اقتباس:
المشاركة الأصلية كتبت بواسطة بسمله
شمار : يعنى خبر كدا يرضى فضولك من غير ما يكون عندك فيهو لا يد لا كراع
كراع : يعنى رجل ... هنا مقصود بيها رجل انسان
و الله الليمون كان مهم غايتو لكن مافى مشكله بالمناسبه انت من الشبارقه الى هى جنب مدنى و لا ديك شبارقه تانيه ؟ |
1- الشمار معروف وكان أهلنا زمان بيقولوا ...الموضوع ده راح شمار في مرقه يعنى راح ساكت ..والمرقه لما تكون ماها طاعمه يقولوا ليك أديها شمار (عشان تطعم) وبرضو ما بتطعم !!!
ومصطلح شمار بتاعكم ده (وبالمناسبة هي أصلاً شغل نسوان ) وهو تصليح الخبر وتظبيطه مع بعض الإضافات الجانبية (لزوم التشويق) مع زيادته طبعا ً بالشد والمط
وبقي الشمار داخل في كل حاجة من الشمار السياسي إلى الشمار الإقتصادي والشمار الإجتماعي وهلم جرا.
2- كراع : يعنى رجل ..رجل ولا إمرأة ؟ ههههههه
تشكيل الحروف مهم جدً في هذا البوست العجيب .. وبالمناسبة كراع كلمة عربية فصحى ولكن للأسف خاصة بالحيوان فقط
3- نعم الشبارقة جنب مدني ...رفعتي معنوياتي ...أول مره ألقى زول في البوست ده وبيعرف الشبارقة.. كتر خيرك ..إنتي من وين؟
4- يجب عليك المرور على جميع المداخلات السابقة في هذا البوست عشان ما تجيبي لينا كلمة تم شرحها من قبل .. وتسلمي يا الغالية
