ود مدني

[بدر الطائف]

المشاركة الأصلية كتبت بواسطة بابكر عباس

لا حبذا انت يا أم درمان من بلد
أمطرتني نكدا لا زارك المطر
محمد الواثق


مدني بعيون زائر إيطالي في حدود سنة (1830):

ريتشارد هيل مؤرخ أوربي نشر كتاب بعنوان "على تخوم العالم الاسلامي"، الجزء الأول منه عبارة عن مذكرات شخصية لمواطن ايطالي زار السودان في حدود 1830م و وصف مدني بأنها:
تقع في منخفض شبة جزيرة سنار على الضفة الغربية للنيل الأزرق.

معظم بيوت الأهالي من الطين و القش.

تظل مياه الأمطار متجمعة في برك آسنة لمدة طويلة بعد موسم الأمطار (لسؤ التصريف الطبيعي) مما يؤدي لتكاثر البعوض و انتشار الأمراض المعدية.

يقوم معظم الأهالي بقضاء حاجتهم على ضفاف النيل...
عشان كدة القعاد على الشاطئ بيكون صعب خلاص و خاصة باليل

المدينة بصفة عامة قذرة الي حد البشاعة.

يعني المدينة التي أسسها الشيخ محمد ود مدني السني قبل مئات السنين من هذا التاريخ يقال عليها إجمالا " قذرة الى حد البشاعة. مما يعني أن المجهود البشري المادي الذي بذل خلال تلك الحقبة ضعيف جدا و غير معنوي.

احد وجهاء ودمدنى وبعد عودته من برطانيا والتى جلس بها فترة طويلة من الزمان ذهب الى اصحابه وهو يبكى بعد جولته فى سوق المدينه .
فسالوه مالك يا دكتور الحاصل شنو ؟
فاجابهم لقيت الناس لسه بتتبرز فى الشارع .
هسع يا بابكر زولك الايطالى ده بعد182 سنه واذا هو لسه عايش كان حا يقول شنو.

[عصام محمد الحسن]

زرت مدني قبل حوالي شهرين من الآن بعد فترة إنقطاع عنها وعن البلد لأكثر من سبعة سنوات ، حزين حزين حزين لما آل إليه حال هذه المدينة العظيمة صارت عبارة عن مدينة أشباح ، تردي في كل شئ لن أستطيع أن احدد شئ معين كل شئ .. كل شئ في مدني متدهور وللعلم أنا لا أتحدث عن شئ جديد يفترض أن يحدث فيها ولكن التردي حدث في البنية القديمة.

[عصام محمد الحسن]

أغلب أهل مدني إستبشروا خيراً عندما تم تعيين عبد الرحمن سر الختم والياً علي ولاية الجزيرة فقط لأنه من (أولاد مدني) كان العشم أن يهتم بها ويرتقي بالخدمات ويضيف إليها ولكنه للأسف الشديد أخذ منها وأوصلها إلي ما هي عليه الآن خرج منها وأخيه يمتلك منتجع ضخم (كاسر).

[عصام محمد الحسن]

المشاركة الأصلية كتبت بواسطة عصام محمد الحسن

تحياتي للعزيز رأفت ميلاد



جعفر ابراهيم سيداحمد (جيفارا) ده شخصية مباااالغة ... شاعر من طراز فريد من النوع البتلقاهو يكتب ويعفص الورق ويرميهو جنبو لحدي ما يبقي تل ... وعندو أغاني كتيرة أغلبا غناها أخوهو الاكبر رحمة الله عليه السر ابراهيم.
شكينيبة ده لقب اخوهو الاكبر منو أحمد. طبعا جيفارا إشتغل في الجمارك ووصل لحدي رتبة عقيد ونزلوهو الصالح العام وشغلو في الجمارك مليان بالقصص والحكاوي والطرائف وهو زول مصادم جدا جدا ونزيه لي حد العباطة .. في فترة كان مسئول من جمارك حنتوب .. التجار رسلو لي اهلو قالو ليهم الزول ده بنقتلو ليكم... ده طبعا بعد ما اعيتهم الحيلة معاهو.
غايتو الكلام عن جيفارا وقصصو ما بتنتهي ... لو عاينتا ليهو هسي بتلقي سنونو القدام مكسرة ... كسروها ليهو ناس الامن بتاع نميري .. لانو كان مصادم ولديح.

جعفر جيفارا مشهور بأنه لا يؤمن بالمواصلات العامة ... كداري بس .. يفرك الشوارع فركاً ... من حلة حسن لحدي البيان وود كنان كداري .. وبالعكس .. بي مكافأة الصالح العام ... إشتري دفار .. قبل فترة الدفار اتقلب بيهو .. عمل حادث .. الدفار اتلجن .. وهو طلع بي قدرة قادر... يمكن عمنا رأفت (يحمدل ليهو السلامة)

[عصام محمد الحسن]

أحرف جناح في السودان
احمد حامد لاعب الاهلي
مدني والفريق القومي
(الأول من اليمين)

في احدى لقاءات المريخ واهلي مدني .. في استاد مدني
ناس المريخ كانوا خايفين من احمد حامد خوف شديد ..
طلبو من باك المريخ كاوندا من اول كورة يطلعوا برا

اول كورة مشتركة الناس تلقي ليك رجلين كاوندا الاتنين
معلقين في السلك الشايك .. ده طبعاً بعد ما حاول كاوندا
يعطل الجناح الطاير احمد حامد ... الكورة وقفت حوالي
ربع ساعة عشان يطلعوا رجلين كاوندا من الشبك.

[أسامة الكاشف]

تحياتي للجميع

كان شهرتو "دبويه"

تسلموا