ياشاعرات وشعراء المنتدى الداير يوثق اعمالو يدخل هنا

[سماء الادريسي]

اقتباس:

المشاركة الأصلية كتبت بواسطة مجدي مسعد حنفي
سماء
كلماتك رائعه كما تعودنا فاهلاًًَ بك دائماً واجعلي الزياره تتكرر

فالدار واسعه تكفي الجميع فلا تطيلي الغيبه .

مساء الخيراستاذ مجدي شكراً لهذا الحضور يا رقيق الحرف والنفس
أتمنى أن أسعد دوماً بحضوركَ وقرائتكَ
ودى وتقديري ،

[زول الله]

لاحولااااا
كل الجمال مردوم هنا وأنا ماشايفو؟؟؟
مزاج المزاج عشان كدا لازم نمخمخو بي مزاج
احوم شوية واجيك راجع

مجدي جمعة مباركة
زماان نصحني عم فتحي اني اراسلك عشان أعمالك
وطبعاً بسبب الكسل وتهيُب الموقف ماعملت الحاجة دي
هسه صدقني ح اسرق منك ح اسرق منك
بكل صراحة ووضوح ح اسرق البلفق مع لوني
قلت شنو؟





اقول قولي هذا واستغفر الله لي...........

[فتحي مسعد حنفي]

المشاركة الأصلية كتبت بواسطة زول الله

لاحولااااا
كل الجمال مردوم هنا وأنا ماشايفو؟؟؟
مزاج المزاج عشان كدا لازم نمخمخو بي مزاج
احوم شوية واجيك راجع

مجدي جمعة مباركة
زماان نصحني عم فتحي اني اراسلك عشان أعمالك
وطبعاً بسبب الكسل وتهيُب الموقف ماعملت الحاجة دي
هسه صدقني ح اسرق منك ح اسرق منك
بكل صراحة ووضوح ح اسرق البلفق مع لوني
قلت شنو؟
اقول قولي هذا واستغفر الله لي...........

أنا فعلا طلبت منك تخش وتختار أي حاجة تعجبك وعلي مسئوليتي تلحنا وتغنيها وكنت الكلام دا بعنيهو جدا..
للعلم مجدي فعلا شاعر غنائي من الشعراء الممتازين قليلي البخت ودي ما مجاملة ويمكن دا بسبب وجودو خارج السودان لمدة قاربت الأربعة وتلاتين سنة متواصلة ودا خلاهو يبعد عن الوسط الفني وما تكون عندو علاقة بالمطربين الممكن يغنوا كلماتو لكن أنا متفائل الآن لو ربنا كتب النجاح للأغنية دي المطربين هم الحيطاردوهو عشان يغنوا كلماتو..
حاجة تانية مافي زول عارفا وهي انو مجدي بيغني وبيعزف علي العود وكان فنان القعدات بتاع شلتو قبل ما يمشي الامارات وبيغني حقيبة بصورة جميلة جدا ودا بشهادة عمر الشاعر لما في قعدة وداع معمولة لي غني.والقعدة كالعادة انتهت بي شكلة بين اتنين من الأصدقاء بسبب فنانة مشهورة جات مع واحد فيهم وفي القعدة شدت علي مجدي والزول الجات معاهو زعل وصاحبي التاني دافع عن مجدي والحكاية طلعت فيها مطاوي وعتلة..طبعا صحباني ديل أصحاب شوقي بدري يعني الحصل دا طبيعي.أها أنا تاني بكرر كلامي وشوف الكلام البعجبك ورسل لي مجدي عشان ما يكون في زول تاني مجدي أداهو نفس القصيدة..

[مجدي مسعد حنفي]

المشاركة الأصلية كتبت بواسطة زول الله

لاحولااااا
كل الجمال مردوم هنا وأنا ماشايفو؟؟؟
مزاج المزاج عشان كدا لازم نمخمخو بي مزاج
احوم شوية واجيك راجع

مجدي جمعة مباركة
زماان نصحني عم فتحي اني اراسلك عشان أعمالك
وطبعاً بسبب الكسل وتهيُب الموقف ماعملت الحاجة دي
هسه صدقني ح اسرق منك ح اسرق منك
بكل صراحة ووضوح ح اسرق البلفق مع لوني
قلت شنو؟





اقول قولي هذا واستغفر الله لي...........

بازول توكل على الله بس زي ماقال ليك فتحي فبل ماتعمل اي حاجه
وريني الشي العجبك عشان اشوف متلحنه ولا عن زول تاني عشان مايحصل
تداخل في الاسلاك والدنيا تولع ويقولوا مجدي قاصدا عشان يشتهر

[مجدي مسعد حنفي]

الهي
مال قلبي لا يبالي لاعتلالي
دائم الترحال يهفو للجمال
كلما ازدت شوقا للاياب
كلما ازداد بعدا وتعال
----------------ِ------
تسكب الدمعات عيني واعاني
من سكوتي وكلامي وانفعالي
قد مللت الدمع ياربي كفاني
ضاق صدري من عنائي واحتمالي
كم سهرت الليل مهموما انادي
غثني ياربي رجوتك بالسؤال
لا تذرني لفؤاد كلما
صابه العشق رماني بالنبال
----------------
هب لي ياربي نصيبا قي الحلال
واجعل الصبر دوائي وانشغالي
واشفي قلبي من عذابات الهوى
بين دمع وهموم وانشغال
واجعل قؤادي في غرامك هائما
وجداً يذوب اليك قي جوف الليالي
فالقلب يعشق ثم يشقى بحبه
والروح تصبو في غرامك للكمال

[منتصر محمد زكي]

سلام صاحب البوست وضيوفه الكرام

مقتطفات :

بخاف لمن أصادفك يوم تعود ذكراك من تـــاني
بخاف كل العشم فجأة يفرهد فيني من تـــــاني
وبخاف عينيك تكون لسع بتطراني ............

راهنت بيك
محن الزمن
وخسرت وا أسفي الرهان
رحلت منك زادي كان
حسرة وشجن
سافرت ليك
أبعد مكان
ورجعت وا حسرة خطاي
رجعت دونك منهزم
محزون براي
..............

[مجدي مسعد حنفي]

مرحب بيك اخي منتصر
نورت البوست وفي انتظار المزيد

[مجدي مسعد حنفي]

سأرحل عنك يا أنت
بعيدا حتى أنساك
سأحرق كل أشعاري
وأهدم قصر ذكراك
سأمحو كل ما قلت
في يوم كنت أهواك
........................
سأنسى ان لي قلبا
أبى ان يهفو لسواك
وأن عيوني لا تغفو
إذا لم تغف عيناك
وأن شفاهي ﻻ تبسم
إذا صدتها شفتاك
........................
سأنسى أن في صدري
فؤاد هام في هواك
وأن سنيني قد ضاعت
وراء أماني دنياك
سأنسى أنني كنت
ضحية من ضحاياك
........................
سأمضي حاضنا قلبي
وشوقي ينادي رحماك
سأكتم حزني في صدري
وأنسى نعيم لقياك
ﻷن هواك ﻻ يعني
سوى أن امضي في هلاكي

مجدي مسعد حنفي

[مجدي مسعد حنفي]

والله لذيذه إنتي بجد
خفة دمك فايته الحد
ءءءءءءءءءءءءءءءءءءءءء
دايما حاضنه البسمه عيونك
وانا من نظره بقيت مجنونك
يالجننتي المنقا بلونك
قادر ربي عليكي يصونك
ءءءءءءءءءءءءءءءءءءءءء
شوقي إليك يجيب ويودي
لاعب بيا ومابي يهدي
وانتي بتسمعي مابتردي
واﻷيام مجبوره تعدي
ءءءءءءءءءءءءءءءءءءءء
روحك حلوه وطبعك راقي
وحبك عايش فيني وباقي
مهما تجور أيامنا علينا
جمر الريد بيزيد أشواقي

مجدي مسعد حنفي