اغاني .. واغاني

[الجيلى أحمد]

عدل الطبيعة جعل جور الحبيب مسموح

ياأخى دى من أجمل الحكم الحايمة فى الحايمة فى الحياة
عاش الانسان السودانى البكتب سلسبيل زى دا

[خال فاطنة]

المشاركة الأصلية كتبت بواسطة الجيلى أحمد

الطريف جدآ
انو أثناء السنى مابغنى, كان فروفور قانص ليهو,
لو دقس عشان يستعدلو (الدقيقة 4:33 ), لكن السنى دا شفت بتاع غناء..
نقلتو حلوة وفيها طعم موسيقى بتاع زول الرتم واقع ليهو..
شكرآ ياسنى

لحد هسي يا جيلي كل الانطباعات و ردود الفعل بتقول ان هذا السني في طريقو لي ان يسحب البساط من اساطين البرنامج..و المسألة دي عسيرة الهضم بالنسبة ليهم..غايتو لو ما شافو ليهم طريقة خارجوهو السنة الجاية بتبقى نجمويتهم مهددة

[قيقراوي]

عدل الطبيعة جعل جور الحبيب مسوووووح!!

المشاركة الأصلية كتبت بواسطة الجيلى أحمد

ياأخى دى من أجمل الحكم الحايمة فى الحايمة فى الحياة
عاش الانسان السودانى البكتب سلسبيل زى دا

تظل الحكمة الاكثر استهلاكاً في شعر الحقيبة:

ضيعت حياتي .. تسلم لي اييدك

ونحوها!









--------

انا تعجبني مجموعة:

هل يبيح القتل عمداً من يرى القتل حراماً!؟

ؤ

من تعاطعى المكروه عمداً، دون شك يتعاطى الحرام!!


اوع تسألني من وجه المقاربة .. بيكو بزعل منك

المقابلة المستحيلة بين المتناقضات (عدل يقر الجور) (وحرام يحل) و(النقلة الموضوعية، السلسة من المكروه الى تخوم الحرام .. كنتيجة منطقية)

ديل ناس عجيبين، ناس ابو السيد وصالح عبدالسيد وعبدالرحمن الريح & سوو ديل!!

[خال فاطنة]

وعبدالرحمن الريح

الزول دا بالتحديد يا قيقا مجنون الجن الواحد دا

[احمد زين]

سلامات يا شباب

اولا زول الله:
زولك ده والله ما بشد الحيل واحسن ليك تفك دربو
غايتو في الآذان رهيب وقاعد يطربني
واقترح انو عمك السر قدور يخلي معتز يرفع النداء لصلاة العشاء بعد نهاية كل حلقة

امير الامين:
مصطفى السني ده انا بسمع فيهو اكتر من سنتين اسبوعيا مرتين في جلسات مباشرة
ما خذلني ولا مرة واحدة عشان كده انا كنت مالي يدي منو انو حا يكون الليدر

مهند :
نطيطي انا خليهو ويكفي رايك في ابراهيم عوض
نسرين هندي كنت متوقع انها تفشل لكنها اجادت وقلبت الموازين ويا ريت تستمر


كلامي في معتز صباحي ما تنسوهو

معتز صباحي حا يكون صفر كبير

[قيقراوي]

المشاركة الأصلية كتبت بواسطة الجيلى أحمد

ياأخى دى من أجمل الحكم الحايمة فى الحايمة فى الحياة
عاش الانسان السودانى البكتب سلسبيل زى دا

المشاركة الأصلية كتبت بواسطة خال فاطنة

الزول دا بالتحديد يا قيقا مجنون الجن الواحد دا

على سيرة الجن والكلام المجنون

[خلقوها زي ما تريد]

هل فعلاً في ملكة -جمال او ملكة مملكة- بريطانية اسمها (ماتريد) زي ما قال عمك قدور .. ول دا استهبال وخج منو ساي!؟









------

يا جيلي - كباحث- ؤ كدا ..

ياخي ما تبحث في المسألة دي .. عام 1930 ما تاريخ بعيد .. واهلك البريطانيين ديل ناس توثيق ..

وعشان تقطع عرق وتسيح دمو .. امسح لينا معاك تاريخ الملكات (جمال و دستور) في كل الممالك الحداكم .. النرويج وهولندا وبلجيكيا .. واسبانيا

خلينا نحددا مع عمك دا

وبالمرة خلينا نثبت ليك لقب (باحث) دا
المافي شنو!؟

[الجيلى أحمد]

المشاركة الأصلية كتبت بواسطة قيقراوي

على سيرة الجن والكلام المجنون

[خلقوها زي ما تريد]

هل فعلاً في ملكة -جمال او ملكة مملكة- بريطانية اسمها (ماتريد) زي ما قال عمك قدور .. ول دا استهبال وخج منو ساي!؟

عمك سواق,
مرق بينا من الظلط وقرب يقلبنا فى الترعة..

مافى كلام زى دا يامان (حسب معلوماتى القليلة)..

عشان نطلعو من الاحراج وكدا, توجد أميرة بريطانية اسمها (مارغريت)
عاشت بين ثلاثينيات القرن الماضى ومطلع الألفية الثانية ,


وعشان خاطر ضحكتو السمحة, نقلبا ليهو (ماتريد) قبال مايقلبنا فى الترعة
_________

ياقيقا ياأخى أنا داير أبقى (روك استار), زى صاحبى حافظ حسين تقول لى باحث

[عبدالله علي موسى]

المشاركة الأصلية كتبت بواسطة قيقراوي

على سيرة الجن والكلام المجنون

[خلقوها زي ما تريد]

هل فعلاً في ملكة -جمال او ملكة مملكة- بريطانية اسمها (ماتريد) زي ما قال عمك قدور .. ول دا استهبال وخج منو ساي!؟

تحياتي يا قيقراوي،

إن لم تخوني الذاكرة هي "سيدة و جماله فريد..خلقوها زي مدريد"

الظاهر هي مدريد عاصمة إسبانيا الجميلة، و ربما قصد الشاعر المعنى الأكبر الذي أتى منه الإسم - - مدري بمعنى الأم و هي الإلهة الكبرى "Grande Madre عندهم أم زوس توازي أيضاً "ريه" "Rhea"

..جيلي القوم كان سرحنا في الإيطالي دة اهدنا سواء السبيل

والله أعلم

[Ibrahim]

تحيات قيقا واصحاب البوست الممتع ورمضان كريم عليكم.

غايتو امبارح عربية الهنتر القديمة بتاعت سيد عبدالعزيز دى معتز صباحى ركب ليها مكنة فورمولا ون عديل. تغيير بلكات وجلب كان كفاية جدا.


المهم انو كمونية صباحى دى ستزيد عدد زبائن عوضية للاسماك

[احمد زين]

المشاركة الأصلية كتبت بواسطة قيقراوي

على سيرة الجن والكلام المجنون

[خلقوها زي ما تريد]

هل فعلاً في ملكة -جمال او ملكة مملكة- بريطانية اسمها (ماتريد) زي ما قال عمك قدور .. ول دا استهبال وخج منو ساي!؟







------

يا جيلي - كباحث- ؤ كدا ..

ياخي ما تبحث في المسألة دي .. عام 1930 ما تاريخ بعيد .. واهلك البريطانيين ديل ناس توثيق ..

وعشان تقطع عرق وتسيح دمو .. امسح لينا معاك تاريخ الملكات (جمال و دستور) في كل الممالك الحداكم .. النرويج وهولندا وبلجيكيا .. واسبانيا

خلينا نحددا مع عمك دا

وبالمرة خلينا نثبت ليك لقب (باحث) دا
المافي شنو!؟

نهارك سعيد يا قيقا
البوست ده في نهار رمضان عندو طعم مختلف من بالليل

سبق وان سالت نفس السؤال ده لبعض المهتمين بشعر الحقيبة

قالو ان (ما تريد) لم يقصد بها الشاعر اسم لسيدة بريطانية ولا اغريقية
انما قصد (زي ما تحب) وفي شرخهم لهذا الكلام
ان هذه السيدة راضية كل الرضى عن الخالق المصور والذي وهبها هذا الجمال
وان هذا الشكل هو الشكل الذي احبت ان تكون عليه
وليس في ذلك تعدي على قدرة الله سبحانه وتعالى

ويخيل لي الكلام ده الى حد ما مقنع

[خال فاطنة]

هل فعلاً في ملكة -جمال او ملكة مملكة- بريطانية اسمها (ماتريد) زي ما قال عمك قدور .. ول دا استهبال وخج منو ساي!؟

كيفك يا حبوب...
الكلام شكلو قديم و عمك قدور ما طرقو لأول مرة

كدي شوف المداخلة دي ل احمد القرشي عضو س اون لاين، في يناير

الأخ العزيز / أحمد الأمين أحمد
سلامات
وكل سنة وإنت طيب
لم أقرأ كثيرا عن زوجات الملوك الأسبان أو ملكات الجمال البريطانيات ،ولا أعرف عنهم الكثير ولكنها معلومة أستقيتها صدفة من بعض المهتمين بالحقيبة وأصدقاء الشاعر سيد عبدالعزيز ومنهم الشاعر الراحل قاسم عثمان بريمة والذي جلست معه كثيرا وأخذت منه الكثير من قصص أغاني الحقيبة وهو من المعاصرين لشعرائها، وكذلك الاستاذ النور عثمان حميدة أمد الله في ايامه وهو من اصدقاء الشاعر سيد عبد العزيز والذي عاش معهم فترة طويلة في مدينة الأبيض ، وأيضا العم عوض مكي عوض أطال الله عمره وهو من سكان حي المسالمة وصديق للشاعر سيد عبدالعزيز , ولقد أستمعت الى الفنان الراحل بادي محمد الطيب يقول أنها ملكة جمال بريطانية ،وكثيرا ما تداولنا معاني كلمات هذه الاغنية في منتدياتنا بدار الغناء الشعبي بامدرمان في بداية التسعينات بحضور الفنان بادي وعلي مصطفى وحسن الامين وجباره محمد النعيم وغيرهم من المهتمين باغاني الحقيبة ،ولم يقل أحد منهم أن سيد قد أفصح لهم وقال ان ماتريد زوجة ملك اسباني ، لكني استمعت منهم انها ملكة جمال بريطانية والبعض قال ملكة جمال إغريقية ، ولم نكن نختلف او ندقق في من هي (ماتريد ) ولكنها معلومة يذكرها البعض عرضا قد نقف عندها او لا نقف لانها ليست بالشئ المهم . ولكن بعد المعلومة التي ذكرها شخصك الكريم يمكننا أن ندقق عن من هي ماتريد ,وهل تلك الملكة التي ذكرتها هي ما يقصدها الشاعر سيد عبدالعزيز ، ذلك يتطلب مزيد من البحث والتوثيق والمصادر. وماتريد ليست مريا حتى نختلف فيها كثيرا .
هؤلاء الذين ذكرتهم عزيزي احمد اخذت منهم الكثير من قصص ومناسبات أغاني الحقيبة يمكن ان يكون بعضها خطأ وبعضها صواب ولكني سأرويها كما سمعتها عنهم بكل صدق وأمانة وأقول وجهة نظري بكل شفافية اذا كانت لا تتفق معهم بعد التحقق من المعلومات .
عزيزي احمد
لم اتعب نفسي في البحث عن من هي (ماتريد) او عن اسماء زوجات الملوك الاسبان في بداية القرن الماضي ، إحتمال أن تكون ملكة جمال بريطانية او زوجة ملك أسباني أو إمراة إغريقية كما يقول البعض أو غيرها ولكن ما يهم انها كانت إمرأة جميلة وفاتنة لذلك شبه الشاعر سيد عبدالعزيز محبوبته بها، وأحب أن اقول ان هؤلاء الشعراء كانوا اصحاب ثقافة عالية وقراءة واطلاع إنعكست في شعرهم ، ودائما اخي أحمد الشعراء لا يفسرون قصائدهم او معانيها الا نادرا وما زال الجدل قائما حتى الان من هي زهرة روما التي تغنى لها خليل فرح أو جنسية مريا لصلاح احمد ابراهيم .

لك كل الود والتقدير

[قيقراوي]

المشاركة الأصلية كتبت بواسطة Ibrahim

تحيات قيقا واصحاب البوست الممتع ورمضان كريم عليكم.

غايتو امبارح عربية الهنتر القديمة بتاعت سيد عبدالعزيز دى معتز صباحى ركب ليها مكنة فورمولا ون عديل. تغيير بلكات وجلب كان كفاية جدا.


المهم انو كمونية صباحى دى ستزيد عدد زبائن عوضية للاسماك

مرحب بفنانا ابراهيم عبد الحليم

رمضان كريم ياخي
وينعاد عليك اعوام واعوام يا رب

غايتو لو جنس فنجطة صباحي دي محسوبة
فترقبوني شخصياً-ان وجدت- في النسخة العاشرة من البرنامج

وهذا اعلانٌ للناس ..
الداير يفطر، يفطر .. والداير يكفر يكفر
والبرحل من الكوكب اخير ليو

لكن كان شامة/رجبية لقت فرصتا تعبتو معاي











------

بهناك اعلن انو الليلة حلقة محمود؟

اذا كان ذلك كذلك .. فانها لكبيرةٌ الا على الراكزين .. وانا غايتو ما منهم!

لو عندك طريق -فنية- خليك قريب عشان تنزل الحلقة .. لو ما عندك مانع
اغلب الناس هنا عندها مشكلة مع توقيت البرنامج

كن بخير يا فنان

[قيقراوي]

المشاركة الأصلية كتبت بواسطة الجيلى أحمد

عمك سواق,
مرق بينا من الظلط وقرب يقلبنا فى الترعة..

مافى كلام زى دا يامان (حسب معلوماتى القليلة)..

عشان نطلعو من الاحراج وكدا, توجد أميرة بريطانية اسمها (مارغريت)
عاشت بين ثلاثينيات القرن الماضى ومطلع الألفية الثانية ,


وعشان خاطر ضحكتو السمحة, نقلبا ليهو (ماتريد) قبال مايقلبنا فى الترعة
_________

ياقيقا ياأخى أنا داير أبقى (روك استار), زى صاحبى حافظ حسين تقول لى باحث

يبدو انو عمي السواق متأثر بالسائد .. وبريئ يا بيه!
ومن طف بعيد كدا قادرالتقط ما يخشوا وبحاذروا!!

بس اظبط عندي ما نقلته الشاعرة عبير خيري عن الشاعر مكاوي الشيخ:

اا
أما الأمر الثاني، فكثيرا ما نبهت له عبر المواقع المهتمه بشأن الغناء والحقيبي على وجه الخصوص.. لكن يبدو القضيه "خربانه من كباره".. فاليوم سمعت أستاذنا السر "يصر إصرارا" على أن سيد عبدالعزيز قصد "ملكة بريطانيا".. نعم وأكرر، "ملكة بريطانيا" "ماتريد"..وزادنا كيلا، بنفيه أن يكون سيد قصد بها المعنى المتعارف للفظة "ما تريد"..سبحان الله!! فقد قرأت وسمعت هذا القول عند العديد قبل اليوم وبملكات لبلاد مختلفه،، فمرة يقولون "ماتريد" ملكة هولندا.. وتارة هي ملكة الدنمارك.. وأخرى تنسبها لبلجيكا و..و..ألخ.. ولا أدري إن كانو يعنون ملكات سياسه أو جمال.. فالأمر في حالتيه يستوي عندي في ضحالته .. والحقيقه أنه أمر يثير العجب بل والإستهجان.. إذ كيف يرتضي الناس، الأقل قيمة والأدنى من المعاني ويضعونه مكان ذاك الأرفع والأسما والأقيم؟... فكلنا أو أغلبنا، بلا شك قد استهواه بيت الشعر العربي القديم بمعناه المدهش البديع:..
(خلقت مبرءا من كل عيب ... كأنك قد خلقت كما تشاء.).. و.. تاني.. سبحان الله!.. فهل من عنده مثل هذا المعنى الشاهق العالي القيمه في وصف جمال وكمال محبوبه، يدعه ويمتطي مركب التنطع باحثا لمحبوبه عن أشباه في دنيا البشر حتى وإن كن ملكات جمال الكون كله؟؟؟ مالكم كيف تحكمون يا هؤلاء؟؟؟ وكمال محبوبه، يدعه ويمتطي مركب التنطع باحثا لمحبوبه عن أشباه في دنيا البشر حتى وإن كن ملكات جمال الكون كله؟؟؟ مالكم كيف تحكمون يا هؤلاء؟؟؟
http://www.sudaneseonline.com/cgi-bi...3142680&rn=214

[احمد زين]

الشاعرة عبير خيري عن الشاعر مكاوي الشيخ:

اقتباس:

أما الأمر الثاني، فكثيرا ما نبهت له عبر المواقع المهتمه بشأن الغناء والحقيبي على وجه الخصوص.. لكن يبدو القضيه "خربانه من كباره".. فاليوم سمعت أستاذنا السر "يصر إصرارا" على أن سيد عبدالعزيز قصد "ملكة بريطانيا".. نعم وأكرر، "ملكة بريطانيا" "ماتريد"..وزادنا كيلا، بنفيه أن يكون سيد قصد بها المعنى المتعارف للفظة "ما تريد"..سبحان الله!! فقد قرأت وسمعت هذا القول عند العديد قبل اليوم وبملكات لبلاد مختلفه،، فمرة يقولون "ماتريد" ملكة هولندا.. وتارة هي ملكة الدنمارك.. وأخرى تنسبها لبلجيكا و..و..ألخ.. ولا أدري إن كانو يعنون ملكات سياسه أو جمال.. فالأمر في حالتيه يستوي عندي في ضحالته .. والحقيقه أنه أمر يثير العجب بل والإستهجان.. إذ كيف يرتضي الناس، الأقل قيمة والأدنى من المعاني ويضعونه مكان ذاك الأرفع والأسما والأقيم؟... فكلنا أو أغلبنا، بلا شك قد استهواه بيت الشعر العربي القديم بمعناه المدهش البديع:..
(خلقت مبرءا من كل عيب ... كأنك قد خلقت كما تشاء.).. و.. تاني.. سبحان الله!.. فهل من عنده مثل هذا المعنى الشاهق العالي القيمه في وصف جمال وكمال محبوبه، يدعه ويمتطي مركب التنطع باحثا لمحبوبه عن أشباه في دنيا البشر حتى وإن كن ملكات جمال الكون كله؟؟؟ مالكم كيف تحكمون يا هؤلاء؟؟؟

الشاعر مكاوي الشيخ الامين للذين لا يعرفونه هو احد الذين يحفظون كل شعر الحقيبة ويكاد يكون الاول في الساحة الآن من العارفين بشروحات اغاني الحقيبة والعالم ببواطنها ومراداتها وكل ما يرد من شيخي مكاوي فهو عندي قاطع ولا جدال فيه
التحية للاستاذ مكاوي ونسال الله له الصحة والعافية

زي ما الدنيا لي قساية
ست الريد بقت نساية

[قيقراوي]

المشاركة الأصلية كتبت بواسطة عبدالله علي موسى

تحياتي يا قيقراوي،

إن لم تخوني الذاكرة هي "سيدة و جماله فريد..خلقوها زي مدريد"

الظاهر هي مدريد عاصمة إسبانيا الجميلة، و ربما قصد الشاعر المعنى الأكبر الذي أتى منه الإسم - - مدري بمعنى الأم و هي الإلهة الكبرى "Grande Madre عندهم أم زوس توازي أيضاً "ريه" "Rhea"

..جيلي القوم كان سرحنا في الإيطالي دة اهدنا سواء السبيل

والله أعلم

يا عمك دي اهل الظاهر والباطن متفقين فيها ،،

هي (خلقوها زي ما تريد/ كما تشاء) كدا اظبط من جهة شوفي ..

والاوقع عندي كما يشاء رب الجمال .. الما محتاج مثل او فورم او نموذج

الم تسمعوا قول الشاعر العربي ب:

لو ذهبت تستزيد في الحسنِ، حسناً .. لما ازيدت!!

مقفلة النمر يعني!







------

الرهن/الرهان برضو بتقفل ..

قال البرعي اليمني:

مالي وللايام لا تستدينني وقلبي بدين الحبِ قد اغلق الرهنَ

تحياتي يا حبيب