إغانى البنات هبوط المفردة يوازى هبوط القيم

[انجيلا]

المشاركة الأصلية كتبت بواسطة الرشيد اسماعيل محمود

القيم ما أظنها مرتبطة بمفردة غنائية، المفردة الغنائية (في أغاني البنات) مرتبطة ارتباط وثيق ومصدري بالتحولات الاجتماعية التي تؤثر فيها الأوضاع الاقتصادية تأثيراً جوهرياً.
يبقي أغنية البنات مرآة للتحوّلات واعادة التشكل بالنسبة للمجتمع، بمعني إذا كانت الاغنية في زمن ما تسجل إعجابها بالأستاذ (شرْطاً يكون لبِّيس من هيئة التدريس)، وصارت بعد ذلك تتغنّي بالمزارع مثلاً، فذلك لا يعني أنّ القيم قد تغيّرت بالتوازي، بل الافضلية الإقتصادية الاجتماعية تحوّلت من اتجاه لآخر.

يعنى ممكن نفصل السلوك العام عن القيم؟يمكن تكون خزلتنى اللغة لانو قعدت زمن طويل مع والدتى الاثبوبية خارج السودان وبعد جيت عانيت كتير عشان اكون ملمة بثقافة والدى انا قصدت بالقيم المبادئ الجوهرية للمجتمع ما شايفة فى فرق بين فهمى وفهمك .انا ضربت مثل باغانى السيرة والحماسة وقلت الفروسية كقيمة كانت سائدة فى الوقت داك بتخيل لى نحن ما مختلفيين فى الرؤى لكن ربما تمكنك فى العربية اكتر منى خلاك جنحت للرائ ده.
التوازى هنا يعنى السير فى خطين مع بعض فى دى ممكن اغالطك عدم المامى بالعربى لا يعنى عدم المامى بالرياضيات هسه رايك شنو فى الاغنية البنقول؛
ببلع المسجور..وببقى اسمح زول
واعرس الدكتور
ببلع بايركتين..وببقى جسمى سمين
وادقس المسكين
اقول ان الخداع صار صفة من صفات هذه الايام وبالتالى الصدق كقيمة صار غير ذو قيمة بالتالى هبوط قيمة الصدق افرز لنا اغنية تتبجح بممارسة الغش والخداع.

[انجيلا]

المشاركة الأصلية كتبت بواسطة زول الله

الاخت انجيلا سلام
هو غناء مرحلي كما ذكرتي يتغير مع الظروف حسب لونها كل مرة
وبتحفظ كبير على مصطلح "هابط" المرادف لغناء المرحلة الآنية..
ورغم عدم اتفاقي الى حد ما مع نوع الغناء المقصود
لا ارى -بصفتي مغني- اي غضاضة في ترديده ولكن بواسطة البنات فقط
مع مناهضتي للمفردات المتجاوزة في وصوفه المغناة
اما ترديد الاولاد له ف يصنفهم -عندي- في خانة ماكويسة


شديد والله





اقول قولي هذا واستغفر الله لي...............

وعليك السلام.جميل انو يشاركنا مغنى بى رايو فى الموضوع ده الفكرة بتاعت انو انت رافض يغنوها الاولاد ده يمكن لانو معظم اغانى البنات تاتى محملة برغبتهن فى الزواج او انها اغانى تتكلم فعلا بلسان حال البنات شخصيا ما عندى مانع يغنيها ولد لانو ترديدو للاغنية لا يعنى بالضرورة اشواقه للزواج برجل مقتدر وباقى الحاجات الكتيرة البتوصف العريس فى الاعنية ما اظن انو ترديد المغنى لاغنية بنات ممكن تعنى انو شاذ جنسيا ..المهم انو الاغنية فى حد زاتا تبتعد عن هبوط المعانى والقيم مثلا ما عندى مشكلة انو طه سليمان يغنى جناى البريدو لانها كاعنية ما بتمثل اى خروج عن القيم لكن ما بقبل انو طه او ذبيدة الانقاذ يغنو حقتت ببلع بايركتين وبدقس المسكين

[انجيلا]

المشاركة الأصلية كتبت بواسطة AMAL

مرحب بيك ياانجيلا
واضافة اكيد لسودانيات
كربي مصادرك الموضوع متشعب جدا
ولازمو مرجعية
في شوية خلط حاصل والتعريفات مادقيقة بس
عجبتني النمازج الجبتيها جدا
فيها حاجات اول مرة اسمعا ومرات كدا بتلخبتي الاختساس
مثلا انا مابدور المزارعية مااعتقد عندها علاقة بانهيا ر مشروع الجزيرة
امكن تكون متعلقة بظهور الطفيلين
عموما ليك اجر الاجتهاد والدخلة الحلوة
شكرا كتير



----
الانقاذ انقلاب لم تكن ثورة

وعليك السلام امل
يوم كده بالصدفة سمعت اغنية بتقول ورا ورا ورا ورا.صراحة اتصدمت وحبيت اعرف اكثر عما يعرف باغانى البنات لقيت مافى علاقة بينها وبين الهبوط ولاحظت انو كل زمن كانت ليهو اغنياتو وان الهبطت هى قيمنا لاحظت كمان ان دعوة القائميين علينا الى تعدد الزوجات افرز لينا اغنية
راجل المرة حلو حلا..
حلاتو شنو يعنى اهى فكة حيرة وخلاس
اقول انو اغانى البنات لا تاتى من فراغ بل محملة بما يعتمل به المجتمع
يعتمل دى فى محلها ولا لخبت الاختساس

[bayan]

بوست جميل جدا
في سنة 1982 كتبت بحث عن اغاني البنات
اغاني البنات تكون ظاهرة متفردة جدا في ثقافات الوطن العربي ويختص بها السودان
وهي مسجل دقيق للاحداث اليومية في الحياة الاجتماعية البناتية
بها تعبرالبنت عن مكنوناتها بطريقة يتقبلها مجتمعهاحيث قبل التسجيلات
كان فقط المستمع هن البنات والمؤديات هن البنات.. الان خرجت الى العلن..
وهي تكتب بالعامية والكلام البسيط ولذلك حينما تقاس بالشعر المكتوب باللغة العربية الفصيحة يعتبرها الناس هابطة . لانه لم نتعلم قط احترام الثقافة الشعبية وتقديرها
كواحد من مكونات الاداب والفن..
كما ذكرت تسجل البنات احلامهن ورفضهن للاشياء في حياتهن بهذه الصورة التي لا تخلو من طرافة..
اغنية وناري المابقيت .............
(استاذ كنت بصححح ليك انت اول زول)
تطورت بتطورات العصر ومستجداته وظهرت وظائف جديدة
واغنية يا الماشي............
( ليباريس جيب لي معاك عريس شرطا يكون لبيس ومن هيئة التدريس)
برضو الان تطورت جغرافيا وتكاثرت المهن في زمن كان المعلم متمنى كعريس

واغنية تغنى في اجعص "علومية" عروس
امه تتوفي ويشيلوها بالقفة
واغاني البنات او السباتة "السباتة" هي البرش البجلس فيه البنات متلفات حول من تدق الدلوكة وعادة بتكون هي المغنية الاساسية ويشاركن البنات معها في صوت متناغم وهي من الاغاني الجماعية...وتاتي الكلمات فيها عفو الخاطر وتضاف
الى ان تصبح اغنية طويلة جدا

ابوي قالي ما تغني غنا هابط بغني غنا هابط عشان اشاغل الضابط جوة النار يا الله سبب النار يا الله
واحدة من المفضلات لي ولدي معها ذكريات جميلة ابان مرحلة الطلب في الداخلية
حيث كتن ممكن تتغنى لساعة كاملة كل سطر مختلف على حسب خصوبة الخيال
لاحظ الضابط دا كان معبود النساء في السودان والعريس المفضل
اذكر صديقتي تزوجت ضابط شرطة حينما كان يحضر اليها في الداخلية وهو يرتدي
الزي الرسمي اي شباك مطل على الشارع تجد فيها عشر اعناق مشرئبة عشان يشوفو الضباط
ودائما اليونفورم يعطي الرجل وسامة ولذلك اكثر اغاني البنات في الضباط
احدة من اطرف الاغاني اغنيى ظهرت ابان شريعة نميري
رقصة سريعة قبل الشريعة
موش قلت ليكم مسجل نبض الشارع وخلاق وما ممكن نقيسه بمقياس
الهبوط والصعود...

مودتي لك واتمنى مااكون زهجتك بالكلام الكثير لكن دا موضوع سمح


علومية
هي المكان الذي تمارس فيه اغاني البنات اساسا وهي الفترة التي تعقب الزواج
حيث يتم تعليم العروس الرقص لترقص يوم عرسها.

[أمير الأمين]

المشاركة الأصلية كتبت بواسطة لنا جعفر

يعني يامرمر كان لازم تجيب سيرة البحر وش الصباح ده؟؟
كيفنك ياخ

سلام ستهم
معليش على سيرة البحر
بس البوست ممكن يتحول الى واحد من افضل
البوستات مؤخراً...صاحبة البوست تملك رؤية
ومعلومة تستحق عليها الاضافة


تحياتى

[عادل عسوم]

مرحب بيك انجيلا
بالجد انتي اضافة للمنتدى ياغالية والموضوع من الجمال والأهمية والافادة بمكان
...
أتفق معك ومع الأحباب-من قال منهم-بأن المفردة في أغاني البنات (على عمومها) تعدُّ أداة ووسيط للتعبير عن حراك الحياة على عمومها...
لكن وين الاشكال؟!
الاشكال أراه في أن (تأليف) الكثير من تلك المفردات قد لا يكون نتاج (تلقائية) أولئك البنات أو ايما جهة تقوم بالتأليف!
كيف الكلام دا؟!
مثلا هناك أغنية متداولة يقال بأنها قد أُلِّفت خلال (قعدة) لأحد الفنانين الشباب الحاليين بها الكثير من المفردات والسياقات الموحية بالقبح...وأصبحت الأغنية مشهورة لا تكاد تفتقدها خلال أيما لمة لبنات في بيت من بيوت الأفراح...
وبالطبع فان الذوق العام هو أفضل (مقص رقيب) في مثل هذه الحالات...لكن -برغم ذلك-تبقى مثل هذه الأغنية (حية) تقتات عليها آذان وذائقية الأطفال لتضفي الى الوجدان سلب كثيف!
...
بعدين بالجد(لغتك العربية) مية المية ماجاتا الحبة بعد رجعتك من الوالدة الله يطول عمرها فأكتبي يازولة وواصلي...
مودتي

[آيات]

المشاركة الأصلية كتبت بواسطة bayan

بوست جميل جدا
في سنة 1982 كتبت بحث عن اغاني البنات
اغاني البنات تكون ظاهرة متفردة جدا في ثقافات الوطن العربي ويختص بها السودان
وهي مسجل دقيق للاحداث اليومية في الحياة الاجتماعية البناتية
بها تعبرالبنت عن مكنوناتها بطريقة يتقبلها مجتمعهاحيث قبل التسجيلات
كان فقط المستمع هن البنات والمؤديات هن البنات.. الان خرجت الى العلن..
وهي تكتب بالعامية والكلام البسيط ولذلك حينما تقاس بالشعر المكتوب باللغة العربية الفصيحة يعتبرها الناس هابطة . لانه لم نتعلم قط احترام الثقافة الشعبية وتقديرها
كواحد من مكونات الاداب والفن..
كما ذكرت تسجل البنات احلامهن ورفضهن للاشياء في حياتهن بهذه الصورة التي لا تخلو من طرافة..
اغنية وناري المابقيت .............
(استاذ كنت بصححح ليك انت اول زول)
تطورت بتطورات العصر ومستجداته وظهرت وظائف جديدة
واغنية يا الماشي............
( ليباريس جيب لي معاك عريس شرطا يكون لبيس ومن هيئة التدريس)
برضو الان تطورت جغرافيا وتكاثرت المهن في زمن كان المعلم متمنى كعريس

واغنية تغنى في اجعص "علومية" عروس
امه تتوفي ويشيلوها بالقفة
.[/COLOR]

مرحب أخت أنجيلا مبحث هام ويطول فيه الحديث فهو يعتبر تيرموتر المجتمعات واصلي حديثك .. جهزي البنمبر وماشة أسخن الدلوكة

د. بيان
ياتري هل البحث بعنوان ( أغاني البنات وعلاقتها بوضع المرأة في أمدرمان)
فإذا كان هو .. فهذا البحث دقيق جداً أستطاع أن يثبر غور تلك الأغاني ويضعها في خانتها الصحيحة ويوظفها بصورة دقيقة تنم عن مقدرة الباحث وأهتمامه العميق بالظرف الإجتماعي

تصويب
أمو تتوفي وأولع الحُفرة

[جيجي]

المشاركة الأصلية كتبت بواسطة آيات

تصويب
أمو تتوفي وأولع الحُفرة

غايتوا دي فعلا هابطة
دي ثقافة ياتو جيل اوياتو حتة
ايات ازيك ياخ وسلامي موصول لصاحبة البوست الجميل وزوارها الميامين

[آيات]

المشاركة الأصلية كتبت بواسطة bayan

لانه لم نتعلم قط احترام الثقافة الشعبية وتقديرها
كواحد من مكونات الاداب والفن..


[/COLOR]

المشاركة الأصلية كتبت بواسطة bayan

واغنية تغنى في اجعص "علومية" عروس
امه تتوفي ويشيلوها بالقفة

[/COLOR]

قد يكون التصويب في غير مكانه ..لأن أغاني البنات لوزامها عبارة عن خانات تملأ كل على حسب هواه أو حسب كل محتوي إجتماعي ..بعدين هناك أبيات تقال همساً ومتقطعة .. وبعدها تنفجر الفتيات بالضحك وفي ناس بكونو متخصصين يقولو الحاجات .. الجماعة كلهم بسكتو
المهم عساك طيبة

المشاركة الأصلية كتبت بواسطة جيجي

غايتوا دي فعلا هابطة
دي ثقافة ياتو جيل اوياتو حتة
ايات ازيك ياخ وسلامي موصول لصاحبة البوست الجميل وزوارها الميامين

أهلييين جيجي مشتاقين
بس أعصاابك
هذي ليس ثقافة جيل ولا منطقة بعينها
تهتم النساء جداً بهذي النقطة وتكون محور نقاشهم بعد مناسبات الوفاة ..
اول حاجة يقولو ليك ناس البكا ماقالو لينا اتحننوا وماعفوا لينا وهذا من باب الإحتجاج
وفي ناس يجيبو الحنة يوم السابعة .. عشان مافي زول يحد على المرحوم ..وهذا أذن لكل متزوجة أن تمارس حياتها
ههههه
ياخ النسوان .لو في واحدة زوجها متوفي .. وهي مدخنة اومتحننة .. يقولو ليك ووب عليّ ماوجعتني الإحنته الجديدة ودخانا ده
وتاني في واحدة تكون متحننة ..وبي برمة عين وشناف شديد يصعنقونها( الميت فقد روحو)

وتجي تقول ليك انا في أمي اتحننت
المهم هذا مبحث آخر
آسفة أنجيلا للخروج عن موضوع البوست ..

[bayan]

المشاركة الأصلية كتبت بواسطة آيات

مرحب أخت أنجيلا مبحث هام ويطول فيه الحديث فهو يعتبر تيرموتر المجتمعات واصلي حديثك .. جهزي البنمبر وماشة أسخن الدلوكة

د. بيان
ياتري هل البحث بعنوان ( أغاني البنات وعلاقتها بوضع المرأة في أمدرمان)
فإذا كان هو .. فهذا البحث دقيق جداً أستطاع أن يثبر غور تلك الأغاني ويضعها في خانتها الصحيحة ويوظفها بصورة دقيقة تنم عن مقدرة الباحث وأهتمامه العميق بالظرف الإجتماعي

تصويب
أمو تتوفي وأولع الحُفرة

لووووووووووول يا آيات غايتو زمنا كان يشيلوها بالقفة
البحث لم ينشر لانه كان متطلب دراسي ولكن هناك استطلاع في جريدة الشرق الاوسط عن اغاني البنات
تم اختياري من ضمن المعلقين .
لك المودة

[عبدالعزيز خطاب]

الأخت أنجيلا
لك الود والتقدير
يهمنى جداً هذا المفترع فهو من صميم تخصصي. وما تفضلتي به ومداخلات الزملاء يشكل نواة طيبة لدراسة ضرب من ضروب الغناء لا ينفصل عن واقع الحياة اليومي.
متابع باهتمام كل ما يكتب هنا وأرصد بدقة المعلومة التي تدون. وهناك ما يحتاج لبحث وتدقيق. الفكرة جيدة والطرح كذلك.

دكتورة نجاة يا حبيبة. حبابك وكالعهد بك تثرين كل حوار تبتدرينه أو تسهمي فيه.
طيب الأمنيات
عبدالعزيز خطاب

[انجيلا]

المشاركة الأصلية كتبت بواسطة لنا جعفر

أنجيلا صباحاتك خير ورضا
اول شي يارب يطيب ليك المقام وسطنا
وسعيدة بيك كل السعادة
في حتة عايز اعمل عليها استريس
المفردة الغنائية تمظهر لحالة أجتماعية/اقتصادية سايدة
لكن قيم دي شوية كبيرة....
انتي زولة كما يبدو لي عندك قدرات رصد وتحليل كويسة
استفيدي منها وما تتعجلي وخشي الأغوار بتمهل
الموضوع ده غني وممكن تتقدم من خلالو قراية رصينة للواقع
متابعينك يا ستي رغم انه كنت بفضل اننا نسكت وننتظرك تكملي
لكن اتعامليإ مع التداخل المبكر ده كإستفزاز وحضّ ع مزيد من التجويد
نورتي الحتة ياست البنات ومنتظرين منك كتير
وافر محبتي وتقديري

السلام عليكم.طيب يا اخت لنا موش الواقع الاجتماعى والاقتصادى بيؤثر على الاخلاق والقيم؟الواقع العايشنو هسه مش اثر على اشياء مفصلية فى موروثنا واخلاقياتنا.يا جماعة حد يشرح لى القيم دى عشان امرق من الحفرة الدخخلت نفسى فيها دى.معليش انا ما زلت شغلاة بعربى اديس اعزرونى

[انجيلا]

المشاركة الأصلية كتبت بواسطة bayan

بوست جميل جدا
في سنة 1982 كتبت بحث عن اغاني البنات
اغاني البنات تكون ظاهرة متفردة جدا في ثقافات الوطن العربي ويختص بها السودان
وهي مسجل دقيق للاحداث اليومية في الحياة الاجتماعية البناتية
بها تعبرالبنت عن مكنوناتها بطريقة يتقبلها مجتمعهاحيث قبل التسجيلات
كان فقط المستمع هن البنات والمؤديات هن البنات.. الان خرجت الى العلن..
وهي تكتب بالعامية والكلام البسيط ولذلك حينما تقاس بالشعر المكتوب باللغة العربية الفصيحة يعتبرها الناس هابطة . لانه لم نتعلم قط احترام الثقافة الشعبية وتقديرها
كواحد من مكونات الاداب والفن..
كما ذكرت تسجل البنات احلامهن ورفضهن للاشياء في حياتهن بهذه الصورة التي لا تخلو من طرافة..
اغنية وناري المابقيت .............
(استاذ كنت بصححح ليك انت اول زول)
تطورت بتطورات العصر ومستجداته وظهرت وظائف جديدة
واغنية يا الماشي............
( ليباريس جيب لي معاك عريس شرطا يكون لبيس ومن هيئة التدريس)
برضو الان تطورت جغرافيا وتكاثرت المهن في زمن كان المعلم متمنى كعريس

واغنية تغنى في اجعص "علومية" عروس
امه تتوفي ويشيلوها بالقفة
واغاني البنات او السباتة "السباتة" هي البرش البجلس فيه البنات متلفات حول من تدق الدلوكة وعادة بتكون هي المغنية الاساسية ويشاركن البنات معها في صوت متناغم وهي من الاغاني الجماعية...وتاتي الكلمات فيها عفو الخاطر وتضاف
الى ان تصبح اغنية طويلة جدا

ابوي قالي ما تغني غنا هابط بغني غنا هابط عشان اشاغل الضابط جوة النار يا الله سبب النار يا الله
واحدة من المفضلات لي ولدي معها ذكريات جميلة ابان مرحلة الطلب في الداخلية
حيث كتن ممكن تتغنى لساعة كاملة كل سطر مختلف على حسب خصوبة الخيال
لاحظ الضابط دا كان معبود النساء في السودان والعريس المفضل
اذكر صديقتي تزوجت ضابط شرطة حينما كان يحضر اليها في الداخلية وهو يرتدي
الزي الرسمي اي شباك مطل على الشارع تجد فيها عشر اعناق مشرئبة عشان يشوفو الضباط
ودائما اليونفورم يعطي الرجل وسامة ولذلك اكثر اغاني البنات في الضباط
احدة من اطرف الاغاني اغنيى ظهرت ابان شريعة نميري
رقصة سريعة قبل الشريعة
موش قلت ليكم مسجل نبض الشارع وخلاق وما ممكن نقيسه بمقياس
الهبوط والصعود...

مودتي لك واتمنى مااكون زهجتك بالكلام الكثير لكن دا موضوع سمح


علومية
هي المكان الذي تمارس فيه اغاني البنات اساسا وهي الفترة التي تعقب الزواج
حيث يتم تعليم العروس الرقص لترقص يوم عرسها.

بيان.وان من البيان لسحرا.
ماعندى اى اضافة لكلامك ده كلام انسانة مدركة للتاريخ واحداثياتو.شكرا ليك كتير اعتقد كلامك ده اهم من قولى القلتو كولو.

[انجيلا]

المشاركة الأصلية كتبت بواسطة أمير الأمين

سلام ستهم
معليش على سيرة البحر
بس البوست ممكن يتحول الى واحد من افضل
البوستات مؤخراً...صاحبة البوست تملك رؤية
ومعلومة تستحق عليها الاضافة


تحياتى

شكرا

[الرشيد اسماعيل محمود]

سلام أنجيلا،،
أنا فقط كنت مركِّز في صفة التوازي، من غير المنصف موازاة القيم بمفردة غنائية تعبِّر عن أحلام فتاة ما في حقبة ما، تحت ظروف موضوعية ما، لأنو يحدث ان تطفو علي السطح المجتمعي قيم مشوّهة، ولا تكون هناك مفردة غنائية ما لتوازيها، والعكس يجوز.
إضافة لذلك، فإنّ المفردة الغنائية البناتية، ذات إطار مجتمعي معيّن، هي تحكي عن أحلام البنات وأمنتياتهن في واقع الحياة، في حين أن القيم تتعدّي ذلك الإطار وتفيض. يعني مثلاً إيرادك لمقطع:

المشاركة الأصلية كتبت بواسطة انجيلا

هسه رايك شنو فى الاغنية البنقول؛
ببلع المسجور..وببقى اسمح زول
واعرس الدكتور
ببلع بايركتين..وببقى جسمى سمين
وادقس المسكين
اقول ان الخداع صار صفة من صفات هذه الايام وبالتالى الصدق كقيمة صار غير ذو قيمة بالتالى هبوط قيمة الصدق افرز لنا اغنية تتبجح بممارسة الغش والخداع.

للدلالة علي هبوط قيمة الصدق بتخيّل لي ما مُنصف، لأنو البت في فهمها هنا، دي الوسيلة الوحيدة للفت الإنتباه، والراجل (المدقّس) حسب إفادتك، عايز كدا، ودا حديث آخر.
المهم في الموضوع، أغاني البنات ليست احلام شخصية لمؤلف/ة الأغنية، ولكنها تقرير لحالة معيّنة، يعني أنا مجرّد ما أسمع المقطع الفوق دا، بخت تصوِّري لشكل الأنثي وما يجب أن تكون عليه (بحساب الحالة الزمنية) للمجتمع. وأصلا ما حأركِّز مع فكرة الخداع والصدق.

تحياتي