّة.
وممكن جدا الشابة من منظورك والخمسينية يتشاركوا نفس الاسباب لسهر الليل.
كلامك دا برضك تنميط مجحف جدّاً للمشاعر
وتحديد نوعيتها بالاعمار، أنا بخص مقارنتك بين الشابّة والخمسينية كما وصفت تحديداً.
الفهم لكلامك..المشاعر الخصصتها انت للشابة لايمكن تجي تكتب عنها الخمسينية وتعيشها في عمرها دا! مين ال حدد الموات دا وكيف قستو
واين المهانة؟
يعني انا لو قريت كتابة مافيها غير فكرة انو الكاتبة "الخمسينية مثلا" في حالة حوجة ..هل دا بيدعو للمهانة؟ ممكن تتهم النص بأي شئ عدا المهانة
فمالك ياخ كيف تحكم على الكتابة؟
انا زمااان في بوستك الأوول وصلت لحتة انّو عندك مشكل بتاعة تنميط جنسويّ للكتابة ف وقفت. وكتك فتحت البوست دا قلت ياخ كدي نشوف تاج دا عاوز يقول شنو
لأنّو رؤية فكرك لسّة مااستبانت تماماً.
الواضح انت بتناقش خواء نص من الفكرة وانت سايق معاك رؤية محددة وافتراضات لحدود كتابة المرأة، مش تفكيك للكتابة كما سبق وحاولت تدلّل.
ولو كنت نجحت فيما سبق لما احتجت لاكثر من بوست
كان ممكن تجمّع نقاط نقدك وتفكيكاتك كلها في ذات البوست
أسسع أنا بوستيك دا لي يوم الليلة مافهمت مقصودو
وكلامي الكتير دا بس رد على ردّك لأم التيمان
وال نكلّمك أم التيمان دي مرات بخش وأمرق واقول ياربي قاصدة شنو
ومرات افكار مضادة تماما لافكاري
ومرّات بفهم شئ وهي تجي تديني في نص فهمي بفهم مادار على بالي زي نص الفستان المشدود
لكن، لسّة بشوف كتابتها مغايرة..بقرا فيها فكر زول تاني ورؤيتو للحاجات
وحقها في الكتابة عندي محفوظ واول المدافعين عن الحق دا
الزولة دي مسكت نصوصها وفكفكتها كما شاء لك
والموضوع دا اتمط مط عجيب
نصوصها القديمة كملت، لو جيت اتداخلت في نص جديد وقلت الدايرو كلللو
حققك ياخ وياهو دا زاتو سبب الكتابة
ف عليك الله تعال لينا المرّة الجاية بشئ مختلف
الاستقصاد قرررررررب يبقى صفتك فأنأى عنه بالبعد عن المعط ياخ
يامعاااااااااااااط

ـ

1 -

طيب يا تماضر

ان شاء الله أقدر أوصل ليك فهمي دا بدون معط



في رواية الحب في زمن الكوليرا غابرييل كتب عن الجنس في وصفه

لليلة دخلة فيرمينا داثا في زواجها الاول

بصورة متوغلة للغاية

ومع أنو أنا شخصياً كان جبيني نادي وانا بقرا

لكن بعد ما انتهيت من قراءة كامل النص ما علق في ذهني المشهد دا تحديداً

ولا ورثت فهم سقيم عنه أو عن الكاتب

في نفس القصة لما بتلتقي فيرمينا مع فلورنتينو أريثا عاشقها الممجد

وصف العلاقة الجنسية .. في التجربتين ـ الليلة الاولى حين عجز والثانية

بالرغم من أنو غارسيا حاول يغطي قباحة المشهد ببراعة وصف العاطفة

الا أنه يعلق في الذاكرة استهجان لفكرة الحديث الجنس في سنة متأخرة زي دي

الاتنين وقتها تجاوزو السبعين من العمر وأجسادهم اهترئت

لكن تبقى الحقيقة الثابتة في كل الموضوع

أن غارسيا كان مبدعاً في الرواية لحد جعل حديثه عن الجنس في الحالتين

جزء مقبول للغاية من النص

ما أفهمه عن أثر العمر على المشاعر حين تتعلق بالجنس والرغبة :

الحقيقة أن ما يسهر العشرينية مختلف رغم كل شي

لأنها ما زالت غضة ، ومحل اشتهاء ، والفعل نفسه لديها ما زال في
طور الادهاش

عكس الخمسينية

تخيلي آثار العمر على كامل جسدها

وآثار التجارب ـ النجاحات والخيبات

وتراكم الخبرات السيئة والمجيدة

غياب الجاذب للطرف الاخر ، وتغير نظرة الاشتهاء

وتحول الفعل ـ الحلال طبعاً ـ الى حدث مختلف عن حالاته الاولى

من الاشتهاء الكامل

الى الممارسة التي تقوم على حق الصحبة والالف

مشاعر مختلفة للغاية يا تماضر لا يمكن المساواة بينها

توق العشرينية جديد وغض

بينما توق الخمسينية بالي ومتخم بمرارات وتكرارات وآثار أخرى

طيب في الحالة دي

لما واحدة في كامل نضارتها تتكلم عن الجنس أو عن الرغبة أو عن المشاعر

يبرز ألف مبرر وسبب للقبول بمثل هذا الكلام

تاني بجيب ليك قصة فتاة المدينة وعمر بن الخطاب



لكن عند الاخرى .. الاستهجان مش أكيد بالله ؟

أنا بتكلم بصورة عامة شان ألخص ليك الفكرة وأخلص من الموضوع اللعنة دا

لذلك ح أمعطك في مرة واحدة أرجو أنها تكون كافية للتوضيح

عن الحق في الكتابة :

الحقيقة ما في زول معترض أو موافق عنده زر الضوء الاخضر

شان يسمح أو يمنع من يريد أن يكتب ما يريد

كل ما في الامر زي ما عندك الحق في الكتابة وابرازها للعلن

يبقى عند الاخر الحق في المعارضة والنقد حتى لو ما كان على أسس

اهو في النهاية نقده دا ح يخضع لعامل بسيط ، الجودة والرداءة مش كدا ؟

أنا لا أعاني من مشكلة تنميط جنسوي زي ما أشرتي بل العكس

أهو أنا بقرأ لأخريات هنا ولا املك الا أن أنحني أمام براعتهن

وموقفي من القبح ما مقيد على الاطلاق بالجنس

يا تماضر

الفحش ، والتردي في اللغة ، والركاكة ، والتهتك ، والاسفاف

مستهجن من أي كائن بغض النظر عن جنسه

التهتك هو التهتك في كل الاحوال




ـ
ـ

[ماجد تاج]

ـ

2 -



عن أم التيمان تحديداً :

للاسف الخوض في متعلقاتها محفوف بآثار معارك قديمة أنا ما طرف فيها

وللحق أول ما لفتني ليها عبارة شديدة الغباء سبت فيها الدين

سبق أن أوردتها في البوست الاول ما زالت موجودة

ما لفت انتباهي في العبارة مش سب الدين تحديداً

لكن ركاكة الصياغة ةغرابتها

أنا بفهم أن ملحد مثقف يكون عنده رأي في الدين

وياخد مساحته في التعبير عن رأيه دا

والناس تاخد راحتها في مناقشته

لكن الملحد الجاهل دا يعملوا معاه شنو

لذلك أفردت البوست التاني للحديث عن أراءها في الدين

من منطلق أنها أراء تقوم على الجهل لا على موقف فكري متزن أو عاقل أو مثقف

ولأنها طلبت مني التوقف عن الخوض في كتاباتها توقفت

وحولت البوست لغرض أعم كان اكثر فائدة للحق

اما البوست دا يا ستي

فكان انتقال لمرحلة متقدمة

يعني أتجاوز ركاكة أم التيمان ، وأراءها القايمة على جهالة دي

لمناقشة دفاعات المدافعين عنها

الفستان الاول ـ الساتان المسحوب

كان للاشارة للمفارقة بين جمال فكرة الدفاع عن حق المراة في التعبير عن ذاتها

وقباحة ربط الجمال دا بكتابات أم التيمان

فستان الزفاف التالي ح يوضح ليك الفكرة اكتر

قومتي نفسنا الله يرضى عليك





ـ