اقتباس:
المشاركة الأصلية كتبت بواسطة منال
برضو ما بعرف الاقتباسات النتعددة
ويا سجمان كلما اقرأ هنا - اقول ناس السودان معذورين ياخ البحر قايم و كدا
وبدل ما نطقع الشارع ... نفلع البورد
هوى هو الشارع ماشى لوين ... هكذا غنوا ناس عقد الجلاد زمان كده لامن كانو بغنوا لناس الشارع
لكن ناس الخارج ديل مالم رمضان ما بسوى دا كل يوم متلبين بحاجات كتيرة وكبيرة يبلزونا بيها و همن كان عارفين نحن ما قادرين نبل الابرى ( ايوة نحن خطاب جمعى) فما تعطشونا يا ناس الجيلى 
فخلونا نجى نخستك و نفتل
ومرات نكورك و نبكى
مش قلت حسب ذهنيتنا و شنو داك الما بجيب سيرتو
وقصدى برضو النفس الحار ده خلقه ما بنفع معانا
وقومة النفس بتجيب هارت اتاكت
وصعب كاير نخلى النفس الحااااااااااااار
ومسعلتنا بسيطة أكان قدرنا نقتنع انو ده منبر حسب تعريفه
منبر سودانيات هو منبر وطني وقومي ديمقراطي تم إنشائه فى 03 يونيو 2004.
ديمقراطى رغم انف الحانقين و الساخطين على الديمقراطيه
والباكين على الانظمة و طريقة تعاملنا مع النظام وع طول ما بندوروا اى النظام حتى فى الكلام تكنو النسعلة ورجقة سااااى
ونهاجم و نشجب وشنو كدا
و ليه ده كلو
لانو حلمنا كبير جدن
وطموحنا وثاب
وفكرنا خلاق
ودمغانا مليان لامن ما قادرين نكبو كويس ههههههههه
وناسين انو ده منبر للرأى و الرأى الاخر |
منال سلاماتنا..
يالساكنين مساماتنا
وبي مناسبة المسامات دي رمضان كريم وطبعاً عارفة مسألة المسامات دي مع رمضان..
وبالمناسبة رمضان الناس البرا أحرّ من الجوة.. ودا ماب تعرفيهو إلا تجريبيهو أسأليني أنا الجربت الصيامين..
ثم إنو الماب تجيبو سيرتو داك
بدأ يتملكنا في هذه الأونة من المشاهدات والقراءات العجيبة فكونوا الواحد يجدع ليهو وجلة هنا ما شرط تجيب الغاتس أهو علي الأقل لو حركت الموية ساكت بنقول كفا..
كافراد مساهماتنا في الحياة دي قليلة جداً (الجمع دا حقي براي) بمنظور إنو الواحد ممكن يصبح ميت.. قد يفتقده البعض الأقارب والذين يعرفونه وسرعان ما ينسى..
هل تأثرت عجلة الحياة بفقد هذه المساهمة لا.. إذاً فالمساهمة قليلة فدعينا نؤمن بهذا ثم ننطلق في هذه الحياة..
ودي؛؛
