اقتباس:
المشاركة الأصلية كتبت بواسطة الرشيد اسماعيل محمود
يا ماجد
إنت قبل كدة قلت إنو مفروض الناس تركِّز علي الكتابة دون الكاتب، أها وين موقع كلامك داك من إعراب الرّاهن؟!، بتخيّل لي لو قاصد مهند ولنا، تعال ليهم عديل دون التستر خلف إنتماءهم (أيّاً كان)، أو كمان تقبل تتناقش مع أيّ زول ينتمي افتراضاً لمذهبهم (برضو أيّاً كان)، لكن حكاية تعنون البوست بالشيوعيين وتبدا تمارس في انتقاء شخصي لمن تود إقحامهم في الحركة دي، اعتماداً علي عاطفة الوداد وبحبّك في الله وما عارف، دي بتبقي حركة في شكل عنكوليب ساي منّك.
|
ـ
يا رشيد
أنا لا أعرف عن الاتنين الا ما هو مطروح هنا في المنتدى
ولسه ما طلعت من العام للخاص ولا شخصنت
لو تفكيرك انساق مع المجموع الاستهدى بمداخلة كانديك فخليني أصحح ليك الفهم
أنا سألت عن مخالفة اللائحة فيما سأطرحه
قلت
لو جبت مداخلات للاخت والاخ من البورد دا طبعاً
واستندت فيها على الخلفية السياسية شان أثبت فرضية البوست الاساسية
وهي أن الشيوعيين افتكرو أنو المنتدى بيمثل ليهم وطن بديل وساحة جديدة محررة
ممكن تختلف معاي هنا زي ما عملو الناس المركزين
سألت هل بكون خالفت اللائحة ؟
لا قررت شيوعية مهند ولا شيوعية لنا ..
عايز أثبت فرضيتي استناداً على اقتباسات شفت فيها الكلام دا
سألت ( لو عملت كدا ببقى خالفت اللائحة )
وعينك ما تشوف الا النور ..
على كل البوست برضو زي ما قلت انت بكشف عمق الازمة البتعرض ايها الوطن
كل واحد قرأ من زاويته الخاصة
ورد على حاجات في ذهنه ماجد تاج ما قالها ...
ـ
اقتباس:
المشاركة الأصلية كتبت بواسطة الرشيد اسماعيل محمود
يا آمال، ماجد ما داير يشتري سكوتك ولا شي، حسب ما هو باين للكل، إنو ماجد ما عندو أيّ نهج في البوست دة، قضيتو قضيّة شخصية تجاه الخطيب ولنا تحديداً، لأنو لا يعقل مثلاً أن يأتي أحدهم متسائلاً: "هل ينوي المزارعون إفشال الدورة الزراعية هذا الموسم"؟ وحين يأتي إليه أحد المزارعين ليتحدّث إليه، يبادره: عليك الله خليك بعيد، أنا بحبك وما داير أخرب علاقتي بيك!!!
يا ماجد
مداخلتك الاقتبستها آمال فوق دي، في رأيي فضحت إنّك بتلف وتدور لأجل أشياء شخصية، والناس المنتظرين منّك أدلة ديل (وانا ما منهم) حينتظروا بلا طائل، لأنو مافي دليل، لا علي شيوعية مهنّد (السريّة) ولا علي إنك داير تمرق بشي مفيد بالنسبة للناس البتتابع في البوست دة.
تحياتي
|
ـ
هنا راجع ردي لأمال فوق
حبيت أنها تطلع من الجو الغايم دا ، وما ترمي فيه بحجر ما في محله
مش انتقاء مطلق
أنا عارف اني واقف على مسطبة غير الواقفة فيها أمال ..
لكن ما غايب عني أننا في ذات الصف ..
ولا يخفى عليك يا رشيد أنو محبتي ليها دي محبة أسفيرية صرفة ..
محبة لأمال التي أراها من خلال حروفها
تحياتي
ـ
