راكوبة المجادعات.. النمة والدوباي

[تماضر حمزة]

المشاركة الأصلية كتبت بواسطة حافظ حسن مختار

منقـة شنـدي الكلهـا طعـم وسمـاحه
الليل ديسه واشـرق وشيها صباحه
المن تبـت عشاقه ماضـاقو الراحه
متي يا تماضر تطلق لي هوانا صراحه

ريدة قلبي ياحافظ حبست سراحا
زايدالو الوله زايد رويحتي جراحا
وزايدلي السكات حارم حواسي الراحة
وأكان صرّح حكى أسع بموت بصراحة

[سارة]

المشاركة الأصلية كتبت بواسطة تماضر حمزة

أنا وبنوت هواو لي ريدو إتحارشنا
بي صرّة جبينو ونظرة منو هرشنا
آمر وناهي جالس في علالي عرشنا
أيا سجمان بريد الفي قلبنا خرشنا

انا وقلبى السقيم فى ريدو تب طمًعنا
امر وناهى فينا وبى نظرة نحنا صرعنا
يا السجمان عدوك لو مرة بس تفزعنا
زراعين ريدو جوة وبجفاهوهو مقلًعنا

وتانى كر طمطم مشتاقون والله

[حافظ حسن مختار]

المشاركة الأصلية كتبت بواسطة تماضر حمزة

ريدة قلبي ياحافظ حبست سراحا
زايدالو الوله زايد رويحتي جراحا
وزايدلي السكات حارم حواسي الراحة
وأكان صرّح حكى أسع بموت بصراحة

الغربة ي تماضر علقتني بالطوطاحة
سلبت نوم عيوني شهتني طعم الراحة
عجلان للوصول مشتــاق بكل صراحة
أشوف الفاقت الريم و الغزالة سمـاحة

[سارة]

المشاركة الأصلية كتبت بواسطة حافظ حسن مختار

الغربة ي تماضر علقتني بالطوطاحة
سلبت نوم عيوني شهتني طعم الراحة
عجلان للوصول مشتــاق بكل صراحة
أشوف الفاقت الريم و الغزالة سمـاحة

صحيح الغربة شينة ومن الجميل حرمتنى
شالت نومى عيونى وفوق الوجيع غرستنى
زى يوسف جمالو وسكين هواه جارحنى
يا جدى اب عصا الزول فراقو صرعنى

[حافظ حسن مختار]

المشاركة الأصلية كتبت بواسطة سارة

صحيح الغربة شينة ومن الجميل حرمتنى
شالت نومى عيونى وفوق الوجيع غرستنى
زى يوسف جمالو وسكين هواه جارحنى
يا جدى اب عصا الزول فراقو صرعنى

كل ما قته ألوك المرة في الغربة أتصبر
ألقاها زايدة قساوة كل يوم علي تتجبر
الخلا حالي زي حال اليتيم أنوح وأتعبر
فراق أم خديداً نايـر وماهـو مغبر

[سجمان]

المشاركة الأصلية كتبت بواسطة تماضر حمزة

أنا وبنوت هواو لي ريدو إتحارشنا
بي صرّة جبينو ونظرة منو هرشنا
آمر وناهي جالس في علالي عرشنا
أيا سجمان بريد الفي قلبنا خرشنا

دافنين سرو حول بي جيتو لينا نبشنا
والطيف في المنام زايد علينا عطشنا
يسمع فى الانين يا خنسا واطارشنا
رضيان ان بقيت جاب جاز وبيو رشرشنا

[سجمان]

الزول القبيل مرق الكلام هنضبنا
اتوعد مجينا وقبال نضربو ضربنا
جيناك بالنضم مليانا منو قربنا
همباتا وتلوب برضو السمح بطربنا

[سجمان]

تاني انشبك عقلي وسرح بي غنمو
والبال انشغل فوقو الهموم اتردمو
الخلف الوعد اسباب مجيهو وعدمو
حاميهو المروق كفلا متقل قدمو
gapgap

[سارة]

المشاركة الأصلية كتبت بواسطة سجمان

تاني انشبك عقلي وسرح بي غنمو
والبال انشغل فوقو الهموم اتردمو
الخلف الوعد اسباب مجيهو وعدمو
حاميهو المروق كفلا متقل قدمو
gapgap

تضحك سنونك مشرمات شحدت ربى عليكgapgap

هسى نعسانة بجيك الصبح تجيك ام كلعلع

[سارة]

المشاركة الأصلية كتبت بواسطة سجمان

الزول القبيل مرق الكلام هنضبنا
اتوعد مجينا وقبال نضربو ضربنا
جيناك بالنضم مليانا منو قربنا
همباتا وتلوب برضو السمح بطربنا

همباتا وتلوب وبنوفى لو واعدنا
اسياد النضم ومنو البقول بغلبنا
نفتل فى حبال صبرا عليك مانعنا
يا سجم السجم وجع الركب ما نعنا

[تماضر حمزة]

المشاركة الأصلية كتبت بواسطة سجمان

تاني انشبك عقلي وسرح بي غنمو
والبال انشغل فوقو الهموم اتردمو
الخلف الوعد اسباب مجيهو وعدمو
حاميهو المروق كفلا متقل قدمو
gapgap

[حافظ حسن مختار]

المشاركة الأصلية كتبت بواسطة سجمان

تاني انشبك عقلي وسرح بي غنمو
والبال انشغل فوقو الهموم اتردمو
الخلف الوعد اسباب مجيهو وعدمو
حاميهو المروق كفلا متقل قدمو
gapgap

قلبي مع أم سماح وعقلي طاير فر
أجابد في الحروف القلم معاي منطر
يا كافل المخاليق في البحر والبر
تهون شوفت المنها الضمير بنسر

[سجمان]

المشاركة الأصلية كتبت بواسطة سارة

تضحك سنونك مشرمات شحدت ربى عليكgapgap

هسى نعسانة بجيك الصبح تجيك ام كلعلع

البال انضهل وأنا عقلي سابو نصاحو
من فارق وشات ناساً بزيدو رباحو
عاصرني الضحك يفرد وجيهي كلاحو
لكين الشرم قالوا الضحك فضّاحوgapgap

نطلبو مجهيو كان نقدر نواجهو صباحو
يمسي الليل نخاف اتخابتن أشباحو
الزول النحر جوات وريدي رماحو
نختى الصاح عديل خوفاً نغلط صاحو

[سجمان]

المشاركة الأصلية كتبت بواسطة سارة

همباتا وتلوب وبنوفى لو واعدنا
اسياد النضم ومنو البقول بغلبنا
نفتل فى حبال صبرا عليك مانعنا
يا سجم السجم وجع الركب ما نعنا

يا طير إن مشيت شيل السلام لي أم روبة
قول ليها الحبيب في الركبة ضاربة رطوبة
الضهر إنعوج لصقو البطن مشروبة
قبال السمح لي بطانا كات حبوبة

[طارق صديق كانديك]

المشاركة الأصلية كتبت بواسطة سجمان

نطلبو مجهيو كان نقدر نواجهو صباحو
يمسي الليل نخاف اتخابتن أشباحو
الزول النحر جوات وريدي رماحو
نختى الصاح عديل خوفاً نغلط صاحو

الديش النزل سوح الرويح بسلاحو
قمبر وانشبك عاني القليب نتّاحو
كتّر عليّ الشوق هالكني بي نبّاحو
زحزحتَ الجبال ما اتزحزحن أرياحو