راكوبة المجادعات.. النمة والدوباي

[سجمان]

المشاركة الأصلية كتبت بواسطة مهند الجيلي بادي

وعدت وقلت راجع للمراتع صادي
طولت الرجوع بس تب حمني أوتادي
عافر فيهن الممكن وجيتكن غادي
شوق للنمة والربقي وخسايل اندادي


مرفق :
كل الود
بــادي

تاني انصنج قلبي وسرح بي غنمو
والبال انضهل فوقو الهموم انردمو
المانع وصال البين ارايكو وخدمو
حاميهو المروق كفلاً متقِّل قدمو

[سجمان]

المشاركة الأصلية كتبت بواسطة عبدالله علي موسى

لين عودو زي فرخ الحمام دوب ماشي
حسنو طبيعي ما جلط المسوح الواشي
أب صوتاً متل نغم الدباس الناشي
بسمة فاطره تقطع بالدلع فشفاشي

المن فومو صار داك الهدل عنقودو
ضميراً رق زي نالاً مبربح عودو
حين قام الكفل كالتابعوهو جنودو
شن تشبه بلا الفوق الفساقي ورودو

[سجمان]

كيف التوبة من زولاً سرح بي عقلي
ريق فاطرو المتل بن الحبوش المقلي
لو طيف المنام في وصلو يتسارقلي
ممنون للجليل كان بي لقاو وفقلي

[سجمان]

سفاية ورمض خلوك عجاجك اضَرّي
راكوبة النميم يا اللي دوام بتسري
العَمَرو الديار شالوكي جوي وبري
هجو من البلد خلو الفكر متعري

وين جُلاس هواك الديمة عمرو الساحة
أهل الراكوبة وين الديمة زانو وشاحا
وين ندما النميم بينم شربنا الراحة
للسادرين عموم بالشوق عيون نضاحة

[سجمان]

لاح لي الخيال جافن عيوني الغمدة
من زول السكن داخل بيوت العمدة
شبه الفلو الناير جسيمو بـ يندا
كلما اشتاق طيوفو بتناوم عليهن عمدا

[سجمان]

يطارش نداي كلما سمعني أهوقي
مضمور الحشا الطلق اللهايب فوقي
الخلاني ساهي وقللت منو مروقي
الدودرتو ياما وقمحان يعود سفروقي

[سجمان]

النسّام برد وأنا قلبي زاد في وحيحو
من الديسا سارح فترانة من تسريحو
رجيهو الكجر يوفيني بي تسريحو
يلفى الهودة من وعقلي من تسريحو

[سجمان]

جيت من لا صباح شايل الكلام متوجب
أكالم في العدم يا ربي واحداً إ عقّب
درفون الحُفَر من قام سغير متحجب
الصادف نصالو بتعيقو كان مُتحجب

[فخري الزين]

المشاركة الأصلية كتبت بواسطة سجمان

[SIZE="5"]النسّام برد وأنا قلبي زاد في وحيحو
من الديسا سارح فترانة من تسريحو
رجيهو الكجر يوفيني بي تسريحو
يلفى الهودة من وعقلي من تسريحو[/ا
SIZE]

النسام هب جابلي ريحة المحبوب
وطراني المقسم من راسو للعرقوب
السبب المسهرني وجايب حظي بالمقلوب
فراق زولي الصبرت معاهو صبر ايوب

[فخري الزين]

قدر ماجابدتك يالمنام تطش تابالي
وقدر مااقول اتوب الغرام يحلالي
السبب المدردني ومبشتن حالي
فراق المفدع وجبينو نورو يلالي

[حافظ حسن مختار]

المشاركة الأصلية كتبت بواسطة سجمان

وين جُلاس هواك الديمة عمرو الساحة
أهل الراكوبة وين الديمة زانو وشاحا
وين ندما النميم بينم شربنا الراحة
للسادرين عموم بالشوق عيون نضاحة

سجمان الغربة علقتني بالطوطاحة

ومن كيمان همومو قلبي دارلو جراحة
بدور القُـومة يا خوي للبلد والساحة
أصابحالفاقت الريم والغزالة سماحة

[أبو أماني]

المشاركة الأصلية كتبت بواسطة سجمان

يطارش نداي كلما سمعني أهوقي
مضمور الحشا الطلق اللهايب فوقي
الخلاني ساهي وقللت منو مروقي
الدودرتو ياما وقمحان يعود سفروقي

مطنش كلامي تب ما بيجيب .. روقي
متجاهل مشاعري وريدتي لي وشوقي
بديسو المكنتل .. كب الســواد فوقــي
خلاني زي(قمرية) فوق الفرع بتقوقي

[هيفاء عبدالستار]

المشاركة الأصلية كتبت بواسطة سجمان

يطارش نداي كلما سمعني أهوقي
مضمور الحشا الطلق اللهايب فوقي
الخلاني ساهي وقللت منو مروقي
الدودرتو ياما وقمحان يعود سفروقي

الخابرهواي عارفني فاض بي شوقي..
من نيران بعادو العلّبن بي فوقي ..
بنوت الفريق ادّرّعن معشوقي ..
اصبح بالنويح ابكي اصيح واقوقي..

[علاءالدين عبدالله الاحمر]

المشاركة الأصلية كتبت بواسطة جيجي

حليل الراكوبة وكت بيقدل تحتها سجمان وكانديك
ومي هاشم وتماضر يزغردن

هسي شوف عينت التقليل من وجود البعض وتمجيد أخرين دون مرعاة لما قد يؤلم بس سودانيات الفكرة افضل من النظر لمصل هذا

[أبو أماني]

المشاركة الأصلية كتبت بواسطة علاءالدين عبدالله الاحمر

هسي شوف عينت التقليل من وجود البعض وتمجيد أخرين دون مرعاة لما قد يؤلم بس سودانيات الفكرة افضل من النظر لمصل هذا

البلبل الغريد بالراكوبة ..علاء .. ما تأخذ الأشياء موقف حاد لا يستحق ولا يرتقي لمستوى الحدث أو مستواك السامي .. فالغرض من راكوبتنا هذه مجادعة ومناكفة البعض والفشر الفوق المغطى ومغرق شطة وهو بلسم يشفى جراحا لا يقدر على معالجتها أمهر الجراحين لكي نخرج من هذا النمط وننشط ملكاتنا ومساديرنا .. أقترح بدل الغزل النسائي حقوا نقصد (عازة .. التي فراقنا منها قد طال ..وسال سيل الدمع هطال ).. ونحن نشاهدها ثكلى بلا وجيع تدفن رفاة هذا في مظاهرة (سلمية) وتخسر ذاك لآنه قال لا .. ويذهب آخر (وراء الشمس ) لقوله ..(بغم)!! أما من قال البغلة في الإبريق .. فأن أمه قد جفت دموعها ..اثق في مكاتك الرصينة فلماذا لا تفرع لنا مسدارا يشعلل نيران الخوالدة ويحول مسار البوست الرائع..؟؟.. وأنت لها يا بن الأحمر ...