راكوبة المجادعات.. النمة والدوباي

[علاءالدين عبدالله الاحمر]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة سجمان
مرسولين عذر رغم اني فيو وخرت
لي زولا عزيز في حقو جد قصرت
العفو والرضا كوم الغناوي دفرت
داير من صباح ردك يجيني ،،غفرت،،

حاشاك التقصير .. سيد الكرم ..والشورة
وجنايتك كان رقبة .. والله ليك مغفـورة!
سيد نظم القوافي القصائده جت مأثـــوره
وأحسرتي على الليمبي* الطلع ماسورة! الليمبي هو فتحي مسعد

لي اسبوع تمام من العدم كوفرتا
انده في المشارفة لا زعلت لا اتنفرت
في شان الدمج كم من قوافي دفرت
من اليوم خلاص مشرفنا بيهو كفرت

مبروك علينا الدمج .. يا سيد القوافـــــي
يا أب قلبا محدثه .. وديمة رائق وصافي
ماتكفر بمشرفنا وما تبقى طبعك جافــــي
ريدنا ليكم والله زي .. زولا .. خرافــــــي

الروراي اخوي الزول اقرب اصنجو
لي اسبوع تمام انا بوستي كايس دمجو
مشرف حوارنا لو ما يفيق من بنجو
باكر من صباح قايم برايا اخمجو

أهو زولنا خاف منك والدمج سواهو ..
تلقاهو قال السجمان أخير .. أختاهو ..
باقي لينا موجة كان تخاف تخشاهو ..
نلقى سيرتنا.. في الفيسبوك والياهو

تركشنالك طواقي .... بعد العمم انفردو
تختاك الشينة مافيك سيرة القندو
طلبك ماغلي علي المشرف موجود عندو
بس قولك شنهو في سجمان بكابد وجدو
العشق عشش فيه يوت خلاه نادم سقدو
فرد تبروقو ولالوبتو كرهت يدو
وابريقو انجدع ألفيه فات من حدو
الكع بسراع قبل الشوق مايهردو

[أبو أماني]

اقتباس:
المشاركة الأصلية كتبت بواسطة علاءالدين عبدالله الاحمر
تركشنالك طواقي .... بعد العمم انفردو
تختاك الشينة مافيك سيرة القندو
طلبك ماغلي علي المشرف موجود عندو
بس قولك شنهو في سجمان بكابد وجدو
العشق عشش فيه يوت خلاه نادم سقدو
فرد تبروقو ولالوبتو كرهت يدو
وابريقو انجدع ألفيه فات من حدو
الكع بسراع قبل الشوق مايهردو

علاء الدين هوي السجمان لاتشيل حالو
وإت براك خابر .. كل العباد تحجالو..
عيشة من غير عشق كيفن عاد بتبقالــو
ماشفت طلت الظبئ حالا تقلبن حــالـو؟!
***
نصيحتي ليك أخوي أخوك دحين أرتالو !
وكان ما قّدرت أخير تسيبو في .. حـــــالو
وين نلقى القصيد كان .. ما أخد شباله؟؟
فوق درب الحبيب كان (ليبي) يسكن جالو

***

[علاءالدين عبدالله الاحمر]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة علاءالدين عبدالله الاحمر
تركشنالك طواقي .... بعد العمم انفردو
تختاك الشينة مافيك سيرة القندو
طلبك ماغلي علي المشرف موجود عندو
بس قولك شنهو في سجمان بكابد وجدو
العشق عشش فيه يوت خلاه نادم سقدو
فرد تبروقو ولالوبتو كرهت يدو
وابريقو انجدع ألفيه فات من حدو
الكع بسراع قبل الشوق مايهردو

علاء الدين هوي السجمان لاتشيل حالو
وإت براك خابر .. كل العباد تحجالو..
عيشة من غير عشق كيفن عاد بتبقالــو
ماشفت طلت الظبئ حالا تقلبن حــالـو؟!
***
نصيحتي ليك أخوي أخوك دحين أرتالو !
وكان ما قّدرت أخير تسيبو في .. حـــــالو
وين نلقى القصيد كان .. ما أخد شباله؟؟
فوق درب الحبيب كان (ليبي) يسكن جالو

***

نصحك جانا باسم ذي النسيم بشويش
راجعنا دوباينا الهدبو ما رميش
ولقيناك زول بقربو مابرضي لي الهبيش
يذيدكم الله صحبة مايصيبكم الرشريش

[علاءالدين عبدالله الاحمر]

سجمان ما تشوف ذمن صفاك مايتكدر
وشن فايدت قلب مافيه بت تتبختر
والشوق كمهو فيه المدامع تكتر
والليل ماحلو لو مافيه طيف بيسهر

*****
فيك الضمير صافي ضحكة ودوام تتمد
رايقات جداول عشقك حاشاك مابتنصد

[سجمان]

المشاركة الأصلية كتبت بواسطة أبو أماني

اقتباس:



حاشاك التقصير .. سيد الكرم ..والشورة
وجنايتك كان رقبة .. والله ليك مغفـورة!
سيد نظم القوافي القصائده جت مأثـــوره
وأحسرتي على الليمبي* الطلع ماسورة!


مبروك علينا الدمج .. يا سيد القوافـــــي
يا أب قلبا محدثه .. وديمة رائق وصافي
ماتكفر بمشرفنا وما تبقى طبعك جافــــي
ريدنا ليكم والله زي .. زولا .. خرافــــــي


أهو زولنا خاف منك والدمج سواهو ..
تلقاهو قال السجمان أخير .. أختاهو ..
باقي لينا موجة كان تخاف تخشاهو ..
نلقى سيرتنا.. في الفيسبوك والياهو

[/I]

يا خل الحديث زي الزخيرة مروقو
وكتين يتل صعباً يعود لي طروقو
زرعك يالحبيب حسنت ليو ماروقو
أخرج شطأه واستوى جرنك مرق في سوقو

[علاءالدين عبدالله الاحمر]

لايكني الصبر كدير شاويني من غير جمر
عاصرني الوجع علي شقي الانكسر
عضمي ألما احتمل تقل يوما لازما يمر
عقلي الجمد في صقيع مأسوحو حر

[سجمان]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة علاءالدين عبدالله الاحمر
تركشنالك طواقي .... بعد العمم انفردو
تختاك الشينة مافيك سيرة القندو
طلبك ماغلي علي المشرف موجود عندو
بس قولك شنهو في سجمان بكابد وجدو
العشق عشش فيه يوت خلاه نادم سقدو
فرد تبروقو ولالوبتو كرهت يدو
وابريقو انجدع ألفيه فات من حدو
الكع بسراع قبل الشوق مايهردو

علاء الدين هوي السجمان لاتشيل حالو
وإت براك خابر .. كل العباد تحجالو..
عيشة من غير عشق كيفن عاد بتبقالــو
ماشفت طلت الظبئ حالا تقلبن حــالـو؟!
***
نصيحتي ليك أخوي أخوك دحين أرتالو !
وكان ما قّدرت أخير تسيبو في .. حـــــالو
وين نلقى القصيد كان .. ما أخد شباله؟؟
فوق درب الحبيب كان (ليبي) يسكن جالو

***

السجمان أخوي حالتو العليو مربوكة
ما يسمعلو طار في الحلة أو دلوكة
يبراها التقول ساكنو بي سلوكة
ومن أمات ضمير بي نظرة راح في دوكة

[علاءالدين عبدالله الاحمر]

المشاركة الأصلية كتبت بواسطة سجمان

السجمان أخوي حالتو العليو مربوكة
ما يسمعلو طار في الحلة أو دلوكة
يبراها التقول ساكنو بي سلوكة
ومن أمات ضمير بي نظرة راح في دوكة

بالحيل ماك هوين صبي تربايت أبوكة
طارك دقات قلبك تبري من السلوكة
وكان لي أمات ضمير شافنك قلبن الدوكة
بريقك لسة في نجمك حدا الشافوكا

[سجمان]

المشاركة الأصلية كتبت بواسطة علاءالدين عبدالله الاحمر

سجمان ما تشوف ذمن صفاك مايتكدر
وشن فايدت قلب مافيه بت تتبختر
والشوق كمهو فيه المدامع تكتر
والليل ماحلو لو مافيه طيف بيسهر

*****
فيك الضمير صافي ضحكة ودوام تتمد
رايقات جداول عشقك حاشاك مابتنصد

فارقنا زمن الروقة وأصبح مزاجنا مكدّر
نصحى من الصباح نلقى الفرح جت سدّر
اللابس القناعة وتوب حياهو مشدّر
هارد جتتي وباقي العقل لي ودر

[سجمان]

المشاركة الأصلية كتبت بواسطة علاءالدين عبدالله الاحمر

لايكني الصبر كدير شاويني من غير جمر
عاصرني الوجع علي شقي الانكسر
عضمي ألما احتمل تقل يوما لازما يمر
عقلي الجمد في صقيع مأسوحو حر

كازاني الزمن ودّر سنين الروقة
أمضغ في الألم والجتة جت محروقة
يا خلي الشمش ضنّت علي بي شروقة
والدنيا أم قدود قافلات تملي طروقة

[سجمان]

المشاركة الأصلية كتبت بواسطة علاءالدين عبدالله الاحمر

بالحيل ماك هوين صبي تربايت أبوكة
طارك دقات قلبك تبري من السلوكة
وكان لي أمات ضمير شافنك قلبن الدوكة
بريقك لسة في نجمك حدا الشافوكا

ودرني الطويل ومن الوسط مبرود
يمسي الليل علي وأنا بالفراق ميرود
قميصي صار من ريد، الصادني بالبارود
ناصح من قُبُل ومن دبر مقدود

[علاءالدين عبدالله الاحمر]

المشاركة الأصلية كتبت بواسطة سجمان

ودرني الطويل ومن الوسط مبرود
يمسي الليل علي وأنا بالفراق ميرود
قميصي صار من ريد، الصادني بالبارود
ناصح من قُبُل ومن دبر مقدود

ما انقدة غير فال شوم علي المريود
ليلك يسعد بيك تسلم من البارود
وكان للقميص ماضراك ياقلب الدود
أسدا في الريد ماك قليل مردود

[أبو أماني]

اقتباس:
المشاركة الأصلية كتبت بواسطة سجمان
السجمان أخوي حالتو العليو مربوكة
ما يسمعلو طار في الحلة أو دلوكة
يبراها التقول ساكنو بي سلوكة
ومن أمات ضمير بي نظرة راح في دوكة

سمعتك دهب مجمر ماجاتنا سيرة شينة
حولك حسان يتساقطن مافوقهن الشينة
أكان اللبارح أنحنا في الكــورة إترشينا!
تكفينا بطولاتك في الطاولة والكشتينة..

علاء الدين ياخ باقي سجمانا فقد دليلو
شايفو يجقلب .. سامع وحيحو ومليلـو
يا موجة الدمج كان عشانك دحين أرتيلو
ومن جميل نظمك أديهو.. لو نص كيلو!

[علاءالدين عبدالله الاحمر]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة سجمان
السجمان أخوي حالتو العليو مربوكة
ما يسمعلو طار في الحلة أو دلوكة
يبراها التقول ساكنو بي سلوكة
ومن أمات ضمير بي نظرة راح في دوكة

سمعتك دهب مجمر ماجاتنا سيرة شينة
حولك حسان يتساقطن مافوقهن الشينة
أكان اللبارح أنحنا في الكــورة إترشينا!
تكفينا بطولاتك في الطاولة والكشتينة..

علاء الدين ياخ باقي سجمانا فقد دليلو
شايفو يجقلب .. سامع وحيحو ومليلـو
يا موجة الدمج كان عشانك دحين أرتيلو
ومن جميل نظمك أديهو.. لو نص كيلو!

سجمان بالطن ياخد ما غلا الألماس
وباكر بختو ينعدل ترفع أيديه الكاس
ماكاس سجم يعفن الأنفاس
يأابواماني بالحيل نظمك يعدل الراس
كيفني النظم ورتب الاجراس
ودور فيني بابورا في الجعرة مابنقاس
كيتا علي الصهاينة ممتازنا نجيبو دواس
وكان لسيدا ماسورة كابة في ساس
لوفيهو فايدة لشطبو ماكان كاس
بس حكمة الله نفاياتنا تبقي مداس
لو سجمان ورقو قافل ضرب خمسين بالاس
أكيد الريدة كانت جوكر ماتسمية انجاس

[علاءالدين عبدالله الاحمر]

الليلة الحريق دور والقفلة من توزيعة
سجمان يا اخوي بت الهارت ماترمي في جيهة
البايظ خلو دو ماترقي زولا عيفة
الكيشة دقو دقة قطن بصريفة
وأعقب بالضحك وكتر تجيب الغيظة
لوسرقت أسرق بت الهارتي ماتسيبة
الخرخارين لوسبقوك لنومك قوم سريعة
وأوعك من الأسود بيتكل تكل زريقة
حظك كان بسم حتي الحبيبة تجيبة
وغناك يبقي شجن مساديرا مافي شبيهة
وترقد علي قفاك باسم طيفا تجيك حبيبة
وتمسح علي شعرك بسمتك تضوي رهيفة