اقتباس:
المشاركة الأصلية كتبت بواسطة نبراس السيد الدمرداش
لما تكون جزء من تفاصيل الحكي بيغلبك تشارك فيهو
بتكون عاوز تشوف و تسمع و تقرا الفات عليك وما انتبهت ليهو
عشان كدا يا حافظ اكتب تجدني من المتابعين بصمت و ادب
اتمنى انو ما يتفتل البوست لانو جميل جد
اعرف بعض تفاصيلو و اثق في قدره حافظ على الحكي
ومطارات ما معانا يا سلفي 
|
مطارات الوداع ضجت قدامك وراك يا الطفلة الكبيرة .... علي فكرة أنا حأفت كل الألقاب المشتركة بين و هذا الصوفي ( إن كان أنا الصوفية ديل ما بحبهم) ....
تذكري أخر مرة كلمناك فيها يا نيبو .... وقت ساهرنا بيك الليله قصبة .... يا فردة الليله طابور باطنية و الضحية الطفلة الكبيرة ... لكن الله أداكي اليوم داك طلعك أذان الصبح و كملان رصيدنا .... البت دي في رأس كل ساعة كنا بنضرب ليها .... بدينا من حداشر ... و أنتهينا الصلاة خير من النوم شوفت العكلتة دي كانت كيف؟
الصباح قام اتصل عليك تتذكري؟
مارديتي كالعادة.... و كالعاد المعتادة قلع لي عيوني قال ( يا حافظ نيبو دي تكون زعلت؟)
قلت ليه يا الجيلي ما بتكون زعلت لكن قطع شك أمبارح ما نامت من تلفوناتك خليها تنوم يا خي.... ضحكنا و عدنا الي قهوتنا سالمين
