زهرة الغَرَق

[عادل عسوم]

المشاركة الأصلية كتبت بواسطة ZEIN ABDALLA

يا بابكر، يظهر انه السودانيين بقوا كلهم كيزان...يعنى الفهم العادى البسيط
ما عندهم. حسع بدل يحلوا المشكل الآن قالوا عايزين فى الاول يشوفو
كنيسة لود وهى تحترق وسيارات الاسعاف تتجه لمحاولة انقاذ الناس ..
وطبعآ كلها حتكون متلفزة !!
المشكلة انه مافى كنيسة أساسآ وانما لفظ مجازى لمكان مهجور يصعب
الوصول اليه اتخذه بعض قدماء الانجليز كمكان للعبادة
.

سلام ياأخ زين...
البلأحمر دي ماكريمة في حقك (وان كنت مازحا)!
لا الديمقراطية ولا النزاهة ولا العدل تجعلنا نثمن فهمنا ونغمط الآخرين مهما كان راينا فيهم...
ان قرأت شعار هذا المنتدى ستجد بأنك تخالفه ياأخ زين...
لك أن تكون ما اردت ولهم (الكيزان) أن يكونوا ما ارادوا طالما كل فرد احترم حرية الآخر...
ثم أن ال(بوست) لا يحتمل!
مودة باقية

[عبد العظيم الطاهر]

والله الذي لا إله إلا هو، إنني هبة البارئ، أصغر إخوتي أبناء محمّد بن خالد بن عمر بن أحمد الحسين، وريث الأنبياء الأخير، الذي لا ينجب، المعروف بالباراسيليتس، أو المهدي المنتظر، النبي الطائر، والمأذون الأكبر في ملكوت الله، المُدّلَّل عند ربه، ومن يُدعى في الملأ الأعلى بـ(النبي المثقف) وأيضاً بـ(صاحب الزي الغريب) يعنون فنيلتي والبنطال، أحشر الناس إلى ربهم، فيتبعني كل من فيه خير، ولا يتبقى إلا شرار الناس تقوم عليهم الساعة.

اليباري الأسافير ... يقرأ ويشوف كتير ...

يا راجل ... لم تحترم عقولنا قط ...

[أمين محمد سليمان]

و عليكم السلام يا بكة ...

المشاركة الأصلية كتبت بواسطة بابكر عباس

سلام يا أمين،
المحنة يا أمين، انو محسن، إختار طريق العودة منه صعبة وأخاف أن يكون الموضوع
Irreversible ، لوم موقف الآخرين الساخر والناقد والعنيف تجاه ما جاء به محسن، موقف عاطفي منك؛ سببه حبك لمحسن.
وما دام محسن طرح كلامو للعامة؛ فهو يتوقع هذه الردود العنيفة وأعتقد انو بكون جاهز ليها وأعتقد انها ستكون مفيدة لمحسن أكثر من المطايبة.

المشاركة الأصلية كتبت بواسطة بابكر عباس

- بوست العاشر من صفر، خيانة من محسن لرحلتنا معه في زهرة الغرق، الجيد فيهو انو نزل علينا كعلاج بالصدمة ونتمنى لمحسن إصلاح الحال.

إنت قايل الموقف العاطفي كعب ولا شنو ؟ ما كلنا بشر ياخي ... لكن دي ما القصة ...
القصة يا بكة في بداية كلامك ده ((المحنة يا أمين، انو محسن، إختار طريق العودة منه صعبة)) شفت قصة (( محسن إختار)) دي ... ده سبب عدم الفهم و الربكة الحاصلة دي كلها و متحير جدا ليه مافي زول اتطرق ليها رغم الالف المداخلات .... أنا علي يقين - و قد أكون غلطان - إنو محسن ما كان عندو خيار غير إعلان كلامو ده للناس !!
في هذا البوست و غيرو محسن اتكلم عن الرؤي و عن إحساس السلام المصاحب ليها في الصحو و المنام و عن العون اللقاهو من الرؤي دي في فك رموز كتير من الأبتيات اللي إستند عليها في "ترميز الأبداد و شكلانية الأساس " و واضح جدا إنو محسن مؤمن بما تلقاه من عون في في شكل رؤي و جابو هنا و ناقشو بالتفصيل، يبقي شنو الما بخليه يصدق مسالة النبؤة بحدوث المقتلة في اللد ولا إنو هو المهدي المنتظر و باقي كلامو ده، عشان كده لمن نقول محسن صادق، القصد إنو صادق في رؤاه مش انو فعلا النبؤات دي ح تتحقق أو هو فعلا المهدي المنتظر !
الصدق ده يا بكة هو الأنا معول عليهو إنو يرجع محسن، لانو الزول لمن يكون صادق لا يستنكف الرجوع للحق متي ما تبين خطل قوله
بالنسبة للناس الساخرة، فما في زول بيقدر يصادر حق الناس في قرايتها لاي موقف لكن كمان بنفس القدر بنقدر ننقد قراية الناس دي، ياخي الله أسالك (مزازة بشري الفاضل ) من بوست لبوست و جريهو يلم في التلفونات و ايميلات أصحاب محسن و هو في كل مداخلة و التانيه ما عندو كلام - تصريحا و تلميحا - غير إنو محسن مجنون و delusional دي تفسيرو شنو ؟! و بالمناسبة، أنا ما بفتكر بشري الفاضل حاسد محسن، لكن بفتكرو بصفي في حساب قديم معاو في سوادنيزونلاين.... بالنسبة للناس القالت إنو محسن بكتب في رواية علي الهواء، الله يسالك ياخي.. هل ممكن زول قرأ البوست ده ولا عاين ليه ساي يقول كلام زي ده... لكن الكسل المعرفي ينخر في عظام مثقفينا و ده جزو من الكساح العام الضارب البلد دي !!

المشاركة الأصلية كتبت بواسطة بابكر عباس

طيب انت جيب ليك تاني خمستاشر كلمة عشوائية لا تحتوي على الشق (Tab or tap) وأجري عليها نفس الإختبار، وشوف انت كسرت عنق الإختبار كيف؟!

ياخي أنا كل الكلمات اللقيت فيها tab أو tap ياهم ال 15 ديل و كلهم طلعو علي علاقة بابداد محسن ... إنت بدل ما تسالني.. أمشي فتش تاني و جيب خمستاشر تانين ما عندهم علاقة بابداد محسن.... لانو أنا ما لقيت !!

[محمد علي الجراح]

المشاركة الأصلية كتبت بواسطة وجدي الأسعد الأسعد

يا محسن الجماعة ديل اديهم البطولة ياخ
لكن ما تشركهم معاي في الاهداء
خلي ناس تانية تشاركني الاهداء بدل بابكر والرشيد

كدي يا محسن ياخ عاوز اتحشر شوية في حياتك ولي سببين:
السبب الاول إنو حياتك ما بقت حقتك براك
السبب التاني لانك عودتنا علي تحمل تحشرنا في خصوصياتك (زي رسالتي الفيس بوكاوية الكان اتكلمت عنها مع ياسر طيفور)

طيب يا محسن الجابرك شنو علي العيشة في لندن؟!
أول حاجة خلينا نتفق عليها إنو يا محسن الزيك بتكون سعادته في عذابه
العلم والفهم والرؤى واللغة العندك دي ما جبتها فلاحة منك ، دي الحياة وهبتهم ليك لكن بمقابل فرض أتاوة في إنك تعلم الناس وتنورهم وتثقفهم وتخرج بهم من غياهب بئر الجهالة إلى أفاق العلم والمعرفة
بالظبط زي الرسالة الربانية ، مافي نبي ما ضاق عذاب السنين ... لكن كانت سعادته في عذابه
ولكن يا عزيزي أنت بقعادك في لندن دي بتخلي عذابك في سعادتك
دا بالاضافة لي إنك بتكون مرتاح بدنياً لكن مرهق وصليبك طالع معنوياً

ويا محسن ياخ ياريت لو تربط شنطك وتتوكل علي بلدك ، وتبدأ في عملية تبليغ الرسالة الموكلة إليك من قبل الحياة في تثقيف الناس وتنويرهم ، أي نعم ح تشقى وتتعب وتجوع وتمرض واحتمال تتسجن وتنجلد والخ الخ من عذابات
ودي اساسا مفروض تكون حياتك في الحتة دي تتعب وتجوع وتمرض وتشقى لمن صليبك يطلع ... لكن الحاجات دي كلها ح تكون علي قلبك زي العسل لانك ساعي بين الناس في الخير

تعرف قبل فترة بابكر عباس كان فاتح ليهو بوست يقترح إنشاء قناة فضائية للمعارضة واضاف انه ممكن تتلقط اشتراكات عشان انشاء القناة دي
كنت عايز اخش واقول ليهو ياخ سيبك من قناة فضائية ... خلينا نلقط لينا قريشات ونأجر لينا حوش في اطراف الخرطوم ونرجع محسن خالد ومعاهو ولدو مبر وذمرة من اصدقائهم المثقفين ويعملوا لينا مركز ثقافي
كنت عايز اقول ليهو انه المركز الثقافي دا ح تكون ثمرته وإن طال زمنها بتكون أحسن من القناة التلفزيونية ...
لكن كعادة بابكر عباس كمثقف سوداني خوفت يفهمني غلط ، فقمت جليت الفكرة

اسي يا محسن ياخ ارجع السودان ولم عليك ولدك مبر وبعض اصدقائك المثقفين وأبدا في إنشاء مركز ثقافي
مفكريننا العظماء دايما بتكون المراكز الثقافية المسمية باسمهم بكون تم إنشاؤها بعد وفاتهم ...
طيب ياخ ليييه أنت ما تسعى ليك مركز ثقافي وأنت حي؟!
عشان بعدين يمرقك من حتة مرحوم دي

[أبوبكر عباس]

المشاركة الأصلية كتبت بواسطة أمين محمد سليمان

ياخي أنا كل الكلمات اللقيت فيها tab أو tap ياهم ال 15 ديل و كلهم طلعو علي علاقة بابداد محسن ... إنت بدل ما تسالني.. أمشي فتش تاني و جيب خمستاشر تانين ما عندهم علاقة بابداد محسن.... لانو أنا ما لقيت !!

سلام لخليفة المهدي ود تورشين (وحات سيدي الحسن بهظر)
ما وقع ليك نقدي لإختبارك. أقصد انو أبداد محسن الحداشر بتنوعم الكبير بمثلوا مجموعة catogory كبيرة جدا ممكن يدخلن فيها كلمات كثيرة جدا، قد تحتوي او لا تحتوي على الشق Tab ، مما يجعل الإختبار غير حصري وغير معنوي (not significant)

[الفاتح]

المشاركة الأصلية كتبت بواسطة بابكر عباس

سلام لخليفة المهدي ود تورشين (وحات سيدي الحسن بهظر)
ما وقع ليك نقدي لإختبارك. أقصد انو أبداد محسن الحداشر بتنوعم الكبير بمثلوا مجموعة catogory كبيرة جدا ممكن يدخلن فيها كلمات كثيرة جدا، قد تحتوي او لا تحتوي على الشق Tab ، مما يجعل الإختبار غير حصري وغير معنوي (not significant)

+ من ناحية تانيه.. مثلا لو مسكنا الشق المتعلق بالروح بتاع (كا) ممكن ألاقي مقابل ليهو في كم كلمة عربية وإنجليزية ينسفوا فكرة إرتباط الروح بالطبيعه
----
تحياتي

[أبوبكر عباس]

المشاركة الأصلية كتبت بواسطة شليل

+ من ناحية تانيه.. مثلا لو مسكنا الشق المتعلق بالروح بتاع (كا) ممكن ألاقي مقابل ليهو في كم كلمة عربية وإنجليزية ينسفوا فكرة إرتباط الروح بالطبيعه
----
تحياتي

صحيح يا شليل،
محسن فشل في البوست دا، يخت ليهو منهج ثابت نقدر نقيس بيهو في كل الإتجاهات، دائما منهجو بمشي إتجاه واحد. كنا موعودون منه بمنهج واضح، لكنه فجاءة قفز قفزة كبيرة ببوست العاشر من رمضان وقال انو المنهج هو: تواصله مع الله؟؟
بوست زهرة الغرق يا شليل كان إمتحان لينا كلنا، فشلنا فيهو بدرجات متفاؤته (ما عدا شهاب وحسبو) وعولنا فيهو على الثقة في محسن أكثر من المنهج. نحن قبل محسن محتاجين نقدم نقد ذاتي من موقفنا تجاه البوست دا.

[الفاتح]

المشاركة الأصلية كتبت بواسطة بابكر عباس

صحيح يا شليل،
محسن فشل في البوست دا، يخت ليهو منهج ثابت نقدر نقيس بيهو في كل الإتجاهات، دائما منهجو بمشي إتجاه واحد. كنا موعودون منه بمنهج واضح، لكنه فجاءة قفز قفزة كبيرة ببوست العاشر من رمضان وقال انو المنهج هو: تواصله مع الله؟؟
بوست زهرة الغرق يا شليل كان إمتحان لينا كلنا، فشلنا فيهو بدرجات متفاؤته (ما عدا شهاب وحسبو) وعولنا فيهو على الثقة في محسن أكثر من المنهج. نحن قبل محسن محتاجين نقدم نقد ذاتي من موقفنا تجاه البوست دا.

شيهاب وحسبو ديل بتين إتداخلو؟ أنا غايتو بديت أقرا من النهاية ، حتت الروح دي ، ولقيت إنو شكل الإحفوريات اللغوية ده ما منهاج ممكن يعتمد عليهو لأنو لو مثلا لو عايز إتنباً بإنو بابكر عباس ده حيفتح ليهو باب في الجنه لوجود حرف بابكر ، ممكن إجتهادي ده تنسفو مفردة خراب، غراب ، ضباب ، كباب ، وهكذا دواليك مما تسعفني بيهو لغتي.
أكتر حاجه مستغرب ليها في زهرة الغرق قبل النبوءة : الحواريون إللي كانوا بيلتفوا حول محسن بدون ما يلكزوهو معرفيا قبل إدعاء المهدويه
وبعد النبوءة : السؤال عن صحتو النفسيه ، الزول ده وصل ، إلخ
محسن مجتهد ، وباحث نهم عن المعرفه ، لكن ماجانبو الصواب في فلسفتو الوجوديه (الروح وإرتباطها بالطبيعه ) وإدعاءو المهدويه.. ليه ما جانبو الصواب ؟ لوجود الحواريين ، ولندرة الرؤية النقدية المخالفة لرؤية محسن.

[الفاتح]

عاين ديل برضو سوقم كعب :


رابط مئات الأشخاص في أماكن مختلفة حول العالم اعتقادا منهم بـ'نهاية العالم' الجمعة بناء على 'نبوءات' بعضها مرتبط بثقافة شعوب المايا بحلول النهاية, دون أن تتحقق تلك النبوءات المزعومة. (عنف وحزن وكوارث في أقوى 15 صورة عام 2012)

وجل تلك النبوءات مرتبط بتقويم لحضارة المايا التي ظلت قائمة في أميركا الوسطى حتى دخول المستعمرين الإسبان. ووفقا لهذا التقويم, انتهت حقبة من 5125 سنة, وبدأت حقبة جديدة.

وتجمع الجمعة مئات في موقع 'تشيتشين إيتزا' وهرمه الشامخ في كوكولكان بجنوب شرق المكسيك حيث توجد آثار رئيسة لحضارة المايا. (قرية تركية تصبح ملجأ المؤمنين بقرب نهاية العالم)

وفي مقابل تأويل انتهاء حقبة الـ5000 سنة على أنها نهاية محتملة للعالم, قال مشاركون في الاحتفالات في مدن المايا الأثرية بالمكسيك وغواتيمالا وهندوراس وسلفادور إنهم يؤمنون بأن هذا الحدث ما هو إلا دخول حقبة زمنية جديدة يرجون أن تكون أفضل من سابقتها.

وكانت الاحتفالات بهذا الحدث في الدول التي عاشت فيها شعوب المايا بأميركا الوسطى بدأت أمس بمشاركة 3000 شخص في احتفال أقيم في مدينة تيكال الأثرية بغواتيمالا. (علماء سعوديون: نهاية العالم "تخاريف".. ولا يجوز الخوض فى مسألة "الساعة")

وبناء على الاعتقاد السائد لدى بعض الأفراد والجماعات بنهاية العالم, لجأ مئات الأشخاص إلى قرية سيرينتشي التركية قرب بحر إيجه, كما تدفق عليها مئات الصحفيين, ونشر 500 شرطي تركي هناك.

وفي فرنسا, منع الأمن وصول 'مؤمنين' بنهاية العالم اليوم من جبال وكهوف في بلدة بوغاراش. (المؤمنون بنبوءة "المايا" يستعدون لـ"نهاية العالم" اليوم)

وفي الفلبين, تجمع نحو 1000 شخص في مركز تجاري بمانيلا, وعدّوا الدقائق حتى الساعة السابعة وإحدى عشرة دقيقة بالتوقيت المحلي (السابعة وإحدى عشرة دقيقة بتوقيت غرينيتش) لاعتقادهم بنهاية العالم في تلك الدقيقة حسب التأويلات المتداولة لتقويم شعوب المايا.

وفي هولندا, استعد رجل لـ'طوفان محتمل' فأعد زورق نجاة يتسع لنحو 50 شخصا وفقا للصحف المحلية. (الصينيون ينتظرون نهاية العالم يوم 21 ديسمبر بكتابة الوصايا)

وردا على تساؤلات بعض من يعتقدون في نهاية العالم في هذا التاريخ, أجابت وكالة الفضاء الأميركية من اتصلوا بها بهذا الشأن بالقول إن 'عالمنا مستمر منذ أكثر من أربعة مليارات سنة ويؤكد علماء موثوق بهم عبر العالم أنه لا تهديد أبدا مرتبطا بالعام 2012'.
http://maktoob.news.yahoo.com/%D8%A2...201244687.html

[ناصر يوسف]

المشاركة الأصلية كتبت بواسطة شليل

أكتر حاجه مستغرب ليها في زهرة الغرق قبل النبوءة : الحواريون إللي كانوا بيلتفوا حول محسن بدون ما يلكزوهو معرفيا قبل إدعاء المهدويه
وبعد النبوءة : السؤال عن صحتو النفسيه ، الزول ده وصل ، إلخ
محسن مجتهد ، وباحث نهم عن المعرفه ، لكن ماجانبو الصواب في فلسفتو الوجوديه (الروح وإرتباطها بالطبيعه ) وإدعاءو المهدويه.. ليه ما جانبو الصواب ؟ لوجود الحواريين ، ولندرة الرؤية النقدية المخالفة لرؤية محسن.

يا بنج ،،، أنا من الحواريين التابعين لفضيلة الشيخ العالم الباحث والمتأمل في ملكوت الله

محسن خالد ،،،

سيظل محسن خالد هو محسن خالد إن صدقت نبوءته وإن لم تصدق ،،،
ولسه متبقي حوالي ساعة و45 دقيقة من الآن من مهلتو القالها لينا

[أسامة الكاشف]

اقتباس:
المشاركة الأصلية كتبت بواسطة بابكر عباس
صحيح يا شليل،
محسن فشل في البوست دا، يخت ليهو منهج ثابت نقدر نقيس بيهو في كل الإتجاهات، دائما منهجو بمشي إتجاه واحد. كنا موعودون منه بمنهج واضح، لكنه فجاءة قفز قفزة كبيرة ببوست العاشر من رمضان وقال انو المنهج هو: تواصله مع الله؟؟
بوست زهرة الغرق يا شليل كان إمتحان لينا كلنا، فشلنا فيهو بدرجات متفاؤته (ما عدا شهاب وحسبو) وعولنا فيهو على الثقة في محسن أكثر من المنهج. نحن قبل محسن محتاجين نقدم نقد ذاتي من موقفنا تجاه البوست دا.



صباحاتكم بيض

يا بكور العاشر من رمضان دي حرب أكتوبر 73
بتاعة محسن العاشر من صفر
هسه يجي يمسكك فيها

[الفاتح]

المشاركة الأصلية كتبت بواسطة ناصر يوسف

يا بنج ،،، أنا من الحواريين التابعين لفضيلة الشيخ العالم الباحث والمتأمل في ملكوت الله

محسن خالد ،،،

سيظل محسن خالد هو محسن خالد إن صدقت نبوءته وإن لم تصدق ،،،
ولسه متبقي حوالي ساعة و45 دقيقة من الآن من مهلتو القالها لينا

عشان كده يابنج قلت الحواريين ديل أرضيه خصبه لإعلان النبوءة
خصوصاً الناس الطيبانين الزيك البيتمسكوا بكونهم حواريين إن لفقت النبوءة وإن مالفقت

[جيجي]

المشاركة الأصلية كتبت بواسطة شليل

شيهاب وحسبو ديل بتين إتداخلو؟ أنا غايتو بديت أقرا من النهاية ، حتت الروح دي ، ولقيت إنو شكل الإحفوريات اللغوية ده ما منهاج ممكن يعتمد عليهو لأنو لو مثلا لو عايز إتنباً بإنو بابكر عباس ده حيفتح ليهو باب في الجنه لوجود حرف بابكر ، ممكن إجتهادي ده تنسفو مفردة خراب، غراب ، ضباب ، كباب ، وهكذا دواليك مما تسعفني بيهو لغتي.
أكتر حاجه مستغرب ليها في زهرة الغرق قبل النبوءة : الحواريون إللي كانوا بيلتفوا حول محسن بدون ما يلكزوهو معرفيا قبل إدعاء المهدويه
وبعد النبوءة : السؤال عن صحتو النفسيه ، الزول ده وصل ، إلخ
محسن مجتهد ، وباحث نهم عن المعرفه ، لكن ماجانبو الصواب في فلسفتو الوجوديه (الروح وإرتباطها بالطبيعه ) وإدعاءو المهدويه.. ليه ما جانبو الصواب ؟ لوجود الحواريين ، ولندرة الرؤية النقدية المخالفة لرؤية محسن.

حكيت عني ياشليل
شكرا ياسيدي
كدا الواحد حسى انه فهمه ما منحرف زي ماكنت حاسة

[محسن خالد]

الأخوة والأخوات
السلام عليكم ورحمة الله وبركاته
لقد وعدتُ بالعودة إلى هذا الكتاب وتبيان ما يحدث معي، وهانذا بينكم.
أولاً، إنني لا أعرف ما حدث لي، كأنما اختطفتني قوىً وجعلت مني طبشيراً تكتب به ما تشاء، فلم أكن مستهتراً بكم ولا كاذباً، ولا ينبغي لي، والله على ما أقول وكيل وشهيد. إني أعتذر منكم جميعاً، من يحبني ومن يكرهني، وأرجو عفوكم ومسامحتكم جميعاً، من كان حريصاً علي ويحبني ومن كان يتربص بي وينتظرني لدى الثغرات والكبوات والدوائر.
إنني الحمد لله بخير، والويندوز بتاعي لسع شغال ريستوريشن، فربما بعد اكتمال هذه الاستعادة أفهم معكم ما يحدث. تبقى هذه المعارف التي جئتُ بها محل نظر وتدقيق من قبلي ومن قبلكم، فهي التي تمثل المشكلة! إن كانت من الله فهو لا يخلف الميعاد، وإن كانت من الشيطان فهو لا يمنح ناصيته لأحد.
بشكل مبسّط جداً أقول، ربما رأى الشيطان في أوبتي لله قوة لأهل الله، فصنع هذه اللوثة كلها ليحيل تجربتي إلى الضد، وقد دعوتُ الله كثيراً وطويلاً أن لا يجعلني فتنة، وأن يكرم الناس فيَّ ولا يخزيهم بي.
إني أتوب إليه، مما نسبتُه له وللمسيح، وأرجو عفوهما وصفحمها.
فاعفوا أنتم أيضاً واصفحوا، ألا تحبون أن يغفر الله لكم؟
والله ولي التوفيق

[الفاتح]

المشاركة الأصلية كتبت بواسطة جيجي

حكيت عني ياشليل
شكرا ياسيدي
كدا الواحد حسى انه فهمه ما منحرف زي ماكنت حاسة

كويس الطلعت ما براي شان ما يقولو علي مشاتر.