اقتباس:
المشاركة الأصلية كتبت بواسطة محسن خالد
متأكّدة من الكلام دا يا سناء؟
يستحيل تضيع، تراميز الأبداد بتقول الفكرة لا تهلك، بتكون قاعدة وحايمة في مثل بهنا، في حجوة بهناك، مداعاة بجاي، قاااعدة، ما لم تكن واحدة ومتطابقة مع القبطية، وهذا هو الفرض الوحيد الذي سيجعلها غير موجودة أو راحت.
كدي اسألي
|
لا ما متاكده والكلام ده انا جبتو من المنتدى النوبي وفعلا انا سالت وفي ناس كلمتهم قالوا حيسالوا الناس الكبار ويردوا علي.
صديقي الفنان والباحث النوبي مكي علي ادريس عنده قاموس تحت الطبع وملحمه نوبيه تحت الطبع. و هو نوبي كامل الدسم ومن الناس البيكتبوا ويقروا باللغه النوبيه بس في مشكلة في التواصل معاه وانا من رجعت من السودان في فبراير 2010 ما لميت فيه ولا مره وتليفونه يا مغلق يا طاشي شبكه يا هو نائم. بس خضر حسين ساكن قريب منه وممكن يجيب لينا النجيضه وفي برضو الباحث النوبي الهادي حسن احمد هاشم والكنداكه النوبيه ماما سعاد-سعاد ابراهيم احمد برضو محت اميتها وبتقرا وتكتب بالنوبيه.
انا حاجتهد واجيب ليك البقدر عليهو في اقرب فرصه.
للاسف انا اميه في الكتابه والقرايه باللغه النوبيه , لكن الحمد لله في الكلام لبلب بس نحنا جيلنا لما جينا لقينا الايام والشهور وحاجات كتيره بالعربيه وحتى الاغاني النوبيه لو لاحظت بتلقى فيها كلمات عربيه.
على جنب
انت في لندن ؟
ممكن اعمل ليك لنك مع ناس ممكن يفيدوك جدا
