أغاني .. و أغاني .. 2011

[عكــود]

كلامك صاح يا العوض،

شريف زي الكان ما متأكّد إنّو مفروض يغنّي الأغنية دي،
ما كان واثق من نفسو كلّو كلّو.
فرفور لامِن زِهِج منّو.
___
أسّع الروب ده يجوا الجماعة يطلّعوه لينا قشرة ما حصلت!

[احمد زين]

المشاركة الأصلية كتبت بواسطة الزوول

....

ظهر اليوم شريف الفحيل لابس الروب بتاع النوم البيلبسوه الباشوات في الأفلام المصرية القديمة


زمن مجلي .. اوف تون ..طلع بره سلم الموسيقى
كعب عدبل كدى
البركة في فرفور المنجد
....

اوافقك الراي يا دكتور
الولد التاني ده ابوهو ما قال ليهو ما تغني ليه؟؟؟؟؟؟؟؟؟

[احمد زين]

المشاركة الأصلية كتبت بواسطة الزوول

....
مواصلة لحلقة الأمس عن الفنان إبراهيم عوض
ظهر اليوم شريف الفحيل لابس الروب بتاع النوم البيلبسوه الباشوات في الأفلام المصرية القديمة
زمن مجلي .. اوف تون ..طلع بره سلم الموسيقى
كعب عدبل كدى
البركة في فرفور المنجد
....

اعاهدك واحفظ عهدك
عصام محمد نور ابو لبسة مبشتنة

[عكــود]

عصام يواصل تفطيس الغناء بجدارة!

صباح تُبدِع في المقطع الصغير الأدّته.

حتّى الآن نجم البرنامج هو الفرقة الموسيقيّة،
فرق كبير بين مستواهم و مستوى المؤدّين.

[الزوول]

....
غايتو يا أبا ذر
لو عمك السر قدور ده استمر في اختياراتو البايخة دي لأغاني ابراهيم عوض
أخونا طارق كانديك ح يلقى نفسو قاعد في السهلة براهو
وح يكون مضطر يبلع كلام ناس اضافيين جايين في الدرب
قلت كيف
تقبُّل الرأي الآخر ده حااار بالحي

[عكــود]

المشاركة الأصلية كتبت بواسطة الزوول

....
غايتو يا أبا ذر
لو عمك السر قدور ده استمر في اختياراتو البايخة دي لأغاني ابراهيم عوض
أخونا طارق كانديك ح يلقى نفسو قاعد في السهلة براهو
وح يكون مضطر يبلع كلام ناس اضافيين جايين في الدرب
قلت كيف
تقبُّل الرأي الآخر ده حااار بالحي

قلت لي في شُلّة في الدرِب!

ألف مرحب بالرأي الآخر،
و لا عزاء لكانديك و ناس أم درمان.

ناضِر خِدِر برضو كان دون الوسط في "أعزّ مكان"

[عكــود]

واضح إنّو البروفات ما كانت كافية،
ده إذا عملوا بروفات!

عاصم و فرفور تامنّها خبرة ساكت.

الحلقة عموماً 10/5،
الخمسة ديل في منّهِن تلاتة من تلاتة للفرقة!

[قيقراوي]

المشاركة الأصلية كتبت بواسطة الزوول

....
مواصلة لحلقة الأمس عن الفنان إبراهيم عوض
ظهر اليوم شريف الفحيل لابس الروب بتاع النوم البيلبسوه الباشوات في الأفلام المصرية القديمة
زمن مجلي .. اوف تون ..طلع بره سلم الموسيقى
كعب عدبل كدى
البركة في فرفور المنجد
....

مع دقن عمك قدور المشعنفة ..
و كروهات عصام محمد نور

ح اغير كلام امس

يبدو لي انو الاناقة كنز قد يفنى .. ولكنه لا يستحدث من العدم بعد داك كلو كلو

[احمد زين]

عاصم البنا وفرفور ينقذا الحلقة من هبوط اضراري
في اللحظة الاخيرة
يا غائب عن عيني ... مع انك في قلبي

[احمد زين]

المشاركة الأصلية كتبت بواسطة عكــود

.

الحلقة عموماً 10/5،
الخمسة ديل في منّهِن تلاتة من تلاتة للفرقة!

والاثنين الباقيات لي لبسة طه ووجنات صباح
زي ما قال قريبك ود جبرين

[قيقراوي]

المشاركة الأصلية كتبت بواسطة أحمد محمد زين حسين

والاثنين الباقيات لي لبسة طه ووجنات صباح
زي ما قال قريبك ود جبرين

ود جبرين دا في رمضان اجتنبوه ..
انا مستغرب ليه ما محبوس؟
طالع بكفالة!؟

[عبدالمنعم الطيب حسن]

*ابراهيم عوض ذاتو اتفق مع عكود انه طشاش لا تهزني اي من اغانيه
*عصام نور ليه مصر على الكاروهات ، دي موضة انتهت ليها عشرات السنين
*لاتعجبني طريقة عصام في الاغاني ولا صوته ولا الكشمات الزي نار القصب البلا سبب
* اتفق مع الزوول الفحيل كان اوف بوينت
* الجكس ما اخد فرصة
*فرفور برضك زي ما قال عكود نخة نخت عدوك ذكرني مسجل تاج السر الملك في مقصات في الهواء
*اعتقد ان نسبة 10/5 التي اعطاها عكود للحلقة مناسبة والمشكلة كلها في الطشاش
*بكرة برضك ورم 3 حلقات لابراهيم عوض ليه ؟ امال وردي كم حلقة اقترح موسم كامل
*وللجميع سلام

[نبراس السيد الدمرداش]

المشاركة الأصلية كتبت بواسطة أحمد محمد زين حسين

اوافقك الراي يا دكتور
الولد التاني ده ابوهو ما قال ليهو ما تغني ليه؟؟؟؟؟؟؟؟؟

من قبيل منتظرا الم في نت عشان اكتب السطر الاخير دا
اليوم حلقه دون المستوى بس يا قولك البركه في فرفور و عاصم

[النور يوسف محمد]

بسم الله الرحمن الرحيم

الحلقة عموماً دون الوسط ..
الأغانى المختارة ضعيفة بالرغم من تبرير قدور بأنها تمثل فترة ..
أولاد ابراهيم عوض زيهم وزى أحفاد خلف الله حمد , ما عارفين المطلوب منهم شنو ..

المهم والذى أود أن تفيدونى فيه هو ( دور المخرج )
فى تقديرى إنو ما عامل أي كنترول ولا بصمة له على سير الحلقة ..
الإيماءات والخروج والإشارات يعالجها فقط بشيل الكاميرا ..
( المفروض يعيد اللقطه وينبه الجميع )
لو لاحظتو كيف تداخل الإعلان وقدور لم يكمل تعليقه ..

بعدين .. أليس للمخرج دور حتى فى الأزياء واللبس وتناغم الجلوس .
انا شخصياً ما عارف حدود المخرج وين !!
لكن أعتقد أنه مسؤول عن الهفوات الصغيره

[قيقراوي]

المشاركة الأصلية كتبت بواسطة النور يوسف محمد

بسم الله الرحمن الرحيم

الحلقة عموماً دون الوسط ..
الأغانى المختارة ضعيفة بالرغم من تبرير قدور بأنها تمثل فترة ..
أولاد ابراهيم عوض زيهم وزى أحفاد خلف الله حمد , ما عارفين المطلوب منهم شنو ..

المهم والذى أود أن تفيدونى فيه هو ( دور المخرج )
فى تقديرى إنو ما عامل أي كنترول ولا بصمة له على سير الحلقة ..
الإيماءات والخروج والإشارات يعالجها فقط بشيل الكاميرا ..
( المفروض يعيد اللقطه وينبه الجميع )
لو لاحظتو كيف تداخل الإعلان وقدور لم يكمل تعليقه ..

بعدين .. أليس للمخرج دور حتى فى الأزياء واللبس وتناغم الجلوس .
انا شخصياً ما عارف حدود المخرج وين !!
لكن أعتقد أنه مسؤول عن الهفوات الصغيره

اسئلة مهمة يا ريس

بالجد انا زيك اعتقد انو للمخرج الدور و الكلمة النهائية في شكلانية الظهور ..
و اعتقد انو مسئول مباشرة عن حتى لبس و مكياج الناس

و لّ شنويا الركاب ؟


-----

دي يا عمك عكود قليك واحد مجكس في الحافلة بمزااااج
اها في حتة كدا الحنك خانو .. و حس انو محتاج ( تضامن ) فواجه جمهور الحافلة بالسؤال دا .. فصارت مسلن