اقتباس:
المشاركة الأصلية كتبت بواسطة ام التيمان
اذا كنا بنستورد اى حاجة سمحة و جيدة الصنع من الابرة حتى الطيارة
من القمح حتى الفواكة
ومن الاستاذ و الدكتور و المهندس البروفسير
و اللاعب و المدرب من الخارج
نحل المشكلة مرة واحدة و نستورد رئيس للسودان
اولآ بكون محايد
صادق
امين
و عادل
و ممكن نغيرو متى ما اردنا ذلك
|
أم التيمان يا لذيذة بالجد الازمة أزمة قادة
بس تعالي هنا!!! نستورد ريس ليه؟؟؟؟ أنحنا لسه ما أخدنا فرصة!!!
يا بت نحن حفيدات الكنداكات ديييك ناس أماني شخيتا وناس أماني ريناس الاسرت قايد الرومان تقوليلي شنو تقوليلي منو!! أخوانا ديل كفاهم يطلعوا منها ... ويخلوها لينا وأنا بيني وبينك و(ما تكلمي زول) شايفة المجتمع ماشي (متحول أمومي )وشايفة الرجاجيل أكترهم كبوا الهم للمرأة وهربوا ... أها كان (مسكناها) بنرتبا ليهم !!! زي ما بنرتب ليهم البيوت وبشرط نمسك الميزانية نحنا!! ونحنا نوزع الفرص!! أي وزير عندو فترة تجريبية سنة وااااحدة مانفع يرجع يدير البيت ويمسك الاولاد تجي مرتو !! وهكذا !!!!
