هل ينوي الشيوعيون تحرير السودان انطلاقاً من سودانيات ؟

[ماجد تاج]

ـ


صباح الخير يا لنا

لو ختيت وش ضاحك هنا ممكن يتفهم غلط

لكن ( حاتم فتحي ) قال عن الكتابة في النت دي

" كتير من الكلام المكتوب هنا لو سمعتو من لسان صاحبو ح يديك شعور مختلف ، وفهم تاني خالص "

يا ستي المثل ـ القصة ـ كان الفارق فيه الزعلة ال من غير تناسب مع الفعل الصادر من الاخر

والحمل التقيل في الحالتين البيدفع الشايله للضيق

قلت ليك أنو حملك لفكرة الشيوعية برغم أنها بقت منهارة مرهق ، وممكن يكون ورا زعلتك الكبيرة دي

القصة ما فيها بنية وعي ولا دياولو

ركزي وعيدي قراءة التساول مجردة من فكرة الاستهداف والترصد وتجميع المعلومات دي

فقط كقانونية شوفي أنا قلت شنو ( سألتك عن اللائحة )

وحسب ما وضح كيشو مراراً انا كنت منتظر كلمة واحدة بس وبتخيل مين ممكن يقولها

انتي واللا مهند

كلمة ( قول العندك ما فيها مخالفة ) وبعدها تبدو الردم

لكن الواضح يا لنا أنو تقبلك للنقد ضعيف للغاية ، وأنك بتفترضي أنو الاقتراب منك ممنوع

يا ستي مبرر واحد يخليني أستقصدك ما في

زي ما ذكرتي حتى اسفيرياً ما عندي معاك تداخل .. اللهم الا المداخلة الوحيدة اياها

ووعدت بأنو ما اكررها

هنا الوضع مختلف ، أنا وضعت للبوست بوابة مشرّكة لأني عارف أنو الاكثر والاسهل استثارة هم الشيوعيين

وكنت عايز أكتب عن الاشواق الممضة للاجواء الحرة ، وعن كيف بدأ الرفاق في استغلالها

وكنت ح أستشهد بمداخلات ليك انتي على وجه التحديد .. ولمهند كذلك

حكاية عسكري .. وامنجي .. وكوز دي زي ما سبق وقلت ليك ما اتوقعت استخدامها منك انت تحديداً

مع أنو مهند ما استغربتها منو كتير بعد ما جاب سيرة بوست الفساتين لما لمست ضميره في بوست الحبش بتاعه

أنا لسه ما قلت حاجة ، وما شخصنت ، ولا ح أشخصن لأني حتى صفحتك هنا ما مريت عليه

بالله الحق أنا صادق

ولا حتى صفحة مهند ـ مري على صفحتي وشوفي القاع يطلع عليها مين

البوست غرضو عام .. فيه نقد متعلق بالبورد دا

ومتعلق بالشيوعيين التايهين وسط جمال الافكار الشيوعية ، المُهِّيمن في بحور الابداع اللغوي ( شعر ، غنا )

وخايفين حتى من مجرد التصريح بإنتماءاتهم ـ لدواعي تأمينية

يا لنا : كيف البيرقص يغطي دقنه

وكيف نهزم الاسد من جحر

وكيف نسقط حائط دون التقدم نحوه ودفعه

ع العموم يا ستي أنا لا مستقصدك ، ولا عندي معاك مشكلة

كل القصة رأي بقولو وأنصرف راشداً مطمئناً بإذن الله

وأنا ما زعلت من حتة كوز وأمنجي وما الى ذلك

أنا زعلت من النزول للمستوى دا ..




ـ

[ماجد تاج]

ـ



وبالنسبة لبقية الرفاق الجدد والما فاهمين حاجة في القصة دي

أنا ما كوز ، وما أمنجي ، وما عندي صلة بالانقاذ ..

حتى بالامارة أهو : ( الله يغتس حجر الترابي على البشير على الزبير على نافع )

لو حبيتو أزيد ممكن ..

لكن ما لدرجة أسب الدين كمان ...






ـ

[بدر الطائف]

المشاركة الأصلية كتبت بواسطة أمين محمد سليمان

سلام يا ماجد و لعلك بخير .....
ياخي بعيدا عن قصة إنو الشيوعيين دايرين يسيطرو - ولا already سيطرو - علي سودانيات و قصة انك ما جبت شاهد واحد علي كلامك ... ولا جبت دليل علي سوء إستخدام الشيوعيين الفي الادارة للائحة ....و علاقة كونو انهم شيوعيين بهذا السوء إن وجد.... بعيدا عن الكلام ده كلو ... الفرق شنو بين اتهام واحد من الأخوان ليك انك كوز.... و اتهامك لمهند انو شيوعي ؟!

اللذيذة إنه البروف الزملاء ما ادوه فرصه يمارس هوايتة المفضله فى البل قال اخير أمارس دور المحقق كونان.

اها يا ماجد تاج المحكمة دى كيف معاك.

[الرشيد اسماعيل محمود]

المشاركة الأصلية كتبت بواسطة ماجد تاج

ـ
أنا سألت عن مخالفة اللائحة فيما سأطرحه

قلت لو جبت مداخلات للاخت والاخ من البورد دا طبعاً

واستندت فيها على الخلفية السياسية شان أثبت فرضية البوست الاساسية

وهي أن الشيوعيين افتكرو أنو المنتدى بيمثل ليهم وطن بديل وساحة جديدة محررة

ممكن تختلف معاي هنا زي ما عملو الناس المركزين

سألت هل بكون خالفت اللائحة ؟

طبعاً لا!
يا سيدي أنا مستوعب وواعي تماماً لعدم تصريحك بشيوعية مهند رغماً عن بعض الاصوات المتعالية بذلك واختلافك معها (استناداً علي معلوماتك الخاصّة)، لكن جوهر حديثي يتركّز علي ماذا يفيد لو قام ماجد تاج بإثبات تلك الفرضية عبر الاقتباسات الموعودين بيها نحن؟!، هل سيغيّر ذلك شيئاً من واقع أنّ سودانيات تحكمها لائحة وقانون متفق عليه؟!.
في واحدة من مداخلاتك تطرقت لهجرة كثيرين من المنتدي بفعل تداعيات الانتخابات الفائتة، في رأيي ذلك يعدُّ هروباً وضيقاً بمآلات العملية الانتخابية التي رغم عن أيّ شئ حدث، لا يستطيع أحدٌ الإفتاء بعدم قانونيتها، وذلك شيء مفهوم بالنسبة لك ولي ولآخرين، لأنّ الطبيعي أن يحتكم الناس للقوانين السارية، حتي يفتح الاتفاق عليهم لاحقاً بقوانين أخري ظهرت الحاجة إليها من خلال الممارسة. وحتي ذلك الحين، يلزمنا احترام ما تمخضت عنه العملية الانتخابية المسنودة بلائحة ساريٍ مفعولها في أوصال المنبر.
المهم:
ردّاً علي تساؤلك المُلِح والمبذول في كل الصفحات عن إمكانية دعم رؤيتك وفرضيتك بإقتباسات من بوستات أخري، فحسب معرفتي وإطلاعي علي اللائحة، بطمنك مافي ما يمنع من ذلك، لا علي المستوي العام ولا علي الشخصي، بمعني إنو لا مهند ولا لنا ما في واحد ممكن يعترض علي جلبك لإقتباس ليهو يدعم وجهة نظرك، مادام البوست مُنبت وغير متعلق في موضوعه بآخر.
عموماً:
المواقع الاسفيرية تظل أدوات للمعرفة والتنوير، وجدوي أيّ أداة يتحدّد فقط بطريقة استعمالها، فـ السكين مثلا، يمكن أن نقطع بها طماطم، ويمكن أن نفك بها مسماراً، وأيضاً يمكن أن نقتل بها.
عن نفسي، لا أخشي علي سودانيات من الشيوعيين، ولكن أخشي عليها (إن كنتُ فاعلاً) من أنفسنا الأمّارة بكل شئ.

تحياتي

[ماجد تاج]

المشاركة الأصلية كتبت بواسطة مهند الخطيب

ماجد تاج بناء على رؤاه الشخصية شوعن مهند
طيب ياماجد لمن حسين بناء على رؤاه وقرائنه المستقيها من كتاباتك
طلعك أمنجي وجداد الكتروني كوز
مالك قعدت تولول زي ولايا التُكُل
وشي بكى وشي نفنيف و
واااااي وااااي انا جاسوس
وااااااي وااااااااي أنا قالوا لي كوز؟!!!!

ـ



نموذج للغة الامين العام الجديد


ـ
لما انتقل المصطفى صلوت الله وسلامه عليه الى الرفيق الاعلى وصعد أبوبكر رضي الله عنه المنبر

نزل درجة عن الدرجة التي كان يقف عليها الرسول صلى الله عليه وسلّم

ثم نزل عمر رضي الله عنه درجة عن الدرجة التي كان يقف عليها أبوبكر رضي الله عنه

ثم عاد عثمان رضي الله عنه وصعد .. قال :

" لو اتبعت نهجهم لكلمكم الاتون من بعدي من قاع بئر "


ليتك يا مهند نزلت درجة واحدة فقط بدل السقوط في قاع البئر مباشرة ...




ـ

[ماجد تاج]

ـ


مرحب يا رشيد .. بجي لمداخلتك الاخيرة لكن :

أنا بتوقع منك ( افتراضاً ) انك ترجع عن مداخلتك السابقة

لأنو كلامك فيها كان متحامل ومختلف عن الاخير

بتوقع منك انصاف وتصريح حتى لو مواربة

بأن ما قاله مهند .. ولنا ما عنده صلة بما طرحته أنا

بتوقع منك تراجع عن تأييدك لشليل في حتة زعاااااط دي

مع احترامي



ـ

[محمد عبد الرحمن]

نموذج للغة الامين العام الجديد


ليتك يا مهند نزلت درجة واحدة فقط بدل السقوط في قاع البئر مباشرة ...

سلام
يا ماجد مهند بيخاطبك كعضو لو عايز يخاطبك بي الشخصية الإعتبارية كان دخل بي باسويرد الأمين العام

الغريبة إنك بتخاطبو بي إزدواجية في حين الحاجة دي مفروض تكون هي مؤرق اي شخصية إعتبارية
مهند ياها لغتو البنعرفا و افضل حاجة إنو فاصل تماما بين مهند العضو و حضرة الأمين العام

فحدد إنتا بتخاطب مهند ولا الأمين العام
ياخ فترنا من مهاترتك دي ياخ

تحية و سلام

[الجيلى أحمد]

أكتر حاجة محبطة فى طرحك دا ياماجد,
هو اصرارك على أن تمضى دون أن تمتلك حجة مقنعة واحدة, وكانى بالامر أصبح عندك مناكفة وكفى لايهم عندك الحبر ولا الوقت ولا الاجتهاد البائن فى تضمين محاوريك للحجة فى مداخلاتهم..مثالآ صغيرآ هو قولك بانك

على كل يا أخي ما ح أرد على تفاصيل ما أوردته لأنه لا يهم .. المهم هو ما فهمته أنت من كل كلامي السابق

معقولة يازول!
انسان يجتهد فى انو, يكتب ليك رؤية نظر متكاملة, ويناقشك ويفند خطابك الموجه نحوه فترد عليه ببساطة انك ماحترد على تفاصيل مااورده!
أنا لم تعد بى ثقة فى محاورة محاور متهرب, لايستطيع أن يقف ليواجه ماتخطه يداه و
ولايجد اى حرج فى المضى نحو ذلك الهرب بملاججة لاتحدها حدود, ليصبح كل الامر مكابرة ونقة دائرية واتهامات تفتقد للحس الانسانى السليم فى تحمل المسؤولية عن اى اتهام أو جملة متعدية, وذلك باثباتها او الاعتذار العلنى عنها..
عليك ياعزيزى ان تنظر جيدآ لمسار هذا البوست والذى سبقه لتدرك, انك لومضيت فلن تزيد الناس الا حبآ فى الشيوعيين..لانك المتجنى والمصر الوحيد فى خيطك المبذول هذا على مفارقة المنطق..
الشئ الآخر الذى اجده على قدر من الاهمية هو تكرارك لاشياء أتيت على ذكرها فى بوستك السابق عن عداء الصقته جزافآ بالشوعيين للدين وتم محاورتك فى الامر ولكنك لم ترد حينها سوى بكعب كانقرو جيد القفز, ولم تعر اهتمامآ لفكرة أنك انت من تقوم بالادعاء على الآخرين, وانك مشروط فى عقد التحاور المحترم باقامة حجتك
وليس الهروب نحو اتهامات وتوصيفات, تزيد من رهق الحوار, فتحمل على ظهرك مايجبرك كل مرة للتخلى عنه لثقله وزيفه وعدم جدواه..

مداخلة مهند مهمة ياماجدو وكذلك مداخلتى لنا, لانهما تناقشان مااتيت انت به وللاتتعديانه..
وخذ بنصحيتى ان احببت او اتركها تتسكع هنا..ربما حان الوقت لك كى تفصل بين من هو ادارى ومن هو عضو..

وكن دومآ بخير

[نبراس السيد الدمرداش]

المشاركة الأصلية كتبت بواسطة محمد عبد الرحمن

سلام
يا ماجد مهند بيخاطبك كعضو لو عايز يخاطبك بي الشخصية الإعتبارية كان دخل بي باسويرد الأمين العام

الغريبة إنك بتخاطبو بي إزدواجية في حين الحاجة دي مفروض تكون هي مؤرق اي شخصية إعتبارية
مهند ياها لغتو البنعرفا و افضل حاجة إنو فاصل تماما بين مهند العضو و حضرة الأمين العام

فحدد إنتا بتخاطب مهند ولا الأمين العام
ياخ فترنا من مهاترتك دي ياخ

تحية و سلام

يا صديقي شكرا لانك موجود هنا
cc الرشيد


ماجد رغم انك فطيتني وما رديت علي لكن اتثاقل عليك واتقل دمي
القارئ او الزائر للمنتدى يعني زول لا بيعرف مهند ولا لنا ولا عليه بانتماءاتهم الحزبية ولا اسلوب كتابتهم ومخاطبتهم للآخر لما يطلع على البوست دا يستفيد منو شنو؟؟

المثال الجبتو في ردك على لنا مثال بايخ وفيه كمية من السخرية بخلق الله
فيما يخص لغة مهند ممكن ترجع لوراء شديد حتلقى انها ما اختلفت نوهائي

يا ريت لو ترد على كمية الاسئلة الهنا دي
وحبذا لو قريت اللائحه عشان تمرقك من سؤال الناس عن مخالفتك للائحه

[الرشيد اسماعيل محمود]

المشاركة الأصلية كتبت بواسطة ماجد تاج

ـ


مرحب يا رشيد .. بجي لمداخلتك الاخيرة لكن :

أنا بتوقع منك ( افتراضاً ) انك ترجع عن مداخلتك السابقة

لأنو كلامك فيها كان متحامل ومختلف عن الاخير

بتوقع منك انصاف وتصريح حتى لو مواربة

بأن ما قاله مهند .. ولنا ما عنده صلة بما طرحته أنا

بتوقع منك تراجع عن تأييدك لشليل في حتة زعاااااط دي

مع احترامي



ـ

سلام يا ماجد،،
طبيعي إنو يكون كلامي مختلف عن الأوّل اعتماداً علي سير الخطوات، وإلا فما جدوي النقاش إن كان يعمل علي تدوير نفس الكلام!!
ما اعتقد إنو في تحامل مني في مداخلتي تجاه ما طرحته، حيث لا أزال متمسكاً بفكرة عدم وجود نهج واضح سوي استقصاد بعينه مغلّف بسولفان العنوان الفضفاض الموجّه. ودونك ردّك علي آمال (الشيوعية).
ممكن أتفق معاك في تأجيل الجزئية القلت فيها:

والناس المنتظرين منّك أدلة ديل (وانا ما منهم) حينتظروا بلا طائل، لأنو مافي دليل، لا علي شيوعية مهنّد (السريّة) ولا علي إنك داير تمرق بشي مفيد بالنسبة للناس البتتابع في البوست دة

ومتاتاةً للنقاش الذي يجب أن يكون مسنوداً بأدلة منّك، سأقوم بالتحفظ علي الجزئية أعلاه من حديثي الفائت، وبالمرّة سأضيف إليها فكرة كونك زعاااط بجدارة (القشة التي قصمت ظهر الهدوء)، إذا قمت بإثبات فرضيتك، سأقوم بالاعتذار عنها ولك، وإن لم تفعل، يكون الحال علي ما عليه سابقاً.


تحياتي

[الرشيد اسماعيل محمود]

المشاركة الأصلية كتبت بواسطة ماجد تاج

ـ
بتوقع منك انصاف وتصريح حتى لو مواربة

بأن ما قاله مهند .. ولنا ما عنده صلة بما طرحته أنا

أنت حتي اللحظة يا ماجد لم تطرح شيئاً في ظنّي، ونحن لا زلنا في انتظار ما ستفعل، وإن كنت تعني جزئية شيوعية مهند كإنتماء، فللحقيقة أنت لم تقل بذلك، بل نفيته اعتماداً علي مصادرك الخاصّة حسب إفادتك. بالرغم من أنّ الجملة الوارد فيها الحديث يمكن أن تقرأ كأنها تلميح ما، لكنّ الأخذ به في رأيي يكون قراءة للنيّة لا أكثر.
وأنا في مداخلتي الأولي ما قلت ماجد قال كدة، بل شكّكتَ في جدوي مبدأ تناول الأشخاص وفقاً لانتمائهم (أيّاً كان)، والمداخلة مثبّتة يمكنك مراجعتها لو أحببت يا ماجد.
عموماً:
إنِّي من المنتظرين يا ماجد لما ستقوم بطرحه وربطه بالعنوان الفضفاض، لنري بشكل واضح، هل ينوي (الشيوعيون+مهند الخطيب) تحرير السودان انطلاقاً من سودانيات؟!


تحياتي

[الجيلى أحمد]

المشاركة الأصلية كتبت بواسطة الرشيد اسماعيل محمود

أ، ونحن لا زلنا في انتظار ما ستفعل،

تيك..تيك..تيك..تيك

[خضر حسين خليل]

gp

[خضر حسين خليل]

الحزب الشيوعي السوداني
جميلة الحياة بك

http://www.youtube.com/watch?v=7SzWoo5W0Z8



ـــــــــــ
الحزب الشيوعي السوداني
فرع سودانيات
التوجيه المعنوي

[النور يوسف محمد]

بسم الله الرحمن الرحيم

سلام سيد ماجد ..
واسعد الله أوقاتك بكل خير ..

تماشياً مع الأمثال ( المضروبة) ،
تذكرت وأنا أقرأ هذا البوست الممل ــ بالنسبة لى على الأقل ــ
قريب لى ، الله يطراهو بالخير أسمه صديق ،
صديق هذا يمثل البساطة المدهشة وآخرون يصفوه بالسذاجة ..
صديق هذا تحتاج معه لعشرات الأسئلة لتعرف مقصده من أى حكاية قد يرويها ..
كأن يبدأ حديثه بقول ( والله الناس ديل أنا كلمتهم )
ويبدأ سيل الأسئلة المستفسرة ومعه تستمر إجاباته فى منعرجات خلقتها الطبيعة ..
صديق هذا مقبول فى محيطه القريب ، لكنه حتماً لايقبله وقع هذا الزمن المتسارع ..

وهكذا ،،

والبوست يناهد ويتلوى فى مطبات تصنع بعضها وتمهد لبعضها الآخر،
نصل بعد كل ضجيج يمكن أن تحدثه حروف الى المحطة 140 ..
لنشاهد فيها فرضية البوست وجهاً لوجه لأول مرة كالمعيدى تسمع به خيراً من أن تراه ..

أنا سألت عن مخالفة اللائحة فيما سأطرحه
قلت لو جبت مداخلات للاخت والاخ من البورد دا طبعاً
واستندت فيها على الخلفية السياسية شان أثبت فرضية البوست الاساسية
وهي أن الشيوعيين افتكرو أنو المنتدى بيمثل ليهم وطن بديل وساحة جديدة محررة

طيب
نقطتين من الأهمية بمكان

1/ لماذا تسأل ياماجد عن لائحية ما تريد كتابته اصلاً ؟؟
هل يعقل أنك لا تعرف ما إذا كان ما تود كتابته مخالف لللائحة أم لا ؟؟
لاسيما وأنك تقول من (داخل ) البورد ، أى ليس هو رسائل داخلية ولا تصنت لمكالمات هاتفية ، كلام منشور فى المنتدى وقرأه الألاف ..
2/ وهى النقطة المهمة .،
هل هذه الفرضية فى حالة ثبوتها بهذه الوثائق الكرملينية جريمة ؟؟ !!!!
ياخى أنا النور ده بعتبر المنتدى ده بالنسبة لى وطن بديل وساحة جديدة وأرض محرره ،
بل أكثر من ذلك هذا المنتدى صار يمثل لى أسرة وعلاقات وصداقات ومتكئ ومقيل ..
وين المشكلة ..

يا صديقى
مثل هذا الطرح لا يقدم خطوات فى إتجاه رفعة المنتدى مهما خلصت النوايا ؟؟

هذا على المستوى الشخصى ،
فأنا من المؤيدين جداً والله للأخ الأمين العام ،
وأثق كثيراً فى قدرته لتحمل أعباء المنصب المرهقة ،
وسأكون داعماً بقوة لمجلس الإدارة ليقين راسخ أن النقد من باب الود والإحترام غالباً ما يأتى ثماره ..
وهى بالطبع ما يلينى ولم أستند عليها في رؤيتى لمجريات البوست ..

فى أمان الله ، والله الموفق ..