مريم عاوزة تتجوز!!!
ازيكم ياجماعه عاملين ايه
مش هبخر التوبيك ولا حاجه انا بس هرش جردل ميه عشان الطرواه
اكيييييييييييييييييييييييييييييييييييييييييد
الكل داخل يقول لما ندخل نفرح فى البت مريم بعد ياعينى مااتجننت ومنزله اعلان ليها على المنتدى
وقال ايه عايزه تتجوز
انا عارفه الحقد اللى من النوع ده
ياناس ياشر كفايه قر
هتقولوا والله صعبه علينا ديه كانت زينه شباب المنتدى
ايوه ايوه عارفه انى واد جامد قديمه ياخفيف انت وهى
انا ياناس هحكى لكم وانتوا احكموا
كل ماانا ماشيه يااخويا انت وهى فى المنتديات اتكعبل وادحرج فى موضوع عن الجواز والعنوسة واللى لسة متجوزتش واللى متخطبتش والأدعية واللى نفسها تتجوز والكلام ده
واللى تدخل تقول انتى لسه ماتجوزتيش ياموكوسه طيب تعالى ورايا على التوبيك
ده وهتلاقى فيه الحل السريع لايجاد ابو سريع
خدى الدعاء ده وقوليه الصبح وبالليل وبين الوجبات ولازم تكونى واخده شاورعشان يجيب المفيد و تعبك مايطلعش على واحد من بتوع الصعيد واللى ... واللى ....
واالمصيبه بقى انى ساكته وكاتمه فى قلبى بس اللى قاهرنى ان
كل ما حد يشوفنى ايه يامريوم مفيش جديد؟؟
ارد والله ابدا لسه النصيب ماجاش
طيب ياحبيبتى ربنا يبعت
اها والنبى دعواتك معانا
امشى شويه اقابل واحده تانيه قبل ماتتحقق منى اذا كنت انا المدعى عليها مريم ولا لا
عنيها ترشق فى صوابعى
ايه يابت يامريم انتى لسه ماتجوزتيش ارد واقول لسه ابن الناس ال........... "الرقابه حذفت"
ماجاش الغايب حجته معاه بقى
ايه ده كله ايه ده كله
ماهو الراجل جاى جاى يارجاله هو هيروح فين يعنى ربنا يبعتوا بالسلامة
بس بيجهز نفسه ويستعد للهم اللى هيشيله
ويصبروا على اللى هيشفوا بعد كده
دا هيشوف ايام سودا بعيد عنكم اى والله اسالنونى انا
والواحد يشوف الكلام ده يحس ان العمر بيضيع منه مع اننا لسه صغيرين فى عز شبابنا
ده احنا لسه مخلصين دراسه يعنى لسه طازه
وعشان كده بقى قررت انى اعمل اعلان وانزله فى انا مصرى
ماهوانا مش لاقيه غير شبابنا اللى هنا تدبيس تدبيس من الاخر
شششششششششششش بقى عايزه
اركز وانا بقولكم مواصفاتى عشان نكون على نور من اولها
هى
اللى هى انا يعنى
" بيضاء اللون – ممشوقه القوام – عريضه المنكبين- دلوعه – قويه الشكيمه – مش عارفه فى حاجه اسمها المجانس والترابس والمحابس
المهم موجوده يعنى ماتقلقوش
- قلب حنون- عطوفه – متواضعه –سخيه "مش سخيفه ياخفيف انت وهى
"اقدس الحياه الزوجيه –
لدى وظيفه محترمه
– امتلك شقه فارهه
– اشارك فى الاعمال المنزليه –
الباقيه تاتى مش هقول على كل الامكانيات كده مره واحده ........"
V
V
V
V
v
هو مواصفاته
"اهو راجل والسلام "
واحده من البنات هتطلعلى تقولى
يالهويز يامريم اعلان كده فى العام يابت اتكسفى
معلش بقى يابنات انامش هتكسف اها ياجماعه اصلى هموت من الغيظ
البنات بقت تعمل دعايه على نفسها فى كل حته فيك ياكوكب ايه الحقاره ديه كل ماافتح التليفزيون الاقى الهم ده
التتر طويل عريض البت منزله لسته مواصفات عن نفسها اللى مدلعه واللى مولعه واللى رومانسيه واللى هيفا واللى خايفه واللى تافهه واللى .. واللى
ومش احنا وبس انتوا عارفينى مش بحب الانحياز لا للجنس الناعم ولا الخشن
وعشان كده لازم اوبخ الشباب اصلى بموت فى الشتيمه اللى برضوا مايقلوش عننا فى الموضوع ده
بس على الاقل احنا ولينا عذرنا انما هما بقى بشوف منهم حاجات يالهويز ببقى عايزه الطم
اللى يقول وسيم طويل. عريض. شعر السدر حسين. بدى بيلدنج
لا اعمل وليس لدى شقه ولكنى حنون امور زى العصفور "على اساس انى هتجوز فرفور"
وعايز واحده تمتلك شقه وعربيه ووظيفه كمان ليا اها اومال ايه
والله وبقيتى تكتبى شعر يامريم
ايه اللى حصل ياناس مابقاش فى دم ولا احساس البنت تعلن عن نفسها بالطريقه ديه
وليه ده كله ماهو جاى جاى
والواد مابقاش فى نخوه ولا رجوله عامل اعلان طويل عريض بتدور فيه على واحده تصرف عليك
والمصيبه ان معظمهم مش شغالين عاطلين وعايزين واحده تصرف عليهم
انا بجد معترضه اشد الاعتراض على اللى بيحصل ده
لو حد موافق عليه لاسباب معينه وحياه باباه ومامته يجى يوعينى ويفهمنى
انا مهما كنت معايا شهاده معامله اطفال
عرفتوا بقى انا ليه عايزه اتجوز
دلوقتى عايزه بقى اتناقش معاكم فى الموضوع ده
تحياااااااااااااااااااااااااتى
مريم
