مخاوف من اصطدام قمر صناعي بالسودان .. !!

[احمد زين]

لمتابعة تفاصيل خط سير هذا القمر اللعين اضغط على الرابط ادناه
http://n2yo.com/?s=21701

[مبر محمود]

سلام يا كانديك..
طالعت اليوم بصحيفة السوداني حواراً مع الراصد الفضائي د.النور محمّد عثمان. جاء في فقرات منه إن الخطر القادم لا يقتصر على السودان فقط، فالمساحة الجغرافيه المرصودة التي يتوقّع الخبراء سقوط القمر الفالت فيها هي مساحة شاسعة جداً، تشمل حتى أمريكا وأروبا. وقال أيضاً- فيما معناه- إن المساحة التي يمكن للقمر أن يدمرها ويؤثر فيها في حال وقوعه تقدّر ما بين 400 الى 500كم، وهي مساحة لو تخيلناها يمكن أن تكون من الخرطوم لدنقلا أو سنار! وأضاف د.النور إنه يتمنى أن يسقط القمر الصناعي في بحر أو نهر، وذلك حتى تكون الأضرار أخف.

[مبر محمود]

المشاركة الأصلية كتبت بواسطة الزوول

...
دي ما فهمتها

تحيّاتي يا الزوول.
في ذات الحوار سألت "السوداني" د.النور محمّد عثمان السؤال التالي:
- ولماذا الإهتمام بما سيتبقى من القمر بعد سقوطه؟
- لأن بقايا القمر نفسه مصنوعة من الذهب، كما إنها يمكن أن تعطي معلومات قيّمه ونادرة من خلال المواد العالقة الموجودة في الفضاء، وماهو تكوينها وهل هي غريبة على الأرض، وما إذا كانت فيها بقايا كائنات حيّه صغيرة، وهل يمكن أن تصنع منها أدويه وتركيبات كيميائيه لاستخدامها في شفاء أمراض مستعصية.

[آخـر المواني]

المشاركة الأصلية كتبت بواسطة مبر محمود

- ولماذا الإهتمام بما سيتبقى من القمر بعد سقوطه؟
- لأن بقايا القمر نفسه مصنوعة من الذهب،

أمك

لكن المشكلة تبقي 400 كلم دي من كافوري يعني ممكن عادي تغتس حجر سنارنا

خلاس ان شاء الله يقع قدام شوية من كافوري بحيث تكون داخل الـ 400 دي ونبقي نحنا نجي نستفيد من باقي الدهب دا





كانديك معليش ياخ

[ابرا]

المشاركة الأصلية كتبت بواسطة آخـر المواني

أمك

لكن المشكلة تبقي 400 كلم دي من كافوري يعني ممكن عادي تغتس حجر سنارنا

خلاس ان شاء الله يقع قدام شوية من كافوري بحيث تكون داخل الـ 400 دي ونبقي نحنا نجي نستفيد من باقي الدهب دا

[


كانديك معليش ياخ

اسع سنارك دي طعمه شنو ؟؟ ما كلوا قرع في قرع

[الأغبش]

المشاركة الأصلية كتبت بواسطة طارق صديق كانديك

مساء الخير يا دكتور

المعنى الذي تبادر الى ذهني هو أن اجزاء هذا القمر التي تقع على بلدٍ ما سيتم ارجاعها الى الدولة المالكة ومن ثم تحصل على التعويض للخسائر ان وقعت .. !!

ولكن نسأل الله ألا يحدث ما يستدعي التعويض أصلا .. !!

أجمل تعليق علي الحتة دي قريتو أمس في منتدي سيد البلد ..
واحد قال طالما الحكاية فيها تعويض جماعتنا ديل ما بكون عندهم مانع إنو يقع في القصر الجمهوري ذاتو ...

هههههههههههههههههههههههههههههههههههههههههههههههه

[الأغبش]

واحد هلالابي قال إن شاء الله يقع في إستاد المريخ .. لكن يكون فاضي يفرطقو حته حته

[بدر الطائف]

شوف كم الف قمر صناعى لافين فى الفضاء الخارجى.
يعنى نحن نقعد كل سنة لى جنس الكلام ده.
البتاع ده طالما مصنوع من الذهب الخالص ماعندنا مانع يقع فى القصر الجمهورى وان شاء الله فى راس البشير وزمرته.
منها نخلص منهم ومنها ندعم الاقتصاد الوطنى.

[بابكر مخير]

طروقي
قالوا:
حين أراد الله إزالة قرية من الوجود
أمر جبريل بذلك، إلا أن جبريل قال:
هناك شيخ يقيم الليل ويحسن الي الناس ويعمل بالمعروف وينهى عن المنكر..
أمره الله عز وجل، أن يبدأ به (ولحكمة يعلمها الله الواحد الأحد ولا غيره)....

حسي وبما أنه حاكمنا و"زبنايته" يدعون أنهم كذآك الشيخ
وبما أننا أصبحنا كتلك القرية التي وقع عليها غضب الله (غايتهو ما كلنا)..
فما هذا الذي يقصدنا من السماء، إلا إعادة للتأريخ (قطعاً لحكمة يعلمها الله الواحد الأحد ولا غيره)

[أسعد]

يا مولانا نام قرير العين
هو انت قايل نحن عندنا حظ لحدي ما يخلي (قمر) يقع فوقنا؟!
أنت قايل القمر بقع من طرف سااااااااااي لمن يقع في السودان؟!
ياخ الاقمار الصناعية دي مفتحة وبتتخير اماكن سقوطها
نصيبنا من النحس يضاهي نصيبنا من الحظ
وزي ما نحن غير محظوظين لدرجة ان ننعم بحياة زي باقي العالم
كذلك نحن غير منحوسين لدرجة أن ننعم بكوارث زي باقي العالم
ياخ السودان دا من سنة غااااااااااغ ربنا ما حصل ابتلاهو بكارثة طبيعية
نحن السودانيين كتب علينا ان نعيش حياتنا فقط للنفس الطالع ومارق (نو مور نو ليس)
حرماننا من معايشة الرخاء يساوي حرماننا مكابدة الكوارث
والحياة دي يا نعمة تعيشها أو كارثة تكابدها
غير كدة تسمى (حياة الموت)
ولولا ان انعم الله علينا بكارثة الانقاذ لكان حياتنا إلى الموت اقرب

[سارة]

المشاركة الأصلية كتبت بواسطة وجدي الأسعد الأسعد

يا مولانا نام قرير العين
هو انت قايل نحن عندنا حظ لحدي ما يخلي (قمر) يقع فوقنا؟!
أنت قايل القمر بقع من طرف سااااااااااي لمن يقع في السودان؟!
ياخ الاقمار الصناعية دي مفتحة وبتتخير اماكن سقوطها
نصيبنا من النحس يضاهي نصيبنا من الحظ
وزي ما نحن غير محظوظين لدرجة ان ننعم بحياة زي باقي العالم
كذلك نحن غير منحوسين لدرجة أن ننعم بكوارث زي باقي العالم
ياخ السودان دا من سنة غااااااااااغ ربنا ما حصل ابتلاهو بكارثة طبيعية
نحن السودانيين كتب علينا ان نعيش حياتنا فقط للنفس الطالع ومارق (نو مور نو ليس)
حرماننا من معايشة الرخاء يساوي حرماننا مكابدة الكوارث
والحياة دي يا نعمة تعيشها أو كارثة تكابدها
غير كدة تسمى (حياة الموت)
ولولا ان انعم الله علينا بكارثة الانقاذ لكان حياتنا إلى الموت اقرب

عليا بالليمان دى مداخلة تستحق موسوعة جينس للمداخلات الشحمانة

ياخ مبدئيا كدا ديشك:


وعلى قول دكتور طيبان اليقع كان واقع
هى جات على القمرcool:

[قيقراوي]

المشاركة الأصلية كتبت بواسطة مبر محمود

سلام يا كانديك..
طالعت اليوم بصحيفة السوداني حواراً مع الراصد الفضائي د.النور محمّد عثمان. جاء في فقرات منه إن الخطر القادم لا يقتصر على السودان فقط، فالمساحة الجغرافيه المرصودة التي يتوقّع الخبراء سقوط القمر الفالت فيها هي مساحة شاسعة جداً، تشمل حتى أمريكا وأروبا. وقال أيضاً- فيما معناه- إن المساحة التي يمكن للقمر أن يدمرها ويؤثر فيها في حال وقوعه تقدّر ما بين 400 الى 500كم، وهي مساحة لو تخيلناها يمكن أن تكون من الخرطوم لدنقلا أو سنار! وأضاف د.النور إنه يتمنى أن يسقط القمر الصناعي في بحر أو نهر، وذلك حتى تكون الأضرار أخف.

مساحة 400 الى 500 كلم لا تعادل حي من الخرطوم يا مبر ياخي!؟
لو كان مسافة كان معليش نقول بتجيب لي كوستي ذاتو! و جنوبها كمان ..

لكن المساحة تقاس بكلم مربع يعني عادي ممكن تكون 20 كلم × 20 كلم ..

المافي شنو هو!؟


كل سنة و انت طيب ياخ
و زول سنار يطمن خالص .. لو ضربت القصر و ل! كافوري كورك لناس كوستي يجي يخموا الدهب ساااي!!

[قيقراوي]

المشاركة الأصلية كتبت بواسطة طارق صديق كانديك

سوداني نت - وكالات: أكدت وكالة الفضاء الأميركية "ناسا" أن القمر الصناعي الأميركي UARS سيندفع بسرعة ثمانية كلم في الثانية الواحدة، ومن الممكن أن يصطدم بمنطقة يقع السودان ضمنها بين خطي 57 درجة شمال خط الاستواء و57 درجة جنوبه.
وتعد المنطقة المرجحة لسقوط النيزك في أواخر الشهر الجاري الأكثر ازدحاماً بالسكان في العالم.
وقال الراصد الفضائي بمركز البحوث السوداني، د. أنور محمد عثمان لبرنامج المحطة الوسطى بالشروق، إنه لا يمكن تحديد المنطقة التي سيقع فيها القمر الأميركي الذي انتهت صلاحيته منذ عام 2005، إلا قبل ساعتين أو ثلاث ساعات، ما يعني صعوبة التقليل من مخاطره.
وأكد أن عدداً كبيراً من أجزاء القمر سينفجر داخل الغلاف الهوائي، لكن يتوقع سقوط 26 قطعة منه مصحوبة بألسنة نارية ما ينذر بخطر الحريق الذي يهدد الملايين، خاصة وأنه يقع على مساحة تتراوح بين 400 إلى 500 كلم وسيخلف حفرة عميقة.
وقال عثمان إنه إذا تسبب سقوط القمر في أي خسائر، فإن على الدولة التي تمتلكه دفع تعويضات كبيرة للدولة المتضررة التي لن تحصل على أي جزء من أجزائه المتناثرة.
وأفاد الراصد الفضائي أن أقماراً صناعية كثيرة سقطت في السابق لكنها لم تصادف مناطق مأهولة بالسكان لذلك لم تخلف أي أضرار لأنه دائماً ما تسقط في المحيطات وفي مناطق خلوية، وحذر الناس من لمس أحد أجزائه حال سقوطه في منطقة مأهولة بالسكان لأنها قابلة للانفجار.
وحذرت "ناسا" من اتجاه قمر صناعي يزن ستة أطنان تقريباً إلى كوكب الأرض بعد أن خرج من مداره. ونبهت ناسا أن احتمالية أن يصطدم القمر ببشر على سطح الأرض أعلى من المعتاد.
وأذاع راديو هيئة الإذاعة البريطانية "بي بي سي" عن ناسا قولها إنه من المتوقع أن يصطدم القمر الصناعي الذي يعود تاريخ إطلاقه بواسطة المكوك ديسكفري إلى 20 عاماً بمنطقة ما على سطح الأرض في الرابع والعشرين من سبتمبر الجاري أو ما يقارب من ذلك.


http://sudaninet.net/details.php?articleid=3578

يا ريس هو قمر صناعي و لّ نيزك!؟
ارسو بينا على بر ياخ نشوف الكاتلنا شنو!؟





---------

ما لقيت غير سوداني نت دا كمصدر!؟ ..
شرفتهم شرف ما يحلموا بيهو كلو كلو!!

[قيقراوي]

و الله قلت كدي نمش بهناك .. لفحت ليكم دي غايتو ..




كدي كدي .. دهب سااااي!!

سوداني نت:
رجّح باحث فضاء عربي يُدعى تُركي الوايلي بأن مِنطقة سقوط القمر الصّناعي الأمريكي الذي تضاربت الأنباء حول مكان سُقوطه، قد تكون حسب قياسات عِلم الفلك هي المناطق مثل فرنسا وبريطانيا ووصولا الى المحيط الاطلسي الشمالي ووسط المحيط الاطلسي هذه الإحداثيات الشمالية 57 شمالاً بالنسبه للاحداثيات 57 جنوباً هي التي تقع من وسط المحيط الاطلسي وصولا حتى جنوب القارة الامريكية الجنوبية.

و دي حتة ضرورية و بتأكد انك فهمتها مظبوط رغم الصياغة العجيبة من المصدر :

ولا يسمح للأشخاص بحيازة قطع القمر الاصطناعي التي يمكن ان تسقط على الارض أو بيعها في مواقع البيع الالكترونية لأنها تظل ملكية خاصة للحكومة الامريكية.

و رصد موقع "سوداني نت" عبر خدمة "قوقل إيرث" مرور القمر الصناعي قُبالة السّواحل الشّرقية للسُّودان مروراً فوق الأراضي الإثيوبيّة و ذلك في تمام السّاعة السّابعة مساءاً بتوقيت السودان لليوم الأربعاء المُوافق 21 سبتمبر 2011م حسب ما هو مُوضّح في الصورة أدناه:

http://sudaninet.net/details.php?articleid=3627

!!؟؟

اها عدى بسلام؟

كنت متأكد انو ما بجينا ..
ما ممكن ياخ .. كيزان .. و سخانة .. عدم احمة و الطماطم غالية ..
و بعد دا القمر الرايح في السما دا يجي فوق راسنا!؟
اصلو شنو هو!؟

[أبو دعد]

الحكومة ساكتة و لم تنبث بنت شفاه ...بعدين حا يجوا يقولوا القمر فاجاءهم كما يفاجئهم الخريف كل عام


احتمال الامريكان فاكين اشاعة عشان يضربونا بصاروخ صاروخين اصلنا جلدا مجرب على جر الشوك

حتى الآن ما عارفسين مصنع الشفا ضربوا بشنو و لا عارفين عربة بورسودان الضربا منو