اقتباس:
المشاركة الأصلية كتبت بواسطة علاء الدين عبدالله الاحمر
عارف يا اخ انا بعد عرفت الاعتقال وبيوت الاشباح بقيت مابخاف وتسمح لي أقول ليك أنا السوداني الوحيد الاتحاكم بتهمة الأذي الجسيم لواحد أمنجي
انت لو اتصلت أو ما اتصلت انت مافارق معاي وموضوع الشكوة لو راجع مهند الشكوة ماكان للعقاب في تقديمي ليها بل للفت نظرك لسفالة المنحي ، وبسببك ياماجد في ناس من برة سودانيات سموه منتدي اقليمي فاهم يعني العبارة دي قاسية لياتو حد ، انت قايل بتطرح نفسك للهنا بس يإخ في فطاحلة بيتريقو من موضوعاتك ماتفتكر انك محصور علي سودانيات أبدا في ناس مجرد متابعين لأطروحات الاسفيرين ، بعدين وإنت في مرة ما فكرت في غير تشبع كراهيتك للأخر ونفث سموم عليهم وما بترعي حتي لأسلوب المحاورة أنا ادروب حسب فهمك بس أنا ما بخاف يأماجد لأني ارجل من أي حاجة ، لو كنت جاوبت عن سؤال واحد من اسئلة الناس كنت ناقشتك وبعدين مسألة أنو كيشو هو الوحيد الفهمك دي ما تتكل عليها كيشو مستقل تماما عن فهمك ورؤاك ، فأنا شايف تراجع نصائح الجيلي احمد ليك يمكن الجندبية دي تنتهي في محل مفيد يمكن سودانيات بالنسبة ليك منبر هجوم أما أنا فهي لي مكان اقتراب من المجتمع وإنت تجربتك منذ البداية واضحة حتي لزوار سودانيات
|
ـ
واحدة من أكبر مشاكل الاسافير ( السودانية ) يا علاء هي حتة اتباع خطوات الاخرين دي
تلقى الواحد فتح البوست .. ومن ثم تتبع أغلب التعليقات الرد الاول على المفترع
ثم بعد ذلك تثبت الظنون التي تثار دون تمحيص
كسودانيين لا نتحرى الدقة ، ونستعجل إطلاق الاحكام بلا تقدير لما قد يترتب عليها
وكمثال حالتك الراهنة
انت ظللت تطارد ما جد تاج من بوست لبوست وتتهكم عليه حتى في البوستات التي لم يكن طرف فيها
لا لشيئ الا لأنك أخذت طرف خيط وبنيت عليه هجمتك
الامر لا يستحق يا أخي
وأدروب المزعلاك دي كان مفروض تفهم منها أنني لا أهتم لماهيتك بالكلية
فأنا أتعامل مع حروفك فقط يا صديق
ردك على الاعتذار أعلاه يكشف طريقة تفكيرك بوضوح وهي التي قادتك الى الشكوى
ظنونك التي تنساق وفق نهج إقليمي
على حسب قولك
جعلتك تحسب أن ماجد تاج ح يطلع ليك من الكيبورد ببونية أو شلوت قد يسبب لك الاذى
كما قادت آخرين الى رؤية أن مثال ماجد تاج في رده على لنا جعفر كان في غير محله
يا سيدي بالله الحق حتى الاذى الذي قد تسببه الحروف يسهرنا الليل بطوله نسأل المولى أن يغفره لنا
يا علاء : ( أدروب ) كانت في إطار ممازح قصد منه لفت انتباهك الى أن الامر لا يستحق
وبرضو ياخ لو مزعلاك أسحبها
أنا بالمناسبة إقليمي حتى النخاع والله ( من الشمالية ـ جلاس / مركز مروي ) وحالياً من مدني
لكن اتربيت في الديم يا حبيب
ممكن ننتهي من القصة دي ؟
بالمناسبة عبد الماجد الصايغ دا من وين ؟
ـ
