الاغنيه الكارثه ..اهى صوره اختك جوه جيبى انا ..

[همس الشوق]

ههههههههههههههههههههههههههههههه

قرقاش ما اجمل حكيك

كيف ومعاك طارق

لكما التحيه

[قرقاش]

شكرا على الزغرده ... ياهمس
كترى من النوع ده وانا ح اعمل ليك فيها جاكى شان ..
طارق وديع مسالم ...الخوف من المافيا تبعه

[همس الشوق]

المشاركة الأصلية كتبت بواسطة قرقاش

شكرا على الزغرده ... ياهمس
كترى من النوع ده وانا ح اعمل ليك فيها جاكى شان ..
طارق وديع مسالم ...الخوف من المافيا تبعه

لو غردتي بتكيفك بكتر ليك منها

بس انا جاكي ما بنفعني

اخير لي ناس أومحمد واخوانه

لاني اتقطر سودانية

كلمني في أضاني المافيا ديل منو

[قرقاش]

اسمك عسل ياشوق
طبعا غير قصر الشوق بتاعت عمنا نجيب محفوظ ..اظنه ..الفارس الراحل اسامه انور عكاشه ...كانت احدى بطلاته اسمها شوق ..
تنقصنى التفاصيل ..
اما جاكى شان ..طالما انه ماعجبك ...انشاء الله يطير ويقع البير الصينى اب عيونا مشر طات..مش الدقه ولدنا ادروب..لمن ادروب نطه فوقه وخنق وابى يقوم منه ..والحجازين يبادروب فكه وهو يقول ليهم . ..بتير .بتير بتير..
بس عشان ماعاجبك ..
اما .. المافيا ..وبتعين المافيا ..تلقيهم لابسين نظارات سوداء ورافعين لياقه البالطو ..وقيل ان اسمه البردلوبه لحدى نص الخد..وقيل ان اسمها الجضوم او الكضوم .. والواحد فيهم تلقيه لابس نظاره سوداء ومدنقر فى الواطه ..
طبعا اول واحد عمل مافيوسو فى الثلاثيه الشهيره ...اخونا فى الله مارلون برادنو ..بالله شفتى كان خاتى السفه كيف...؟ .ديشكك ...مش عشان كان عنده وجع ضرس ولا حاجه ..ابدا شفتنه ومافيوسو ساكت .. وطبعا مارلون برانده كمان كان عند تيمان فى الفلم ..وهو غايتو عمل الجزء الاول .. الجزء التانى ..عملوا الباتشينو ..وياعينى على الباتشينو ..طوالى كان متنرفز ..لمن عمل الشيخ النرفزاوى ظاطو ....تصدقى برضه سحبوا الكوبس تانى ..

[طارق الحسن محمد]

المشاركة الأصلية كتبت بواسطة قرقاش

طارق ياحبيب ..برافو 000 والف شكر
ياخوى علمنى حكايه تنزيل الصوت دى للكمبيوتر ...الله يعطيك الف عافيه ... الفيديوة واليوتيوب انا عارفهم ..يعنى ما تقعد تحندكنا ...شايف شلتك الكايس لى صعوط والمدبرس ..ربنا يرجعم بالسلامه ... وزى ماقال فرفور ...خليك كده ...ومافى اجمل من كده ..
شفيقه ومتولى النزلته انته ده ..ماهيه الاصليه .. ده واحد بقلد حسن حفنى ..وبهدل الاغنيه الله يسامحه ..اسمعها عند سيدها الاصلى وح تعيط..
على فكره عندنا واحد قالوا ليه ..الحق بتك عملت فيها شفيقه يلا اعمل متولى و قوم اضبحها ..قال ليهم اضبحها ليه ..مااشخلها شلوخ الناس الما بنريدهم ديك وافكها فى الشارع ..

[طارق الحسن محمد]

]

[طارق الحسن محمد]

[طارق الحسن محمد]

[قرقاش]

طارق الحبيب ..اهو كده ..دخلت فى خانه من علمنى حرفا ...لك الشكر
عموما مقبوله حكايه الدرس الخاص دى ..
واهو علمتنا طريقه جديده ( للرفع ) ..
ربنا ي ( رفعك ) ويعلى مراتبك
مره اخرى لك كل احترامى ..

[قرقاش]

عفوا الهدف ادناه

[قرقاش]

[media]http://www.sudanyat.org/upload/uploads/shafiga1.mp3[/media]

[قرقاش]

الحبيب طارق ..هنا الجزء الثانى من الاغنيه ..
عموما تلميذك ..
[media]http://www.sudanyat.org/upload/uploads/shafiga2.mp3[/media]

[نادر المهاجر]

الحبايب قرقاش وطارق جاني احساس وانتوا سايقين البوست دة بي مذاج كأنو
قرقاش سايق جرار في طريق الخرطوم بورسودان وكارلوس قاعد
جنبوا مستمع ومشارك . والدنيا خريف والنسيم ينعش الروح.
الحبيب قرقاش سردك حلو وما بنفات ومعلومات جميلة تبحت جوة الوجدان. بس اياك تخلي كارلوس يقعد ويمسك الطارة
والا والله الجرار ما نلم فيهو ..

[قرقاش]

شكرا نادر ..
يعنى برضه كارلوس . ادانا حصه مفيده ..ما بنتنكرها
... ولقد ذكرتنى ماكتبه صاحب سياره امريكى فى زجاج سيارته الخلفى ...
كتب الرجل وباللغه الانجليزيه ....
انا الامك قالت ليك ماتباريه ..
امى عايشه الله يطول فى عمرها ...
وبرضه بقول ليها وليك حاضر ..يانادر وربنا يرد غربتك ..غانم وسالم... وكل الحبايب ...

[قرقاش]

كنت ابحث عن كلمات قصيده سبق لى الاشاره الى اليها فى منتدانا .لارد بها على الحبيب عسوم ...فوجدت هذا البوست الجميل لشخصى ..وقلت ارفعه من جديد ...عموما والله ..نسال اولا عن الصندوق الماسى ...ثم وبشوق العجائز عن المتمردين والذين انفصلوا عنا اما ان الاوان للعوده للديار ...؟ تحياتى للجميع