اقتباس:
المشاركة الأصلية كتبت بواسطة أمين محمد سليمان
والله يا ستهم اريتهم كان حلقو لي ... البتاع ده حلقو الخلقو !! 
------------------
و عليكم السلام و رحمة الله يا أبا جعفر ...
اتفق معاك تماما في مشروعية و أهمية التحشيد في الفعل الانتخابي عموما، و قد يكون في بعض الناس هنا عندها تحفظ علي ما حدث في إنتخابات سودانيات نتيجة للتحشيد التم، الناس دي اسقطت فهمها الشخصي للاخلاق و إنتقدو بيه ما تم من تحشيد ، كلامنا منصب مع الحلوين ديل إنو ما تعصرو علي مسالة الاخلاق دي لانو تعريفاتها مختلفة باختلاف الناس ... الصاح إنو نعصر علي اللائحة ونحاول نخلي اللائحة متناغمة مع مفاهيمنا للاخلاق بحيث إنو أي شئ مسموح بيه في اللائحة أخلاقي ... ما مسموح بيه في اللائحة ما أخلاقي ... ده جانب ...
الجانب التاني إنو الناس لمن تعصر علي الأخلاق فيما تم هنا بكون فيها إتهام و طعن - و لو بصورة غير مباشرة - في اخلاق مخالفيهم في الرأي ... و ده أس البل و البوست ده شاهد علي ما أقول .
يدك معانا يا أبا جعفر الناس تقعد في واطة الله و الرسول و تعدل اللائحة بصورة يرتضوها و يصوتو عليها و تبقي مرجع للناس كلهم بدل كل زول و فهمو لكلمة أخلاق !!
-------------
يا زول شكر ساي ... مهند بتاع الساعة كم ؟!!
لكن كمان يا ماجد ياخي، سويتها حامضة .... يا زول ده كلام شنو ؟! أخوك عميق لكن كمان ما للدرجة دي !!! |
ـ
أبداً والله ، شايفك بالبصيرة ياخ ، وباقي لي فيك نور
كلامك ال بالاحمر دا بيذكرني كلام ( ما بقدر أسميه محاضرات ) زمان كان بيشرحو لينا فيها كيفية تقنين التصرفات الغير قانونية ، ودا بيعني بالضبط ما يقوم به المحامون من محاولة جعل الغير قانوني مقبول قانوناً أو متوافق معاه .
طيب : على الواقع لو قلت ربع الكلام القلتو هنا عن الاخلاق ببقى بالفعل مجرد حالم ومتمني ما اكتر ، وزول ما عنده صلة بالواقع .. لأنه الحكم والغلبة هناك للقانوني ، لكن في المجتمعات الافتراضية دي يا بروف والبيقوم فيها الانتماء على أسس تختلف كتير جداً جداً عن الاسس البتقوم عليها المجتمعات في الواقع ـ لاحظ هنا أنا بتضامن وبختلف مع ناس ما أجتمعت بيهم ولا بعرف عنهم أكتر من كم الحروف المندلق هنا دا ـ وبما أنو المجتمعات دي قايمة في وسط المنافسة فيه شديدة ( دنيا الانترنت وما تطرحه ) بيبقى وقتها التشديد على ضوابط أخلاقية ( قبل اللائحية ) مهم للغاية .
ما أخافه هو الابتعاد عن المنتدى .. ودي ظاهرة خطيرة في النت ، بتؤدي لبوار المنابر زي ما بتعرف .
سودانيات نجحت بفضل المؤسسية وبفضل السعي لإقامة ما يشبه المدينة الفاضلة ( مع الفوارق ) في احتلال موقع متقدم ، وممكن من خلاله ( إن حافظنا على النسق ) نقدم أو يقدموا حلول تمس حياة الناس برة ، أشرف كمثال بمكتبته وقسمه الهنا دا قدم خدمات جليلة ولا تقدر لناس ما عندهم صلة مباشرة بالمنتدى لكن قدر بمجهوداته دي يعمل ليهم حاجة ، ممكن الكلام دا يتجاوز لما هو أبعد من ذلك .. تجارب حية لممارسات ديموقراطية ( بكافة صورها ) مع أنها في دنيا الخيال .. لكن ممكن تأسس لواقع ، ح ننقل الناس ببساطة من مربع التجارب الى واقع القياس بتجارب ، ح ننور الناس حول الديموقراطية بشكل عملي
وبما أنو الرابط والجامع هنا يا بروف هو أخلاقي أكتر منه لائحي ، ومع تقديرنا العالي والتام للائحة ( القانون ) لما نخوض التجربة دي ، ومع أنو الهدف أوسع من تجربة على النت .. يبقى ما ننسى أنو التجربة تجري على النت ، شان ما تكون النتائج مجهجة كتير ، أي نعم هي تجربة تقدم مثال لكيفية ممارسة الديموقراطية ، لكن اعتبرها تجارب على الفئران ـ مع الاحترام ـ ما ممكن نقوم نقيسها بمقاييس التجارب على البشر مباشرة وهي بتجري حالياً على الفئران ، ما أقصده أنها ممارسة ديموقراطية فعلاً .. لكن نقدها مرتبط بظروف ووسط إجراءها ـ النت ـ هنا المثالي أولى من الواقعي جداً ، والرابط ( العقد الاجتماعي ) هنا مختلف تمام الاختلاف مع الواقع ( دا سيميوليتر ـ كدا صاح ؟ ) والرابط فيه يقوم على الاخلاق .
ببساطة ما في مانع نلعب كوتشينة ، لكن لو عايز تعمل فيها حريف وبتاع غش وخداع بإسم القانون بدكها ليك وبخلي التربيزة كلها
ما عارف قدرت أوضح واللا لا لكن القصد أن الاخلاق هنا كمعيار أكثر أساسية من اللائحي ، وأن الفوارق بين الواقعي والانترنتي ما ممكن نتجاوزها ، هناك الوطن لا يسهل التخلي عنه أو مفارقته ، هنا أسهل وممكن ومتاح ، حتى لو بقينا قاعدين نتاوق من ورا الشاشة .
يظل الدافع للكتابة في سودانيات مختلف عن الدافع للبقاء على أرض الوطن
ـ
