هل ينوي الشيوعيون تحرير السودان انطلاقاً من سودانيات ؟

[ماجد تاج]

المشاركة الأصلية كتبت بواسطة ماريل

شوف يا ماجد اذا نبراس رفعت سماعة التلفون واتصلت على عضو وقالت ليهو
( فى انتخابات فى منتدى سودانيات ..... الخ )
وقام العضو (الماتيور اِنف)راى فيها كفاءة واداها صوتو المشكلة هنا فى شنو تحديدا؟؟

ـ


جبتي الديب من ديلو يا ماريل

هو ما عارف أنو في انتخابات !!

لأنو ما متابع ، أو ما عضو فيها قبل الكلام دا ـ دي المشكلة

عدا ذلك .. عداك وعداها العيب يا ستي



ـ

[ماجد تاج]

المشاركة الأصلية كتبت بواسطة أسعد

النق نق لسة ما بدت يا ماجد
الليلة الصباح والدنيا عقاب اسبوع وتشطيب شغل

فكنت برد ليك للونسة ليس الا
بعدين المساء برجع ليك عشان نتناقش معاك اشكالية لاموضوعيتك العاوز تكره فينا لاموضوعيتنا
وانا مقتنع انو اي زول بختلف في لاموضوعيتو عن الاخرين
بس ما قدر دا ياخ
لذا
بعدين ان شاء الله ح احاول القط بوستاتك كولها ونحاول نمسك منها طرف الخيط في اشكالية لاموضوعيتك دي
وعشان أثبت لي نفسي انو نوثينغ ايز بيرفيكت
وحتى اللاموضوعية فيها الجيد والرديء ^_^

ـ



شطبت ؟

أسعد : من الحصافة اختيار المعترك ياخ ..

أنا مقدر لا موضوعيتك جداً

لكن لما تخليها تتقاطع مع لا موضوعيتي ( بلا موضوع )

كدا انت ح تكون عملت حاجة ما سبقك عليها زول أصلو

ما تشتت الكورة رجاءاً ...


ـ

[أبوبكر عباس]

المشاركة الأصلية كتبت بواسطة أسعد

عن البروفيشنال مانجنمينت حق نجاة gap
اسي قطعت موية ونار منها
عسى المانع خير

أبت تديني حساب بفورأول، عشان كدا؛ طممت فلسفتي في الحياة!

[أسعد]

المشاركة الأصلية كتبت بواسطة ماجد تاج

ـ

ما تشتت الكورة رجاءاً ...

ـ

هي وينا الكورة؟!
يا ماجد كل بوستاتك انت بتستمد موضوعيتها من تداخل الناس
يعني بتقد تفتح ليك بوستات تشرك بيها
بس تنتظر الناس تخش عشان تدردق روحها وتقوم تمسك في كلامهم
والبوست عندك ممكن يوصل عشرة صفحات وانت بترد انو لسة ما نزلت كلامك
لانو كلامك ح تكتبو بعد ما زول يجي يكتب كلام تمسكو راس خيط

وكلامي دا ح استشهد بيهو في كل بوستاتك الفتحتها
كل بوستاتك يا ماجد بتكون بس عبارة عن عنوان والباقي كلو كلام خارم بارم و(تنقيط)
عامل فيها رامي الصياد الصغير
ترمي بوستك كسنارة والطعم عبارة عن مجرد (عنوان)

[ماريل]

المشاركة الأصلية كتبت بواسطة ماجد تاج

ـ


ماجد تاج هو :

1 - ديكتاتور : لأنه بيحاول يقول رأي في منتدى ..


ابدننننننننننننننننننن يا ماجد ما دكتاتور لانك بتقول فى رأيك الانت بتعمل فيهو ده ما قول رأى
ده فرض رأى عديييييييييييييل راجع مداخلاتك للنور مثلا بتقول ليهو (مفروض يا النور

موقفك يكون كذا ليه بتفرض على النور رؤيتك الشخصية رغم انو قال رؤيتو اكتر من مرة؟؟

2 - عسكري : بمعنى أنه غبي ..


عسكرى بمعنى انو ما قادر يفهم انو الناس اتجاوزت رايك المقدس واتجهت نحو المعالجات

عسكرى لانك عايز تفرض رؤيتك بقوة سلاحك الخاص (التكرار التكرار والفرضان الفرضان)

عسكرى لانك عايز تمشى الاعضاء (بالتعليمات )زى ما علموكم فى العسكرية يا ماجد ياخ

لا انت تعلمجى ولا نحن شوية عساكر تملى علينا تعليمات ارحمنا يرحم والديك....

3 - مرتكز في قصته على حتة واحدة : أنو مرشحتو ما فازت ..

ياماجد انا ما جبت كلام من راسى انت قلت فى اكتر من مداخلة انو (مفترض)يا نبراس

تستقلى وتفسحى المجال لسماح استقالة نبراس انت مطالب بيها فقط من اجل تبرد حشا

رغبتك فى فوز مرشحك المفضل يا ماجد اعرف انو الشباب ديل ما قاعدين يصرفو

مرتب بالعملة الصعبة لقا مناصبهم كاداريين فى سودانيات وانو لن تضيف لهم هذه

المناصب نجمات ونيشانات فى السيرة الذاتية بل على العكس ده تكليف مُر وقاسى

وبيخصم من وقتهم وجهدهم انا شخصيا لا يسعنى الا ان اشكرهم على بذلهم واقول

ليهم ربنا يخدر عود ضرعاتكم .......4


- لوحده شايف أنو في خطأ في العملية الانتخابية ..


ابدا ما لوحدك شايف انو فى خطا لكن الناس التانيين اتجهو لتصويب الخطا وانت لوحدك جالس

على الاطلال تندب وتبكى

5 - زعااااط ومكرر وممل : لأنو بيجاوب على الناس البتتداخل معاه وما عنده حق يعمل كدا ..


زعاط دى انا ما قلتها ليك وما تسقط على خيالاتك لكن من ناحية مكرر وممل (الفضائية السودانية تقصر)



طيب برضو انتو شان ما تبقو مملين ، ما تجددو في الاوصاف دي شوية

باقي ليك يا ماريل تجيبي سيرة أم التيمان ، وبوست الفساتين

شان تكوني واقفة في الصف مضبوط



ـ


يا اخوانا :

الطريقة دي ما ح تنفع معاي

أنا غير قابل للاقصاء

ولا للتخويف

ولا للتحجيم

كل القلتو واصل ، ومتفق معاه أغلب المتداخلين لكن ( ..... )


ـ

يا سيد انا لاعندى شغلة بام التيمان ولا الفساتيين انا معاك هنا حول فرضان رؤيتك العايز تكشحا لينا عصب دى

ولا قاعدة اخوفك جيب لى تكويت واااااااااحد يثبت انى استعملت معاك التهديد او الترهيب

وما دام كل القلتو واصل خلاس ياخ امرق من ساقية جحا وحجوة ضبيبنة دى....

ويا ريت تواصل فى مشروع الشجاعة حقك وتملا النقاط بين قوسينك الاخيرات لانى ما

بحب ابنى حديثى على ايحاءات طالما انك موجه المداخلة دى لى انا اطالبك باكمال النقط

[ماجد تاج]

المشاركة الأصلية كتبت بواسطة أسعد

هي وينا الكورة؟!
يا ماجد كل بوستاتك انت بتستمد موضوعيتها من تداخل الناس
يعني بتقد تفتح ليك بوستات تشرك بيها
بس تنتظر الناس تخش عشان تدردق روحها وتقوم تمسك في كلامهم
والبوست عندك ممكن يوصل عشرة صفحات وانت بترد انو لسة ما نزلت كلامك
لانو كلامك ح تكتبو بعد ما زول يجي يكتب كلام تمسكو راس خيط

وكلامي دا ح استشهد بيهو في كل بوستاتك الفتحتها
كل بوستاتك يا ماجد بتكون بس عبارة عن عنوان والباقي كلو كلام خارم بارم و(تنقيط)
عامل فيها رامي الصياد الصغير

ترمي بوستك كسنارة والطعم عبارة عن مجرد (عنوان)

ـ


طيب مش يمكن دي فلسفتي في الحياه يا أسعد ياخ



يا سيدي أول حاجة حقنا عليك لأنك كرهتنا الدنيا كلها في هذا الصباح الاغبر

وليك علي أشطب شغلي وأجيب ليك هنا سبب البوست دا .. ومبعثه

واللي ما كان متعلق أبداً بالعملية الانتخابية ـ في عضمها

لكن لأنك بتمسك من طرف فهمت كدا

أنا قلت عايز أسأل عن الاجندة وراء كل ذلك ـ وفقاً لإقتباسات

ممكن جداً اكون ما موضوعي فيها ، ودا الخايف منه

حكاية الانتخابات وتبعاتها دي تداخلات أنا ما عندي صلة بيها ، لكن شاركت فيها باعتبار الكلام جر بعضه

برجع هنا ( ..... ) أكتب ليك أرقام المداخلات الكررت فيها الكلام دا ..



ـ

[أسعد]

طيب ممتاز يا ماجد
اها كدي فسر لي رمي سنارة بوستاتك بعناوين كبيرة زي دي
http://sudanyat.org/vb/showthread.php?t=26748

http://sudanyat.org/vb/showthread.php?t=25826

http://sudanyat.org/vb/showthread.php?t=25881

والقائمة طويلة
تفتح بوست بعنوان قوي وتدخل تلقى المتن عبارة عن نقط
اسي دا يقولوا عليهو شنو؟!
موش المفروض يكون بوستاتك دي اول مداخلة فيها مليانة دفوعات واسباب قوية بتدعم عناوينك البراقة دي

انت على العكس تماما
تجدع عنوان حدادي مدادي للبوست
وتكتب ليك نقطتين في متنن البوست
على امل واحد يجي يكمل ليك اوهامك دي
او على الاقل يجي واحد اهبل زي ناس وجدي ومهند ولنا وامال ونبراس يتدردقوا ليك عشان تقول للناس اهو موش قلت ليكم؟!
علي الدين يا ماجد لو الناس خت الرحمن في قلبها وطنشتك
شنبي دا يقوم في لنا كان تكتب حرف واحد عشان تكمل بيهو بوستاتك دي
كلاااام سااااي يا كافي البلاء عشان تعضد بيهو سوء ظنونك دي ما عندك
انت كائن طفيلي يستقي دفوعاته من اقوال الاخرين

[ماجد تاج]

المشاركة الأصلية كتبت بواسطة أسعد

طيب ممتاز يا ماجد
اها كدي فسر لي رمي سنارة بوستاتك بعناوين كبيرة زي دي
http://sudanyat.org/vb/showthread.php?t=26748

http://sudanyat.org/vb/showthread.php?t=25826

http://sudanyat.org/vb/showthread.php?t=25881

والقائمة طويلة
تفتح بوست بعنوان قوي وتدخل تلقى المتن عبارة عن نقط
اسي دا يقولوا عليهو شنو؟!
موش المفروض يكون بوستاتك دي اول مداخلة فيها مليانة دفوعات واسباب قوية بتدعم عناوينك البراقة دي

انت على العكس تماما
تجدع عنوان حدادي مدادي للبوست
وتكتب ليك نقطتين في متنن البوست
على امل واحد يجي يكمل ليك اوهامك دي
او على الاقل يجي واحد اهبل زي ناس وجدي ومهند ولنا وامال ونبراس يتدردقوا ليك عشان تقول للناس اهو موش قلت ليكم؟!
علي الدين يا ماجد لو الناس خت الرحمن في قلبها وطنشتك
شنبي دا يقوم في لنا كان تكتب حرف واحد عشان تكمل بيهو بوستاتك دي
كلاااام سااااي يا كافي البلاء عشان تعضد بيهو سوء ظنونك دي ما عندك
انت كائن طفيلي يستقي دفوعاته من اقوال الاخرين

ـ


طيب ياخي ع الاقل تقديراً لذاتك خلي قلة الادب الما في ليها داعي دي

وأحصر كلامك في حد الاحترام ـ الادنى ع الاقل ، رجاءاً

1 - بوست السعودية الجننك دا :

أنا رجعت عن عنوانه باعتذار صريح ، لكن موضوعه كان شائك وحساس

والتفاعل التم معاه بالتلفون كتير منه ما ممكن ينكتب في النت

..................................

...........................

وأنا استغربت القصة ، وليه الناس ما عارفة توقفهم في حدهم

غلطت في التعميم المخل في العنوان ورجعت عنه باعتذار مؤدب

لكن المضمون نتج عنه تحجيم القصة الانفلتت بهناك

................................


...........................

...............................

.............................

.............................

2 - عن بوست التخليط :

دا يمكن ما تقدر تفهمه لأنك عايز كل حاجة ساندويتشات جاهزة

ع العموم أنا أبداً ما قدمت لنفسي بسيرة مطرزة بالأستذة ولا التجضيم

مخلوق عادي وبكتب في اسفير الله الواسع دا

فهمت من البوست حاجة كان بها ، ما فهمت ( ابتسمت أو زعلت ) معناها حركت فيك حاجة

لكن البوست هازل في مجمله ( على طريقتي الما بتتقبلا دي )

3 - عن بوست الشيوعية ومعاداة الاسلام:

أنا بناقش فيما فهمته من الدستور ، والرفاق نظراً للغة السائدة هنا بدل ما يصححو لي فهمي الاعوج

اتجهو لوجهتك دي ، الشتم ، والتقليل من الشأن ، والنيل من شخص الكاتب

كررت فيه بلا فائدة .. وصبرت لأنو عارف هواجس النخبة ، وتاريخ المنتدى

أو ع الاقل جزء منه فهمت من خلاله ليه بيربطو كل حدث بحدث من الماضي

لكن البوست ما زال يناقش فهم ( ماجد تاج ) الرجل العادي عن الشيوعية

شليل في مرحلة حاول لكن رجع وانضوى تحت الراية ـ وكذلك الجيلي
ـ وهاجموا شأنهم شأن الاخرين المسكونين بعقدة العدو جاكم

جيب روابط تاني ...


......................



ـ

[أسامة معاوية الطيب]

عزيزي ماجد صباحك خير
المداخلة رقم 348 ولو إنها جاءت في معرض ردك على حبيبنا أسعد إلا أنو بدت لي فيها رسالة ما تحمل ريحة (ابتزاز) باتجاه موضوعك الأساسي!!!



أنا قصدت ما اقتبسا ... لك أن تراجعا بالله
حتى لا تنسف عضم ضهر دعواك

[أسعد]

عزيزي اسامة صباحك خير
المداخلة رقم 370 ولو إنها جاءت في معرض ردك على حبيبنا ماجد إلا أنو بدت لي فيها رسالة ما تحمل ريحة (تناقض) باتجاه موضوعك الأساسي الحكمة المنحازة!!!



أنا قصدت ما اقتبسا ... لك أن تراجعا بالله
حتى لا تنسف عضم ضهر دعواك ضد الحكمة المنحازة

[ماجد تاج]

المشاركة الأصلية كتبت بواسطة أسامة معاوية الطيب

عزيزي ماجد صباحك خير
المداخلة رقم 348 ولو إنها جاءت في معرض ردك على حبيبنا أسعد إلا أنو بدت لي فيها رسالة ما تحمل ريحة (ابتزاز) باتجاه موضوعك الأساسي!!!



أنا قصدت ما اقتبسا ... لك أن تراجعا بالله
حتى لا تنسف عضم ضهر دعواك

ـ


صباح النور يا أسامة

طبعاً مستحيل أعمل حاجة زي دي يا أسامة

أسعد قايم سداري وما فاهم حاجة وبرغم ذلك بخبط في الحيط ( ولازم يفهم )

لكن ما بتجاوز حد أنا قومت الدنيا شان أقيمه

إطمئن


ـ

[أسعد]

المشاركة الأصلية كتبت بواسطة ماجد تاج

ـ


صباح النور يا أسامة

طبعاً مستحيل أعمل حاجة زي دي يا أسامة

أسعد قايم سداري وما فاهم حاجة وبرغم ذلك بخبط في الحيط ( ولازم يفهم )

لكن ما بتجاوز حد أنا قومت الدنيا شان أقيمه

إطمئن


ـ

يا خسارة قضية اسامة معاك

[أسعد]

بالمناسبة يا ماجد انا اتجاهلت ردك في المداخلة رقم 369
لانو رد بعيد عن جدا عن كلامي في المقتبس الاقتبستو

[أسامة معاوية الطيب]

المشاركة الأصلية كتبت بواسطة أسعد

عزيزي اسامة صباحك خير
المداخلة رقم 370 ولو إنها جاءت في معرض ردك على حبيبنا ماجد إلا أنو بدت لي فيها رسالة ما تحمل ريحة (تناقض) باتجاه موضوعك الأساسي الحكمة المنحازة!!!



أنا قصدت ما اقتبسا ... لك أن تراجعا بالله
حتى لا تنسف عضم ضهر دعواك ضد الحكمة المنحازة

انت فهمك شنو للحكمة المنحازة دي ؟
عشان اراجعا ليك وفق مداخلتي المذكورة

[ماجد تاج]

المشاركة الأصلية كتبت بواسطة أسعد

يا خسارة قضية اسامة معاك

المشاركة الأصلية كتبت بواسطة أسعد

بالمناسبة يا ماجد انا اتجاهلت ردك في المداخلة رقم 369
لانو رد بعيد عن جدا عن كلامي في المقتبس الاقتبستو

ـ


رديت ليك حسبت ما فهمت

إما أنا فهمي غلط أو انت ما واضح

المهم العندي وصلك


ـ